Connect with Us

PD e Fierit kundër Bashës/ Morina: Duhet të ikë, nuk u bë dot lider

Politikë

PD e Fierit kundër Bashës/ Morina: Duhet të ikë, nuk u bë dot lider

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ibrahim Morina, ish- kreu i PD në Fier, një nga zyrtarët e qeverisë Berisha, ka dalë me një reagim të fortë në rrjetet sociale, lidhur me zhvillimet e fundit brenda partisë.

Me tone të forta, ai sulmon Bashën, pas vendimit të tij personal, për të përjashtuar ish liderin Sali Berisha nga Grupi Parlamentar.

Morina shkruan se me sjelljen e fundit ndaj liderit të PD-së, Sali Berisha, Basha, “i vuri kapakun” goditjeve pas shpine  i cili, e konsideron dhe e trajton këtë parti, si ndonjë nga ato OJF-të, ku ai ka punuar dhe është paguar si përkthyes.

Përshëndetje miqtë e mi!

Zhvillimet e ditëve të fundit në PD më nxitën që të mos qëndroj indiferent. Që pas humbjes së radhës të zgjedhjeve të radhës të 25 prillit të këtij viti, zgjodha të bëjë të heshturin. Këtë heshtje e zgjodha edhe gjatë fushatës së zgjedhjeve në PD, sigurisht edhe pas saj. Heshtja ime lidhej jo aq me “merakun” për të mos i prishur qejfin kryetarit humbës të PD-së, se sa me bindjen time, se përballë një kundërshtari, që sërish vjedhjen e votave e ngriti në institucion, zëri im kundërshtues nuk e ndihmonte PD-në.

Por, prej disa ditësh bindja ime ka ndryshuar, për pasojë edhe qëndrimi im. Shkaku dihet dhe lidhet me vendimin personal të kryetarit të PD-së, për të përjashtuar nga grupi parlamentar i kësaj partie, liderin demokrat Sali Berisha.

***

Sjellja më e fundit tinzare e kryetarit të PD-së Lulzim Basha, është vazhdimësi e sjelljes së tij të përsëritur, me mbështetësit e kësaj partie, anëtarë e simpatizantë të saj. Ngritja e komisioneve seleksionuese (fiktive), apo platformave elektronike, për përzgjedhje kandidaturash deputetësh, në të paktën dy zgjedhjet e fundit (2017 & 2021), janë dëshmi e kësaj sjellje mashtruese e tinzare e kreut të PD-së, i cili në momentet e fundit, duke shpërfillur dhe injoruar platformat elektronike dhe komisionet seleksionuese, ka depozituar në KQZ listat me të zgjedhurit e tij personal, për organin e lartë Legjislativ.

Për pos këtyre, sjellja më e fundit ndaj liderit të PD-së, Sali Berisha, “i vuri kapakun” goditjeve pas shpine të Lulzim Bashës, i cili, e konsideron dhe e trajton këtë parti, si ndonjë nga ato OJF-të, ku ai ka punuar dhe është paguar si përkthyes.

Lulzim Basha, duhet ta dijë që PD është një bashkim vlerash më se 30-vjeçare, historia e së cilës nuk mund të zhbëhet “me një të rënë të lapsit”. Dhe kur flasim për historinë e PD, ngushtësisht ajo nuk mund të përjashtojë themeluesin saj. Të besosh që Lulzim Basha ishte nën presionin ndërkombëtar, për përjashtimin e Sali Berishës nga grupi parlamentar, është njëlloj si të besosh se 7 x 7 bëjnë vërtetë 42… Ndryshe nuk ka si shpjegohet dyfytyrësia e tij…, nga njëra anë kur ai shprehte “keqardhjen” e tij për vendimin e Departamentit të Shtetit ndaj Sali Berishës para Kongresit zgjedhor të PD-së dhe nga ana tjetër kthesa 180 gradëshe, pas konfirmimit si kryetar, i cili nuk e pati aspak të vështirë për të marrë vendimin “aspak të lehtë” për përjashtimin e Sali Berishës nga grupi parlamentar.

***

Sjellje më e fundit e kreut të PD-së, “i vuri kapakun” edhe paaftësisë së tij për drejtimin e kësaj partie, për të mos thënë edhe ndonjë dashakeqësie të mundshme, të qëllimshme, me burim nga pazaret e pista…, zërat për të cilat nuk kanë munguar.

Pa dashur të bëjë shumë histori, mund të kujtojë se Lulzim Basha erdhi në krye të PD-së, jo vetëm si një i ri në moshë , por edhe brenda pritshmërive, edhe në ide. Por, sa i përket këtyre ideve, sot pas 8 vjetësh në opozitë, dukshëm bie në sy se ai është shumë larg pritshëmrive.

Në këto 8 vjet, Lulzim Basha është kujdesur më tepër të marrë nën kontroll partinë. Këtë e ka demonstruar me makinacionet e katapultimet në krye të forumeve drejtuese të PD-së, të emrave anonime dhe pa histori në dhe për këtë parti, pa përmendur grupin parlamentar apo Këshillin Kombëtar, përbërja e të cilëve lë shumë për të dëshiruar.

Ndërsa emrat janë një pjesë e antikapit të tij për drejtimin e PD-së, pjesa tjetër më kryesorja, por më trishtuesja, lidhet me paaftësinë e tij, për motivimin e drejtuesve, anëtarëve, simpatizantëve të PD-së. Janë me dhjetëra, pse jo edhe me qindra, skandalet e kësaj qeverie, por askush nuk mund të kujtojë sot, ndonjë aksion opozitar, që “t’ia dridhte këmbët” qeverisë. Në qoftë se ndokush do të kujtojë si “aksione opozitare”, vetëpërjashtimin e PD-së nga Reforma Territoriale, dorëzimin e mandateve të deputetëve, apo edhe mospjesëmarrja në zgjedhjet vendore, është e tepërt të kujtojë se këto janë edhe dështimet e tij më të mëdha. Duke mos pasur një “plan B” pas këtyre “aksioneve” Lulzim Basha ju dorëzoi kundërshtarëve politikë edhe gjithë pushtetin vendor.

Në këto rrethana të krijuara, kur kryetari I PD-së i cili nuk u bë dot lider, kostoja mbetet gjithnjë më e vogël, po të largojmë Lulzim Bashën nga kreu i partisë. Demokratët nuk kanë nevojë për drejtues, të cilit edhe kundërshtarët si “vlerë” të vetme i përmendin “gjumin e gjatë letargjik”… Kjo për qeverinë sigurisht është komode, por anëtarët e simpatizantët e PD, kanë nevojë për më shumë, kanë nevojë për në liderë, që ti motivojë e ti rikthejë në qeverisje.

Lulzim Basha nuk të motivon…

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kuriozitete

Jo vetëm meshkuj/ Njihuni me katër femrat më të bukura spiune

Publikuar

-

Nga

Jemi mësuar që të njihemi me spiunë meshkuj si  përshembull James Bond, por kur bëhet fjalë për spiunet femra, jo vetëm që nuk na vjen nëpër mend ndonjë emër por mendojmë se nuk ka.

Por e verteta është krejt ndryshe. Ka pasur disa “heroina” të jashtëzakonshme në spiunazh, ju thjesht nuk keni dëgjuar për to.

Këto janë katër emrat më të njohura të femrave më të famshme që kanë qënë pjesë e spiunazhit.

  1. Anna Chapman

Spiunja dhe modelja ruse Anna Chapman ishte pjesë e një rrjeti spiunësh rusë, duke u infiltruar në SHBA për vite me radhë, dhe kishte si detyrë të joshte informatorin e “NSA”, Edëard Snoëden. Ajo përdori statusin e saj si modele për të marë informacion nga sekretet e fshehta të qeverisë. Ajo u arrestua në NYC gjatë vitit 2019.



  1. Ana Montes

Montes ishte spiune për qeverinë Kubane dhe filloi punën për SHBA në vitin 1985, me “Agjencinë e Inteligjencës së Mbrojtjes”. Eksperte për gjithçka kubane, Ana kishte një kujtesë te jashtëzakonshme për të memorizuar memorizonte dokumente me lehtësi. Ajo madje kaloi testin e poligrafit për SHBA, por për fat të keq u dënua me 25 vjet burg në vitin 2002.

  1. Josephine Baker

Ky emër mund tju habisë. Josephine Baker ishte një valltare dhe këngëtare në vitet 1920. Ajo ishte gjithashtu spiune gjatë Luftës së Dytë Botërore në emër të “Rezistencës Franceze”, duke kontrabanduar mesazhe në muzikën e saj.

  1. Stephanie Rader

Stephanie Rader u bashkua me Trupat Ndihmëse të Ushtrisë së Grave në vitin 1942 para se të rekrutohej në Zyrën e Shërbimeve Strategjike. Duke shtirur identitetin e një gruaje që kërkonte anëtarët e humbur të familjes në luftë, ajo mori një punë në ambasadë. në këtë mënyrë ajo mblodhi informacione mbi lëvizjet e trupave ruse, statistikat politike dhe policinë./CNA.al

 

LEXO TE PLOTE

Politikë

“Anëtarësi anti-amerikane”/ Kreu i PD në Vlorë i kundërpërgjigjet Bashës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Kreu i PD në Vlorë, Genc Deromenaj ka reaguar pas deklaratës së  Lulzim Bashës se “nuk do të lejonte asnjë grumbullim anti-amerikan”.

Sipas tij, pa kushte duhet të duhet Shqipëria, jo vetëm Amerika.

“”Anëtarësi Anti-Amerikane”, u tha a nuk u tha në mbledhje… Personalisht nuk dua të merrem me ngjarjen por me një kusht të çuditshëm, që:



LEXO EDHE:  Grabitja në Rinas/ Berisha: Po bëhen kurban “koka turku”

LEXO EDHE:  Bllokohet “Sheshi Shqiponja”/Basha ulet në rrugë me protestuesit

Shqiptarët, Politikanët shqiptarë duhet të duan Amerikën e pa këtë kusht çdo “dashuri” tjetër është hipokrite dhe nuk ka asnjë vlerë …!

Shqiptarët, Politikanët e tyre duhet të kenë si kusht të parë të panegociushëm:Të Duan Shqipërinë”, shkruan Deromenaj në rrjete sociale./CNA.al

LEXO TE PLOTE

Politikë

Dosja e SHBA/ Ish-deputeti demokrat mesazhe të forta Berishës dhe Bashës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Ish-deputeti demokrat, Fatos Hoxha ka komentuar përplasjet e fundit mes ish-kryeministrit Sali Berisha dhe kryetarit të PD-së, Lulzim Basha.

Duke reaguar mbi deklaratat e tyre, në lidhje me një dosje që pretendohet se ekziston dhe që është ajo dosje arsyeja pse Berisha është shpallur non-grata në SHBA, Fatos Hoxha i drejton mesazhe të forta Bashës dhe Berishës.

Në një postim në rrjetet sociale, ai shkruan se përmbajtja e dosjes duhet të zbulohet për demokratët, dhe pastaj do të jenë këta të fundit që do të gjykojnë mbi të.

Lulzim Basha ka thënë: “informacionet i di une, sikurse i di dhe doktori. Ju s’keni për t’i marrë vesh kurrë”.

Sali Berisha ka thene: “dosja ekziston, por ajo ka brenda vetëm shpifje”.

Pse as njeri, as tjetri nuk zbulojne përmbajtjen e dosjes për demokratet që ata të gjykojnë vetë mbi të?!



LEXO EDHE:  Bashës nuk i del inati/ Humb me Ramën, sulmon Topallin

LEXO EDHE:  Grabitja në Rinas/ Berisha: Po bëhen kurban “koka turku”

Pse nuk u japin mundësine demokratëve që të krahasojnë permbajtjen e dosjes me ate qe ata kane degjuar, lexuar, dine dhe perjetuar vete si bashkudhetar te Doktorit?! Keshtu eshte me mire per te gjithe, se zbulohet shpejt e verteta.

Pa na zbuluar permbajtjen e dosjes rezultati eshte ky:

SHBA e ka certifikuar doktorin si te korruptuar domethenes me dosje.

Luli ka pare dosjen e korrupsionit te Doktorit dhe eshte tmerruar, edhe pse stomaku i mban shume, kurse doktori ka dale rrugeve dhe bertet si i çartur. Vetem kaq mjafton per te kuptuar se doktori ka “ngrene fort mish dhie” dhe stomakun e ka te prishur.

Çfare ai vjell nga stomaku perdite nuk mund te jete ushqim per demokratet.”-shkruan Fatos Hoxha./CNA.al

LEXO TE PLOTE