Connect with Us

Adi Krasta mesazh “elitave”/ Po bëhet pis një altar i shenjtë

Opinione

Adi Krasta mesazh “elitave”/ Po bëhet pis një altar i shenjtë

Publikuar

-

cna lajme, cna opinione

Monolog nga Adi Krasta 

Tani, sheshi ku takohemi e flasim për shqetësime e halle, gëzime e pasione është terreni i rrëshqitshëm online. Në publikimet personale me përgjigje e kundër pergjigje na është bërë e dallueshme antipatia për vendin tonë. I referohemi të vetmit territor në botë ku do të duhej të ndjeheshim të sigurtë e të qetë për shkak të përkatësisë së natyrshme.

Ky komb i vogël- i madh duket se nuk gjen qetësi. E gjithë analiza ime dhe vendimi për të folur për këtë çështje në televizion, në mënyrë të dedikuar lindi pas deklaratës në fb të një mendjeje të mençur kosovare, se Kosova tanimë është si Austria ndërsa Shqiperia është si Gjermania.

Të dy vendet duket se kanë tani gjithmonë e më pak pika takimi në të folurën e përditshme. Përpara disa vjetësh një mik me të cilin punonim në Prishtinë e shpjegoi qëndrimin e tij austriak, konkurrues e të largët me atë gjerman të Shqipërisë duke deklaruar me sinqeritet,  se më mirë pranon të jetë i pari në fshat se i fundit në qytet. Pas një rinjohjeje të vonë dhe ndryshimeve të forta gjeostradegjike rajonale, Shqipëria dhe Kosova po e harrojnë në të folurën e përditshme e sidomos në aksionin politik, se janë pjesë të ndara brutalisht të një kombi të vetëm dhe jo dy kombe të veçantë të ndryshem nga njeri-tjetri.

Për mendjet analitike shqiptare të gjithë rajonit shqipfolës, nocioni kokëfortë e rezistent i kombit të bashkuar po vihet në rrezik nga të paret e fshatrave respektive të cilët e kanë më të thjeshtë të këndojnë në majë të plehut të tyre e të mos të vazhdojnë garën e shëndetëshme që në viset shqiptare ka qenë vibrante gjatë historisë.

Ka që pretendojmë se në të kundërt nga ajo që kemi besuar ndonjëherë shqiptarët nuk kanë pasur një komb të lavdishëm. Që të ishte i lavdishem ai duhet të kishte fituar luftrat me të cilat u ballafaqua dhe nuk do të duhej të sillej si humbës gjatë pushtimeve otomane e komuniste. Në dritën e kësaj pamundësie të shqiptarëve për të patur shtet të fuqishëm dhe respekt për veten një nga gazetarët e jashtezakonshëm të Kosovës që jeton në Zvicër thërret në apel elitat shqiptare, atë grupim njerëzisht të kulturuar, që e kanë sensin e historisë e mund të parashohin tallazet në detin e te ardhmes, për të krijuar kushtet e një iluminimi të shumëpritur të popullatave të Shqipërisë e Kosovës për tu bindur më në fund se të lidhur e bashkuar, me interesa të njëjta e përgatitje të përbashkët, kombi bëhet më i fortë dhe i mbijeton kohës i fuqishëm.

Mirëpo që nga Lidhja e Prizrenit me plateformën e saj të jashtëzakonshme Shqipëria e Kosova nuk kanë patur më një doktrinë elitare rezistence e fuqizimi. Në sheshin e thashethemeve online, shpotitë dhe sarkazma e majës së plehut e të parëve të fshatit hidhet e pritet në dy anët e kufirit si një pështyme që qarkullon duke bërë pis përveç njëri-tjetrit një altar të shenjtë, të vetmin, të madhin e të patjetersueshnin, atë të kombit. Kombi, i përçarë si gjithmonë, provincial, siç e quajnë të huajt, brilutalisht me vese, sidomos sëmurë me sindromin e pamundësisë së vetëqeverisjes pret që elitat e tij të mos sillen si të rastesishme, të përkoheshme, por të dalin në ballë të asaj që prej shekujsh pritet prej tyre. Janë pikërisht elitat shqiptare që e çbalancojne komunikimin mes dy e më shumë pjesëve të kombit.

Me boshllëkun e shpirtit të tyre dhe vasalitetin, me preokupacionin e shkëlqimit individual kundër mbështetjes së ëndrrës së përjetshme kombëtare. Dëshira e papërballueshme për thashetheme e small talk, fajësimi i pjesës tjetër të kombit me shtysën për të shitur mend, kinse në jemi më të mire e ata spo dinë, gjeneron ndasi tek njeriu i zakonshëm e sidomos te të rinjte e veçanerisht te fëmijet.

Ndërsa rrisim shqiptarë të këqinj, e gjithë kjo zhurmë e pakujdesshme egoiste shoqërohet nga dy fenomene të njohura ndër ne: udhëheqësit tradhëtare -shërbetore të armiqve tradicionale, agjentura fine dhe hiri që u hidhet syve me propagantë shqiptarëve partiakë. Ashtu sikurse iu fal armiqve tanë Shën Naumi, ishte shumë afër të falej Mitrovica e veriut. Ashtu u dhanë toka të vijës se demarkacionit me Malin e Zi. Kështu më parë u humbën Ulqini, Plava e Gucia, pjesa perëndimore e gjerdanit të Maqedonise së sotme perëndimore, Çameria, deti me Greqinë.

LEXO EDHE:  “Drejtësi për të gjithë”/ Yuri Kim: SHBA do mbështesë gjithmonë Shqipërinë

Tradhetitë nuk janë me anektodike. Ato kanë gjënë gjithmonë reale, të kryera nga udhëheqësit shqiptarë për interesa personale nën heshtjen dhe sytë e mbyllur të elitave kulturore e akademike të vendit. Nga ana tjetër, cinizmi e paternalizmi qeveritar e kryeministror gjen skenë në një propagandë të turpshme të asgjëse. Në të vërtetë produkti është ky: Shqipëria dhe Kosova rrezikojnë seriozisht të mbërrijnë statusquone e Austrise me Gjermaninë dhe jo siç do të duhej të ndodhte, bashkimin e dy Gjermanive.

Edhe ato në momentin e bashkimit ishin tjetërsuar e qëndronim përballë të ndryshme, por sot janë një në të vetmin vend të fuqishem. Pretendimi politik se dy vendet bashkohen në Europe është alibi dembelësh. ‘Open Ballkan’ është një platforme e nxitur nga organizata globale dhe dallueshem nuk privilegjojne shqiptarët, përkundrazi. Në këto dy dekada arsimi nuk është njësuar. Abetarja jo. Doganat jo. Policitë natyrisht që jo. Televizionet gjithashtu. Tregu i punës nuk është njëjësuar dhe kufiri vazhdon të mbetet refraktar.

Elitat, spitullaqe, të vetkenaqura, të pangjashme me Isa Boletinin në asgjë, vazhdojnë një teatër humbësash, zhurmnajë batutash dhe grindje statusesh në FB. Ndërkohë dy vende fqinje historikisht armiqësore me shqiptarët janë ende aty dhe nuk duket se kanë ndryshuar ndryshuar vetë apo ti ketë ndryshuar Europa. Meqë duam të jemi modern dhe dashuria për kombin tingellon jo e kohës. Pra, le të mos e shohim këtë komb dy pjesësh me patriotizëm që për shumë është koncept i dalë boje në këtë ekzaltim globalizmi.

Le ta shohim me pragmatizëm. Si bëhemi ne më të fuqishëm? Më të pasur për këtë shkak dhe më të lumtur? Duke u dashur pa kushte. Duke u njohur fuqishëm se koha nuk pret. Duke bashkuar çfarë të mundemi. Duke punuar të gjithë me organizim për një arritje ultimative të përbashket. Elitat të zgjohen urgjentisht, të shohin tablonë e madhe dhe ti largohen pasqyrës ku bëjnë monologun e të parit të fshatit. Duhen kontrolluar fort kryeministrat, ministrat e Arsimit e të Kultures, të Ekonomisë e të Diplomacisë.

Të ndërpritet menjëherë teatri i takimeve nderqeveritare bosh. Të krijohet një Komitet i Përbashket i Shpëtimit dhe Fuqizimit Kombëtar. Të rritet presioni fuqishëm që shkollat të reformohen që nga kopshti deri në universitet duke ju pershtatur sjelljes si një komb i vetëm. Ne nuk e kemi luksin të bëhemi Austria e Gjermania. Jemi shumë të dobët e të parëndësishem për ta pretenduar këtë.

Në fund sërish për elitat. Shkrimtarët, mësuesit, gazetarët, mjekët, blogerët, asat e shoubizit do të duhet të mblidhen në Prishtinë e Tiranë në dy forume të mëdha. Të dalin me një plateformë të fuqishme e reale, të realizueshme. E më pas të bëjnë të njohur vazhdimisht te fëmijët e vegjël që do rriten për ti bërë burra e gra të së ardhmes, se një komb i madh është gjithmonë më i fuqishëm se dy vende të vogla.

Se ja vlen të mësosh sesi fitohet e për çka mundesh pa egoizëm të ndjehesh krenar. Mësueset e gjuhës shqipe e leximit letrar le të propozojnë për nxënësit të shkruajnë ese analitike për shkrimet e Aurel Plasarit e Enver Robellit. Ndërsa për ne të tjerët, përfshirë mua, për shkak të rrezikut të të folurit extra parte e të arrogancës që të prodhon dhënia mend le ta mbyllim me Ismail Kadarenë tek “Ra ky Mort e u pame”:

Është e habitshme xanxa e shqiptareve për të futur hundët në çdo gjë, për të ngatërruar, për të kundërshtuar, për të shitur mend, për të qenë në qendër të vëmendjes. I shikoj se si hyjnë në polemikë me delegatët, me ambasadorin shqiptar, me ministrin e Jashtëm, me këdo që iu del përpara. Japin mendime për atë që ka ndodhur, për atë që do të ndodhë, për atë që s’duhet të ndodhë, e kështu me radhë. Japin gjykime për platformën shqiptare, për zgjidhjen rajonale, për strategjinë globale. Natyrisht që s’kanë faj ata qe edhe shqipen e flasin gjysma-gjysma, por kur i dëgjon si përzihen me duf në bisedë, si kundërshtojnë për çdo gjë e japin mendime për gjithçka, ata që nuk dinë asgjé, s’ka se si te mos nervozohesh e t’u thuash: llafazanë të pandreqshëm, mbylleni atë gojë të prapë!

Kadare ka të drejtë. Është koha të veprohet!

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Opinione

Nga Julian Bala/ Pa pasur rritje rrogash 50%, mos tentojë askush të rritë produktet dhe energjinë

Publikuar

-

Nga

Kriza energjitike: dr.DRama, doktor në rrënim dhe shkatërrim ekonomik, hedh nje vickel per t’i nenshtruar “familjet ne nevojë”; thotë se do shpërndaje ndihma… Njësoj veproi kur filloi plandeminë; u tha nepunesve qe të rrinin në shtepi, sepse do u jepte jo një, por dy rroga.

Me pas, kur filluan lehtësimet politike nga shtrëngimet e injorancës diplomatike, lexoja nëpunës të korruptuar që i kërkonin dr.DRamës ta zgjaste izolimin edhe për muajt në vazhdim, sepse kështu ishte mirë për palën e militantëve-nëpunes që u mësuan të merrnin më shumë para duke ndenjur në shtëpi, sesa duke shkuar në “punë”…

Ketu, nuk ka politikë zhvillimi, por vetëm politikë prapambetjeje!

Kjo është “e injektuar” nga jashte sigurisht.

1)Papunësia në rritje.

2)Shumë njerëz kanë lënë vendin e punës, ose nuk janë marrë në punë, sepse nuk kanë zbatuar rregullat e maskizëm-vaksinizmit, dozën e parë, të dytën, etj.

3)Zyra e punës, ka që në kohën e Salës që nuk shperndan vërtetime papunësie, sepse nuk i intereson sistemit të shpaloset lista e vertete e të papunëve.

4)Si do quhet shtresë në nevojë, shtresa e të papunëve, nëse nuk lejohet të shpërndahet vertetimi i papunësisë, por vetëm i punëkërkuesit?



5)Punëkerkuesi që nuk i nenshtrohet plandemisë, servilizmit plandemik, manipulimit plandemist, eshte shtresa e re në nevojë.

6)Nëse një superspecialist që ka 6 vjet pa punë dhe vazhdon dërgon CV lart e poshtë në lidhje me eksperiencën dhe formimin e tij profesional, asnjë nuk e mori në telefon dhe t’i thoshte që ketu në këtë ndërmarrje kemi nevojë për njerëz si ty, por vetëm Callcenter-at (që kanë lidhje me informacionet e zyrës e punës) e merrnin në telefon dhe i luteshin për intervistë, derisa u bënë të bezdisshëm.

LEXO EDHE:  Të ardhurat për frymë në Shqipëri, me rritjen më të vogël në rajon

LEXO EDHE:  “Drejtësi për të gjithë”/ Yuri Kim: SHBA do mbështesë gjithmonë Shqipërinë

Callcenter-at , janë qendrat e punësimit të njerëzve të nënshtruar. Nuk mund të marrin në punë intelektualë rebelë që duan të “minojnë” sistemin e kompromisit, përshtatjes darviniane në emër të antivleres që mbretëron falë korrupsionit!..

A e dini se si i konceptoj unë politikanet? Njësoj si një grup njerëzish që hapen në trotuar sikur e kanë pronen e tyre dhe bicikletave që nuk kanë korsi ku te kalojnë iu thonë: hidhuni në rrugë, pikërisht aty ku makinat vrasin njerëz çdo ditë…

A e dini se si i konceptoj une politikanët? Njësoj si disa njerëz injorantë që ecin dhe bllokojnë rrugen e biçikletave nga kodrat e Liqenit dhe zilen bëjnë sikur nuk e degjojnë, por duhet t’iu bertasësh dhe t’iu ulerrasësh që të mendojnë se ti je i çmendur dhe të të hapin rruge aty ku të takon ty të kalosh i lirë…

Keshtu pra, le të ulerasim të gjithë që të na heqin barrierat dhe të na hapin rrugët që i kanë bllokuar për ne dhe që i kanë përvetesuar vetëm për “lëvizjet” e tyre të gabuara: “Pa pasur punë me dinjitet, pa pasur rritje rrogash 50%, mos tentoje askush të rritë produktet dhe energjinë me 40%!

Krizën e krijuar, mos tentojë askush ta thellojë, se do shtojë dënimin nesër kur të perballet me gjykimin për krime ndaj njerëzimit!”

LEXO TE PLOTE

Opinione

Nga Klodian Tomorri/ Përfundimisht është bërë shumë usta!

Publikuar

-

Nga

Doli para mediave dhe foli per krizen e rende. Shpalosi planin me tre pika, ku 2 nga pikat ishin s’do kete kufizime dhe nuk do kete rritje te cmimit per familjet dhe biznesin e vogel. Dmth dy nga pikat e planit ishin qe nuk do bejme asgje.

Mediat i peshkoi. Te gjithe u leshuan me titujt lehtesues; kryeministri jep lajmin e mire, nuk ka rritje cmimi energjie per familjet dhe biznesin e vogel etj etj. Fitore e madhe me nje fjale.

Askush nuk ben pyetjen me the thjeshte dhe llogjike te mundshme; mire per familjet dhe biznesin e vogel s’do rritet, por me biznesin e mesem dhe te madh cfare do ndodhe?

Se dyti, cfare nenkuptohet me biznes i vogel se ketu eshte bere nje lemsh i madh me kategorizimin e biznesit qe nuk merret vesh me. Dmth ku do te filloje kerbaci?

Tani ajo qe nuk kuptova une, eshte kjo:

Do rrise cmimin direkt per te gjitha bizneset me xhiro mbi 10 milione leke ne vit.

Do rrise cmimin direkt per biznesit me xhiro mbi 14 milione leke ne vit?

LEXO EDHE:  Konferneca e kryeparlamentarëve të BE/ Ruçi: Besoj në një raport pozitiv për Shqipërinë

LEXO EDHE:  Shqipëria “e blinduar” nga policia / Kontrolle të befasishme në gjithë vendin

Do e rrise vetem per ata qe jane te lidhur ne tensionin e mesem?

Apo do i nxjerre jashte nga furnizimi i rregulluar per te bere rritje te fshehte, qe kur te kthehen tek furnizuesi fundor, dmth OSHEE, t’u kercase 300 lekeshi per kilovat ballit?



Nga 1 janari, nje nga keto kater skenaret siper eshte ngjarje e sigurte me probabilitet 1. Nderkohe edhe nje shuk 200 milione euro iu shtua malit te borxhit publik.

Me pas pyetjet vazhdojne:

Kur t’u rritet ketyre bizneseve cfare do ndodhe?

Do ia percjellin konsumatorit ne cmimet e produkteve apo sherbimeve qe ofrojne?

Apo do dalin nga tregu per shkak se do mbyten nga konkurrenca e bizneseve te vendeve te tjera fqinje, te cilat e kane koston e energjise shume me te ulet.

Nejse. Mediat i peshkoi. Kjo ka rendesi. Per ca dite tirujt do jene keshtu; Rama jep lajmin e mire, nuk ka rritje cmimesh.

Nderkohe ju te biznesit te mesem dhe te madh kapni garuzhdet te henen dhe tek sheshi se e hengret shkopin.

 

LEXO TE PLOTE

Opinione

Nusreti, Rama dhe Foltorja e Saliut

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Nga Ilir Levonja 

Shumë njerëz pyesin se prapë me Sali Berishën do merremi, prapë Sali Berisha do na qeverisi ne? Bëhet me këtë plakun etj.? Dhe përgjigja është fare e thjeshtë…, jo po rrini me këtë Nusretin e studiove, i cili i di të gjitha, madje është kthyer një kopje perfekte e sentencës me dashuri dhe qetësi të Ilir Metës.

Arsyeja është e thjeshtë demokratët po gërrëvërren, po, shoqërinë civile ne e kemi gjithnjë në minorancë etj. Ky i di të gjitha, deri metrot për kub të ujit në liqenin e Fierzës. Si nuk doli kurrë në një studio një ekip ekspertësh të flasi për parametrat ekonomikë, çfarë prodhon, çfarë blen a shet Shqipëria. I di Nusreti të gjitha.

Deri çmimin e hashashit në tregun e zi. Ka një kokë magjike që sheshon gjithëçka, pavarsisht se pjesa dërrmuese e shqiptarëve ankohen nga mëngjesi e deri në darkë. Ai vulos, ai vendos. Sa për Foltoren e Berishës duhet të kuptojmë një gjë. Nuk dihet se me cilin në krye na pret e nesërmja. Eshtë një lëvizje që në fund do flasi vota kolegjiale e demokratëve. Por ajo çfarë ka rëndësi, është lëvizja. Një frymë civile që po debaton, që ka të drejtën e fjalës, karshi ca paneleve me deklarata pa asnjë lidhje nervi me problemet tuaja nga dera e shqupit të Lulzim Bashës. Një zyrtar anemik që do mbahet mend për 5 humbje radhazi dhe që kurrë nuk e njohi institucionin e dorëheqjes, duke shpikur alibinë me ngriva-shkriva.



Eshtë plak Sali Berisha, edhe unë, edhe Amerika ime plak e kemi presidentin. Sali Berisha tha mbrëmë se duhej ta kishte filluar foltoren, menjëherë pas marrëveshjes mes Ramës dhe Bashës në muajin maj të vitit 2017. Midis të tjerave shpjegoi punën e liderit të thyer, zhbërjen e forumeve dhe votës kolegjiale etj. Rishtas pranoi si gabimin e tij heshtjen kur shihte se si përjashtoheshin kundërshtarët e kryetarit etj. Ashtu sikur edhe pranoi se koha është gjëja më me vlerë që demokratët duhet ta çmojnë shumë.

LEXO EDHE:  Konferneca e kryeparlamentarëve të BE/ Ruçi: Besoj në një raport pozitiv për Shqipërinë

LEXO EDHE:  Vatikani nxjerr sekretet për Shqipërinë/ Zbulohen dokumentat e panjohura

Do Zoti dhe e ka sinqerisht, por kjo nuk do të thotë se nuk kemi të drejtën tonë për t’i treguar dallimin midis përgjegjësive personale dhe historisë së një force politike. Këto janë disa të vërteta që të bien kokës dhe kur ne i thoshim Berisha heshte. Megjithatë nga kjo lëvizje vihet re qartasi se sa e madhe është diferenca midis një lideri opozitar dhe një zyrtari partie. Sot demokratët a gjoja partia e tyre, nuk kanë në krye një lider, por një zyrtar.

Një kolegjium zyrtarësh dhe për më tepër humbsa. Eshtë e thjeshtë, kush huumb, hap krahun. Kjo mendësi e thjeshtë është sekreti i artë, ekzistenca e florinjtë. Them gjoja, se në fakt partia reale e demokratëve, përfshi edhe ata pa teserë është në Foltoren e Sali Berishës. Na pëlqen apo nuk na pëlqen neve, duam apo nuk duam. Kur dialogon dhe vepron me votë kolegjiale edhe produktet vinë të arrira. Aty janë argumentat, pasi janë edhe faktet. Që dmth, një ide mund të ofrohet edhe nga zgjedhjet e fundit, kandidaturat të jenë ata që mundën herësin, këtë nyjë magjike të marrëveshjes Basha-Rama. Në fund të fundit janë më të votuarit.

LEXO TE PLOTE