Connect with Us

Debat në Bundestag/ Merkeli mbështet Laschetin dhe sulmon Scholzin

Bota

Debat në Bundestag/ Merkeli mbështet Laschetin dhe sulmon Scholzin

Publikuar

-

Kancelarja Merkel ka mbështetur edhe një herë fuqishëm CDU/CSU në atë që pritet të jetë seanca e fundit e Bundestagut para zgjedhjeve. Ajo gjithashtu kritikoi vërejtjet e kandidatit të kancelarit Scholz.

Në seancën e fundit të parlamentit federal për zgjedhjeve, kancelarja Merkel e quajti luftën kundër ndryshimit të klimës si çështjen më urgjente të kohës sonë. Ajo tha se janë ndërmarrë hapa të rëndësishëm gjatë kësaj legjislature. Ndër të tjera, ajo iu referua Ligjit të Mbrojtjes së Klimës me buxhete vjetore dhe objektiva sektoriale. Në lidhje me pandeminë Korona, ajo ripërtëriti apelin e saj për popullatën që të vaksinohet. Në fund të deklaratës së saj, Merkeli bëri thirrje për zgjedhjen e kandidatit unionist për kancelar, Armin Laschet.

Kancelarja Angela Merkel i përshkroi zgjedhjet e ardhshme parlamentare si një vendim mbi drejtimin që do të marrë Gjermania dhe i dha mbështetje të fortë kandidatit të CDU/CSU për kancelar Laschet. Në të njëjtën kohë, në atë që pritet të jetë seanca e fundit e Bundestagut para zgjedhjeve më 26 shtator, ajo paralajmëroi kundër një aleance të SPD dhe të Gjelbërve me Partinë E Majta.

Angela Merkel dhe Armin Laschet
Angela Merkel dhe Armin Laschet

“Nuk është e parëndësishme se kush e qeveris këtë vend,” tha ajo. Këto janë zgjedhje të veçanta “sepse në kohët më të vështira është një vendim për dretimin që do të marrë vendi ynë”, theksoi Merkeli. Qytetarët kishin zgjedhjen midis dy opsioneve: një qeverie të SPD dhe Të Gjelbërve “që pranon mbështetjen e Partisë E Majta, të paktën nuk e përjashton atë” ose një qeveri të udhëhequr nga CDU dhe CSU me Laschetin në krye.

“Rruga më e mirë për vendin tonë është një qeveri federale e udhëhequr nga CDU/CSU me Armin Laschetin si kancelar,” tha Merkeli. Një qeveri e tillë, tha ajo, do të siguronte stabilitet, besueshmëri, moderim dhe rrugë të mesme. “Kjo është pikërisht ajo që i duhet Gjermanisë.”

Scholzi mbron fjalët që ka përdorur

Toni i Kancelares ishte i pazakontë, sepse në vitet e mëparshme, gjatë paraqitjeve në Bundestag Merkeli kishte theksuar gjithmonë gjuhën e përbashkët me partnerin e saj të koalicionit, SPD. Merkeli shprehu kritika të drejtpërdrejta edhe ndaj zëvendëskancelarit dhe kandidatit të SPD për kancelarin Olaf Scholz. “Sigurisht, askush prej nesh nuk ishte dhe nuk është kavie laboratori në asnjë formë,” tha ajo, duke iu referuar deklaratave përkatëse të Scholzit gjatë fushatës zgjedhore. Çdo person i vaksinuar kishte marrë një vaksinë të testuar mjaftueshëm. Politikanët duhet t’i bindin njerëzit të vaksinohen”dhe të mos debatojnë me imazhe të shtrembëruara të kavieve të laboratorit”.

Olaf ScholzJavën e kaluar, kandidati i SPD për kancelar, Olaf Scholz kishte thënë në një intervistë me një radio lokale në landin Rini Verior-Vestfalia: “50 milionë vetë janë vaksinuar tani dy herë. Ne të gjithë kemi qenë kavie laborotari për ata që kanë pritur deri tani. Prandaj unë, si njëri nga ata 50 milionë, them se shkoi mirë. Bëhuni edhe ju pjesë e vaksinimeve.”

Scholzi i mbrojti fjalët që kishte përdorur pas fjalimit të kancelares. Ai tha se populli duhej të bindet për vaksinimin – në një mënyrë të qetë, të shtensionuar e edhe me shaka, për të cilat qeshet në shumë aktivitete. “Nëse ca nuk duan të qeshin dhe të mërziten për këtë, mund të ketë të bëjë me faktin se ata kanë pak për të qeshur kur shikojnë shifrat e sondazheve të tyre,” tha ai.

LEXO EDHE:  Kancelarja Merkel nën presion/ Po humbet mbështetjen brenda partisë 

Thirrje nga salla

Përveç kësaj, Scholzi përmendi tre përparësi për një qeveri federale nën udhëheqjen e tij: luftën kundër varfërisë së fëmijëve, strehim të përballueshëm dhe pensione të qëndrueshme. Për të, këto janë garanci për kohezionin e shoqërisë, tha Scholz-i.

Deutschland Bundestag Angela MerkelDeklaratat e Merkelit çuan në thirrje të shumta nga salla e seancës plenare. Kryetarja e grupit parlamentar të AfD-së, Alice Weidel e akuzoi kancelaren Merkel se e kishte lënë Gjermaninë prapa si një rast për t’u rindërtuar. Vendi është gjithashtu i pasigurt dhe i ndarë, tha ajo.

Kryetari i liberalëve të FDP -së, Chrisitan Lindner tha duke iu drejtuar kandidatit për kancelar të SPD -së, Olaf Scholz, se nuk duhen fituar sondazhet, por zgjedhjet. Dhe as atëherë nuk është e sigurt që je në gjendje të drejtosh një qeveri. Ai akuzoi të Gjelbrit se donin ta bënin të gjithë Gjermaninë një lloj “Bullerby” (vend të idealizuar të lumturisë). Kreu i grupit parlamentar të partisë E Majta Bartsch bëri thirrje për ndihmë për qytetarët./DW

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Rrëmbim, prostitucion, dhunë seksuale/ Shkatërrohet banda e rrezikshme shqiptaro-italiane

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

11 persona, anëtarë të një bande italo-shqiptare, e cila merrej me shfrytëzim prostitucioni kanë rënë në prangat e policisë italiane.

Mediat italiane bëjnë të ditur se banda akuzohet se shfrytëzonin prostitucion vajzat shqiptare në Bologna.



Hetimi për goditjen e këtij grupi kishte zgjatur një vit, ndërsa siç raportojnë sot mediat italiane, grupi i vajzave shqiptare detyrohej të prostituonte në Via Emilia, Anzola dhe Valsamoggia. Anëtarët e grupit zotëronin disa apartamente në qendër të Bologna, në të cilat vajzat shkonin me klientët.

LEXO EDHE:  Gjermania ende e pabindur për integrimin e Shqipërisë/ Ja me kë u takua Rama në Berlin

LEXO EDHE:  Angela Merkel pa ndonjë plan B për refugjatët

Të arrestuarit akuzohen për rrëmbim, shfrytëzim prostitucioni, dhunë seksuale, përndjekje. Tre apartamente në qendër të qytetit u konfiskuan. Gjithashtu u sekuestruan shuma të mëdha parash, celularë dhe sende të tjera.

LEXO TE PLOTE

Kosova & Rajoni

Rikthimi i ekstremizmit të djathtë

Publikuar

-

Nga

Para një viti u ndalua partia ekstremiste “Agimi i Artë” dhe drejtues të saj u dënuan me shumë vite heqje lirie. Por tani e djathta ekstreme në Greqi po forcohet sërish.

Pamjet nga një shkollë profesionale në Stavropuli pranë Selanikut ishin shokuese. Në fillim shikoheshin të rinjtë me maska me shufra hekuri, thika dhe gurë që sulmojnë të rinj të tjerë, që kishin shpërndarë para shkollës fletushka kundër politikës arsimore të qeverisë konservatore. Në fund të maskuarit pozuan para oborrit të shkollës me krahun ngritur për përshëndetjen e Hitlerit. Ky sulm në shkollë u zhvillua më 27 shtator. Ishte aksioni i parë i pasuesve potencialë të partisë neonaziste, “Agimi i Artë”, pas ndalimit të saj para një viti. Prej asaj kohe zhvillohen herë pas here aksione me sfond ekstremist të djathtë në Greqi. Në Evosmos, po një periferi e Selankut në 1 tetor u zhvillua një paradë neonaziste, ku si pasojë pati trazira.

Shkolla si vend rekrutimi

Zhvillimet në Stavropouli nuk janë rrufe në qiell të hapur, thotë Konstantions Tsiselikis, dekan i Universitetit Makedonia në Selanik për DW. Profesori për të drejtën ndërkombëtare, migracionin dhe të drejtat e njeriut shikon tek përshëndetja e nazistëve në oborrin e shkollës një goditje të rëndë kundër karakterit demokratik të arsimit. “Për fat të keq në shumë shkolla ka grupe ekstremiste të djathta”, thotë Tsiselikis. “Ata janë të shpërndarë ntë gjithë vendin, sidomos në zonat pa zhvillim ekonomik, ku grupet neonaziste e kanë të lehtë të rekrutojnë adoleshentët. Akoma më keq është kur mësuesit vetë e tolerojnë këtë rekrutim ose madje e nxisin. Ky është një fenomen që ka nevojë për vëmendje të madhe.”

Pas trazirave të ekstremistëve të djathtë në Selanik

Para 10 vitesh zona përreth Athinës ishte bastioni i “Agimit të Artë”. Trupat huligane të partisë “Agimi i Artë” sulmonin përditë migrantët në lagjet punëtore të Pireut. Në vitin 2018 Selaniku u kthye në bastion të ekstremistëve të djathtë, edhe në kuadër të protestave nacionaliste kundër një zgjidhjeje të konfliktit me Maqedoninë e Veriut dhe arritjes së Marrëveshjes së Prespës.

Frika nga pasiguria



Tsiselikis e ndjek me shqetësim aktivizimin e ekstremistëve të djathtë në shkolla. “Nxënësit mund të jenë për shkak të moshës së tyre më fleksibël dhe të hapur për ideologji të ndryshme politike. Por duhet të kërkojmë më thellë arsyet, pse nacionalsocializimi për disa të rinj merret si një zgjidhje ndër të tjerat.” Sipas Tsiselikis, e djathta ekstreme nxit frikën për pasiguritë e çdo lloji dhe kjo pasiguri është një nga burimet, nga i cili  ekstremistët e djathtë marrin fuqinë e tyre.

LEXO EDHE:  Pse Merkel nuk e vizitoi edhe Kosovën?/ Reagon Berlini

LEXO EDHE:  Kush mund ta pasojё Angela Merkelin nё krye tё CDU-sё?

Pas “Agimit të Artë”

Pas ndalimit të partisë neonaziste “Agimi i Artë” dhe dënimit të disa drejtuesve të saj me shumë vite burg vitin e kaluar, e djathta ekstreme po forcohet sërish në shoqërinë greke. Profesor Tsiselikis madje është i mendimit, se dënimi i grupeve kriminele përreth kryetarit të aprtisë, Nikolaos Mihaloliakos hapi rrugën për grupime edhe më ekstremiste si “Trupat e Shenjta” apo “Propatria”. “E djathta ekstreme pësoi një goditje të rëndë me dënimin e drejtuesve të “Agimit të Artë”, por kjo goditje kishte të bënte me legalizimin e mëparshëm të saj në hapësirën publike.” Tani që neonazistët nuk janë më në parlament, grupimet më të vogla janë radikalizuar më shumë. Sipas Tsiselikis “Agimi i Artë” do ta ketë të vështirë të mbijetojë pas këtyre ndryshimeve, “por formacione të tjera kërkojnë një pozicion më të fortë në hapësirën pblike, madje me qëllimin që të krijojnë një parti të re”.

Prof. Konstantinos Tsiselikis

Aktualisht partia qeverisëse “Nea Demokratia” përpiqet të gjejë balancën e vështirë mes një të djathte të moderuar dhe disa mbështetës të majtë të qendrës të qeverisë së Mitsotakis. Nga ana tjetër kryeministri i bën lëshime të djathtëve ekstremë. Në riformësimin e kabinetit qeveritar në shtator, Mitsotakis emëroi si ministër të Shëndetësisë ekstremistin e djathtë të dikurshëm, Thanos Plevris, ai është ministri i tretë i kësaj qeverie me sfond ekstremist të djathtë. Të gjithë këta ministra e kishin filluar karrierën politike tek partia ekstremiste e djathtë, LAOS.

Protestë e kundërshtarëve të vaksinimit, Athinë, 30 gusht 2021

Tsiselikis konstaton, se në kontekstin e luftimit të pandemisë, e djathta ekstreme militante po shfrytëzon padijen dhe frikën e njerëzve nga vaksina për të krijuar një pseudo-rezistencë kundër masave të qeverisë. “Reagimi ndaj masave kundër Coronës apo detyrimi për vaksinim apo kufizimet në jetën shoqërore e ekonomike për të pavaksinuarit po marrin dimensionin e një lëvizjeje rezistence me profil të fortë politik.” Ekstremistët e djathtë po ia dalin që reagimin qytetar t’ia mveshin grupimit të vet dhe ta paraqesin atë si një pjesë të ideologjisë së tyre ekstremiste./DW

LEXO TE PLOTE

Bota

Greqia “shkundet” nga tërmeti”/ Panik dhe tmerr tek banorët në ishullin Karpathos

Publikuar

-

Nga

Greqia është zgjuar nga lëkundjet e tërmetit, i cili raportohet se ka qenë më magnitudë 6.4 ballë i shkallës rihter.

Sipas mediave greke edhe  Institutit Gjeodinamik epiqendra e tërmetit ka qenë në juglindje të ishullit Karpathos, ndërsa thellësia fokale ndodhet në 60 km.



Lëkundjet e forta kanë shkaktuar panik tek qytetarët, të cilët kanë lënë shtëpitë dhe kanë dalë në rrugë.

LEXO EDHE:  Merkel dhe Hollande për një politikë të përbashkët azilimi

LEXO EDHE:  Paralajmëron Merkel/ 60-70% e popullsisë gjermane mund të infektohen nga koronavirusi

Deri më tani nuk raportohet për dëme materiale./CNA.al

LEXO TE PLOTE