Connect with Us

Reagime të forta në Teksas mbi ligjin e ri kundër abortit

Bota

Reagime të forta në Teksas mbi ligjin e ri kundër abortit

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Në Teksas, aktivistët kundër abortit po festojnë ndërsa përhrahësit e të drejtës për abort janë hedhur në protesta kundër një ligji të ri. Ligji, i cili sapo ka hyrë në zbatim, përmban disa nga kufizimet më të rrepta ndaj të drejtës së gruas për të vendosur mbi vazhdimin apo ndërprerjen e shtatzanisë.

Korrespondentja e Zërit të Amerikës Deana Mitchell njofton se në qytete të ndryshme në Teksas u zhvilluan këtë javë protesta kundër ligjit që ndalon abortet pas javës së gjashtë të shtatzanisë, kur fillon të dëgjohet e rrahura e zemrës së fetusit. Ky është ndoshta ligji më kufizues ndaj të drejtës për abort në Shtetet e Bashkuara:

“Ligji që sapo hyri në fuqi në Teksas do të ndalojë rreth 90% të aborteve që kryhen në këtë shtet. Kjo situatë do të krijohet të paktën për të ardhmen e parashikueshme, edhe nëse ligji sfidohet me sukses në gjykatë më pas,” thotë ekspertja juridike Mary Ziegler.

Zakonisht gratë nuk e dinë që janë shtatzëna deri pas gjashtë javësh shtatzani. Që në vitin 1973, gratë amerikane kanë pasur të drejtën e abortit deri në të paktën javën e 22-të të shtatzanisë, kur fetusi mund të jetë në gjendje të jetojë jashtë mitrës së nënës. Zbatimi i ligjit të Teksasit mbështetet tek aktivizmi i qytetarëve të thjeshtë.

“Të vetmit persona që e vënë në jetë këtë ligj janë qytetarët e thjeshtë duke hedhur në gjyq klinikat apo mjekët që bëjnë aborte, apo ata që ndihmojnë gratë për të bërë aborte, pra të afërm ose organizata joqeveritare,” thotë zonja Ziegler.

Joe Pojman punon me Aleancën e Teksasit Pro Jetës që lufton kundër abortit.

“Në muajt e ardhshëm do të lindin fëmijë që pa këtë ligj do të kishin humbur jetën nga aborti”.

LEXO EDHE:  Pse Donald Trump mund të jetë një pretendent serioz në presidencialet e 2024-ës?

Ai thotë se duke u dhënë qytetarëve të thjeshtë të drejtën të ngrenë padi kundër klinikave të abortit dhe mundësinë të fitojnë 10,000 dollarë nga vendimi gjyqësor, ligji vepron të paktën si parandalues.

“Nuk jemi të interesuar të nxisim procese gjyqësore, thjesht duam të mbrojmë foshnjet,” thotë zoti Pojman.

Ai vëren se është shtuar financimi shtetëror për klinika, ku gratë shtatzëna mund të marrin mjekim dhe ndihmë për të vazhduar shtatzaninë.

Mark Fair, shef ekzekutiv i një klinike për gratë shtatzëna, parashikon se do të shtohet numri i pacienteve që përdorin shërbimet e tyre si rrjedhojë e ligjit të ri.

“Aktualisht ende kemi rrobat e verës, por brenda pak muajsh, kur të freskohet koha në Teksas, do të nxjerrim rrobat e dimrit”.

Aktivistet për të drejtën e abortit thonë se gratë, sidomos ato që nuk kanë mundësi financiare për të shkuar në shtete të tjera për të kryer abort, do të dëmtohen nga ky ligj.

Paxton Smith tërhoqi vëmendje në pranverë kur gjatë fjalimit të diplomimit në një shkollë të mesme në Dallas iu drejtua të rinjve të tjerë me thirrjen që të luftojnë për të penguar futjen në zbatim të ligjit.

“Fakti që më është hequr mua e drejta për të marrë një vendim të tillë kaq madhor për jetën time është një akt që e ul dhe e nënvlerëson tmerrësisht gruan,” tha ajo.

Megjithëse Gjykata e Lartë votoi me pesë vota pro dhe katër kundër për të lejuar hyrjen e ligjit në fuqi për momentin, në tetor do të marrë në shqyrtim një tjetër ligj të ngjashëm për abortin në Misisipi./voa

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Rrëmbim, prostitucion, dhunë seksuale/ Shkatërrohet banda e rrezikshme shqiptaro-italiane

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

11 persona, anëtarë të një bande italo-shqiptare, e cila merrej me shfrytëzim prostitucioni kanë rënë në prangat e policisë italiane.

Mediat italiane bëjnë të ditur se banda akuzohet se shfrytëzonin prostitucion vajzat shqiptare në Bologna.



Hetimi për goditjen e këtij grupi kishte zgjatur një vit, ndërsa siç raportojnë sot mediat italiane, grupi i vajzave shqiptare detyrohej të prostituonte në Via Emilia, Anzola dhe Valsamoggia. Anëtarët e grupit zotëronin disa apartamente në qendër të Bologna, në të cilat vajzat shkonin me klientët.

LEXO EDHE:  Berisha flet me emra/ Ja kush e çoi dosjen në SHBA

LEXO EDHE:  Berisha flet me emra/ Ja kush e çoi dosjen në SHBA

Të arrestuarit akuzohen për rrëmbim, shfrytëzim prostitucioni, dhunë seksuale, përndjekje. Tre apartamente në qendër të qytetit u konfiskuan. Gjithashtu u sekuestruan shuma të mëdha parash, celularë dhe sende të tjera.

LEXO TE PLOTE

Kosova & Rajoni

Rikthimi i ekstremizmit të djathtë

Publikuar

-

Nga

Para një viti u ndalua partia ekstremiste “Agimi i Artë” dhe drejtues të saj u dënuan me shumë vite heqje lirie. Por tani e djathta ekstreme në Greqi po forcohet sërish.

Pamjet nga një shkollë profesionale në Stavropuli pranë Selanikut ishin shokuese. Në fillim shikoheshin të rinjtë me maska me shufra hekuri, thika dhe gurë që sulmojnë të rinj të tjerë, që kishin shpërndarë para shkollës fletushka kundër politikës arsimore të qeverisë konservatore. Në fund të maskuarit pozuan para oborrit të shkollës me krahun ngritur për përshëndetjen e Hitlerit. Ky sulm në shkollë u zhvillua më 27 shtator. Ishte aksioni i parë i pasuesve potencialë të partisë neonaziste, “Agimi i Artë”, pas ndalimit të saj para një viti. Prej asaj kohe zhvillohen herë pas here aksione me sfond ekstremist të djathtë në Greqi. Në Evosmos, po një periferi e Selankut në 1 tetor u zhvillua një paradë neonaziste, ku si pasojë pati trazira.

Shkolla si vend rekrutimi

Zhvillimet në Stavropouli nuk janë rrufe në qiell të hapur, thotë Konstantions Tsiselikis, dekan i Universitetit Makedonia në Selanik për DW. Profesori për të drejtën ndërkombëtare, migracionin dhe të drejtat e njeriut shikon tek përshëndetja e nazistëve në oborrin e shkollës një goditje të rëndë kundër karakterit demokratik të arsimit. “Për fat të keq në shumë shkolla ka grupe ekstremiste të djathta”, thotë Tsiselikis. “Ata janë të shpërndarë ntë gjithë vendin, sidomos në zonat pa zhvillim ekonomik, ku grupet neonaziste e kanë të lehtë të rekrutojnë adoleshentët. Akoma më keq është kur mësuesit vetë e tolerojnë këtë rekrutim ose madje e nxisin. Ky është një fenomen që ka nevojë për vëmendje të madhe.”

Pas trazirave të ekstremistëve të djathtë në Selanik

Para 10 vitesh zona përreth Athinës ishte bastioni i “Agimit të Artë”. Trupat huligane të partisë “Agimi i Artë” sulmonin përditë migrantët në lagjet punëtore të Pireut. Në vitin 2018 Selaniku u kthye në bastion të ekstremistëve të djathtë, edhe në kuadër të protestave nacionaliste kundër një zgjidhjeje të konfliktit me Maqedoninë e Veriut dhe arritjes së Marrëveshjes së Prespës.

Frika nga pasiguria



Tsiselikis e ndjek me shqetësim aktivizimin e ekstremistëve të djathtë në shkolla. “Nxënësit mund të jenë për shkak të moshës së tyre më fleksibël dhe të hapur për ideologji të ndryshme politike. Por duhet të kërkojmë më thellë arsyet, pse nacionalsocializimi për disa të rinj merret si një zgjidhje ndër të tjerat.” Sipas Tsiselikis, e djathta ekstreme nxit frikën për pasiguritë e çdo lloji dhe kjo pasiguri është një nga burimet, nga i cili  ekstremistët e djathtë marrin fuqinë e tyre.

LEXO EDHE:  Trump nuk “dorëzohet”: Biden nuk duhet të pretendojë presidencën!

LEXO EDHE:  Kush e ndëshkoi dhe tradhëtoi Sali Berishën?!

Pas “Agimit të Artë”

Pas ndalimit të partisë neonaziste “Agimi i Artë” dhe dënimit të disa drejtuesve të saj me shumë vite burg vitin e kaluar, e djathta ekstreme po forcohet sërish në shoqërinë greke. Profesor Tsiselikis madje është i mendimit, se dënimi i grupeve kriminele përreth kryetarit të aprtisë, Nikolaos Mihaloliakos hapi rrugën për grupime edhe më ekstremiste si “Trupat e Shenjta” apo “Propatria”. “E djathta ekstreme pësoi një goditje të rëndë me dënimin e drejtuesve të “Agimit të Artë”, por kjo goditje kishte të bënte me legalizimin e mëparshëm të saj në hapësirën publike.” Tani që neonazistët nuk janë më në parlament, grupimet më të vogla janë radikalizuar më shumë. Sipas Tsiselikis “Agimi i Artë” do ta ketë të vështirë të mbijetojë pas këtyre ndryshimeve, “por formacione të tjera kërkojnë një pozicion më të fortë në hapësirën pblike, madje me qëllimin që të krijojnë një parti të re”.

Prof. Konstantinos Tsiselikis

Aktualisht partia qeverisëse “Nea Demokratia” përpiqet të gjejë balancën e vështirë mes një të djathte të moderuar dhe disa mbështetës të majtë të qendrës të qeverisë së Mitsotakis. Nga ana tjetër kryeministri i bën lëshime të djathtëve ekstremë. Në riformësimin e kabinetit qeveritar në shtator, Mitsotakis emëroi si ministër të Shëndetësisë ekstremistin e djathtë të dikurshëm, Thanos Plevris, ai është ministri i tretë i kësaj qeverie me sfond ekstremist të djathtë. Të gjithë këta ministra e kishin filluar karrierën politike tek partia ekstremiste e djathtë, LAOS.

Protestë e kundërshtarëve të vaksinimit, Athinë, 30 gusht 2021

Tsiselikis konstaton, se në kontekstin e luftimit të pandemisë, e djathta ekstreme militante po shfrytëzon padijen dhe frikën e njerëzve nga vaksina për të krijuar një pseudo-rezistencë kundër masave të qeverisë. “Reagimi ndaj masave kundër Coronës apo detyrimi për vaksinim apo kufizimet në jetën shoqërore e ekonomike për të pavaksinuarit po marrin dimensionin e një lëvizjeje rezistence me profil të fortë politik.” Ekstremistët e djathtë po ia dalin që reagimin qytetar t’ia mveshin grupimit të vet dhe ta paraqesin atë si një pjesë të ideologjisë së tyre ekstremiste./DW

LEXO TE PLOTE

Bota

Greqia “shkundet” nga tërmeti”/ Panik dhe tmerr tek banorët në ishullin Karpathos

Publikuar

-

Nga

Greqia është zgjuar nga lëkundjet e tërmetit, i cili raportohet se ka qenë më magnitudë 6.4 ballë i shkallës rihter.

Sipas mediave greke edhe  Institutit Gjeodinamik epiqendra e tërmetit ka qenë në juglindje të ishullit Karpathos, ndërsa thellësia fokale ndodhet në 60 km.



Lëkundjet e forta kanë shkaktuar panik tek qytetarët, të cilët kanë lënë shtëpitë dhe kanë dalë në rrugë.

LEXO EDHE:  Pse Donald Trump mund të jetë një pretendent serioz në presidencialet e 2024-ës?

LEXO EDHE:  Pse Donald Trump mund të jetë një pretendent serioz në presidencialet e 2024-ës?

Deri më tani nuk raportohet për dëme materiale./CNA.al

LEXO TE PLOTE