LEXO PA REKLAMA!

SHKARKO APP

Vrasja që tronditi Fierin/ Arrestohet autori

11 Shtator 2021, 06:49, Kronika CNA
Vrasja që tronditi Fierin/ Arrestohet autori

Policia e Fierit bën të ditur se ka vënë në pranga autorin e vrasjes së mbrëmjes së djeshme, në fshatin Zhupan.

Uniformat blu bëjnë të ditur se në pranga ka rënë shtetasi Elton Metaj, i cili akuzohet për vrasjen e ish-bashkëshortees së tij, shtetasen S.B.

?Pas 3 orë ndjekjesh në kushte të vështira për shkak të errësirës dhe rrezikshmërisë që kishte ky person pasi ishte i armatosur, u kap nga Policia në një zonë të pyllëzuar në fshatin Peshtan autori bashkë me armën e krimit.

Pas marrjes së njoftimit se në fshatin Zhupan, në banesën e ish-vjehrrit, shtetasi Elton Metaj ka vrarë me armë zjarri ish-bashkëshorten e tij, shtetasen S. B., menjëherë në vendngjarje shkuan shërbimet e Policisë dhe organizuan punën për kapjen e autorit i cili ishte larguar nga vendngjarja me një motomjet.

Pas 3 orësh ndjekje, nga strukturat e DVP Fier, Forca Operacionale, Forca e Posacme “Shqiponja”, shërbimet e Komisariatit të Policisë Fier në bashkëpunim dhe me 2 grupe të FNSH Fier, falë veprimeve të shpejta, të mirëorganizuara dhe profesionale, u bë i mundur lokalizimi dhe kapja e autorit në një zonë të pyllëzuar të fshatit Peshtan, bashkë me armën e krimit automatik dhe motomjetin me të cilin u largua nga vendngjarja të cilat u sekuestrua në cilësinë e provës materiale.

Në vijim të veprimeve, specialistët për Hetimin e Krimeve në Komisariatin e Policisë Fier, arrestuan në flagrancë për veprën penale “Vrasja për shkak të marrëdhënieve familjare” shtetasin Elton Metaj, 31 vjeç, banues në Peshtan( i dënuar më parë për veprat penale “Armëmbajtja pa leje” , “Kundërshtim i punonjësit të policisë” dhe “Dhunë në familje” ).

Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme.?-thuhet në njoftimin e policisë./CNA.al

Plumbat trondisin Fierin/ 31-vjeçari vret ish-bashkëshorten

Vrau ish-gruan/ Apeli i prindërve të autorit, një vit më parë  

Lajmet e fundit nga