LEXO PA REKLAMA!

SHKARKO APP

Skandali/ Basha pazare me premtime për borde, poste e pushtet, për të sulmuar Berishën

21 Shtator 2021, 10:07, Politikë CNA

Lulzim Basha duket se ka filluar një lëvizje tjetër kundër ish-kryeministrit Sali Berisha.

Tashmë me shpresën se do të mbijetojë, në krye të PD, mësohet se Luli ka filluar të thërrasë një e nga një në zyrën e tij, njerëz të cilët mendon se mund t?i lëkundë nga pozicioni i tyre kundër tij dhe vendimit të marrë për përjashtimin e Sali Berishës.

CNA.al ka mësuar nga burime zyrtare në PD se Luli është përpjekur ditët e fundit të negociojë me disa personazhe duke i ofruar atyre poste dhe detyra. Nga bordet në institucione, drejtimin e degëve lokale, tek kandidimi për bashkitë apo deri tek vendosja si deputet pas 4 vitesh.

Për ata që nuk janë në dijeni Partia Demokratike në marrëveshje me socialistët tashmë ka filluar negociatat për të marrë postet që i takojnë Opozitës, pa folur këtu pjesën e tepsisë që Edi Rama është i gatshëm t?i lëshojë Lulzim Bashës me shpresën se do e mbajë  gjithnjë e më afër këtë të fundit pasi tashmë duket qartazi rruga drejt bashkëqeverisjes Rama-Basha.

CNA.al ka mësuar nga burime konfidenciale se Basha në këto takime te zhvilluara me drejtues politikë, drejtues qarqesh të deleguar dhe anëtarë kryesie ka kërkuar që t?i propozohen emrat për të çuar në borde të ndryshme që do të përfaqësojnë PD-në.

Basha ka dalë me disa variante, duke theksuar se të gjitha postet të cilat i takojnë me ligj Opozitës, do të merren pavarësisht se shumë prej tyre janë zënë nga opozita e djeshme parlamentare, pra nga grupet parlamentare që u bënë pjesë e Kuvendit, pas djegjes së mandateve nga Lulzim Basha në shkurt të vitit 2019.

Të njëjtat burime theksuan se Basha ka marrë garanci të plotë se do të ketë zëvendësim të bordeve në Bankën e Shqipërisë, në Autoritetin e Mediave Audiovizive, në Radio Televizionin Publik e shumë e shumë institucione të tjera, të cilat njihen sipas ligjit me përfaqësues të dy palëve.

Nga ana tjetër Edi Rama duket dorëlëshuar në ofertën e tij duke i  dhënë mjaft poste edhe në adminstratë emrave dhe personazheve të propozuar nga Luli.

Ky i fundit tashmë po nxiton që këto oferta t?u bëjë shumë drejtuesve dhe bashkëpunëtorëve të tij për të mos i lejuar ata që të shkojnë në atë që mund të quhet kryengritje kundër Lulzim Bashës  brenda Partisë Demokratike.

cna lajme politikePazari është i qartë: ?Mos shkoni te Berisha, sulmoni Berishën, unë iu ofroj këtë post, mund të çoni vëllain tek ky post, motra mund të shkojë këtu, kunati mund të shkojë atje.?

Një pazar i qartë dhe i neveritshëm nga Lulzim Basha, i cili është duke ofruar postet që i jep Edi Rama për t?i shpërndarë demokratët, dhe për të shpëtuar veten e tij nga një ?tsunami? që ka filluar të ngrihet brenda PD.

Burimet theksojnë se kjo dhe disa lëvizje të tjera të Lulzim Bashës janë shpresat e tij të fundit për të rezistuar për të mos dhënë dorëhqjen pas përplasjes që ka me bazën e partisë.

Gjithçka duket të jetë mjaft e vështirë. Ngelet për t?u parë kush do të jenë personat që do të pranojnë lëmoshën apo ?kockën? e Lulit e cila vjen pas marrëveshjes dhe bashkëpunimit të tij me Ramën.

Një pazar tjetër i ofruar në shumë lokalitete është kandidimi për bashkitë.

Basha ka filluar t?i gënjejë njerëzit duke theksuar se shumë afër do të shpallen zgjedhjet lokale. Pritet vendimi i Venecias, dhe Ilir Meta do të shpallë zgjedhje të parakohshme lokale.

cna lajme aktualeKjo do të bënte që në shumë qytete, Basha t?i ofronte të tijve mbështetje. Pasi dhe reagimi më i madh është nga poshtë.

Por, sërish duket të jetë një gënjeshtër dhe një lojë për të ?ëmbëlsuar? kryetarë degësh apo pretendentë, të cilët kërkojnë të kapin poste. Apo të garojnë për bashkitë.

Nga ana tjetër qartazi Lulzim Basha po iu premton edhe drejtimin e degëve të PD-së, në shumë lokalitete. Pasi shumicës së kryetarëve lokalë tashmë iu ka mbaruar mandati, apo disa prej tyre janë dorëhequr.

Nga postet e Edi Ramës, tek drejtimi i degëve të PD-së, kandidimi për bashkitë, apo deri tek premtimi se do jenë pjesë e listës pas katër vitesh, janë ofertat në ?tenxheren e çorbës? së Lulit, i cili ka marrë një lugë dhe po tenton tua japë atyre, që kanë ngritur konë me të vërtetën. Dhe tashmë kërkon t?i përdorë duke iu ofruar një lugë ?çorbë? të gatuar nga ai dhe Edi Rama./CNA.al

Komisioni “Ruli” jashtë loje/ Basha “i hedh poshtë” punën, kërkon emra të tjerë për deputetë

Sondazhi i Lulzim Bashës, kundër Lulzim Bashës

Lideri i çorbës

Lajmet e fundit nga