Connect with Us

Kuqezinjtë nisin përgatitjet për San Marinon, ja mungesat dhe rikthimet

Kombëtare

Kuqezinjtë nisin përgatitjet për San Marinon, ja mungesat dhe rikthimet

Publikuar

-

Festa e fitores ndaj Hungarisë ka përfunduar shpejt për Kombëtaren Shqiptare, që ka zbarkuar në rezidencën e saj në kompleksin “Tropikal” në Durrës, për të nisur përgatitjen për sfidën e radhës eliminatore, atë ndaj San Marinos të mërkurën.

Trajneri Reja ka ndarë grupin në dy pjesë, duke rezervuar një ngarkesë më të lehtë për futbollistët që luajtën dje ndaj Hungarisë, ndërsa sulmuesi Sokol Cikalleshi vijoi të stërvitet i diferencuar, për shkak të një problemi në gju.

Për sfidën ndaj San Marinos janë konfirmuar mungesat e Klaus Gjasulës për shkak pezullimi dhe atyre të Amir Abrashit, Lorenc Trashit e Sokol Cikalleshit për shkak dëmtimi, ndonëse për këtë të fundit ka ende një dritare shprese.

Ndërkohë lajm i mirë është rikthimi i Elseid Hysajt, Keidi Bares dhe Rey Manajt, të cilët shlyen pezullimin për shkak kartonësh dhe do të jenë në dispozicion të Rejës për ta nisur nga minuta e parë përballjen me San Marinon.

Kuqezinjtë kanë grumbulluar 9 pikë pas 5 ndeshjesh eliminatore dhe pozicionohen në vendin e tretë, ndërsa të mërkurën në mbrëmje do të kërkojnë një tjetër sukses ndaj San Marinos për të mbajtur gjallë ëndrrën për një vend në Kupën e Botës Katar 2022.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kombëtare

Yjet e të ardhmes kuqezi, vlerat e Brojës dhe Kumbullës vazhdojnë të rriten

Publikuar

-

Nga

Përfaqësuesja shqiptare e futbollit ka bërë një rinovimit të brezit, me shumë lojtarë të rinj që janë bërë pjesë e saj, por duket qartësisht që në epiqendër të projektit të të ardhmes kuqezi do të jenë dy emra, Armando Broja dhe Marash Kumbulla.

Të pozicionuar në dy skajet e ndryshme të fushës, lojtarët në fjalë kanë filluar të tregojnë që tani vlerat e tyre më të mira dhe nuk është aspak rastësi që janë kthyer ndër të preferuarit e tifozëve shqiptarë. Por vlerësimi nuk vjen vetëm nga tifozët e thjeshtë, por edhe nga ata të cilët studiojnë statistikat e futbollistëve.

CIES, Observatori i Futbollit Europian, në përditësimin e fundit të vlerave të lojtarëve në kontinent, ka caktuar dyshen në fjalë si atë që kryeson për nga vlera në treg mes lojtarëve të përfaqësueses shqiptare. Kartoni i Marash Kumbullës përllogaritet si më i shtrenjti, mes 30 dhe 40 milionë eurove nga ky observator që bazohet mbi të dhëna të ndryshme që fillojnë nga paraqitjet, e deri te e drejta e imazhit të lojtarit.



Ndërkohë, Broja është menjëherë i dyti, edhe pse ka pak kohë në radhët e kuqezinjve. Kartoni i tij që tani vlerësohet mes 20 dhe 30 milionë eurove, një shifër mbresëlënëse duke llogaritur moshën e re dhe minutat e pakta që ka luajtur me klubin dhe përfaqësuesen.

Të dhënat bëhen më të jashtëzakonshme pikërisht për faktin se si Kumbulla, ashtu edhe Broja, nuk llogariten ende si titullarë në klubet përkatëse ndaj mundësia e përmirësimit të tyre nëse aktivizohen rregullisht është shumë e madhe.

LEXO TE PLOTE

Kombëtare

Hedhjet e shisheve në “Air Albaia”, reagon Duka: Ngjarje e turpshme, jemi të gjithë fajtorë

Publikuar

-

Nga

Federata Shqiptare e Futbollit ka mirëpritur ditët e fundit në Shqipëri programin “Certificate in Football Managment” (UEFA CFM) në bashkëpunim me UEFA Academy dhe Universitetin e Lozanës. Bëhet fjalë për një program të domosdoshëm për këdo që punon në një organizatë futbollistike e që dëshiron të rrisë nivelin e menaxhimit dhe performancës.

Ky certifikim në menaxhim futbolli ofrohet nga UEFA për përfaqësuesit e federatave anëtare si edhe për përfaqësues të futbollit në nivele të ndryshme. Në këtë edicion kishte pjesëmarrës nga disa vende të botës si nga Gjermania, Hungaria, Bullgaria, Kroacia, Bullgaria, Azerbajxhani, Kosova si edhe nga FSHF apo klube të ndryshme shqiptare. Udhëheqës të programit ishin përfaqësues të UEFA Academy, Universitetit të Lozanës dhe FSHF-së.

CFM (Certificate in Football Management) synon të zhvillojë njohuritë teorike dhe praktike të një menaxheri, të rrisë performancën e një drejtuesi të lartë dhe ta afrojë atë me praktikat më të mira të futbollit europian. Pjesëmarrësit marrin leksione nga pedagogë nga universitete të rëndësishme europiane si edhe menaxherë të mëdhenj të botës së futbollit e drejtues të UEFA-s.

Eksperiencat pozitive të bashkëpunimit të vazhdueshëm me FSHF-në në të gjitha nivelet ka bërë që UEFA t’ia besojë organizimin e këtij trajnimi kaq të rëndësishëm qeverisë shqiptare të futbollit. Në sesionin hapës të programit, që u zhvillua në Durrës, ishte i ftuar edhe Presidenti i FSHF-së, Armand Duka, i cili mbajti edhe një fjalë përshëndetëse, ku falënderoi UEFA-n që i besoi Federatës Shqiptare organizimin e një eventi kaq të rëndësishëm për menaxhimin e futbollit.

Kreu i qeverisë së futbollit shqiptar u shpreh se CFM është shumë e rëndësishme për rritjen tuaj profesionale të burimeve njerëzore, teksa bëri me dije se së shpejti FSHF do të organizojë një tjetër aktivitet me UEFA-n për sigurinë e stadiumeve për organizimin sa më të mirë të një ndeshjeje futbollit dhe për të minimizuar sa më shumë incidentet me tifozët.

“Edicioni i programit të ‘Certifikimit të Menaxhimit në Futboll’ është shumë i rëndësishëm dhe unë për këtë do të doja të falënderoja UEFA Academy, që ia besoi Federatës Shqiptare të Futbollit organizimin e këtij edicioni për herë të parë në Shqipëri.

Kjo është shumë e rëndësishme për trajnimin tuaj, për përmirësimin tuaj, për rritjen tuaj profesionale, por është shumë e rëndësishme edhe për vetë Federatën, sepse është një eksperiencë që rrit aftësitë organizative të organizatës së FSHF-së që së fundmi ka zhvilluar disa aktivitete të përmasave internacionale. Para pak ditësh ne organizuam mbledhjen e një nga Komiteteve më të rëndësishme të UEFA-s, HatTrick. Tashmë po hapim këtë aktivitet, Certifikimin e Menaxhimit të Futbollit, – tha Presidenti Duka.



Pas pak ditëve ne do të kemi një tjetër aktivitet për sigurinë e stadiumeve. Një aktivitet i planifikuar më parë por që në fakt me ngjarjet e fundit në stadium bëhet edhe më emergjente, për mënyrën se si ne duhet të organizohemi më mirë, se si të gjithë faktorët dhe aktorët duhet të bëjnë më mirë organizimin e një ndeshje. Ekspertë të fushës nga UEFA do të jenë në Tiranë bashkë me ekspertët tanë në ndeshjet e kampionatit shqiptar dhe sidomos në ndeshjet derbi ku do të ketë më shumë prani tifozësh për të minimizuar apo eliminuar ngjarje si ajo e mbrëmshmja.

Ngjarje me të vërtetë e turpshme, që nuk na nderon, njollos futbollin, por që të gjithë ne duhet të ndjejmë përgjegjësi, të nxjerrim mësime dhe të përmirësohemi për të ardhmen dhe jo të drejtojmë gishtin nga njëri-tjetri, pasi të gjithë ne jemi fajtorë, që nga ne si organizatorë, ata që duhet të na ndihmojnë apo tifozët në shkallët e stadiumit. Është vërtetë mëkat kur 22.000 tifozë në stadium krijuan një atmosferë shumë të mirë, por nga disa individë të njollosemi apo të penalizohemi”.

Gjithashtu, Presidenti i FSHF-së theksoi se ky kurs i CFM-së është mjaft i vlefshëm për pjesëmarrësit në drejtim të përmirësimit të aftësive profesionale dhe për të përmirësuar menaxhimin e klubeve të futbollit apo të organizatat respektive.

“Për t’u kthyer tek aktiviteti, te ky kurs i CFM-së ju ftoj mos ta shihni thjesht si një shans për të marrë një certifikatë, sepse nuk besoj se ka vlerë, por si një mundësi për t’u përmirësuar në aftësitë tuaja profesionale në planin personal dhe për të përmirësuar menaxhimin e klubeve të futbollit apo të organizatave respektive nga të cilat ju vini, jo vetëm nga klubet, Federata, apo edhe nga institucione të tjera. Ta shfrytëzoni këtë për të ndihmuar veten dhe klubet. Ne e dimë shumë mirë që futbolli është një lojë që shfaqet me 11 veta në fushë, por pa një menaxhim të mirë, pa klube të strukturuara me menaxherë të të gjitha niveleve, është e pamundur që të zhvillohet dhe të bëjë hapa përpara. Ju, jo vetëm nëpërmjet këtij kursi, por edhe me të gjithë trajnimet e tjera që duhet të bëjmë ne nga pikëpamja teknike, do ta zhvillojmë lojën më të bukur në botë”, – tha ndër të tjera Presidenti Duka.

Ky program është krijuar nga Akademia UEFA dhe partneri i saj akademik, Shkolla Zvicerane e Administrimit Publik (IDHEAP) e Universitetit të Lozanës, dhe tani u ofrohet federatave anëtare të UEFA-s.

Programi do të ofrohet këtë edicion nga Federata Shqiptare e Futbollit në bashkëpunim me UEFA-n dhe në të do të marrin pjesë përfaqësues të FSHF, klubeve anëtare si edhe përfaqësues nga federata homologe që do të trajnohen nga lektorë ndërkombëtarë.

Një besim dhe një përgjegjësi e madhe për FSHF që vlerësohet për rritjen e vazhdueshme që ka pasur vitet e fundit në drejtim të menaxhimit. CFM organizohet në tre seminare direkte me pedagogë në auditor dhe 6 module për kandidatët zhvillohen në e-learning në lidhje me organizimin e futbollit, menaxhimit strategjik dhe operativ, sponsorizimet, marketingu, komunikimi dhe media, eventet dhe menaxhimi i vullnetarëve.

LEXO TE PLOTE

Kombëtare

Drejtori juridik i FSHF-së: Po përgatisim mbrojtjen, ja kur del vendimi i FIFA-s

Publikuar

-

Nga

Ndeshja me Poloninë u mbyll në një mënyrë jo të këndeshme, teksa takimi u ndërpre për shkak të hedhjes së sendeve në fushë nga ana e tifozëve shqiptarë. Një veprim ky që nuk mund të kalojë pa u vënë re nga FIFA, e cila ka çelur hetimin disiplinor mbi këtë çështje. Në një intervistë për “Top Channel” ka folur drejtori juridik i FSHF-së, i cili bën me dije se dëmi do të jetë i madh si nga ana e imazhit ashtu edhe nga pjesa ekonomike. Aldi Topçiu tregon se Federata po përgatit mbrojtjen për në FIFA, ndërsa vendimi pritet të dalë në krye të 10 ditëve.

“Në radhë të parë do të doja të bëja dallimin midis 20.000 tifozëve korrekt dhe disa individëve që kanë një përgjegjësi individuale për ato veprime që kanë kryer dhe ata do të dalin përpara përgjegjësisë së tyre. Ky është një proces paralel që është i natyrës administrative ose penale. Në dijeninë time i janë dhënë policisë pamjet filmike menjëherë sapo ka përfunduar ndeshja, kështu që ato i kanë tashmë dhe ne njëkohësisht mbetemi në dispozicion të tyre.

Në radhë të parë ne duhet të pranojmë fajet tona dhe përgjegjësinë për atë që ndodhi, sepse ajo që ndodhi nuk na nderon. Përveç kësaj materiali që kemi përgatitur do të shoqërohet edhe me prova që lidhen me provokimin ose me argumentimin se këto veprime erdhën pjesërisht edhe si pasojë edhe ndaj reagimit provokues të tifozerisë mike dhe disa lojtarëve aspo stafit të ekipit polak.



Ajo që mund të them është se dëmi është i madh, qoftë nga pikëpamja e imazhit qoftë nga pikëpamja ekonomike. Fondet janë ato që janë dhe nuk do të doja që ato fonde mos shkonin për futbollin por të shkojnë për të paguar gjoba në FIFA. Unë do të isha I kënaqur nëse do të kalojmë me gjobë.

Jam vënë dje në dijeni të raportit të tyre, kemi katër ditë kohë për t’u përgatitur për qëndrimin dhe mbrojtjen tonë dhe brenda 10 ditësh do të njihemi me një vendim eventual të komisionit të disiplinës”, ka deklaruar Aldi Topçiu.

LEXO TE PLOTE