Connect with Us

Interi nuk fal edhe ndaj Fiorentinës, ja rezultatet e mbrëmjes në Serinë A

Seria A

Interi nuk fal edhe ndaj Fiorentinës, ja rezultatet e mbrëmjes në Serinë A

Publikuar

-

Interi ka marrë një fitore të vlefshme në javën e 5-të të Serisë A duke mundur 1-3 Fiorentinën.

Fiorentina kaloi e para në avantazh në minutën e 23-të me Sotil në një pjesë të parë ku violët dominuan totalisht dhe Interi ishte thuajse inekzistent. Në pjesën e dytë, Darmian barazoi për zikaltrit në minutën e 52-të, ndërsa 3 minuta më vonë Xheko përmbysi gjithçka me një goditje me kokë.

Në fundin e ndeshjes, Perisiç hipotekoi fitoren duke shënuar pas një asisti të Galjardinit. Zikaltrit marrin kreun duke kaluar Napolin e cila do të luajë ditën e enjte me Sampdorian.

Ndërkohë në ndeshjen tjetër, Atalanta mposhti 2-1 Sasuolon me dy gola të shënuar në pjesën e parë nga Gosens dhe Zapakosta.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Seria A

Lajme të mira për Milanin, po rikthehet Ibrahimovic

Publikuar

-

Nga

Menja ka dalë nga klinika ku kreu operacionin në kyç, teksa skuadra vijon përgatitjet për ndeshjen e nesërme kundër Veronës e programuar për në orën 20:45. Në fushë me grupin janë parë, tashmë ish të dëmtuarit, Rade Kruniç dhe Zlatan Ibrahimoviç. Dyshja ka kryer të plotë punën me ekipin ashtu si edhe Kalabria që në kombëtare ankoi një problem të natyrës muskulore.

Boshnjaku dhe suedezi vështirë të grumbullohen nesër, teksa mbrojtësi do të jetë rregullisht në fushë. Ndërkohë, në infermieri vijojnë të qëndrojnë Florenci dhe Bakajoko. Italiani është në fazën e riaftësimit, kështu që mesfushori francez ka nisur të punojë i vetëm, arsye për të cilën edhe rikthimi i tij në dispozicion të trajnerit nuk do të vonojë.

Problemi madhor i Milanit në këto momente është porta, por nuk mund të neglizhohen vështirësitë në prapavijë që shkakton mungesa e Teo Hernandezit që dy ditë më parë rezultoi pozitiv ndaj Covid-19-ës. Në këto kushte, Stefano Pioli thuhet se po përgatit revolucionin e radhës.



Pier Kalulu do të promovohet titullar në të djathtë të mbrojtjes me Kalabrian që do të zhvendoset në korsinë e kundërt. Vendim i detyruar ky për trajnerin i cili nuk mund të mbështetet tek i dëmtuari Florenci, teksa duket se nuk i beson as Balo-Turesë i cili në verë u afruar me statusin e zëvendës-Hernandezit. Senegalezi ka zhgënjyer në 112 minutat që ka zbritur në fushë duke shkaktuar një efekt zinxhir të cilin do ta shohim nesër kur Milani të presë Veronën në “San Siro”.

Nuk kemi të bëjmë me një revolucion të mirëfilltë, megjithatë, në dy vitet e fundit eksperimentet pioliane nuk kanë munduar. 10 muaj më parë, me ekipin e gjymtuar nga dëmtimet dhe COVID-i, 55-vjeçari propozoi në mesfushë Kalabrian, i cili ia shpërbleu me gol. Më pas, erdhi radha e Kastijehos që u rreshtua si pykë ndaj Junajtid. Edhe sivjet eksperimentet e Piolit nuk kanë munguar. I pari ishte ai i Tomorit i cili për 35 minuta luajti si mbrojtës i djathtë kundër Juventusit, teksa Rebiçi si pykë nuk ishte risi, pavarësisht se këtë herë shënoi më shumë sesa në provat e mëparshme në majën e sulmit.

LEXO TE PLOTE

Seria A

Qeveria italiane hap stadiumet, ja sa tifozë do lejohen

Publikuar

-

Nga

Nga kjo fundjavë stadiumet italiane do të mund të presin edhe më shumë tifozë mes tyre.

Me vendimin e marrë dje nga qeveria italiane, kapaciteti do të rritet nga 50 në 75 për qind dhe ndoshta duke ndjekur planin e paralajmëruar nga fillimi i muajit dhjetor mund të arrihet në hapjen e plotë të impianteve, sigurisht vetëm për tifozët e vaksinuar.



E thënë ndryshe, “Allianz Stadium” të dielën do të presë nga 21 mijë që lejohej 31.500 tifozë.

Ndërkohë, “Olimpiko” i Romës do të kalojë nga 30 mijë në 45.000 (60.000 kapaciteti i plotë), ndërsa “San Siro” për Milanin dhe Interin nga 35.000 (unaza e tretë që dërgon në 80 mijë kapacitetin do të mbetet e mbyllur) në 52.500 tifozë.

LEXO TE PLOTE

Seria A

Po shkëlqen me Empolin dhe kombëtaren, rritet ndjeshëm vlera e kartonit të Nedim Bajramit

Publikuar

-

Nga

Nedim Bajrami është padyshim një lojtarët kyç të ekipit të Empolit, të cilët shpesh herë kanë përfituar nga golat dhe asistet e tij. Pas suksesit vitin e shkuar duke fituar Serinë B, fantazisti shqiptar preku për herë të parë elitën e futbollit italian, ku ka treguar që në javët e para aftësitë e tij.

Paraqitjet e tij kanë sjellë edhe ftesën e shumë pritur të Kombëtares, ku menjëherë në ndeshjen e parë tregoi sa shumë mund ti japë kuqezinjve në fushë. Forma e tij e mirë së bashku me cilësitë që zotëron e kanë kthyer Bajramin në “xhevahirin” e Empolit.



Kartoni i tij njeh vetëm rritje dhe nga 500 mijë euro që skuadra italiane pagoi dy vite më parë për ta bërë pjesë të organikës, tani mund të përfitojë plot 6 milionë euro nga kartoni i tij. Interesimi për lojtarin shqiptar është i lartë, ku nuk mungojnë pëlqimet nga klube të tjera të Serie A.

LEXO TE PLOTE