Connect with Us

Ramazani i Metës sfidon edhe Monikën

Politikë

Ramazani i Metës sfidon edhe Monikën

Publikuar

-

Ai është aty përpara lindjes së diellit, përpara se të zbardhë dita.

Në këmbë, stoik, gjithnjë i gatshëm.

Sepse ai është Ramazani. Ramazani i Metës.

Ai është gjithnjë aty, në këmbë pranë tij, prej mëngjesit në të aguar e derisa ngryset.

Sepse ai është Ramazani. Ramazani i Metës.

Ai është përherë gjysmë i qeshur e gjysmë serioz, për t’i shfaqur shefit gjysmën që e kënaq. Dhe për t’i ndrruar gjysmat duke kaluan nga gjysma në gjysmë si një aktor i vërtetë.

Sepse ai është Ramazani. Ramazani i Metës.

Por më e veçanta e tij është gjysmë e qeshura. E ka gati në çdo rast e për çdo rast. Të stampuar në fytyrë. Dhe i mjafton vetëm një fraksion sekonde dhe ajo nga gjysmë bëhet e plotë.

Sepse ai është Ramazani. Ramazani i Metës.

Ai është edhe kurdoherë i palodhur, i vëmendshëm, miratues e soditës. Asnjëherë kundërshtues.

Gjithmonë i gatshëm t’i japë e t’i ndezë cigaren. Madje edhe të kujdeset që të mos mungojë në sfond as kënga e Hajredin Pashës, të cilën Presidenti e shijon me shumë kënaqësi.

Sepse ai është Ramazani. Ramazani i Metës.

Ai pra është i gatshëm dhe e  shoqëron gjithkund, në shetitjen në breg të detit, por edhe nëpër male e kreshta.

Ai është i gatshëm edhe me aparatin në dorë për ta filmuar kur Presidenti sfidon lartësitë e kridhet në det si një notar nga ata të rekordeve olimpike, por edhe për t’iu përgjigjur pyetjes presidenciale:

LEXO EDHE:  Video/Çfarë mendon vjehrra e Ilir Metës për Sali Berishën!

“- Nuk e di u hodha drejt apo?”, me një:

“-Drejt” pa asnjë ekuivok.

Ai si zakonisht me të tilla filmime ekskluzive, edhe e shpërndau atë video, artistikisht të përkryer dhe estetikisht të përsosur dhe fizikisht të papërsëritshme.

Sepse ai është Ramazani. Ramazani i Metës.

Ai pra është edhe drita, edhe hija e tij; drita kur duhet daravitur hija dhe hija kur duhet zbehur drita.

Qesen me fara kungulli ose luledielli, sipas sezonit, nuk e ndan asnjëherë nga dora, sepse shfaqet gjithmonë si një farëngrënës i palodhur dhe i pangopur, një cilësi prej zotnie që ia pëlqen shumë edhe Presidenti.

Sepse ai është Ramazani. Ramazani i Metës.

Shkurt ai është njeriu më pranë Tij. Më pranë nga gjithë të tjerët.

I vetmi të cilin Petrit Vasili nuk po ia largon dot, dhe kjo gjë e ka tërbuar atë që ka qenë i zoti t’ia largojë Presidentit gjithë të tjerët.

Sepse ai është Ramazani. Ramazani i Metës.

Ai është Ramazani i pijeve, Ramazani i drekave dhe darkave, Ramazani i qefeve e dëfrimeve që di t’ia ofrojë Metës sipas orekseve të tij, duke sfiduar kështu edhe vetë Monikën, aq sa kjo e shpreh këtë me të gjithë zemërimin e vet të ligjshëm si gruaja e Presidentit.

Ai është Ramazani, i vetmi që i ka mbetur Metës bashkë me Petrit Vasilin, të vetmit që e gajasin dhe e kënaqin burrin e Monikës./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Pse Berisha ndiqet nga demokratët?!

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Dy takime dhe skema duket e qartë. Kudo që të shkojë, Berisha do të ketë me qindra apo mijëra ndjekës, siç ndodhi dje në Fier.

Pas Tiranës, në një takim prezantues të parë, në një salllë të mbushur plot e përplot, Fieri dje dha një tjetër mesazh. Se Berishën do ta ndjekin dhe trupa e anëtarësisë së PD-së, ashtu siç ka deklaruar vetë Lulzim Basha, është me Sali Berishën.

Jo me shifra 80% siç pretendon Luli me sondazhet që ka bërë ai, ku kërkon t’i japë vetes 20%. Në fakt me Lulin nuk janë as 10% e anëtarësisë, sipas sondazhit që ka bërë vetë Partia Demokratike.

Të gjithë bëjnë një pyetje.

                          Pritja e Berishes, dje ne Fier

Si ka mundësi që Berisha në moshën 77-vjeçare të mbledhë kaq shumë njerëz?

Pas takimit dje në Fier, ishte edhe më energjik se më parë.

Pas tetë vitesh, i mbyllur në “kullën” ku zhvillonte vetëm takime miqësore apo rutinë me demokratët, Berisha është rikthyer në terren plot energji. E ktheu vendimi personal i Lulzim Bashës, për ta përjashtuar nga grupi parlamentar.

Një vendim antistatutor, një veprim i pavlefshëm. Një veprim që në fakt më shumë se një akt politik, është një tallje që Lulzim Basha e ka bërë me SHBA-të, pas kërkesës së këtyre të fundit për ta larguar Doktorin nga grupi parlamentar.

Në takimin e Tiranës pati pyetje, pati edhe entuziazëm. Në Fier, më shumë akoma.

Por, pse kaq njerëz pas Sali Berishës?

Ka shumë militantë demokratë që e mbështesin.

Pse trupa elektorale e PD është me Sali Berishën?

Përgjigja është mjaft e thjeshtë. Sepse demokratët duan shpresë për opozitë. Duan një opozitë të vërtetë dhe Doktori është njeriu që ngjall shpresë tek ata. Është njeriu që flet me gjuhën e fortë, të ashpër, është i drejtpërdrejtë. Është një zë opozitar i pandalshëm.

LEXO EDHE:  Nga Frrok Çupi/ Sot po qeshim, por nuk mund të qeshet me gjithçka

LEXO EDHE:  Video/Çfarë mendon vjehrra e Ilir Metës për Sali Berishën!

Berisha është njeriu që i ka pritur dhe përcjellë demokratët, edhe këto tetë vite. I ka dëgjuar hallet e tyre, ndryshe nga Lulzim Basha që i ka mashtruar, i ka gënjyer. I ka tallur, iu ka marrë dhe para.

Ndërsa Doktori ka qënë njeriu që i mbronte shpatullat Lulit. Dhe sa kaluan disa vite, tashmë u detyrua edhe vetë të mbante “thikën” pas shpine, të Lulit.

Demokratët kanë nevojë për shpresë, shqiptarët kanë nevojë për opozitë. Berisha është një zë i paepur opozitar. Berisha ngjall kurajo. Ngjall forcën e bashkimit. Ngjall shpresën se demokratët dhe Partia Demokratike nuk mund të vdesë, se do Lulzim Basha.



Prandaj ka dhe aq shumë njerëz. Ka dhe qytetarë të thjeshtë, që ndoshta nuk janë as demokratë.

Përtej vendimit dhënë ndaj tij nga SHBA-të, Berisha në qëndrimet dhe artikulimet politike, bën qartazi atë që nuk bën Lulzim Basha. Pra, Berisha flet në mënyrë të drejtpërdrejtë. Nuk hesht për asgjë, për padrejtësi, për skandale, për korrupsion, për afera.

Ndërsa Lulzim Basha flet një herë, merr paratë dhe mbyll gojën.

Kjo është diferenca e të bërit opozitë. Të mos ndalesh, të ecësh përpara, të denoncosh Qeverinë, aferat e saj, korrupsionin.

Luli është një segment fundor i Edi Ramës, që kërkon të shërbejë si opozitë fasadë. Gjë që demokratët nuk e shohin te Berisha. Por, e shohin si zë opozitar, të fortë dhe të vërtetë. Ndryshe nga personi që tashmë, edhe për pak kohë, mban fort karrigen e kryetarit të PD-së, edhe pse demokratët nuk e duan./CNA.al

FOTOT-Berisha “ndez” Fierin/ Pritet nga mijëra simpatizantë

Fieri i “thyen turinjtë” Bashës/ Berisha: T’i tregojmë vendin, sot është koha për mision

Berisha i jep mesazhin Bashës: Ik andej nga erdhe, dorëzo mandatin

“Forumet do mblidhen”/ Berisha paralajmëron Bashën: Je i shkarkuar

“Secili prej jush ka vendosur tullat e tij në PD”/ Berisha u ‘rrëmben’ zemrat demokratëve në Fier

LEXO TE PLOTE

Politikë

Basha ka nevojë të rishpikë Bashën/ Agron Gjekmarkaj: Luli që njohim duhet të bëhet ish-Luli

Publikuar

-

Nga

Analisti Agron Gjekmarkaj, sot ka veshur “kostumin e deputetit”, “kostum” për të cilin u shfrenua dhe “derdhi djersë” për ta pasur.

U shfrenua me të ashtuquajtura analiza politika, duke akuzuar e sharë kreun e PD Lulzim Basha, “derdhi djersë” sa nga njëri emision në tjetrin, duke numëruar dështimet e Bashës dhe më pas e gjeti veten në listat për deputet dhe sot mban një pozicion të tillë.

Edhe pse me besueshmëri zero, jo se e themi ne por se e thonë veprat e tij, Gjekmarkaj del në Kuvend dhe paguhet me taksat e shqiptarëve, sikur këtë ta fundit po i dhimbsen.

Në të vërtetë ai nuk shikon përtej hundës së tij dhe këtë e ka treguar në raport me kreun e PD Lulzim Basha, i cili e futi në lista për deputet pasi u sha dhe u “masakrua”, prej tij.

Provat që e bëjnë të pabesueshëm

Më 23 Janar 2018, në një analizë me titull “ Basha ka nevojë të rishpikë Bashën”, që gjeti hapësirë në të gjitha mediat, Agron Gjekmarkaj shkruante se “Luli që njohim duhet të bëhet ish-Luli.

Sipas Gjekmarkajt, aii duhet të tejkalojë vetveten në disa gjera themelore e karakteriale.

Falje duhet të kërkojë për kauzat e tradhtuara prej tij pas çadrës dhe drynit të “Republikës së re”. Falje të thërrasë për arsyet personale që e çuan te gjymtimet, prerjet dhe vragat që i ka shkaktuar PD-së dhe puçrrat që i ka mbivendosur!

 Falje që lejoji triumfin e banalitetit, këtë flamë që nuk i shqitet. Ai duhet t’u kërkojë falje për mungesën e koherencës dhe identitetit politik të këtyre viteve që ai është kryetar. Të kërkosh falje, nuk është dobësi.

Ta përdorësh atë për të kaluar lumin, është poshtërsi. Budallenj s’ka shumë në xhiro këso kohe. Ai duhet të thërrasë derisa të ngjiret, tani jam një tjetër…

Besomëni! Basha i ka konsumuar stinët e fjalimeve të bukura, tani i duhet të hyjë në stinën e akteve të vërteta”, shkruante Gjekmarkaj, duke bërë thirrje që ta besonin për këto që thoshte.

LEXO EDHE:  Nga Frrok Çupi/ Sot po qeshim, por nuk mund të qeshet me gjithçka

LEXO EDHE:  Shënim/Qokaxhinjtë e Likes



Gjekmarkaj bën Bashën Kryeministër

I njëjti, pasi e pa veten në listat për deputet nisi me elozhe ndaj Bashës.

Nga “Basha ka nevojë të rishpikë Bashën”, Gjekmarkaj doli tek Basha kryeministër dhe me vizion.

Me anë të një postimi në rrjete sociale, me datë 8 Prill 2021, Gjekmarkaj shkruante se “me ardhjen e Bashës në krye të punëve në Shqiperi do të vijnë më shumë vaksina perëndimore, proçesi i vaksinimit do të jetë më efikas dhe i plotë”.

Sipas Gjekmarkajt, strategjia e tij si Kryeministër dhe e Opozitës për daljen nga kriza ishtë e qartë.

Shkurt e drejt, vaksinimi do të vazhdojë, do të përfundojë me vaksina cilësore për të gjithë pa diskriminim social.

Duhet të kujtojmë se shtëpitë nuk po i ndërton Edi Rama me kursimet e veta, por me donacionet dhe kreditë që duhet t’i paguajmë një me një të dhëna nga BE dhe institucione të tjera ndërkombëtare!
Po ashtu në këtë pikë Lulzim Basha ka qenë i prerë dhe konkret. Rindërtimi do të permbyllet nga Qeveria e re si prioritet absolut. Shtëpitë me ligj do të jenë pronë e banorëve të cilët mund ti shesin ose ti mbajnë sipas dëshirës.

Fushata njerëzore e Lulzim Bashes po e vjetron edhe më gënjeshtarin kronik, hakërruesin dhe sharësin e perjetshëm”, shkruante Gjekmarkaj.

Por, pavarësisht këtyre lëpirjeve, Basha nuk u bë dot, kryeministër, por Gjekmarkaj u bë deputet.

Realiteti është ky, se sa dhe si mund ti besohet Agron Gjekmarkajt në Kuvend, ngrihen mijëra pikëpyetje dhe dyshime./CNA.al

LEXO TE PLOTE

Politikë

Trau në Rrugën e Kombit/ Nishani tregon lojën e Lulzim Bashës, thirrja e fortë për Opozitën

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Ish-presidenti Bujar Nishani e cilëson vendosjen e traut në Rrugën e Kombit, si një nga aktet më korruptive dhe vendimeve në errësirë, por edhe një akt antikombëtar, të qeverisë së Edi Ramës.

Në një postim në rrjetet sociale, Nishani shkruan se ky akt antishqiptar, sikurse e cilëson ai, u “blindua” nga një lojë hilanjose dhe kompromentuese e opozitës së Lulzim Bashës.

Vendosja e Traut dhe Taksës në Rrugën e Kombit ishte dhe mbetet jo vetëm një prej akteve më korruptive dhe vendimeve në errësirë, por edhe një akt antikombëtar.

Trau dhe Taksa shqiptarofobe synon të frenojë sa më shumë të mundet qarkullimin e lirë të shqiptarëve, komunikimin e tyre ndër vedi.



LEXO EDHE:  Dekretimi i Gent Cakaj/ Kreshnik Spahiu letër publike Presidentit

LEXO EDHE:  "Rama duhet thirrur në Prokurori"/ Kryemadhi flet me fakte: Kam videon!

Ky akt korruptiv dhe antishqiptar i qeverisë së E. Ramës u blindua nga një lojë hilanjose dhe kompromentuese e opozitës së L. Bashës.”-shkruan Nishani.

Më tej, ai i drejton edhe një thirrje të fortë deputetëve të Opozitës, të cilëve u kërkon të paraqesin në Kuvend iniciativën ligjore për heqjen e Traut dhe Taksës në Rrugën e Kombit.

“Ju bëj thirrje sot deputetëve të opozitës në Parlament të paraqesin menjëherë iniciativën ligjore për heqjen e Traut dhe Taksës Antishqiptare në Rrugën e Kombit.

Deputetët e opozitës të kushtëzojnë çdo përfshirje të tyre në legjislacionin e mëtejshëm, me këtë çështje madhore në interes të ekonomisë, lirisë dhe kombëtare të shqiptarëve !”-përfundon postimin e tij Bujar Nishani./CNA.al

LEXO TE PLOTE