Connect with Us

Plas në PS/ Socialistët e Shkodrës debate me Gjiknurin: Doni të na hidhni hi syve

Politikë

Plas në PS/ Socialistët e Shkodrës debate me Gjiknurin: Doni të na hidhni hi syve

Publikuar

-

cna news, cna lajme, lajme cna, lajme flash cna, cna.al, cna lajme politike,

Sekretari i ri i përgjithshëm i PS-së, Damian Gjiknuri mbremjen e djeshme ka qënë i pranishëm në një takim me strukturat e kësaj force politike në Shkodër. Por, mësohet se mbledhja në Shkodër është shoqëruar me debate të forta.

Sipas BW,  debatet kanë pasur në focus punësimet dhe emërimin e drejtorëve, përgatitja për zgjedhjeve vendore të 2023-shit si dhe hapësira që i është lënë në punësime e emërime drejtorësh Aleatit të PS në Shkodër, që është kreu i PSD Tom Doshi, i cili mori dy deputetë në këtë qark në zgjedhjet parlamentare.

Blediana Nika, anëtare e PS dhe ish-drejtoreshë e Zyrës Vendore Arsimore Shkodër, e cila u shkarkua pak kohë më parë ka qenë tejet aktive duke debatuar me Gjiknurin dhe Klosin. Këta të fundit u shprehën se nuk do ketë më emërime pa kontribut në PS, por Nika i tha në replikë se drejtorët PS i ka marrë nga rruga dhe se mbi 50% e punësimeve në Shkodër i ka aleatit duke nënkuptuar PSD-në e Tom Doshit.

Po ashtu Gjiknuri i kërkoi kryetarëve të bashkive të PS që pas dhjetorit të bëhen gati për zgjedhjet vendore, por Gjon Gjonaj, kryebashkiaku i Pukës dhe Fran Tuci kryebashkiaku i Fushë Arrësit, u shprehën se nuk kanë se si të përgatisin terrenin për zgjedhjet vendore kur punësimet i merr aleati duke nënkuptuar sërish Doshin dhe PSD. Po ashtu edhe deputeti i PS Paulin Sterkaj ishte thuajse në të njëjtën linjë duke i thënë Gjinkurit se ‘je djalë simpatik dhe të kam mbështetur gjithmonë, por punësimet i ka më shumë aleati’.

Në debatet e zhvilluara Blendi Klosi i doli në mbrojtje Tom Doshit duke thënë se partia e tij PSD ka marrë dy deputetë dhe se ajo forcë politike është në mbështetje të PS ndaj votat e aleatit duhet të ruhen gjë e cila hasi në kundërshtinë e fortë të Blediana Nikës, por edhe dy kryebashkiakëve dhe deputetit Sterkaj i cili tha se nuk pyetet për punësime apo emërime drejtorësh. Ja debatet dhe diskutimet e plota në mbledhjen e zhvilluar:

Debatet në mbledhje: 

Damian Gjiknuri (sekretar i përgjithshëm i PS): Nuk ka më drejtorë pa kontribut që do emërohen.

Blediana Nika (anëtare e PS): Pa kontribut janë.

Damian Gjiknuri (sekretar i përgjithshëm i PS): Më lër ta mbaroj të lutem.

Nika: Jo nuk të lë të mbarosh se këtu kanë ardhur njerëz nga dritarja dhe duan të na nxjerrin ne që kemi kontribut nga dera. Aleati i PS në Shkodër ka marrë punësime e drejtorë e gjithçka.

Blendi Klosi (sekretar organizativ i PS): Aleatin është e vërtetë që e kemi. Partia aleate ka marrë votat përkatëse, ka dy deputetë dhe ato vota duhet që t’i ruajmë edhe aleatit duke qenë se është me ne.

Blediana Nika (anëtare e PS): Ata nuk janë votat e tij por janë votat tona të PS. I keni dhënë vende pune, drejtorë e të tjera dhe tani merr edhe dy deputetë. Mbi 50% të punësimeve i ka aleati. Unë jam në Velipojë njësi fituese ndryshe nga shumë tjerë që kanë humbur dhe më kanë hequr nga puna si drejtoreshë e ZVA Shkodër. Ju doni të na hidhni hi syve.

Damian Gjiknuri (sekretar i përgjithshëm i PS): Kryeministri Rama do të dijë që këto vota të PS Shkodër që janë mbledh, kush i ka mbledh, kush ka kontribuar. Nuk ka më punësime pa kontribut në PS. Edona është pa eksperiencë, por ka mësuar këto 6 muaj shumë dhe patjetër që do ketë ndihmën tonë se kjo punë nuk bëhet vetëm por nëse jemi të mbledhur bashkë të gjithë, të bashkuar.

Paulin Sterkaj (deputet i PS): Ja keni dhënë vendet e punës Aleatit.

Damian Gjiknuri (sekretar i përgjithshëm i PS): Kryetarët e bashkive duhet që të bëjnë gati terrenin se do futeni në zgjedhje lokale.

LEXO EDHE:  VIDEO/ Koço Kokëdhima nuk njeh statutin e PS-së

Gjon Gjonaj (kryetar i bashkisë Pukë: 5 vende punë në Pukë që janë me ato një mijë vota që ka Aleati merr 3 prej tyre, nga dy që mbesin një e punësoj unë dhe një ju. Kështu nuk bën.
Blendi Klosi (sekretar organizativ i PS): Më 26 prill pas zgjedhjeve Parlamentare ka nisur një kapitull i ri. Në 2009 në Shkodër kemi fituar 9 komuna ne dhe 9 PD, pra ka qenë një rezultat i mirë. Duhet që të fitojmë bashkitë në zgjedhjet vendore që vijnë, kjo është kërkesë edhe e Kryeministrit.

Gjon Gjonaj (kryetar i bashkisë Pukë): Ne nuk kemi terren për të punuar për zgjedhjet vendore kështu si thoni ju sepse vendet e punës ia jepni Aleatit dhe ai merr vende pune më tepër se unë që jam kryetar bashkie.

Fran Tuci (kryetar i bashkisë Fushë Arrës): Në Fushë Arrës mua më kanë sabotuar deputetët e PS të Shkodrës. Janë munduar deputetët e PS që Fushë Arrësi të dalë keq në zgjedhjet e 25 prillit. Si ti marrim votat ne në zgjedhjet vendore që do jenë me këtë situatë. Ma kanë bërë këtë punë duke më sabotuar për të thënë qytetarët në Fushë Arrës që Frani nuk merr vota më dhe nuk del më kryetar bashkie. Fushë Arrësi nuk ka drejtora por ka ndonjë inspektor apo ndonjë shef, edhe këto inspektora e shefa i punëson Puka, mua nuk më mbetet asgjë dhe tani kërkoni që të bëhemi gati për zgjedhjet e ardhshme.

Paulin Sterkaj (deputet i PS): Ti e di Damian që jam mbështetës i joti dhe kam qenë edhe më pëpara se je djalë simpatik. Para zgjedhjeve na pyet kryeministri Rama ne dhe para zgjedhjeve na do shumë fort dhe na pyet por pa zgjedhjeve merret me ju. Duhet të dini se PS ka djem e vajza shumë të mirë dhe me integritet të lartë që nuk po i vjen radha kurrë se nuk po i lini dhe se vendet e punës i merr Aleati.

Damian Gjiknuri (sekretar i përgjithshëm i PS): Do rishikohen gjithë drejtorët dhe nga sot e mbrapa ata që do emërohen do jenë se s’bën me kontribut në PS.

Blediana Nika (anëtare e PS): Gjithë drejtorët në Shkodër i keni marrë të gjjthë prej rruge, nuk kanë punë me PS.

Paulin Sterkaj (deputet i PS): Vendosën drejtorat dhe nuk më pyet kush mua si deputet, po një jashtë fare që është socialist kush e pyet.

Damian Gjiknuri (sekretar i përgjithshëm i PS): Unë i dua në letër të shkruar drejtorët se kush është i joni, pra i PS dhe kush janë të aleatit. Anëtarët e partisë dhe kryetarët e organizatave do jenë në sistemin e digjitalizimit të partisë që po bëjmë. Ky process duhet që të mbarojë deri në dhjetor po ashtu deri në dhjetor duhet të mbarojnë edhe vendosja e kryetarëve të PS në njësi dhe bashkinë Shkodër. Pas dhjetorit duhet të bëhemi gati për zgjedhjet lokale.

Edona Bilali (deputete e PS, drejtuese politike e PS qarku Shkodër): Ai kryetar organizate i PS që humb në zgjedhje në zonën e tij nuk të jetë më, duhet të vendoset dikush tjetër nga brenda organizatës.

Damian Gjiknuri (sekretar i përgjithshëm i PS): Mos u mundoni për shifrat se ato i ka kryeministri Rama në zyrë. Kush ka një pozicion pune do rishikohen votat dhe kontributi i tij, nuk ka më emërime pa kontribut.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Ahmetaj inauguron shkollën e rindërtuar/ Mesazhi për prindërit dhe mësuesit

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Zv.kryeministri Arben Ahmetaj ka qënë i pranishëm sort në Pezë Helmes, për inaugurimin e shkollës 9-vjeçare “Mervete Peza”, e rindërtuar pas dëmtimit që pësoi ngha tërmeti i 26 nëntorit 2019.

Gjatë fjalës së tij, Ahmetaj ndër të tjera falenderoi qeverinë sllovake për ndihmën në rindërtimin e shkollës.

Po ashtu ai tha se shqetësimi i drejtë i prindërve, nëse fëmijët e tyre do të kenë shkollë, mori vëmendjen e duhur dhe sot fëmijët e tyrë janë një një shkollë të re, më të bukur dhe më fortë.

Por, veç prindërve, Ahmetaj i ka drejtuar mesazh edhe mësuesve, ndërsa kërkoi që krahas shkollës së re, të vijë edhe rritja në cilësinë e mësimdhënies.



“Nuk i kemi lënë mbrapa. Dua të theksoj një element të rëndsishëm, ka 283 fëmijë që përfitojnë libra falas.

LEXO EDHE:  Shkarkimi i Çesk Milljes në kohën e pandemisë/ Emërohet prefekti në qarkun e Shkodrës

LEXO EDHE:  Maqedonia në NATO/ Tsipras akuza të forta opozitës greke

Kjo maxhorancë, ky kryeministër, kjo qeveri kur thotë një gjë e mban fjalën, e thamë që do të kemi librat falas  dhe sot ky është një realitet.

Kodimi është një program që i bën fëmijët të zotë në përdorimin dhe në zhvillimin e teknologjisë dhe informacionit, që nesër të transmetojë në këtë ekonomi të fortë. Këto janë vepra dhe paketa të prekshme për familjet shqiptare dhe fëmijët shqiptarë. E gjitha kjo është një paket që ne e quajmë paketa e arsimit, që ne e quajmë paketa e familjes”, është shprehur Ahmetaj./ CNA.al

LEXO TE PLOTE

Politikë

Pas më shumë se një viti/ Gazetarët rikthehen në parlament

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Konferenca e kryetarëve ka vendosur sot që të rikthejë gazetarët në parlament.

Kështu, duke filluar nga seanca e së enjtes që vjen, gazetarët do vendosen në lozhat e sallës së seancës plenare.



Kujtojmë këtu se ka kaluar më shumë se një vit qëkur gazetarët u detyruan të qëndrojnë jashtë sallës së seancave për shkak të pandemisë COVID-19.

LEXO EDHE:  Shokon Artan Hoxha/ Tregon vrasjen që prishi ekuilibrat midis bandave në Shkodër

LEXO EDHE:  Nga Tahiri e Xhafaj, tek “xhuxhi" apo "pashai”/ Si në Rilindje po hanë kokat e njëri-tjetrit  

Parlamenti transmetohej me regji qendrore dhe gazetarët kishin mundësi për të ndjekur deputetët vetëm jashtë sallës. Më herët u vendos që gazetarët e vaksinuar ose me test PCR kundër COVID-19 mund të ndjekin komisionet parlamentare në Kryesinë e Kuvendit./CNA.al

LEXO TE PLOTE

Politikë

Shkarkimi i Flamur Nokës/ Strazimiri: Nuk fitohet me “stilograf” një betejë e humbur me moral politik

Publikuar

-

Nga

cna lajme politike

Kryetari i PD Lulzim Basha i ka komunikuar shkarkimin nga funksioni i Nënkryetarit të Komisionit të Sigurisë Flamur Nokës, si dhe e ka paralajmëruar për përjashtimin e tij nga Grupi Parlamentar.

Në lidhje me vendimin personal të Bashës, ka patur shumë reagime, një prej tyre është edhe anëtari i Kryesisë së Partisë Demokratike, Gent Strazimiri .

Përmes një postimi në rrjetet sociale, Strazimiri shkruan se ky është një alarm i kuq për demokracinë.

LEXO EDHE:  Shokon Artan Hoxha/ Tregon vrasjen që prishi ekuilibrat midis bandave në Shkodër

LEXO EDHE:  Nga Tahiri e Xhafaj, tek “xhuxhi" apo "pashai”/ Si në Rilindje po hanë kokat e njëri-tjetrit  



Ky turp është ALARM I KUQ për shoqërinë, për demokracinë, për mendimin e lirë, për votën e lirë, për partinë dhe popullin e LIRISË!

Një betejë që e ke humbur me moral politik e njerëzor, me argumente politikë e me debat statutor, nuk e fiton dot “me stilograf”… Sot më shumë se kurrë: #qëndro_në_këmbë_demokrat #asnjë_hap_pas” shkruan ai./ CNA.al

LEXO TE PLOTE