Kronika
Video-ekskluzive/ Si ndodhi përplasja me armë në Moravë?
Një plagosje është raportuar mesditën e sotme në Moravë të Korçës.
CNA.al, ka siguruar një video që hedh dritë mbi ngjarjen dhe që zbardh një tjetër realitet nga ajo çfarë njoftoi Policia.
Referuar pamjeve në video rezulton se personi, i cili pretendohet se është autor i një plagosjeje me thikë dhe që ndodhet në Polici, ka qenë duke qëndruar në parkungu përpara hyrjes në biznesin e tij.
Policia fillimisht ka njoftuar vetëm për plagosjen e një personi, duke e paraqitur atë si viktimë, por në fakt mesa duket e vërteta kandetaje të tjera.
Pas ngjarjes janë siguruar pamjet, të cilat vërtetojnë se personi që pretendohet se ka ngelur i plagosur shoqërohet nga persona te tjeŕë dhe nje prej tyre ka qëlluar më armë zjarri.
Policia ka siguruar gezhojat dhe ka sekuestruar pamjet filmike./CNA.al
Kronika
Burri kontrollonte trafikun e drogës/ Zbardhen detaje nga arrestimi i çiftit nga Konispoli
Detaje të reja janë zbardhur nga çifti i bashkëshortëve të arrestuar ditën e sotme në Sarandë, pasi u kapën me një sasi lënde narkotike.
Në pranga kanë rënë shtetasit Lutfi dhe Shano Faslliu, përkatësisht 38 dhe 31 vjeç.
38-vjeçari figuron me dy mbiemra, Lutfi Faslliu dhe Lutfi Demçe. Sipas burimeve ai kontrollonte trafikun e drogës në këtë zonë.
Çifti Faslliu kishin 1 muaj e gjysmë që survejoheshin nga Policia e Sarandës.
Ata futeshin në tokën greke dhe merrnin emigrantët, kundrejt shpërblimit monetar, Për një emigrant ata merrnin nga 300 euro./ CNA.al
Kronika
Humb kontrollin e mjetit dhe del nga rruga/ Plagosen tre persona në Pogradec
Një aksident ka ndodhur pasditen e sotme në afërsi të fshatit Vërçun në Pogradec.
Një automjet që drejtohej nga 45-vjeçari me iniciale K.G, ka dalë nga rruga dhe për pasojë kanë mbetur të plagosur tre persona, shoferi dhe dy pasagjerët.
Ata janë transportuar në spital dhe ndodhen nën kujdesin e mjekëve.
“Më datë 07.10.2021, rreth orës 15:40, në afërsi të fshatit Vërçun, Pogradec, shtetasi K. G., rreth 45 vjeç, banues në fshatin Shqitas, Maliq, duke drejtuar mjetin tip “Ford”, dyshohet se ka humbur kontrollin e mjetit dhe ka dalë nga rruga
Për pasojë janë dëmtuar pasagjerët, shtetasja Xh. H. rreth 30 vjeçe dhe shtetasi M. H., 33 vjeç, banues në fshatin Çaushli, Maliq, si edhe drejtuesi i mjetit shtetasi K. G., të cilët u transportuan në Spital dhe ndodhen nën kujdesin e mjekëve. Grupi hetimor po punon për sqarimin e rrethanave të ngjarjes”, njofton policia./ CNA.al
Kronika
Kapet “koka” e një grupi kriminal/ Shpallet në kërkim i dënuari me 4 vite burg për drogë
Finalizohet operacioni Alavana në Shkodër. Policia ka vënë në pranga, drejtuesin e një grupi kriminal.
Gjithashtu është shpallur ë kërkim një prej pjesëtraëve i cili ishte i dënuar më parë me 4 vite burg.
Gjatë momentit të kapjes nga Policia, drejtuesit të grupit kriminal i është gjetur dhe një armë zjarri pistoletë që e mbante me vete.
Po gjatë operacionit, Policia ka sekuestruar edhe 80 kilogramë lëndë narkotike cannabis sativa dhe një sasi municioni luftarak.
“Finalizohet operacioni policor i koduar “Alavana“, për goditjen e veprimtarisë kriminale të fushën e kultivimit të bimëve narkotike dhe të armëmbajtjes pa leje.
Vihet në pranga drejtuesi i grupit kriminal, person me rrezikshmëri shoqërore, i shpallur në kërkim për veprat penale “Vrasja me dashje” mbetur në tentativë dhe “Armëmbajtja pa leje”.
Shpallet në kërkim njëri prej pjesëtarëve të grupit kriminal, i shpallur në kërkim, i dënuar me 4 vite burg për veprimtari kriminale në fushën e narkotikëve.
Gjatë momentit të kapjes nga Policia, drejtuesit të grupit kriminal i është gjetur dhe një armë zjarri pistoletë që e mbante me vete.
Po gjatë operacionit, Policia ka sekuestruar edhe 80 kilogramë lëndë narkotike cannabis sativa dhe një sasi municioni luftarak.
Strukturat hetimore të DVP Shkodër, në bashkëpunim me Komisariatin e Policisë Shkodër, forcat “Shqiponja” dhe ato Operacionale, në vijim të punës për goditjen e veprimtarisë kriminale në fushën e narkotikëve dhe armëmbajtjes pa leje, si dhe për kapjen e personave në kërkim, bazuar dhe në informacionet policore në lidhje me një grup kriminal që kryente organizimin, financimin, kultivimin e bimëve narkotike në fshatin Xhan, Njësia Administrative Pult, bashkia Shkodër, organizuan dhe finalizuan operacionin policor të koduar “Alavana“.
Në kuadër të këtij operacioni u bë arrestimi në flagrancë i shtetasit në kërkim Luverdo Kola, 30 vjeç, banues në Shkodër. Gjatë kontrollit fizik të ushtruar ndaj këtij shtetasi, Policia i gjeti një armë zjarri pistoletë dhe një krehër me fishekë, të cilët u sekuestruan në cilësinë e provës materiale.
Ky shtetas ishte i shpallur në kërkim, pasi Gjykata e Shkallës së Parë Shkodër, më datë 23.09.2020, i ka vendosur masën “Arrest në burg” për veprat penale “Vrasja me dashje” e mbetur në tentativë dhe “Armëmbajtja pa leje”. Më datë 01.09.2020, ky shtetas ka plagosur me armë zjarri shtetasin T. L.
Gjithashtu u bë shpallja në kërkim e njërit prej bashkëpunëtorëve, shtetasit Gezim (Gjin) Çakaj 52 vjeç, banues në Malësi të Madhe, i shpallur në kërkim, pasi me vendimin e datës 24.09.2018 të Gjykatës së Apelit Shkodër është dënuar me 4 vite burgim për veprat penale “Kultivimi i bimëve narkotike” dhe “Prodhimi dhe shitja e narkotikëve” kryer në bashkëpunim. Ky shtetas, në momentin që janë afruar shërbimet policore, duke përfituar nga terreni i pyllëzuar, është larguar.
Në kuadër të këtij operacioni është ushtruar kontroll në vendin e quajtur “Alavana”, fshati Xhan, në banesën e shtetasit Gezim (Gjin) Çakaj. Në banesën e tij u gjetën dhe u sekuestruan në cilësinë e provës materiale 80 kilogramë lëndë narkotike cannabis sativa dhe një sasi municioni luftarak.
Vijon puna intensive për identifikimin dhe kapjen e pjesëtarëve të tjerë të grupit kriminal, si dhe të personit të shpallur në kërkim”, njofton policia./ CNA.al
