LEXO PA REKLAMA!

SHKARKO APP

Lideri i çorbës

11 Shtator 2021, 10:47, Opinione CNA

Në flimin e realizuar nga kinostudio ?Shqipëria e re?, në kohën e diktaturës, që bënte fjalë për aksionet e njësiteve guerile të kohës, kundër Italisë fashiste, në një nga skenat e tij, filmi ka një shprehje që ka ngelur në gjuhën e dhe zhargonin e përditshëm.

?Gëlltit diku një lugë çorbë të prishur, dhe e vjell atë për të gjithë jetën?. Kështu artikulonte në film aktori i madh shqiptar, Leka Selfa.

E kjo batutë e tij përdoret gjerësisht duke u kthyer në një batutë urbane.

Pra, në politikë diçka gatuan. Diçka lëviz dhe në fund ka një qëllim. Rezultatet, fitoren.

Por, ka edhe nga ata që gatuajnë çorba, gatuajnë keq në funksion të rezultatit që duan dhe në finale, gëlltisin atë lugën e çorbës dhe vetëm vjellin.

Pra, nuk gatuajnë një gjellë të mirë, e cila do të ishte shija, që në finale është fitorja.

Lulzim Basha është personifikimi shembulli, thjesht dhe vetëm ?lider i çorbës?.

Të fillojmë nga dita e parë kur ka qënë ministër i Transporteve. Skandali i Rrugës së Kombit. 300 milionë euro abuzim. Procedime penale, mbyllur me procedurë.

Më tej, shkoi tek ministria e Jashtme. Skandali me ujërat territoriale me Greqinë. Firmosi shitjen e detit shqiptar.

Dhe e mbylli me vrasje si ministër i Brendshëm, me katër viktima në Bulevard.

?Lideri i çorbës?, Lulzim Basha më pas shkoi në Bashkinë e Tiranës, ku çfarë nuk gatoi dhe në fund nuk bëri asgjë.

Më tej, u bë kryetar i PD-së në vitin 2013. Kuptohet me pëlqimin dhe mbështetjen e Sali Berishës, të cilin sot e ka përjashtuar. Një ?çorbë? tjetër dhe kjo.

Në krye të PD-së asnjë rezultat pas 8 vitesh në opozitë ka 60 mijë vota më pak se shifra më minimale që ka pasur ndonjëherë kjo parti.

Nga 2013 në 2017, pëçarje, mashtrime, përjashtime duke e bërë PD më të vogël se kurrë.

Shkoi në 2017 dhe gatoi një tjetër ?çorbë?. Hyri në çadër dhe më pas bëri një marrëveshje me Ramën. Kjo një tjetër çorbë, pasi kishte bërë edhe një tjetër në katër vite.

Kishte braktisur Reformën Territoriale, kishte braktisur Reformën në Drejtësi dhe në fund e firmosi me dhunë.

Edhe kjo një tjetër ?çorbë?. Më pas njerëzit thanë t?i japim dhe një shans. Dhe u mendua se diçka e mirë do gatuhej, njerëzit do ta shijonin. Demokratët në veçanti.

Por, gatoi një ?çorbë? edhe më të keqe.

Pasi hëngri me garuzhde atë që gatoi Rama, vazhdoi ta villte atë pa ndalim.

?Lideri i çorbës? dogji mandatet, braktisi zgjedhjet lokale, u përplas me amerikanët, i shpalli tradhëtarë, armiq, e në fund një ditë vendosi ?maskën? pas tërmetit tragjik të nëntorit të vitit 2019 dhe doli në media duke thënë se ?ai ishte e ardhmja?.

Gatoi një tjetër çorbë rrugës me militant që votonin për deputetët, sherre e rrahje nëpër degë, zgjedhje e përplasje në Partinë Demokratike. Ndërtoi edhe një Komision, që e hodhi në kosh të plehrave, me vendimet që mori.

Më pas u fut në zgjedhje dhe humbi, sepse do villte çorbën që kishte gatuar me ato lista të pështira dhe me atë grup apo ekip të neveritshëm. Mbushur plot me palaço e sharlatanë publik.

Në finale, Lulzim Basha u rizgjodh kryetar i PD-së. Dhe tre ditë më parë, gatoi një tjetër çorbë.

Përjashtoi Sali Berishën, duke menduar se po gatonte një tjetër gjellë të shijshme, por në finale ka ngelur duke ?vjellur?.

Çdo ditë shan, fyen me mesazhe, sulmon gazetarë, iu përgjigjet atyre që i thonë se ka marrë vendimin e gabuar, dhe është fshehur si një ?struc? duke futur kokën në rërë, në panik pas gjithë këtyre çorbave të gatuara dhe aq të neveritshme që dolën nga duart e tij prej një politikani që në histori do të mbahet mend, jo thjeshtë si një humbës, por si një ?xhepaxhi?, një çorbaxhi, dhe një vjedhës, i opozitës, i dinjitetit.

Një turpërues i vlerave dhe përfaqësimit politik. Një sharlatan dhe palaço publik që nuk e meriton të jetë në krye të një partie, e cila është shpresa e ndryshimit në vend.

Por, me Lulzim Bashën në krye është kthyer në partinë e ?liderit të çorbës?, që dosjen e bëmave dhe gjëmave e ka më të madhe se godina e SHQUP-it që e ka kthyer në kuzhinën e çorbës së tij./Elvi FUNDOCNA.al

Lajmet e fundit nga