Connect with Us

Publikoi videon e sherrit gjatë ndeshjes Dinamo-Laçi, Artan Hoxha: Më kërcënoi djali i Pashk Laskës

Sport

Publikoi videon e sherrit gjatë ndeshjes Dinamo-Laçi, Artan Hoxha: Më kërcënoi djali i Pashk Laskës

Publikuar

-

Gazetari Artan Hoxha, ka denoncuar në emocionin “Procesi Sportiv” një ngjarje të rëndë që pason atë të ndeshjes Dinamo-Laçi të tre ditëve më parë. Hoxha kishte publikuar në fund të asaj ndeshje pamjet kur nga tribunat, mbështetës të Laçit bënin presion ndaj gjyqtarit që të mos anulonte golin e kurbinasve në mbyllje të sfidës me Dinamon e cila u mbyll barazim 1-1.

“Publikova videon sepse ishte një ngjarje që dukej e rëndë për javën e dytë të kampionatit se si mundoheshin të ndikonin të pashqetësuar edhe në vendimin e VAR-it. Ajo që ndodhi është se menjëherë filluan telefonatat dhe kërcënimet : “Kush je ti? Çfarë ke me Laçin?”. Këto janë njerëz që i kanë krahët e ngrohta nga FSHF dhe nuk u ndodh asgjë ndaj janë mësuar të bëjnë gjëra të tilla.

Por jo vetëm kaq. Isha në stadium dje për të ndjekur ndeshjen Tirana-Egnatia dhe isha mes kolegësh në tribunën e mediave. Në pushimin e ndeshjes vijnë tre persona dhe më kërcënuan ndërsa bëja detyrën time. Një situatë absurde aq sa kolegët u kthyen nga ana tjetër. Po kush ishin këta? Ishte drejtori i klubit, ishte djali i presidentit, Kleo Laska, si dhe një person tjetër që shoqërohet me këta. Janë persona të cilët e them i kanë krahët e ngrohta e nuk i ndal kush. Nuk kam asgjë me Laçin, kanë ekip të shkëlqyer, por janë perosna të tillë.

I kam bërë denoncim në polici. Por kur shkon puna pastaj atje ose do të kërkohen pamjet filmike të kamerave të sigurisë që nuk t’i jep kush, ose të kërkohen dëshmitarë. Po kush të dalë dëshmitar aty, Ylli Aga që ishte ngjitur? Kolegët u kthyen nga ana tjetër në ato momente. E kam pyetur shpesh veten se pse Gëzim Sinemati nuk shkon në stadium dhe në situatë si kjo e kuptova. Nuk shkon sepse atje të bëjnë agresion për atë që thua”, tregoi Hoxha këtë eksperiencë të fundit me personazhet e futbollit shqiptar.

Video e publikuar para 3 ditesh nga Artan Hoxha:

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Premier Liga

Janë vetëm 10 të tilla në gjithë botën, nuk do e besoni sa kushton makina e re e Ronaldos

Publikuar

-

Nga

Kristiano Ronaldo është i njohur për dashurinë që ka ndaj makinave luksoze. Ylli portugez ka marrë së fundmi një “bishë” të re, “Bugatti Centodieci”. Kjo e fundit ka kushtuar për një shifër të frikshme, 9.5 milionë euro.

Makina në fjalë arrin 100 km/orë në vetëm 2.4 sekonda dhe 200 km/orë në 6.1 sekonda. Shpejtësia maksimale e kësaj makine është 380 km/orë, ndërsa ka vetëm 10 kopje të saj në gjithë botën.



LEXO TE PLOTE

Seria A

Lajme të mira për Milanin, po rikthehet Ibrahimovic

Publikuar

-

Nga

Menja ka dalë nga klinika ku kreu operacionin në kyç, teksa skuadra vijon përgatitjet për ndeshjen e nesërme kundër Veronës e programuar për në orën 20:45. Në fushë me grupin janë parë, tashmë ish të dëmtuarit, Rade Kruniç dhe Zlatan Ibrahimoviç. Dyshja ka kryer të plotë punën me ekipin ashtu si edhe Kalabria që në kombëtare ankoi një problem të natyrës muskulore.

Boshnjaku dhe suedezi vështirë të grumbullohen nesër, teksa mbrojtësi do të jetë rregullisht në fushë. Ndërkohë, në infermieri vijojnë të qëndrojnë Florenci dhe Bakajoko. Italiani është në fazën e riaftësimit, kështu që mesfushori francez ka nisur të punojë i vetëm, arsye për të cilën edhe rikthimi i tij në dispozicion të trajnerit nuk do të vonojë.

Problemi madhor i Milanit në këto momente është porta, por nuk mund të neglizhohen vështirësitë në prapavijë që shkakton mungesa e Teo Hernandezit që dy ditë më parë rezultoi pozitiv ndaj Covid-19-ës. Në këto kushte, Stefano Pioli thuhet se po përgatit revolucionin e radhës.



Pier Kalulu do të promovohet titullar në të djathtë të mbrojtjes me Kalabrian që do të zhvendoset në korsinë e kundërt. Vendim i detyruar ky për trajnerin i cili nuk mund të mbështetet tek i dëmtuari Florenci, teksa duket se nuk i beson as Balo-Turesë i cili në verë u afruar me statusin e zëvendës-Hernandezit. Senegalezi ka zhgënjyer në 112 minutat që ka zbritur në fushë duke shkaktuar një efekt zinxhir të cilin do ta shohim nesër kur Milani të presë Veronën në “San Siro”.

Nuk kemi të bëjmë me një revolucion të mirëfilltë, megjithatë, në dy vitet e fundit eksperimentet pioliane nuk kanë munduar. 10 muaj më parë, me ekipin e gjymtuar nga dëmtimet dhe COVID-i, 55-vjeçari propozoi në mesfushë Kalabrian, i cili ia shpërbleu me gol. Më pas, erdhi radha e Kastijehos që u rreshtua si pykë ndaj Junajtid. Edhe sivjet eksperimentet e Piolit nuk kanë munguar. I pari ishte ai i Tomorit i cili për 35 minuta luajti si mbrojtës i djathtë kundër Juventusit, teksa Rebiçi si pykë nuk ishte risi, pavarësisht se këtë herë shënoi më shumë sesa në provat e mëparshme në majën e sulmit.

LEXO TE PLOTE

Sport

Ironizon Edi Martini: Sa shpejt iu shëruan Tiranës futbollistët me COVID-19…

Publikuar

-

Nga

Teuta do të përballet ndaj Tiranës në këtë javë të Superiores që rikthehet pas pushimit të Kombëtareve. Por në kohën kur Shqipëria po zbriste në fushën e lojës, te bardheblutë plasën rastet me COVID-19. Në konferencën për shtyp, trajneri Martini ka ironizuar Tiranën sipas raportimit të “Supersport” për kthimin e futbollistëve.



“Në radhë të parë u uroj shërim të shpejtë djemve që kanë pasur Kovidin. Do të thosha që Tirana është me fat që lojtarët e saj e kanë kaluar Kovidin kaq shpejt, sepse unë kam pasur Ivanovicin me Kovid dhe më ka zgjatur tri javë. Pavarësisht se gjendja e tij fizike ka qenë shumë e mirë nuk e kemi lejuar të bashkohet me skuadrën për arsye sigurie. E me sa duket Tirana ka pasur fat që janë shëruar shpejt. U kam thënë djemve që kjo situatë nuk duhet të na vërë në gjumë dhe gjendja e tyre nuk ka të bëjë me Kovidin në këto momenti”, tha Martini.

LEXO TE PLOTE