Connect with Us

“Kujdes, mësoni nga gabimet”/ Tritan Kalo mesazh të fortë kolegëve, apeli për qytetarët

Shëndeti

“Kujdes, mësoni nga gabimet”/ Tritan Kalo mesazh të fortë kolegëve, apeli për qytetarët

Publikuar

-

cna lajme shendeti

Mjeku infeksionist, profesor Tritan Kalo i ka drejtuar një apel të fortë kolegëve, në lidhje me mënyrën e trajtimit të të prekurve me Covid-19.

Në një postim në rrjetet sociale, mjeku Kalo shkruan se duhet dëgjuar zëri i ekspertëve, dhe jo i të ashtuquajturve “gjithollogë”, që sipas tij janë shtuar gjatë kohës së pandemisë.

Ai apelon kolegët, ndërsa shkruan “KUJDES kolegë mjekë apo farmacistë me përdorimin e parakohshëm ose të pavend të Antibiotikëve dhe Kortikoideve, shpesh në doza të larta dhe kohëzgjatje marramendëse….”.

Profesor Kalo thekson se “Studimi i fundit i ISHP-së qartazi shprehet se :”Nga 1500 të sëmurët e përfshirë në studim vetëm 54% e tyre kanë krijuar Imunitet pas kalimit të Covid-19, pikërisht për shkak të përdorimit të kortikoideve me doza të larta, që në fillimet e sëmundjes.”, ndërsa shton se kurrë nuk është vonë të mësojmë nga gabimet.

Ai po ashtu apelon qytetarët që të repsktojnë masat si mbajtjen e maskës në ambiente të mbyllura, distancimi social kur është e mundur dhe higjena personale.

Ndër të tjera, profesor Kalo apelon edhe që të mos hezitohet ndaj vaksinimit, e cila sipas tij është një ndër mjetet e luftës kundër Covid-19.

Kohë kovidiane…..6.09.2021…Një javë të mbarë për ju miq, të afërm, kolegë e bashkëkombas….Nga observimet epidemiologjiko-kliniko-biologjiko-imazherike të të infektuarve nga virusi Sars-Cov2/Covid-19, qartazi shihet se varianti Alpha i tij ende prek jo pak të sëmurë, krahas përhapjes “si vaji në lakra” të variantit Delta apo varianteve të tjera të këtij virusi jetëlëndues e jetëmarrës….Shtimi i numrit të të sëmurëve në popullatën e gjërë sidomos në ata ende të pavaksinuar, mundet t’i vihet si barrë variantit Delta që po dominon tablonë epidemiologjike të Pandemisë së Sars-Cov2/Covid-19, POR agresiviteti në ecurinë dhe në përfundimin fatal të shumë të sëmurëve këto javët e fundit, qartazi lidhet me “një rizgjim” të aktivitetit dhe lëndimeve të shkaktuara nga variantet e mëparëshme të këtij virusi….

KURRË nuk duhen nënvlerësuar MASAT e treguara të vlefshme ndër shekuj, në paksimin e mundësisë së përhapjes së viruseve aerogenë MHD (Maskë në mjediset e mbyllura e të mbipopulluara, Higjenë personale e kolektive si dhe Distancim fizik aty dhe kur është e mundëshme të realizohet ai)….

Vaksinimi në ndihmesë të masave të mësipërme dhe IMUNIZIMI NATYRAL pas kalimit të Covid-19, së bashku me masat e mësipërme si dhe me rindezjen e motorit të fikur të VETNDËRGJEGJËSIMIT, me siguri do na ndihmojë në kapërcimin e kësaj pengese të re në udhën e fitimit të betejës me “këtë armik të padukshëm”….

KUJDES kolegë mjekë apo farmacistë me përdorimin e parakohshëm ose të pavend të Antibiotikëve dhe Kortikoideve, shpesh në doza të larta dhe kohëzgjatje marramendëse….

Përpos Antibiorezistencës së mikroorganizmave qarkulluese, të cilat mundet t’i mbivendosen një infeksioni viral si Sars-Cov2/Covid-19 ose Virozave të tjera stinore, të nxitur nga përdorimi vënd e pavënd i Antibakterialëve/Antibiotikëve, një ROL NEGATIV në përgjigjen imunitare të organizmit ndaj kësaj “flame mbarëbotërore”, po luajnë dhënia e dozave të larta (mbi 1 mg për kilogrampeshë të cilat janë doza imunosupresore) të Kortikoideve, qysh me dyshimin e infeksionit në fjalë dhe në kohëzgjatje të pa justifikueshme…..

Studimi i fundit i ISHP-së qartazi shprehet se :”Nga 1500 të sëmurët e përfshirë në studim vetëm 54% e tyre kanë krijuar Imunitet pas kalimit të Covid-19, pikërisht për shkak të përdorimit të kortikoideve me doza të larta, që në fillimet e sëmundjes.”…..

KURRË nuk është vonë të nxjerim mësime nga gabimet e mundëshme të bëra në përballjen me Pandeminë e Sars-Cov2/Covid-19…..DËGJONI më me kujdes këshillat e profesionistëve të fushës, dhe më pak vesh e mëndjehapur ndaj GJILLOLLOGËVE, të cilët fatkeqsisht po gëlojnë shumë këto muajt e Pandemisë….

Vjeshta e vonë dhe Dimri do “hedhin në tregun e virozave të stinës” viruse të tjerë respiratorë sidomos viruset e Gripit stinor, të cilët edhe ato do shkaktojnë jetëlëndimet dhe jetëmarrjet e tyre…. ANDAJ masat për paksimimin e mundësisë së përhapjes së Sars-Cov2/Covid-19: VETNDËRGJEGJSIM, MHD, VAKSINIM (ndaj Gripit në këtë rast, përpos vaksinimit ndaj Sars-Cov2), do jenë po aq të dobishme edhe ndaj këtyre virozave stinore…. NE të gjithë ishim, jemi dhe do të vijojmë të jemi si kurdoherë këtu në vijën e parë të përballjes me virusin jetëlëndues dhe jetëmarrës të Sars-Cov2/Covid-19….. Përkujdesi, Puna dhe Profesionalizmi ynë do të jenë gjithmonë në Shërbimin tuaj….. Together forever!!!”-shkruan profesor Tritan Kalo./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

Pfizer kërkon autorizim urgjent të vaksinës për moshat 5-11 vjeç

Publikuar

-

Nga

Kompania Pfizer tha të enjten (7 shtator) se ka kërkuar autorizim për përdorim urgjent të vaksinës kundër COVID-19 tek fëmijët e moshës 5 deri 11 vjeç.

Kërkesa i është parashtruar Agjencisë së Ushqimit dhe Barnave (FDA) në Shtetet e Bashkuara.

Vala e fundit e koronavirusit e shkaktuar nga varianti shumë ngjitës Delta ka prekur në masë të madhe fëmijët. Vaksinimi i këtyre grupmoshave është thelbësor për të mbajtur shkollat e hapura dhe për të kontribuar në përfundimin e pandemisë.



Studimi, vaksina Pfizer shumë efektive në parandalimin e shtrimit në spital

“Jemi të përkushtuar që të punojmë me FDA-në me qëllim që të ndihmojmë në mbrojtjen e fëmijëve kundër këtij kërcënimi serioz për shëndetin publik”, tha kompania Pfizer.

LEXO EDHE:  “Vendi po kalon valën e tretë të Covid”/ Alimehmeti: Shumica e rasteve janë varianti Delta!

LEXO EDHE:  PD nxjerr shifrat/ Gjendja e posteve të reanimacionit Covid-shkak për shtimin e humbjeve njerëzore

Agjencia e Barnave e SHBA-së tha se komiteti këshillues do të shqyrtojë të dhënat dhe para datës 26 tetor do të paraqesë mendimin nëse duhet t’i jepet autorizimi përdorimit të vaksinës te fëmijët e kësaj grupmoshe.

Vaksinës së kompanive Pfizer-BioNTech i është dhënë miratimi i plotë i FDA-së për personat e moshës 16 vjeç e lart. Në muajin maj, FDA-ja autorizoi përdorimin e saj urgjent tek fëmijët e moshës 12 deri në 15 vjeç..rel

LEXO TE PLOTE

Shëndeti

‘Kapërcejnë’ sërish shifrat e të infektuarve/ Rritet ndjeshëm dhe numri i viktimave

Publikuar

-

Nga

19 qytetarë humbin jetën nga Covid/ Infektimet vijojnë të jenë në shifra të larta

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 3956 testime, kanë rezultuar pozitivë 533 qytetarë, ndërsa kanë humbur jetën 12 qytetare.

Rastet pozitive të konfirmuara janë identifikuar në këto bashki:221 qytetarë në Tiranë, 26 në Krujë, 22 në Durrës, 21 në Shkodër, nga 19 qytetarë në Kamëz, Lushnje, Sarandë, nga 16 qytetarë në Elbasan, Gjirokastër, Fier, 13 në Vlorë, 11 në Korçë, nga 8 qytetarë në Berat, Dimal, 7 në Mallakastër, nga 6 qytetarë në Kukës, Patos, Kuçovë, nga 5 qytetarë në Lezhë, Kavajë, nga 4 qytetarë në Peqin, Konispol, Vorë, Kurbin, nga 3 qytetarë në Malësi e Madhe, Dibër, Roskovec, Belsh, nga 2 qytetarë në Gramsh, Cerrik, Poliçan, Skrapar, Kolonjë, Pogradec, Maliq, Përmet, Himarë, Mat, Shijak, Mirditë, Tropojë, Has, Pukë, nga 1 qytetar në Rrogozhinë, Këlcyrë, Tepelenë, Memaliaj, Librazhd.

Janë 7959 pacientë aktivë me COVID19 në të gjithë vendin.

Aktualisht në Spitalet COVID po marrin trajtim 167 pacientë, nga të cilët 21 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, 12 qytetarë: 6 qytetarë nga Tirana të moshave 69-88 vjeç, 1 qytetare nga Kruja 64 vjeçe, 1 qytetar nga Vlora 66 vjeç, 1 qytetar nga Lezha 67 vjeç, 1 qytetare nga Gjirokastra 74 vjeçe, 1 qytetar nga Kavaja 77 vjeç dhe 1 qytetar nga Shkodra 79 vjeç.
Ministria e Shëndetësisë dhe Mbrojtjes Sociale u shpreh ngushëllimet familjarëve.

LEXO EDHE:  Pse vaksinat anti-Covid janë më pak efektive në pacientët që marrin imunosupresantë

LEXO EDHE:  Pse vaksinat anti-Covid janë më pak efektive në pacientët që marrin imunosupresantë



Janë shëruar 696 qytetarë gjatë 24 orëve të fundit, duke e çuar numrin e të shëruarve në 163,018 që nga fillimi i epidemisë.

Statistika (07 Tetor 2021)
Raste të reja ditore 533
Të shëruar në 24 orë 696
Të shtruar në spitale 167
Humbje jete në 24 orë 12
Testime ditore 3956

Testime totale 1,228,064
Raste pozitive 173,723
Raste të shëruara 163,018
Raste Aktive 7959
Humbje jete 2,746

Shpërndarja gjeografike e rasteve aktive sipas qarqeve:

Tiranë 3443
Durrës 910
Fier 736
Shkodër 614
Vlorë 472
Elbasan 430
Berat 292
Lezhë 288
Gjirokastër 242
Kukës 208
Korçë 167
Dibër 157

LEXO TE PLOTE

Shëndeti

A duhet të hiqen kufizimet shëndetësore?

Publikuar

-

Nga

Nga Dr. Blerta Brati, mjeke mikrobiologe

Një muaj pas heqjes së të gjitha kufizimeve shëndetësore, Danimarka nuk ka parë një përkeqësim të epidemisë, megjithëse shkencëtarët po bëjnë thirrje për kujdes.

A duhet të hiqen kufizimet shëndetësore?

Ndërsa shumica e vendeve evropiane po përjetojnë një rënie të konsiderueshme të epidemisë Covid-19 kryesisht për shkak të vaksinimit, disa konsiderojnë se masat shëndetësore të cilave iu nënshtrohen popullat nuk janë më të nevojshme dhe duhet të braktisen.

Një pjesë e vogël e vendeve evropiane kanë vendosur të bëjnë hapin e duhur dhe të fillojnë një kthim të plotë në jetën normale.



Ky është rasti i Danimarkës, e cila hoqi të gjitha masat e saj sanitare më 10 shtator. Danezët tani janë kthyer në “jetën më parë”, pa maska, distancim shoqëror dhe pass shëndetësor.

LEXO EDHE:  Strategjia vjeshtë-dimër/ Manastirliu: 368,000 vaksina falas kundër gripit sezonal

LEXO EDHE:  Gjermani/ Më shumë pushtet federatës në luftën kundër Coronës

Numri i shtrimeve në spital vazhdon të bjerë dhe vetëm 86 danezë me Covid-19 janë shtruar aktualisht, duke përfshirë 12 në kujdes intensiv, krahasuar me 147 që nga 31 gushti. Numri i vdekjeve mbetet i qëndrueshëm dhe relativisht i ulët: rreth 20 danezë vdesin çdo javë nga Covid-19, për një popullsi prej 6 milion banorësh

“Virusi nuk është më një kërcënim për shoqërinë dhe epidemia tani është nën kontroll,” tha qeveria daneze në mbështetje të vendimit të saj.

Një muaj pas kthimit në jetën normale, ndoshta është ende shumë herët për të bërë një vlerësim të vendimit danez. Për 18 muaj, ngjarjet na kanë mësuar se evolucioni i epidemisë ndonjëherë mund të marrë rrugë të papritura. Norvegjia dhe Suedia gjithashtu i kanë dhënë fund masave të kufizimeve sanitare.

LEXO TE PLOTE