Politikë
Vrasjet e grave dhe dhuna në familje/ Rama apel deputetëve
Kryeministri Edi Rama ka prezantuar programin qeverisës për katër vitet e ardhshme.
Fillimisht ai është ndalur tek dy mandatet e para për të vijuar më pas me formimin e kabinetit “Rama 3”, ku kryeministri vlerëson faktorin gjinor.
Rama ka thënë se duhet të eliminojnë diksriminimin gjinor, për të shmangur dhunën dhe rastet dramatike që po ndodhin në vendin tonë.
“Figura e gruas, e nënës dhe e vajzës duhet të jetë më mbrojtur nga institucionet’ , ka thënë Rama, i cili ka apeluar të gjithë deputetët, dhe kryesisht ato gra që të ngrenë zërin për dhunën ndaj gruas./CNA.al
Politikë
Berisha: Jam shpallur ‘non-grata’ sepse kam kërkuar shpalljen ‘non-grata’ të George Soros
Lideri historik i demokratëve, ish Kryeministri Sali Berisha ishte dje në Korçë ku ka mbajtur foltoren e radhës.
Berisha ka ndarë dhe disa video nga ky takim, ku ai shpjegon arsyen se pse është shpallur nongrata.
“Jam shpallur nongrata sepse kam kërkuar shpalljen nongrata të George Soros, i cili është një armik i betuar i forcave konservatore në Shqipëri dhe në botë”, shkruan Berisha në tekstin që shoqëron videon./CNA.al
Politikë
Këlliçi në forumin rinor të CDU-së/ “Krenar për bashkëpunimin midis FRPD dhe Junge Union!”
Kreu i FRPD Belind Këlliçi, ndodhet në Gjermani ku forumi rinor i CDU-së, po mban kongresin e përvitshëm, këtë herë me temë: “Plani ynë për një parti moderne dhe për qytetarët”.
Këlliçi është një nga 35 të rinjtë që përfaqësojnë forumet rinore partnere me Junge Union.
Ai ka ndarë dhe disa foto nga ky takim, ku shprehet krenar dhe mirënjohës për bashkëpunimin midis FRPD dhe Junge Union
“Pas 1 viti shkëputje për shkak të pandemisë, sërish koha për Deutschlandtag. Sot në Münster, aty ku Junge Union, forumi rinor i CDU-së, po mban kongresin e përvitshëm, këtë herë me temë: “Plani ynë për një parti moderne dhe për qytetarët”.
Më nderon pjesëmarrja me ftesë si një nga 35 të rinjtë që përfaqësojnë forumet rinore partnere me Junge Union.
Me kënaqësi dëgjova fjalën e Z. Armin Laschet, kryetari në detyrë i CDU, kandidati për kancelar i Republikës Federale të Gjermanisë, si dhe të personaliteteve të larta e drejtuesëve kryesorë të CDU.
Krenar dhe mirënjohës për bashkëpunimin midis FRPD dhe Junge Union!”/CNA.al
Politikë
“Foltorja” e Korçës/ Balliu: Bashkim i demokratëve kundër armikut numër një, Edi Rama
Ditën e djeshme, ish-kryeministri dhe lideri historik i Partisë Demokratike, Sali Berisha, ka mbajtur “Foltoren” e radhës në Korçë.
I pranishëm ka qenë edhe ish-deputeti i PD-së Klevis Balliu, i cili gjatë fjalës së tij pas takimit, ka theksuar se kjo ‘foltore’ po rikthen energjinë dhe entuziazmin për t’u përballur me regjimin e Edi Ramës.
Sipas Balliut, qëllimi themelor i saj, është përballja me armikun numër një, i cili e ka emrin Edi Rama.
“Është një moment i cili po rikthen entuziazmin dhe energjinë për t’u përballur me regjimin dhe për t’u përballur me gjithë krimet që Edi Rama i ka bërë Shqipërisë.
Në këtë aspekt ajo që vlen për t’u vlerësuar është që ‘Foltorja’ ka për qëllim bashkimin e gjithë demokratëve në gjithë Shqipërinë.
PD me anë të kësaj ‘foltoreje’ dhe me Kuvendin që do të bëhet së shpejti do të bashkohet dhe do të jetë gati për të përmbysur një herë e mirë regjimin e Ramës. Qëllimi themelor i kësaj ‘foltoreje’ është bashkimi i demokratëve për t’u përballur me armikun numër një që e ka emrin Edvin Kristaq Rama”, tha ai./ CNA.al
