Politikë
Zbulohet kush e mban “peng” Lulzim Bashën
Në Partinë Demokratike ka filluar një lëvizje e madhe kundër Lulzim Bashës. Një lëvizje që nuk e ka zanafillen thjeshtë dhe vetëm tek largimi, apo së fundi, përjashtimi i Sali Berishës nga grupi parlamentar, me një vendim personal të Lulzim Bashës. Rrymat kundër Bashës, duket se janë të shumta.
Gjithçka fillon në 2013, në garën me Sokol Olldashin.
Përtej mbështetjes nga Sali Berisha, Lulzim Basha përdori një model spektakolar manipulimi, duke çuar në përçarjen e PD-së.
Më pas përçarja u vu re gjatë organizimit të kësaj partie, deri tek Këshilli Kombëtar. E më tej krisje të tjera deri në organizimin në bazë, ku përjashtoheshin njerëz, përjashtohej elita.
Për këtë u perdoren personazhe si Enno Bozdo, Fatbardh Kadilli, Arben Ristani, etj, të cilët sot kanë dalë të gjithë kundër Lulit.
Më pas në 2017-ën, lodhja me çadrën, listat e kandidatëve për deputetë, përjashtimi i elitës së partisë, solli një tjetër çarje. Kjo erdhi pas marrëveshjes me Edi Ramën.
Djegia e mandateve, ishte një tjetër katastrofë, që krijoi një rrymë brenda PD-së, e cila ishte hapur kundër vendimi të Lulit, që gjithmonë gënjente.
Afrohen zgjedhjet e 2021, përgatiten sërish listat. Ka një përballje në bazë. Një përçarje që ndodh pasi trupa elektorale e partisë vihet kundër kandidatëve.
Në përfundim një komision vettingu, i cili nuk bën asgjë. “Hidhet në kosh”, e gjitha. Baza përçahet. Vota e saj nuk merret parasysh dhe vimë në rezultatin e 25 prillit.
Gjatë gjithë këtyre proceseve, deri tek humbja e fundit ka pasur gjithmonë zëra kundër.
Të gjithë janë përjashtuar.
Pati një garë formale me Eduard Selamin në 2017, tani me Agron Shehajn, Fatbardh Kadillin dhe Edith Harxhin. Në përfundim një dështim. Lulzim Basha kap karrigen dhe asgjë më tepër se kaq.
Por, ajo që ka ndodhur si fenomen është se gjithmonë, baza është gërryer.
Tani me përjashtimin e Berishës, gjithçka u derdh.
Një lider normal do të kishte dhënë dorëheqjen qoftë dhe formalisht dhe do të kishte kërkuar të rifutej në garë. Një lider normal, apo një qytetar që ka marrë përgjegjësinë për të drejtuar opozitën do të kërkonte një votëbesimi.
Por, Lulzim Basha as nuk dorëhiqet dhe as nuk kërkon votëbesim.
Qëndron me kokëfortësi, edhe pse vetë publikisht pranon se 80% e bazës së partisë është kundër tij.
Lindin thjeshtë disa pyetje.
Kush e pengon Lulzim Bashën të dorëhiqet sot?
Dikush mund të thotë po e pengojnë amerikanët. Në fakt kjo është gënjeshtër, sepse Lulzim Basha nuk dha dorëheqjen kur humbi zgjedhjet e 25 prillit. Nuk dha dorëheqjen kur humbi zgjedhjet e 2017-ës.
Nuk dha dorëheqjen kur i plasi skandali me financime ruse për një foto me ish-presidentin e SHBA-vë, Donald Trump.
Nuk dha dorëheqjen kur ndodhi skandali “Babale”, i cili ishte një montazh.
Pra, teza Amerika, bie.
Kush e mban Lulzim Bashën? Sali Berisha?
Sot Sali Berisha është një nga zërat që kërkon dorëheqjen e tij.
Kush e pengon dorëheqjen e Lulzim Bashës? Kush e mban në krye të PD-së?
Çfarë e ka lidhur atë aq shumë me karrigen e kryetarit?
Mos vallë ndonjë dosje më e lartë se gjatësia e tij, në SHBA?
Këtu mund të jetë një e vërtetë apo gjysëm e vërtetë, por ai publikisht ka pranuar se ka qënë nën presion.
Me çfarë i kanë bërë presion Lulzim Bashës?
Nga ana tjetër, a mos është kunati, familjarët e tij, bizneset, milionat e eurove që ka shtuar gjatë kohës që ka qënë kryetar i PD-së?
Apo kot lodhemi me të gjithë këtë analizë dhe gjithë këto pyetje dhe Lulzim Bashën në krye të PD-së, e mban vetëm një emër. Ai është Edi Rama. Investitori kryesor ndaj tij. Njeriu që Luli i duhet në krye të PD-së më shumë se kushdo tjetër. Thjeshtë dhe vetëm për një arsye. Lulzim Basha i zgjat Edi Ramës jetën në pushtet.
Sa herë të garojë, aq herë fiton Edi Rama. Kjo është provuar.
Përtej çdo forme manipulimi të pretenduar, apo çdo deformimi të rezultatit, në finale Lulzim Basha ka humbur.
Këtë ai e pohon dhe e pranon në rrethet e ngushta shoqërore. Se PD-ja është e vogël dhe ai e ka të vështirë ta mundë Ramën.
Gjërat tashmë janë të qarta. Kot lodhen njerëzit duke bërë pyetje se pse nuk dorëhiqet Lulzim Basha.
Lulzim Basha nuk dorëhiqet sepse i duhet Edi Ramës në krye të PD-së, për t’i zgjatur jetën në pushtet kryeministrit.
Edi Rama, Lulzim Bashën e ka lojtarin e tij, të humburin e tij, që vetëm dëshiron ta ketë përballë sepse i garanton jetëgjatësinë në pushtet./CNA.al
Komisioni “Ruli” jashtë loje/ Basha “i hedh poshtë” punën, kërkon emra të tjerë për deputetë
Shënim/ Skandalet me lobimet dhe pse Basha nuk shkon dot në SHBA?
“Përvjetori i dashurisë”/ “Hija e zezë” që vijon të përndjekë Bashën
Politikë
Pamje të rënda/ Si tentoi policia të vriste demokratin me urdhër të Bashës dhe Ramës
Ish presidenti Bujar Nishani, ka nxjerrë foton e një demokrati, i cili është plagosur nga protesta e mbajtur ditën e djeshme.
Përmes një postimi në rrjetin social Facebook, Nishani shkruan se demokrati u qëllua nga dora kriminale e një polici, që sipas tij qëllimi ishte për ta vrarë pasi predha që mban gazin është metalike.
Por ish presidenti, fajëson si përgjegjës për tërheqjen e këmbzës Lulzim Bashën dhe Edi Ramën.
“Kjo është një goditje me predhën që shpërndante gazin mbi demokratët.
Një kriminel mes rradhëve të policisë e qëlloi drejt i mbi kokën e një njeriu.
Natyrisht për ta vrarë pasi predha që mban gazin është metalike.
Por gishti që tërhoqi këmbëzën e armës së krimit në të vërtetë është i Lulzim Bashës dhe tutorit të tij, Edi Rama.
Drejtësia vonon, por nuk harron”, shkruan Nishani./CNA.al
Politikë
“Qenie amorfe, pa shtyllë kurrizore”/ Muçollari “shpërthen” ndaj Bashës
Ish sekretari i përgjithshëm i FRPD Grigels Muçollari ka “shpërthyer” keq ndaj Lulzim Bashës dhe veprimeve të këtij të fundit që i ka mohuar gjithmonë.
Teksa poston në rrjetin social Facebook, një video ku mercenarët e Bashës thyejnë xhamat e katit të parë të selisë, Muçollari thekson se nuk ka një fjalor për të gjetur fjalët për të përshkruar kryetarin e shkarkuar, duke e cilësuar atë si një qënie amorfe dhe pa shtyllë kurrizore.
“Shikohet qartë se me “punime” kuptonte instalimin e gazit për të helmuar këdo që hyn në seli pa lejen e tij. Mashtrues dhe burracak e ke pak.
Mohove dyert e hekurta, mohove gazin, mohove sakrificat e mijëra demokratëve.
Nuk ka fjalor që përmbledh fjalët për të të përshkruar ty. Një qënie amorfe, pa shtyllë kurrizore, me shumë xhepa, me një kokë dhe shumë fytyra”, shkruan Muçollari./E.K-CNA.al
Politikë
Rama komunikim live me demokratët/ Nano: Po i trajton si lecka
Analisti Mustafa Nano ka sulmuar ashpër kryeministrin Edi Rama, pasi ky i fundit nëpërmjet një komunikimi “live” iu drejtua demokratëve në lidhje me situatën në të cilën ndodhet PD.
Sipas Nanos, kjo ishte një ndërhyrje burracake dhe provokative nga ana e Ramës, për të cilin thotë se iu duk si shpend grabitqar që i vërsulet një preje të kollajtë.
Ai shton se Rama po i trajton demokratët si lecka, që mund të bien pa të keq në duart e kujtdo.
“Edi Rama organizoi sot një komunikim live me demokratët, dhe u kërkoi atyre “të bëhen me të”!!! Unë fillimisht nuk u besova veshëve, dhe m’u desh një copë herë të bindesha se lajmi ishte i vërtetë. Sepse m’u duk një gjest krejt i pagjetur e i pavend.
Shoqëria shqiptare është duke vajtuar prag-vdekjen e opozitës, dhe po pret që demokratët, dikush a disa prej tyre, të bëhen të gjallë për t’i dalë zot asaj partie, dhe ja, na del kryeministri, na “i mbledh” demokratët, dhe u bën thirrje t’i bashkohen atij.
Çfarë ndërhyrje furacake, paternaliste, burracake e provokative! Kryeministri m’u duk si një shpend grabitqar që i vërsulet një preje të kollajtë. Pastaj, është edhe diçka tjetër.
Rreshtimi politik është një gjë me vlerë në këtë botë, që ka të bëjë me emocionet, familjet, traditën, vizionin tonë mbi botën, interesin apo ku di unë çfarë tjetër. Identiteti politik është një element shumë i rëndësishëm i identitetit tonë në përgjithësi.
Si u konvertuaka robi, fap, si me magji? Si u shndërruaka njeriu kështu, sa hap e mbyll sytë, nga demokrat në socialist? Kësaj i thonë t’i trajtosh njerëzit si lecka, që munden me ra fare pa të keq në duart e kujtdo”, shkruan Nano./E.K-CNA.al
