Connect with Us

Denoncimi në “Stop”/Aplikon për vizë amerikane, zbulon se i kanë vjedhur numrin e amzës

Denoncim

Denoncimi në “Stop”/Aplikon për vizë amerikane, zbulon se i kanë vjedhur numrin e amzës

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Kemi udhëtuar sot drejt qytetit të Lezhës, pas denoncimit të zonjës Bardhe Prenga, e cila ka mbaruar gjimnazin në shkollën e mesme në fshatin Fan të Mirditës në periudhën 1991-1995 dhe më pas ka ndjekur dhe studimet e larta.

Prenga ka denoncuar në emisionin “Stop” se i është krijuar një problem pas aplikimit për vizë amerikane. Ajo tregon se nga ambasada i kërkohet një vërtetim për dëftesën e shkollës së mesme, por rezulton se nuk ekziston numri i amzës së saj.

“Mua më është dashur që të plotësojë një dosje për vizë amerikane, më janë kërkuar dokumentet sipas legjislacionit në fuqi. Mes dokumenteve është dhe një vërtetim për shkollën e mesme. Unë jam Bardhe Prenga jam lindur në Mirditë dhe kam mbaruar aty shkollën e mesme në vitin 1995. Më pas kam kryer studimet e larta në Shkodër dhe jam diplomuar, kam kryer dhe shkollë për infermieri., I bie që numri i amzës të jetë i rregull, tani që më kërkohet një vërtetim notash nuk e gjej në arkivë. Më është kthyer që nuk figuroj me këtë numër amze. Jam drejtuar tek “Stop” pasi dua të di se kush e mban këtë numër amze dhe pse nuk gjendet në arkiva”, tregon qytetarja.

Pas denoncimit të zonjës Prenga, “Stop” ka shkuar drejt njësisë administrative Fan Mirditë, për të shkuar në shkollën e mesme “Ndrec Ndue Gjoka”, ku Bardhe Prenga ka ndjekur gjimnazin.

Drejtori aktual Frrok Vokrri shprehet se kur ka marrë detyrën nuk ka patur asnjë dokument amze, apo regjistri të veçante.

“Materialet i kemi dorëzuar deri në vitin 2005, janë dorëzuar atje, në arkivë. Nuk i kam dorëzuar unë, i kanë dorëzuar para meje. Nga 2005 deri në 2014  i kam unë këtu. Në vitin 2014 e këtej kam me një regjistër të veçantë, para 2014 nuk ka patur. Unë nuk e kam gjetur as regjistër dhe asgjë tjetër. Shkolla në 1997 është shkatërruar dhe nuk është gjetur asgjë përveç amzës, që i kishin çuar në një shtëpi private për t’i ruajtur”, ka treguar drejtori.

Po ashtu ai pohon se e njeh zonjën Prenga dhe i ka dhënë mësim, ndërsa kjo e fundit tregon dhe klasën ku ka mësuar gjatë gjimnazit.

“Stop” ka takuar dhe ish-drejtorin e shkollës, Ndue Laska, i cili në vitin 2010 amzat janë tërhequr nga ish-drejtoria arsimore e Rrëshenit dhe janë kthyer në kohën që ai ishte shkarkuar nga detyra.

LEXO EDHE:  FOTOT/ Policia dhunon biznesmenin Altin Bamllari dhe djalin e tij

“Kjo është një e vërtetë absolute, ky numër amze i përket Bardhes. Amzat kanë ardhur i kanë marrë këtu, ka ardhur shefi i arsimit dhe i kanë çuar në Drejtorinë Arsimore në Rrëshen. Po të deklaroj, unë jam i garantuar ka qenë nxënëse me djalin tim në një klasë dhe i kam dhënë letërsi. Kjo ka qenë tek amza 5. Jam i gatshëm që të përgjigjem për këtë punë dhe jam i bindur se kush e ka bërë, por për këtë do flas kur të vijë koha”, është shprehur ish-drejtori i shkollës.

Lidhur me denoncimin e Bardhe Prengës, është pyetur dhe një tjetër ish-drejtor, Tonin Lasku, i cili pranon, që Bardha ka qenë në  shkollën e mesme të Fanit Mirditë dhe numri i saj i amzës, është në regjistrin numër 4. Por ai nuk mban mend, që gjatë certifikimit të ketë kaluar emrin e saj.

Ish-drejtori Tonin Lasku: 1 vit kam qenë, 2012-2013. 2014 e kam dorëzuar.

Gazetarja: Pikërisht periudha kur janë dorëzuar amzat ne arkivën e Lezhës.

Ish-drejtori Tonin Lasku: Po, po!

Gazetarja: Bardhe Prenga ka qenë në shkollën e mesme të Fanit?

Ish-drejtori Tonin Lasku: Unë e kam bashkëfshatare edhe e them me përgjegjësi të plotë, që ajo ka qenë nxënëse e asaj shkolle. Zonja në fjalë ka qenë nxënëse e asaj shkolle.

Gazetarja: Ju duhet ta dini që mund të ketë qenë në regjistrim 4?

Ish-drejtori Tonin Lasku: Po patjetër këtu duhet të jetë. Për këtë jam i sigurt, ose te 4-ra ose te 5-a si numër.

Gazetarja: Ju regjistrin regjistrin 4,5 dhe 6 e keni certifikuar ju?

Ish-drejtori Tonin Lasku: Po, po edhe 3-shin. 3,4,5,6.

Gazetarja: Në këto certifikime që keni bërë a u ka rezultuar emri i Bardhe Prengës?

Ish-drejtori Tonin Lasku: Absolutisht jo, mua nuk më ka rezultuar, sepse unë të gjithë personat, që janë nga Bisaku, janë fshati im, më kanë rezultuar dhe i kam kaluar, por jam i sigurt, që kjo nuk më ka rastis si emër. Por unë nuk mund të jap asnjë shpjegim më gjatë, sesi ai numër amze i përket asaj, pse i përket dikujt tjetri, për këtë nuk mundem.

Në fund “Stop” ka shkuar dhe Arkivin Qendror Shtetëror dhe Elsa Saka, drejtoreshë e Evidencës Qendrore dhe Komunikimit, shpjegon, se numri i amzës 2117, i përket një qytetari mashkull nga Kruja dhe nuk është në emër të zonjës në dokumentet  e dorëzuara në arkiv./tvklan.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Denoncim

“Që ambasada amerikane të tolerojë këtë sikur kërcet pak”/ Të verbrit i ngatërrojnë të dhënat me person tjetër

Publikuar

-

Nga

Emisioni “Stop” ishte këtë të enjte 1 kilometër larg Fierit, në fshatin Mbyet, pasi familja Hebeja ka një problem. Bledi Hebeja tregoi se është i verbër prej 30 vitesh dhe trajtohet me KEMP.

Por prej 8 muajsh nuk merr pagesën, pasi e ka bllokuar shërbimi social. I gjithë gabimi ka ardhur në vitin 2009, kur është paraqitur në zyrën e Gjendjes Civile dhe operatori i “Aleat”-it i ka dhënë të dhënat e një personi tjetër, që ka të njëjtin emër dhe mbiemër, pak a shumë një moshë dhe është nga fshati Hamilaj.

“Më kanë nxjerrë probleme me dokumentet e identitetit. Në Gjendjen Civile jam në rregull, por diku është përzier karta ime me kodin e kartës së dikujt tjetër. Unë jam 42 vjeç. Afërsisht edhe ai, nuk e di me saktësi”.

Por Bledi i dytë jeton në Amerikë, prej më shumë se 30 vitesh.

“30 vitet e fundit kam jetuar këtu. Ai jeton në Amerikë. Më ka pyetur policia kur u bë në vitin 2009, kaq. Kur mora kartën pastaj. Nuk e di kush e ka ngatërruar kartën. Më kanë ndërprerë pensionin derisa të sqarohet”.



LEXO EDHE:  Denoncimi i CNA.al i djeg Ben Blushit dhe Ylli Ndroqit/ Fundo: Si na u sulmua faqja

LEXO EDHE:  Vonesat në doganën e Morinës/ Zbulohet mashtrimi i dy qeverive

“Që institucionet shqiptare bëjnë gabime ky nuk është lajm i ri për ne sepse i kemi trajtuar me dhjetëra herë. Por që ambasada amerikane të tolerojë këtë pasaktësi më duket sikur kërcet pak”, tha gazetarja e “Stop”.

Hebeja shprehet se adashi i tij nuk ia ka shfrytëzuar identitetin për të shkuar në Amerikë, pasi këtë ia ka konfirmuar policia.

Flamur Behari, përgjegjësi i Gjendjes Civile Portëz, tha se gabimi i operatorit që ka hedhur të dhënat gabim ka shkuar në prokurori.

“Operatori kur i ka lexuar të dhënat, kujdestari që ka qenë me të ka pranuar të dhënat që ka lexuar operatori. Ky problem doli në 2019. Pse ka ndodhur ngatërresa? Njëri është Bledi, njëri Bledar, kanë edhe të njëjtën ditëlindjen. Ky person i verbër ka marrë të dhënat e këtij. I janë dhënë. Kushdo që ia dha, ia dha të dhënat e tij. Drejtoria kërkoi sqarimin. Çështja duhej të shkonte patjetër në prokurori. Çështja ka mbetur në prokurori”, tha Behari./tvklan.al

LEXO TE PLOTE

Denoncim

Fiks Fare/ “Patentën në xhep, policia më gjobiti se nuk e kisha!”, gabimi i policisë penalizon dyfish qytetarin

Publikuar

-

Nga

Fiks Fare denoncoi mbrëmjen e së enjtes denoncimin e një qytetari në Lezhë, i cili është penalizuar dy herë për “gabimin” e policisë rrugore. Kol Ndoj tha për emisionin investigativ se ka bërë një aksident në fillim të muajit dhjetor 2020.

Ndërkohë, ka filluar çështje prokuroria e cila ka marrë një vendim. Ditët pasardhëse nuk ka marrë asnjë informacion nga policia se çfarë kishte ndodhur. Në momentin e aksidentit, z.Ndoj thotë se kishte vetëm një vërtetim, një leje drejtimi 1 mujore të lëshuar Transporti Rrugor i Kurbinit, deri sa të dilte kartoni i patentës së re. Ai thotë se, në datën 8 janar 2021 ka shkuar te Drejtoria e Transportit Rrugor dhe ka marrë fizikisht patentën. Paralelisht, ka vijuar procedimi penal dhe më vonë është dënuar nga Gjykata e Lezhës me shërbim prove për aksidentin e fillim dhjetorit. Pasi mori kartonin e patentës më 8 janar, z.Ndoj ka vijuar të lëvizë normalisht me makinë.

Ndërkohë, në datën 16 korrik 2021, ai është ndaluar sërish nga Policia e Lezhës, e cila i ka thënë se ka një gjobë pa paguar dhe lëvizte pa patentë. Këtë ditë, z.Ndoj e ka pasur patentën fizikisht me vetë. Ai i ka treguar policit se ka patentë, por polici ia ka marrë dhe i ka thënë se “të është bllokuar në datën 31 dhjetor 2020”. Në këtë ditë, z.Ndoj ka mësuar se komisioni i shqyrtimit të kundra vajtjeve ka marrë një vendim për pezullim patente dhe gjobë. Z.Ndoj thotë se s’ka pasur asnjë dijeni për këtë vendim, madje s’ka pasur asnjë letër këmbim mes policisë rrugore dhe Drejtorisë së Transportit Rrugor. “Nëse kishte vendim, të më thoshin” pohon ai, ndërsa pranon se për aksidentin e fillim dhjetorit ka bërë një gabim dhe po e paguan. Por, për masën e dytë “s’kam asnjë faj, pasi shteti vetë më ka lejuar të qarkulloj me një patentë”.

Pas ankesës, qytetari shkon në Drejtorinë e Transportit Rrugor në Kurbin, ku pyet punonjësit se kur i është bërë gati patenta. Punonjësit i thonë se ai e ka marrë patentën në janar të vitit 2021 dhe se për 1 muaj ka lëvizur me një vërtetim nga Transporti Rrugor. Punonjësi i Drejtorisë së Transportit Rrugor i dha një dokument, ku janë të gjitha datat e lëshimit të kartonëve të lejes së drejtimit. Sipas këtij dokumenti, letra 1 mujore i është dhënë në datën 9 dhjetor 2020, e cila kishte një afat deri në datën 8 janar 2021. Në këtë datë, sipas kësaj shkrese, qytetari është pajisur me kartonin e patentës, duke e marrë fizikisht nga sportelet e Drejtorisë së Transportit Rrugor në Kurbin.

LEXO EDHE:  Denoncimi i CNA.al i djeg Ben Blushit dhe Ylli Ndroqit/ Fundo: Si na u sulmua faqja

LEXO EDHE:  I ngatërruan Lamborghinin/ Shqiptari nga Kosova arrestohet në doganë dhe i marrin makinën



Fiks Fare i bëri një kërkesë për informacion Drejtorisë së Policisë së Lezhës, duke e pyetur nëse ka pasur një korrespondencë me Transportin Rrugor pas vendimit të komisionit në datën 31 dhjetor 2020. Kjo drejtori na ktheu përgjigje se z.Ndoj më datë 23 dhjetor është përfshirë në një aksident me dëme materiale, ku janë referuar materialet në prokurori. Në këtë përgjigje thuhet se është vendosur masa e gjobës 0 lekë dhe masë plotësuese tërheqje e lejes së drejtimit.

“Nga ana e shërbimeve të policisë rrugore, i është tërhequr dokumenti zëvendësues i lejes së drejtimit me afat nga data 09.12.2020 deri me datë 08.01.2021. Me vendimin e datës 31.12.2020, Organi Administrativ Shtetëror për shkak të mos paraqitjes së shtetasit është shprehur në mungesë dhe ka vendosur ta gjobisë me 7000 lekë dhe të pezullojë lejen e drejtimit për 10 muaj” thotë policia. Më tej thotë se më datë 16 korrik 2021, z.Kol Ndoj është ndaluar nga shërbimet e Policisë Rrugore. “Nga verifikimi i bërë në sistemin E-Gjoba, është konstatuar se ky shtetas ka gjoba të palikujduara si dhe lejen e drejtimit e ka të pezulluar. Për këto shkelje është përpiluar proces verbali i konstatimit të shkeljes. Për shtetasin Kol Ndoj, është dërguar njoftim zyrtar DRSHTRR Laç, në datat 23 korrik dhe 27 korrik 2021, për heqjen e lejes së drejtimit” thuhet në këtë përgjigje.

Policia thotë se ka njoftuar Drejtorinë e Transportit Rrugor vetëm në datën 23 dhe 27 korrik! Por, ka “harruar” ta njoftojë në datën 31 dhjetor 2020, çka solli që qytetari të dilte sërish në rrugë dhe të penalizohej dy herë për gabimin e Policisë së Lezhës./tch

LEXO TE PLOTE

Denoncim

“Nuk shihja gjë, isha i larë në gjak për vete…”/ Polici sajon përplasje fizike dhe fut në burg qytetarin

Publikuar

-

Nga

Në maj të këtij viti emisioni “Stop” transmetoi denoncimin e shtetases Bana Muça emigrante prej 25 vitesh në Itali. Ajo tregoi, se prindërit e saj të moshuar, 69 dhe 72 vjeç, janë dhunuar nga një bashkëfshatar i tyre, polic në Peshkopi, Bukurosh Zagrati.

Konflikti ka nisur për një pjesë betoni, që të moshuarit kishin bërë para portës së tyre. Rexhep dhe Emrije Muça treguan për dhunën nga ana e Bukurosh Zagratit  në fshatin Steravec në Peshkopi. Pasi të moshuarit bënë kallëzim për dhunë, polici Bukurosh Zagrati nisi sulmet ndaj çiftit Muça, duke pretenduar, se dy të moshuarit kishin dhunuar gruan e tij.

Polici Bukurosh Zagrati: Më erdhën tek shtëpia, unë nuk dola fare, se isha i përgatit për gjumë, se isha i lodhur në punë. Doli nusja ke shtëpia dhe i përzuri nusja nga shtëpia, sepse ata ishin të armatosur… ore gruan e kam me raport, se i ka ra pas veshit, fshehën armët. Këtë e bëjnë për justifikim, e bëri zotëria… po erdhën o, erdhën tek shtëpia ime me armë…

Kjo rezultoi e sajuar, por Prokuroria e Peshkopisë nuk e akuzoi policin dhe gruan e tij për kallëzim të rremë. Pasi nuk funksionoi plani i pari, polici krijoi një sherr me djalin e të moshuarve, Ardian Muça, duke e çuar situatën në përplasje fizike.

Muça tregon nga burgu i Burrelit, ku ndodhet për tentativë vrasjeje, versionin e tij të ngjarjes, që nuk përputhet me atë të policit.

Ardian Muça: Isha tu ra poshtë në qytet, u ndalëm tek Shira për të pirë kafe dhe duke zbritur poshtë për të marrë një paketë cigaresh, dëgjoj një zë: “hej më thirri ky…” ktheva kokën pashë Bukurosh Zagradin, më thotë do ta heqësh denoncimin, se unë t’i pres veshët. I thashë “më lër rehat, se kam 100 halle” dhe u afrua dhe më goditi.

LEXO EDHE:  EKSKLUZIVE-Skandali në Prokurori/Llalla kthen në detyrë prokurorët që akuzoi për korrupsion

LEXO EDHE:  Denoncimi i CNA.al i djeg Ben Blushit dhe Ylli Ndroqit/ Fundo: Si na u sulmua faqja



Me çfarë të goditi?

Ardian Muça: Me një dorezë hekuri po kokës, pastaj unë i përgjakur u ula në gjunj. Shoh unë nxorri një thikë me palosje me hapje, me mbyllje ishte ajo thikë dhe gjatë përleshjes e sipër, më zuri poshtë, vazhdimisht ai më godiste me gjunj nga stomaku dhe me dorën tjetër nga koka. Më kishte vu dhe një kapuç nga koka, kapuçi ishte i xhupit tim.

Thikën ju pohoni dhe deklaroni se ka qenë e punonjësit të policisë?

Ardian Muça: Ka qenë e punonjësit të policisë dhe e mori e futi në xhep, nuk e pa kush.

Ju e goditët me këtë thikë?

Ardian Muça: Jam kap tek dora e tij, jo thikën, vetëm i kam dorën edhe duke u përlesh. Nuk di gjë, që ai është gris, është dëmtuar me thikë. Unë nuk shihja gjë, isha i larë në gjak për vete. Dhunën e ka pas bërë para një viti, unë po të kisha desh, nuk do të prisja një vit edhe do t’i dilja me thikë Bukurosh Zagratit, kur në të njëjtën kohë, ai është punonjës policie edhe e kisha në fshat. Është një gjë absurde, nuk shkon vetëm Prokuroria e Dibrës e bën këtë gjë të tillë…/tvklan.al

LEXO TE PLOTE