Connect with Us

FSHF i ndryshon emrin Kategorisë Superiore, ja si do quhet për 3 vitet e ardhshme

Sport

FSHF i ndryshon emrin Kategorisë Superiore, ja si do quhet për 3 vitet e ardhshme

Publikuar

-

Për herë të parë në kampionatin shqiptar, Kategoria Superiore do të ketë një sponsor. Këtë të premte, në ambientet e stadiumit “Air Albania” u firmos një marrëveshje 3-vjeçare mes Federatës Shqiptare të Futbollit dhe kompanisë së internetit Abissnet, që do të jetë sponsor i Kategorisë Superiore. Duke nisur nga ky edicion e në tre vitet e ardhshme, përkatësisht, 2021-2022, 2022-2023, 2023-2024, ky kompeticion nuk do të quhet më Kategoria Superiore, por “Abissnet Superiore”. Kjo kompani u shpall fituese më 3 qershor, pas ankandit për shitjen e emrit të këtij kampionati, pasi paraqiti ofertën më të mirë.

Kjo marrëveshje e rëndësishme, e lidhur mes institucionit të vetëm të futbollit në vend dhe kompanisë së internetit ka si qëllim të sigurojë të ardhura shtesë për klubet e futbollit dhe që është bërë në shembullin e kampionateve më të mira europiane. Të pranishëm në këtë ceremoni ishin Presidenti i FSHF-së, Armand Duka, presidenti i kompanisë “Abissnet”, Koço Kokëdhima, presidentë dhe përfaqësues të klubeve të Kategorisë Superiore si dhe përfaqësues nga media.

Në fjalën e tij në këtë aktivitet, Presidenti Duka i uroi suksese kompanisë Abissnet në këtë rrugëtim të ri. “Sot në këtë event firmoset një marrëveshje e rëndësishme për Kategorinë Superiore Shqiptare që nga sot do të quhet Abissnet Superiore. Ky është rezultat i vetë Ligës Profesioniste, që dha frytet e para pas krijimit të Ligës, arritjen e kësaj marrëveshje, me një nga kompanitë më të rëndësishme të shpërndarjes së internetit në Shqipëri, Abissnet. Uroj dhe jam i bindur që do t’i sjellë fat më shumë kampionatit shqiptar, jo thjesht për paratë që do të vijnë, por të ketë këmbën e mbarë për të pasur sa më shumë sponsor për kampionatin e Kategorisë Superiore. Kjo përkon edhe me hapjen e sezonit të ri futbollistik, që nis sot, me ndeshjen e parë ceremonial Teuta-Partizani në Elbasan Arena, për të vazhduar edhe me 4 ndeshjet e tjera dhe me këtë rast, unë uroj një fillim të mbarë të këtij edicioni. Uroj biznes sa më të mirë edhe kompanisë Abissnet, që të ketë mundësi ta mbështesë sa më shumë Kategorinë Superiore në Shqipëri. Edhe njëherë, falenderoj presidentin e Abissnet, Koço Kokëdhima, për vëmendjen karshi futbollit dhe Edvin Libohovën që ka arritur deri në finalizimin e marrëveshjes”.

Edhe Presidenti i Abissnet, Koço Kokëdhima, në fjalën e tij u shpreh se morën këtë vendim për t’u futur në ankand për të blerë emrin e Kategorisë Superiore, pasi kompania ka vlerësuar punën e vazhdueshme të klubeve të futbollit dhe rritjen e këtij kampionati. “Falënderoj Presidentin e FSHF-së, Armand Duka, për të gjithë kontributin e tij në zhvillimin e futbollit shqiptar në përgjithësi dhe për zhvillimin e futbollit të Kategorisë Superiore në veçanti. Ky zhvillim ka bërë që të perceptohet në mënyrë të qartë një vlerë tregu për emrin e kompeticionit të Kategorisë Superiore. Abissnet ka konstatuar dhe ka vlerësuar se emri dhe niveli i futbollit të Kategorisë Superiore në Shqipëri është rritur falë përpjekjeve shumë të mëdha dhe kontributit të posaçëm të presidentëve të këtij kampionati, nën drejtimin dhe mbështetjen e Federatës Shqiptare të Futbollit. Sot kemi një kompeticion ku promovohen shumë lojtarë shqiptarë në nivele të larta të futbollit, ku iu mundësohen përfitime të rëndësishme. Puna e vazhdueshme e klubeve të Kategorisë Superiore dhe e FSHF-së e ka bërë këtë kampionat tashmë tërësisht të pastër, të besueshëm dhe për këtë shkak ne kemi vendosur të bëjmë këtë bashkëpunim, të përdorim emrin e kompanisë sonë, Abissnet në këtë kompeticion, duke i dhënë emrin që do të mbajë për tre vite, Abissnet Superiore. Ftoj të gjithë qytetarët e Shqipërisë, të shkojnë në stadiume dhe të ndihmojnë klubet e tyre, pasi nuk janë fitimprurëse. Ashtu sikurse ftoj edhe të gjitha kompanitë e Shqipërisë që kanë mundësi dhe vetëdije të lartë publike, të bëhen donatorë dhe sponsorë të klubeve të Kategorisë Superiore në veçanti dhe futbollit në përgjithësi, për t’i dhënë një mbështetje më të madhe futbollit të Shqipërisë”.

Abissnet Superiore do të nisë rrugëtimin e saj që sot, me ndeshjen e parë hapëse që do të luhet në stadiumin “Elbasan Arena”, Teuta – Partizani.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Sport

Formacionet zyrtare të Suedi-Kosovë, “Dardanët” me dyshen Muriqi-Rashica në sulm

Publikuar

-

Nga

Dalin formacionet zyrtare të ndeshjes Suedi-Kosovë, që nis në “Friends Arena” të Solnas. Kosova do të ketë një mal të lartë për të ngjitur, por pa liderin ekipit Zlatan Ibrahimovic që mund t’i zgjidhë ndeshjet me një lëvizje të vetme edhe Suedia duhet të djersijë shumë për të marrë maksimumin.

Challandes, me rreshtimin 4-4-2 do të hedhë në fushë: Muric  në portë; Vovjvoda, Rrrahmani, Aliti dhe Hadergjonaj në mbrojtje; në mesfushë Bytyqi, Loshaj, Dresevic dhe Rashani; në sulm dyshja Muriqi-Rashica.



Kosova renditet në vendin e katërt në Grupin B, me 4 pikë, duke lënë pas vetëm Gjeorgjinë, që mbyll tabelën me vetëm 1 pikë.

LEXO TE PLOTE

Sport

Shpresat përgatiten për Slloveninë, Bushi thërret edhe sulmuesin e Fiorentinës

Publikuar

-

Nga

Shqipëria U-21 ka nisur menjëherë nga puna për përgatitjen e ndeshjes së dytë ndaj Sllovenisë, pas fitores me dopietë të enjten ndaj Andorrës.

Ekipi i drejtuar nga Alban Bushi ka zhvilluar të premten një seancë të lehtë stërvitore ndërsa do të zhvillojë edhe ditën e sotme një tjetër stërvitje.

Departamenti i Komunikimit në FSHF bën me dije se ekipit të Shpresave i është bashkuar këtë të shtunë edhe futbollisti shqiptar që aktivizohet në radhët e Fiorentinës, Eljon Toçi.



Ai ishte pjesë e grumbullimit me ekipin e 19 vjeç arëve, që drejtohet nga Armando Cungu ndërsa ditën e djeshme luajti edhe në miqësoren e parë të planifikuar ndaj Malit të Zi, teksa shënoi një dy golësh, duke qenë një protagonistët kryesorë të skuadrës kuqezi.

Shqipëria U-21 luajti dy ditë më parë ndaj Andorrës në Elbasan Arena, ndeshjen e vlefshme për kampionatin Europian 2023, ku fitoi me rezultatin 2-0, ndërsa do të zhvillojë edhe një tjetër sfidë ndaj Sllovenisë, në po të njëjtin stadium ditën e hënë në ora 18:30, ku kuqezinjtë do të tentojnë fitoren e dytë radhazi.

LEXO TE PLOTE

Sport

Kalendari/ Të mërkurë dhe të enjte, futbolli shqiptar rikthehet në mesjavë

Publikuar

-

Nga

Futbolli shqiptar prej datës 3 tetor është pushim, kjo për shkak të dy ndeshjeve të Kombëtares kuqezi me Hungarinë dhe Poloninë. FSHF bën me dije se topi do rrotullohet në Shqipëri mesjavën që vjen, me ndeshjet e kthimit për Kupën e Shqipërisë.

Në 13 dhe 14 tetor do zhvillohen ndeshjet e kthimit, ndërsa disa nga dulet priten me interes për vetë rezultatet në sfidat e para. Në grupin A, Dinamo do duhet të përmbysë humbjen 1-0 në sfidën e parë me Erzenin, ndërsa në atë B, Vllaznia, Kukësi, Egnatia dhe Laçi kanë ndeshje delikate.



Shumica e ndeshjeve do zhvillohen të mërkurë, ndërsa të enjte luhet pjesa e mbetur.

Kalendari për dy grupet:

LEXO TE PLOTE