Connect with Us

Çarje e muskulit dhe dëmtim i rëndë kundër Hungarisë, futbollisti i Kombëtares mungon gjatë

Kombëtare

Çarje e muskulit dhe dëmtim i rëndë kundër Hungarisë, futbollisti i Kombëtares mungon gjatë

Publikuar

-

Amir Abrashi do mungojë katër javë për Grasshopers në Zvicër. Mesfushori kuqezi u dëmtua në fitoren 1-0 që Shqipëria mori përpara tre ditësh me Hungarinë. Mesfushori u zëvendësua nga trajneri Reja, teksa dëmtimi muskulor ka qenë më i rëndë nga sa pritej.

Çarje e muskulit në pulpë, kjo duket se është diagnoza për lojtarin, që do jetë jashtë për të paktën një muaj. Shqipëria luan sot me San Marinon në 20:45, me kuqezinjtë që nuk kanë të gatshëm as Gjasulën për shkak të pezullimit me kartona.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kombëtare

Shqipëri-Poloni/ Në Serbi kapin detajin që nuk e vuri re askush! Kërkojnë dënim…

Publikuar

-

Nga

Ndeshja mes Shqipërisë dhe Polonisë tërhoqi një vëmendje të madhe, si brenda ashtu edhe jashtë vendit. Incidenti me hedhjen e shisheve në “Air Albania” gjatë ndeshjes Shqipëri-Poloni ka bërë xhiron e botës dhe FIFA ka paralajmëruar se do të marrë masa, megjithatë ka pasur edhe nga ata që kanë përfituar nga ky rast.

Dueli i kuqezinjve nuk u ka shpëtuar as syrit serbëve, të cilët menjëherë kanë nisur edhe ankesat.”Kurir” dhe “Blic” dy gazetat më të mëdha në Serbi kërkon dënim nga UEFA, teksa sipas tyre një flamur me shkrimin “FCK SRB” është ngritur në “Air Albania” gjatë ndeshjes.



Media në fjalë nuk kursehet aspak për sjelljen e tifozëve shqiptarë, të cilët i cilëson si huliganë që bënë gjithçka të mundur për ta lënë në hije ndeshjen.

LEXO TE PLOTE

Kombëtare

Veprime skandaloze të tifozerisë polake, Artan Hoxha: Polakët kanë goditur me stola tifozët shqiptarë

Publikuar

-

Nga

Tifozët shqiptarë bënë xhiron e mediave polake apo edhe të shteteve të tjera për hedhjen e shisheve në fushë, duke e quajtur sjelljen skandaloze. Por në “Air Albania” ka pasur edhe një tjetër anë të medaljes. Artan Hoxha zbulon në emisionin “Skaner” në “MCN TV” faktin se tifozët polakë kanë goditur me çfarëdo objektesh tifozët shqiptarë, e madje edhe me stola. Më shumë se 15 ulëse në tribunën e tifozëve të Polonisë janë të dëmtuar.

“Isha sot për ta parë më qartë. Në vendin e ngjarjes gjtihmonë gjenden gjurmë. Në pjesën e tribunës ku ishin tifozët e skuadrës polake ishin të dëmtuar më shumë se 15 stola. Pjesa tjetër e stolave të dëmtuar ishin në anën e TKZ. Nëse do e krahasojmë dëmin me derbin Partizani-Tirana nuk ka të krahasuar, në derbi ishin 180 stola. Stadiumi jonë ëshjtë shumë I mirë, funskional me pamje visive fantastike. Problemi është faktori njerëzor.



Tifozët polakë janë nga tifozët më të dhunshëm në botë. Janë të papërballueshëm. Ne nuk përballemi dot fizikisht trup më trup me ta. Ata i kanë goditur tifozët tanë me cfarë kanë dashur, madje edhe me sedilje që përpara se të hidheshin shishet në fushë. Plisat nuk kanë pasur shishe ujë, por kanë pasur gota birre pafund”, Artan Hoxha.

LEXO TE PLOTE

Kombëtare

Reagimi i FSHF-së: Provokuan tifozët polakë, po monitorohemi nga ekspertët e UEFA-s

Publikuar

-

Nga

Vjen edhe reagimi zyrtar i Federatës Shqiptare të Futbollit në lidhje me incidentet që ndodhën në “Air Albania” në sfidën me Poloninë.

Qeveria e futbollit shqiptar kujton opinionin publik se në këtë stadium do të organizohet finalja e “Conference League” e pas ngjarjeve të fundit ky impinat do të jetë nën vëzhgimin e rreptë të specialistëve të UEFA-s kur të zhvillohen ndeshjet e Superiores, e sidoms sfidat derbi.

FSHF drejton gishtin nga tifozët polakë si provokatorë dhe nxitës të reagimit të pahijshëm të një pjesë të tifozëve shqiptarë

Reagimi i FSHF-së

“Të martën patëm mundësi të shijonim një ndeshje, e cila nuk pati rezultatin që të gjithë do dëshironim të kishim. Të gjithë shqiptarët ishin me sy nga djemtë e Kombëtares sonë, që kanë zhvilluar një edicion të shkëlqyer deri më tani. Rezultati nuk ishte në favorin tonë, por ne dhamë gjithçka në fushën e lojës. Fati dhe mungesat e shumta që kishim ndaj Polonisë janë faktorë, që nuk duhet t’i harrojmë në asnjë moment. Futbolli i ka të gjitha rezultatet brenda, por ne duhet të jemi krenar me këtë skuadër, e cila na ka dhuruar emocione të jashtëzakonshme. Trajneri Reja dhe e gjithë skuadra duhet të jenë gjithashtu krenarë për çfarë kanë bërë deri më tani dhe të vazhdojnë punën për të çuar përpara projektin e nisur, për të bërë realitet objektivat e dëshirat e të gjithë shqiptarëve për rikthimin në Kampionatin Europian dhe pjesëmarrjen në një Kampionat Botëror.

Ndeshja na shfaqi gjithashtu disa probleme të rënda, që duhet zgjidhur dhe adresuar sa më parë. Incidente që nuk na nderojnë aspak ne, Shqipërinë dhe tifozët e saj të mrekullueshëm.

Federata Shqiptare e Futbollit ishte duke punuar prej muajsh me UEFA-n në lidhje me një aktivitet të rëndësishëm sa i përket sigurisë në stadiume, edhe në kuadër të finales së Conference League që do të organizojmë në 25 maj 2022. Pas ngjarjeve në ndeshjen me Poloninë ky aktivitet bëhet edhe më emergjent, në mënyrë që të gjithë aktorët dhe faktorët e përfshirë në të tilla çështje të bëjmë më të mirën për organizimin e një ndeshjeje.



Ekspertët e UEFA-s do të jenë këtu për të ndjekur disa ndeshje të Abissnet Superiores dhe kryesisht derbit ku ka prani më të madhe tifozësh, për të strukturuar në mënyrë perfekte organizimin për të tilla ndeshje.

Ne jemi të vetëdijshëm se incidentet e të martës në mbrëmje nuk na nderojnë. Duhet të nxjerrim të gjithë mësime sa na përket si organizatorë. Kishim 22 mijë tifozë të shkëlqyer dhe vetëm dhjetëra individë na njollosin gjithçka të mirë që skuadra ka bërë deri më tani.

Një gjë është shumë e qartë: Ne nuk kemi tifozë të dhunshëm, nuk kemi një historik të tifozëve problematikë, përkundrazi sjellja e shkëlqyer dhe mbështetja që tifozët tanë japin në ndeshjet dhe jashtë fushe është bërë objekt krenarie për ne.

Ngjarjet e djeshme janë pasojë e një provokimi të vazhdueshëm, dhe një sjelljeje shumë agresive nga ana e tifozëve polakë që kanë goditur për gati 2 orë tifozët tanë në dy tribuna. Tifozët polakë njihen për të tilla sjellje dhe prej ditësh të gjithë autoritetet e përfshira në ndeshje kanë bërë maksimumin për të parandaluar ngjarje më të rënda.

Nuk duhet të harrojmë se në të njëjtën orë me ndeshjen tonë në “Air Albania” Stadium, tifozë polakë kanë qenë në Wembley në ndeshjen Angli-Hungari dhe kanë pasur përplasje të shumta me tifozë vendas dhe policinë vendase. Ne nuk u shmangemi përgjegjësive tona, i njohim ato, por duhet të jemi gjithmonë pranë të vërtetës, sepse vetëm ajo na shërben për të ecur para. Në asnjë moment, askush, nuk duhet të drejtojë gishtin e akuzës dhe të shpallë fajtorë, por së bashku duhet të reflektojmë dhe të përmirësojmë punën tonë.

Ne të parët, si dhe të gjithë aktorët e tjerë që kanë përgjegjësi për organizime të këtij niveli. E kemi të qartë se sa më shumë rritemi e bëhemi konkurrentë, sa më shumë na besohet organizimi i aktivitete prestigjioze europiane, aq më e vështirë bëhet organizimi në perfeksion. Kjo është arsyeja që kemi nisur punën së bashku me autoritetet përkatëse për të rritur kapacitetet tona organizative. Shqipëria është një realitet tashmë në futbollin europian dhe ne duhet t’i përshtatemi këtij realiteti të ri. Nuk kemi mundësi të zgjedhim.”

LEXO TE PLOTE