Sokol Drrasati, ish-i dënuar politik, i ka drejtuar kritika të forta kreut të Partisë Demokratike, Lulzim Basha.

Në një postim në rrjetet sociale, Drrasati shkruan se Basha erdhi në PD falë politikës së hapjes që përdori Berisha, por “kafshoi” dorën e atij që e rriti politikisht.

Sipas tij, Basha e ka përdorur PD-në, vetëm për interesat e tij të ngushta, personale dhe familjare.

Gjithashtu ai ironozon Bashën, për të cilin thotë se “ka mbërritur në stacionin e fundit të metrosë që ndërtoi në Tiranë”.

“Basha dhe fundi i tij politik….

Luli erdhe në politikë si pasojë e hapjes që lidershipi Berisha i bëri Partisë duke afruar rreth saj të pakenaqurit, të larguarit nga ai apo te vetlarguarit. I bashkoi të gjithë, solli edhe prurje të reja, të cilët në harkun kohor të 16 viteve rezultuan se shumica e tyre nuk ishin aty jo për ideale apo vlera, por thjesht për interesa të ngushta personale.

Luli ishte njëri nga ato, për të mos thënë se ishte “pupili” i Berishes. Ai u soll aty falë njohjeve me femijet e Doktorit. Erdhi si njeri i besuar, u rrit me pushtet në strehën e Doktorit, të cilin nuk nguroi ta “kafshonte”. Fillimisht duke e sulmuar nga njerez afër tij, derisa arriit në limitet e arsyes, pa asnjë keshillim me kryesine po ashtu siç kishte marre vendimet për daljen nga parlamenti, daljen nga çadra, mospjesmarrjen në zgjedhjet lokale etj etj. Veprime këto që degraduan ngadalë ngadalë opozitën dhe opozitarizmin.

Mblodhi rreth vetes njerëz të paskrupujt, pa asnjë kontribut, servilë dhe palaço, duke forcuar pushtetin e tij në parti.

Asht siç vendosi për listat në (koken e kunatit dhe familjes Xhaferri) shiti mandatet, përjashtoi këdo që guxoi, një makineri e tërë call centerash u lëshuan si të terbuar kundër kujdo që guxonte, në vend që të merrej me Ramen dhe banden e tij, zgjodhi të mërrej me ” armiqtë” e tij.

E gjithë kjo sjellje prej totalitari e diktatori solli ndarjen e madhe të PD-së.

Sot kemi dy PD, atë asetin kombëtar ku mbizotërojnë vlerat dhe idealet, aty ku shumica dërrmuese e demokrateve gjen veten dhe një pakicë e lidhur ngushtë me Bashën..

Ata që kanë 8 vite që vetëm pasurohen, ndërtojnë, privatizojnë, shtojnë milionat, ndërkohë që qytetari varfërohet përditë e më shumë.

Kur barku është bosh, është e vështirë t’i bësh moral dhe politikë qytetarit, kur nuk ngjall shpresë, duhet të kesh mbaruar misionin tënd.

Ja pra se pse Basha ka mbërritur në stacionin e fundit të metrosë që desh ndërtoi në Tiranë.“-shkruan Sokol Drrasati./CNA.al