Connect with Us

Nga Kreshnik Spahiu/ Cilën parti do votojnë të dielën, 150.000 shqiptarë në Gjermani?

Aktualitet

Nga Kreshnik Spahiu/ Cilën parti do votojnë të dielën, 150.000 shqiptarë në Gjermani?

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Të dielën, Gjermania mbyll kapitullin dhe ciklin e fenomenit Merkel, duke votuar për hapjen e një etape të re.

Pensionimi i Zonjës Merkel nga çdo funksion politik, ka krijuar një garë të barabartë dhe ka hapur të gjitha alternativat zgjedhëse dhe vizionin për një Gjermani ndryshe. Pas 18-muajsh krize pandemike, nga e cila afro 30% e bizneseve të vogla rrezikuan falimentimin, 12% e koorporatave u futën në procedura mbylljeje apo kolapsi financiar dhe 7% e ndërmarrjeve të ndërtimit u pezulluan në aktivitet.

Nga sondazhet e javës, koalicioni CDU/CSU, dukshëm nuk mund të jetë lokomotiva e një qeverisjeje të re, madje rrezikon që mos të jetë fare pjesë e qeverisjes.

Kandidati Laschet, ka mungesa të theksuara karrizme dhe mbetet një hije e lideres Merkel.

Të dielën, së paku 150.000 shqiptarë (shifër jo zyrtare) nga Shqipëria, Kosova, Maqedonia, Mali i Zi, Presheva me pasaportë gjermane, kanë të drejtën të bëjnë zgjedhjen e tyre për 6 partitë kryesore gjermane.

Ndonëse, 1 në 4 shtetas gjermanë ka një origjinë të huaj, në pushtetin legjislativ, ata nuk përfaqësohen as me 8%.

Kryesisht partitë politike gjermane nuk i kanë dyert e hapura të përfaqësimit për të huajt, jo ekuivalente me dieversitetin multinacional dhe multikulturor të një Gjermanie, e cila është shndërruar në një metropol mini “America” të dekadave të fundit në Europë…

Shqiptarët, pavarsisht se janë një nga kombet më të mëdha në numër, (minimalisht 600.000 nga Kosova, Shqipëria, Maqedonia) nuk përfaqësohen aktualisht aspak në organet e zgjedhura.

Edhe në këto zgjedhje, shqiptarët nuk janē tërsisht unik në votën e tyre, por ndryshe nga zgjedhjet e tjera, ka një prirje ndryshe.

Dhjetëra intelektulë dhe biznesmenë në Hamburg po mbështesin në një fushatë aktive, Partinë Social-Demokrate dhe kandidatin Metin Hakverd.

Dafina Berisha dhe Kastriot Krasniqi kandidojnë në listat e SPD në dy qytete të ndryshme.

Disa shqiptarë të tjerë në Kiel, me origjinë nga Gjakova janë rreshtuar pro CDU. Ndue Oroshi përfshihet në listat e demokristianëve dhe është një aktivist i njohur në zonë.

Të Gjelbrit, edhe për shkak të gabimeve të kandidates së tyre Baerbock, kanë vetëm rreth 15 përqind të votave. Një rezultat i mirë ky për të Gjelbrit, por larg ëndrrave të së kaluarës.

Shqiptarja Lendita Musliu ka shance të jetë një kandidate pretendente për Bundestag.

Gjithësesi, me sa duket, shumica e shqiptarëve këtë radhë po tregohen pragmatistë dhe po orientohen në disa qarqe elektorale drejt votës për SPD për disa arsye:

LEXO EDHE:  Hapja e transportit publik/ Goxhaj “zbulon” planin e qeverisë për të “zhdukur” shqiptarët

– sepse kandidati Scholz ka më shumë shanse tē jetë kancelari i ri i Gjermanisë

– sepse SPD dhe deputetët e saj, ishin nxitësit dhe promotorët e votës pro Shqipërisë në BE.

– sepse kandidati Scholz është një kopje dhe vazhdimësi e politikave të Kancelares Merkel, si një homolog i saj prej vitesh në qeverisje

– sepse SPD dhe Scholz kanë programin më të hapur dhe më integrues për të huajt

– sepse SPD garanton një pagë minimalisht 12 euro/ora, pension stabël dhe ndërtimin e 400.000 banesave për nevojtarët.

– sepse, në SPD garojnë në lista dy shqiptarë, pavarsisht se mund mos kenë shanse për t’u zgjedhur deputetë.

Shqiptarët në Gjermani, në këto zgjedhje, për herë të parë po ndikojnë fortë me votën e tyre në rezultat.

Shqiptarët në Gjermani, me shumë zgjuarsi nuk kanë treguar preferencë për ideologjinë e djathtë apo të majtë, por po orientohen drejt fituesit.

Shqiptarët në Gjermani, të dielën do zgjedhin, por edhe do zgjidhen, duke qenë në lista.

Shqiptarët në Gjermani, këtë muaj i shihje kudo, në krah të disa protagonistëve në zgjedhje.

Gjermania voton të dielën dhe sipas të gjitha studimeve rezultatet mund të jenë dy:

– ose kolaicioni do jetë i njëjtë, por me rotacion brenda llojit, që nënkupton, SPD kalncelarin dhe CDU/CSU në bashkëqeverisje FDP

– ose tre parti të majta SPD-Të majtët-Të Gjelbërit në bashkëqeverisje

Të dielën voton Gjermania, por edhe një pjesë nga Shqipëria.

Sot Bundestagu ka 709 deputet dhe vetëm 59 prej tyre kanë pjesërisht origjinë të huaj por asnjëri shqiptar. Shumë pak në raport me numrin e migrantëve në tërësi. Kjo i shtyn migrantët në përgjithësi dhe shqiptarët në veçanti që të votojnë për atë parti e cila ka hapur më shumë deputet në lista të huaj dhe që ka një program barazie sociale, por dhe strategji integruese.

Zgjedhjet e së dielës janë ndryshe, sepse Gjermania dhe Europa nuk janë njësoj si 4-vite më parë. Prandaj, vota për Gjermaninë e 4-viteve të ardhshme, mund të ndryshojnë të ardhmen e një Europe tjetër, ku shqiptarët mos kapërcejnë murin e Berlinit, por muri Europian të ndërtohet përtej Ballkanit dhe pasaportat e BE-së të kenë flamurin me 32 yje./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Presidenti çek përfundon në spital në mes të trazirave politike

Publikuar

-

Nga

cna lajme bota

Presidenti i Republikës Çeke, Milos Zeman është dërguar në spital në mes të trazirave politike dhe fitores së papritur të opozitës në zgjedhjet parlamentare.

Drejtori i Spitalit Qendror Ushtarak të Pragës deklaroi se Zeman është në kujdes intensiv për komplikime nga një gjendje e njohur.

“Ne e dimë saktësisht diagnozën, e cila na lejon të synojmë trajtimin,” tha drejtori Miroslav Zavoral. Ndërkohë ai shtoi se sipas kërkesës së presidentit, nuk do të japë detaje të tjera.

Ndërkohë stafi i zyrës së Zemanit, ka njoftuar se ai po vuan nga lodhja dhe dehidratimi, pasi muajin e kaluar kaloi tetë ditë në spital.



Gjatë kohës që presidenti Zeman kaloi tetë ditë në spital, gazetarët i kërkuan zëdhënësit të presidentit, Jiri Ovcacek, një shpjegim zyrtar. Për dy ditë nuk pati përgjigje.

LEXO EDHE:  Arrin në 130 numri i të viktimave në Gjermani/ Steinmeier: Fati juaj na dhëmb në zemër

LEXO EDHE:  Godasin hakerat/ Zyrtarëve të lartë gjermane u vidhen të dhënat

Më në fund, heshtja u thye me fjalët “Më shtriva dhe fjeta, u zgjova, sepse Zoti më mbështeti. Nuk do të kem frikë nga dhjetëra mijëra njerëz, që janë vendosur kundër meje rreth e qark”.

Ndërkohë, javën e kaluar disa media, bënë të ditur se presidenti vuante nga asciti, një grumbullim i lëngjeve abdominale që zakonisht lidhet me cirrozën e mëlçisë.

Zeman, që është konsumues i duhanit, vuan nga diabeti dhe javët e fundit ka përdorur karrocë për të lëvizur./ CNA.al

LEXO TE PLOTE

Politikë

“Shqipëria e madhe”/ Deklaratat e Ramës ‘zemërojnë’ ministrin serb

Publikuar

-

Nga

cna lajme politike

Ministri i Punëve të Brendshme të Serbisë, Aleksandar Vulin ka reaguar, pas deklaratës së kryeministrit Edi Rama, për bashkimin e Shqipërisë me Kosovën.

Në një deklaratë për mediat serbe, Vulin ka thënë se vetëm “bota serbe”  do ta ndalonte “Shqipërinë  e madhe”.



 “Kur kryeministri i Shqipërisë Edi Rama thotë se detyra e karrierës së tij politike është ‘bashkimi i Shqipërisë me Kosovën’, të gjitha vendet e Ballkanit heshtin, UNMIK -u, i cili kontrollon Kosovën hesht dhe BE -ja nuk nxjerr deklaratat e saj të famshme që bëjnë thirrje për vetëpërmbajtje.

Kur unë, që nuk jam kryeministër i Serbisë, thërras në emrin tim për unitetin politik të të gjithë serbëve dhe them se detyra e brezit tim është të krijojë një “botë serbe”, atëherë i gjithë rajoni reagon dhe BE ka diçka për të thënë. Të gjithë heshtin për ‘Shqipërinë e Madhe’, serbët duhet të flasin”. Pengesa e vetme për ‘Shqipërinë e Madhe’ është krijimi i një ‘bote serbe’”, deklaroi Vulin./ CNA.al

LEXO TE PLOTE

Politikë

Nga Astrit Patozi/ Për “krimin” që mund të kryente aktivisti Lapaj

Publikuar

-

Nga

cna lajme politike

Adriatik Lapaj është një aktivist simpatik i asaj që ka mbetur nga shoqëria jonë civile. Me sa e kam ndjekur, ai i bashkohet kauzave të drejta, por mbi të gjitha bën përpjekje serioze për të ndjekur logjikën dhe argumentet, një dukuri kjo jo fort e shpeshtë në debatin tonë publik.

Sot pashë një reagim të tij, ku i shpjegonte disa të tjerëve, se, ndryshe nga sa thuhej, nuk ishte e vërtetë që ai po përgatitej të krijonte një parti politike.

Të shqetësuarit nga Adriatiku, me sa kuptova, i referoheshin kryesisht një emisioni, ku ai kishte qenë i ftuar së bashku me kryeministrin Rama, të cilin unë nuk e kam parë.

Por më bëri përshtypje përgjigja e aktivistit, i cili bënte shumë kujdes t’i qetësonte ata të tjerët, se ai nuk do ta kryente kurrë atë për të cilën ata po e “akuzonin”. A thua se bëhej fjalë për ndonjë turp shumë të madh, për të mos thënë një krim.

Kjo përgjigje e pafajshme deri në naivitet, në fakt, është treguesi i një mendësie mbytëse se politika në këtë vend është monopol i dy partive, pavarësisht se sa keq i qeverisin apo i përfaqësojnë ato shqiptarët. Se njerëzit as që duhet ta mendojnë, e jo më të zgjedhin dikë tjetër përveç Partisë Socialiste dhe Partisë Demokratike, edhe sikur të hanë realisht bar, e jo nga ai i metaforës së zonjës Kim. Maksimumi që mund të lejohet, nëse je i djathtë, është që të bëhesh ushtar apo fan i Lulit ose i Berishës, por edhe kjo deri kur të vijnë zgjedhjet politike. Por deri këtu, sepse për të tjerë nuk ka vend.

LEXO EDHE:  Flakët përfshijnë Parkun e madh të lojrave në Gjermani (Video)

LEXO EDHE:  Zgjedhjet në Gjermani/ Balla uron Olaf Scholz për rezultatin



Është pikërisht kjo arsyeja që e ka detyruar aktivistin Lapaj të reagojë si ta kishte pickuar gjarpri, nga “meraku” i gojëve të liga se ai mund të guxonte të mos e pranonte monopolin e “tokës së xanun” në politikë.

Natyrisht, që ai dhe kushdo tjetër personazh publik i marrin vetë vendimet e tyre se çfarë do të bëjnë me të sotmen dhe me të ardhmen e tyre.

Por, sipas meje, në rast se një ditë do t’u shkojë mendja të merren me politikë, për t’i shërbyer vendit, duhet ta bëjnë këtë pikërisht nën siglën e një force tjetër politike dhe jo brenda kënetës së qelbur të 3 bandave të Fatos Lubonjës.

Sepse po u shfaqën në njërën prej frëngjive të kryetarokratëve të famshëm, nuk kanë nevojë fare të shpjegohen, sepse e kuptojnë të gjithë se edhe ata kanë pranuar t’i shërbejnë si gjithë mercenarët e tjerë këtij sistemi të kapur dhe të kalbur politik./ CNA.al

LEXO TE PLOTE