Connect with Us

Vaksina zbut simptomat e variantit Delta

Kosova & Rajoni

Vaksina zbut simptomat e variantit Delta

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Shumë shtete në mbarë botën, përfshirë edhe Kosovën, po raportojnë për raste të infektimeve me koronavirus te personat që janë vaksinuar kundër tij. Infektimet e të vaksinuarve, kryesisht po i atribuohen variantit Delta të koronavirusit, që po përhapet me shpejtësi.

Në Kosovë, deri më tani, autoritetet shëndetësore kanë konfirmuar se dhjetë persona të vaksinuar plotësisht janë infektuar me koronavirus, por kanë shtuar se gjendja shëndetësore e tyre është stabile.

The New England Journal of Medicine më 28 korrik ka publikuar një studim, ku janë analizuar të dhënat e pothuajse 11.500 punonjësve shëndetësorë, të vaksinuar plotësisht me vaksinën Pfizer, të cilët punojnë në Qendrën Mjekësore Sheba, në afërsi të Tel Avivit në Izrael.

Studimi ka gjetur se personat e vaksinuar, që kanë nivele më të larta të antitrupave, kanë më pak gjasa që të infektohen me koronavirus.
Pas testimeve të vazhdueshme prej fundit të janarit deri në fund të prillit, janë identifikuar 39 punonjës të infektuar, pavarësisht se ishin plotësisht të vaksinuar. Studimi gjeti se të gjithë kanë pasur simptoma të buta ose nuk kanë pasur fare simptoma, por 19 për qind e tyre kishin përjetuar simptoma edhe gjashtë javë pas diagonistikimit.

Nga 39 punëtorët e infektuar, në 22 prej tyre, autorët e studimit kanë gjetur se kanë pasur antitrupa në ditën e infektimit ose një javë më pas. Më pas studiuesit kanë analizuar nivelin e antitrupave të personave të infektuar, ku është parë se niveli i antitrupave ka qenë më i ulët.

Ndërkaq, sipas një studimi të kryer nga Qendrat e Kontrollit për Parandalimin e Sëmundjeve në SHBA (CDC) të publikuar në fund të korrikut, janë analizuar infektimet që kanë ndodhur në Barnstable. Rreth 74 për qind – apo 346 raste – e të infektuarve kanë qenë të vaksinuar plotësisht. Nga këto raste, 79 për qind kanë e pacientëve kanë pasur simptoma. Sipas analizave të kryera, varianti Delta ka qenë përgjegjësi kryesor i këtyre infektimeve.

Përhapja e variantit Delta, që është variant më ngjitës se varianti origjinal i koronavirusit, ka bërë që shumë shtete të përballen me rritjen e rasteve dhe disa prej tyre kanë rikthyer edhe mbajtjen e maskave, siç është edhe rasti i SHBA-së.
Sipas ekspertëve amerikanë, vaksinimi kundër COVID-19 ul gjasat që personat e vaksinuar të infektohen me koronavirus, por ata që infektohen me Delta pas vaksinimit, kanë tendencë ta shpërndajnë virusin sikurse personat e pavaksinuar.

LEXO EDHE:  Nga aktiviste në presidente/ Kush është Vjosa Osmani?

“Niveli i lartë i ngarkesave virale sugjeron për rrezik të transmetimit dhe rrit shqetësimet se, për dallim nga variantet tjera, njerëzit e vaksinuar, që infektohen me variantin Delta, mund ta transmetojnë virusin”, tha më 30 korrik, drejtoresha e CDC-së, Rochelle Walensky, raportoi CNN.

Para shfaqjes së variantit Delta të koronavirusit, që fillimisht u identifikua në Indi në tetor të vitit të kaluar, vaksinimi u tha si parandalues i përhapjes së transmetimit të virusit. Jo vetëm që njerëzit e vaksinuar kishin më pak ngarkesa virale, por gjithashtu personat e vaksinuar, që infektoheshin me virus, kishin simptoma më të buta të sëmundjes dhe e kalonin më shpejt atë.

Por, hulumtimet tregojnë se Delta përhapet në mënyrë më agresive. Në korrik, shembull, shkencëtarët kinezë thanë se varianti Delta kishte pothuajse ngarkesë virale 1.000 herë më shumë se variantet e mëhershme.

Sipas raportit të CDC-së, varianti Delta është më i transmetueshëm se variantet e tjera, të cilat thuhet se e kanë fuqinë e transmetimit po aq sa edhe gripi sezonal. Kjo nënkupton se në kushte të caktuara, një person i infektuar me variantin fillestar të COVID-19 mesatarisht mund të infektojë dy deri në tre persona të tjerë. Por, një person i infektur me variantin Delta mund të infektojë deri në nëntë persona të tjerë.

“Ky është një prej viruseve më të transmetueshme që ne njohim”, ka thënë për CNN Walensky.
Qendra Evropiane për Kontrollin dhe Parandalimin e Sëmundjeve (ECDC), ka thënë se personat e moshuar janë më të rrezikuarit që të infektohen me koronavirus edhe pas vaksinimit.

“Infektimet në mesin e personave të vaksinuar plotësisht priten, veçanërisht në mesin e të moshuarve ose personave që kanë sëmundje. Vaksinat parandalojnë në masë të madhe sëmundjen e rëndë, megjithatë ne ende shohim se raste që përfundojnë në spital apo edhe në vdekje në mesin e këtyre popullatave”, ka thënë ECDC-ja./REL

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

Reciprociteti me targat/ Serbët bllokojnë rrugët afër pikave kufitare në Veri

Publikuar

-

Nga

cna lajme rajon

Autoritetet në Kosovë më 20 shtator nisën aplikimin e masës së reciprocitetit për targat e automjeteve nga Serbia, duke thënë se një vendim i tillë nuk është ndërmarrë kundër serbëve, por është imponuar nga Serbia. Por, qytetarët serbë kanë bllokuar rrugët në afërsi të pikës kufitare në Jarinjë në shenjë pakënaqësie.

Sipas vendimit, veturat që hyjnë nga Serbia duhet të pajisjen me targa të përkohshme në pikëkalimet kufitare të Kosovës. Këto targa të përkohshme po u vendosen veturave në xhamat para dhe prapa.

Qeveria e Kosovës ka thënë se të gjithë shoferët me targa të lëshuara nga Serbia, duhet të paguajnë 5 euro për targa tw pwrkohshme dhe vlefshmëria e tyre është 60 ditë.

Ministri i Punëve të Brendshme, Xhelal Sveçla tha se autoritetet kanë ndërmarrë masat e nevojshme që ky vendim të mos pengojë lëvizjen e njerëzve dhe mallrave, duke shtuar se situata në kufijtë “është e qetë”.

LEXO EDHE:  Basha uron 12 vjetorin e Kosovës/ Premtimi si kryeministër i ardhshëm

LEXO EDHE:  Panik në Kosovë/ Konfirmohen 141 raste të reja me Covid-19 brenda 24 orëve



“Njoftojmë opinionin se nga data 15 shtator nuk ka në qarkullim asnjë veturë të pajisur me targa valide ‘KS’ dhe rrjedhimisht targat e vetme ligjore dhe me afat të lëshuara nga zyrtarët e Ministrisë së Punëve të Brendshme janë ato me denominimin ‘RKS’”, ka shkruar në Facebook ministri Sveçla.

“Njoftojmë opinionin se nga data 15 shtator nuk ka në qarkullim asnjë veturë të pajisur me targa valide ‘KS’ dhe rrjedhimisht targat e vetme ligjore dhe me afat të lëshuara nga zyrtarët e Ministrisë së Punëve të Brendshme janë ato me denominimin ‘RKS’”, ka shkruar në Facebook ministri Sveçla.

Ministria që udhëheq Sveçla ka njoftuar se përveç në pikat kufitare, qytetarët mund të pajisjen me leje të përkohshme për targa në të gjitha Qendrat e Regjistrimit të Automjeteve./ REL

LEXO TE PLOTE

Kosova & Rajoni

Në përmirësim situata pandemike në Kosovë/ Bie numri i të infektuarve me Covid

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Në 24 orët e fundit në Kosovë është shënuar një ulje e lehtë e numrit të rasteve dhe viktimave nga Covid-19.

Ministria e Shëndetësisë, ka informuar se gjatë 24 orëve të fundit nga 2.319 testime, 48 qytetarë kanë rezultuar pozitiv me virusin COVID-19, janë shënuar 6 raste të vdekjes.

Gjithashtu bëhet e ditur se janë dhënë 9.146 doza të vaksinës kundër COVID-19.

LEXO EDHE:  Zëri i Amerikës/ Trajtimi i rasteve të korrupsionit në Kosovë

LEXO EDHE:  Kosova vijon me shifra të larta/ 764 raste të reja dhe 12 viktima

Prej fillimit të vaksinimit në të gjitha qytetet e Kosovës janë dhënë 1.176.154 doza të vaksinës.



Deri më sot 441.622 qytetarë janë vaksinuar me dozën e dytë.

Sot janë shëruar 903 qytetarë, derisa numri i përgjithshëm i të shëruarve është 147.347.

Në total numri i rasteve aktive është 8.903./ CNA.al

LEXO TE PLOTE

Kosova & Rajoni

Parandalohet ekzekutimi i Zoran Zaev/ Shërbimet sekrete zbulojnë planin: Kush ishin porositësit

Publikuar

-

Nga

Është parandaluar ekzekutimi i kryeministrit të Maqedonisë së Veriut Zoran Zaev. Kanë qenë Shërbimet Sekrete të Greqisë që kanë shmangur një atentat vdekjeprurës ndaj Zoran Zaevit.

Lajmi është konfirmuar  nga mediat greke të cilat bëjnë të ditur se shërbimet sekrete greke dhe qeveria parandaluan një atentat ndaj kreut të Maqedonisë së Veriut, Zoran Zaefv disa muaj pas nënshkrimit të Marrëveshjes së Prespës në verën e vitit 2018 dhe para se Parlamenti i Shkupit të votonte ndryshimin e Kushtetutës me 80 vota.

Kjo u zbulua nga një burim i brendshëm nga Ministria e Punëve të Jashtme të Greqisë, i cili ishte në të njëjtën kohë ndërlidhës joformal me shërbimet sekrete dhe Ministrinë e Mbrojtjes, dhe që luante një rol të rëndësishëm në të gjithë rastin në fjalë.

Sipas burimit, pas ratifikimit të Marrëveshjes së Prespës nga Parlamenti i Shkupit me 69 vota më 20 qershor (Marrëveshja u nënshkrua më 12 qershor në fshatin Psarades të Follorinës në Prespë), tensioni politik arriti kulmin në vendin fqinj.

Opozita e udhëhequr nga VMRO, e udhëhequr nga Mickowski (i cili zëvendësoi Gruevskin, por që atëherë konsiderohej një përkrahës), e kishte polarizuar klimën në një nivel të rrezikshëm, në një vend ku përpjekjet për vrasje nuk ishin të panjohura.

Organizatat e fuqishme të Skopjanëve të Australisë dhe Kanadasë po shprehin zemërimin e tyre, dhe thuhet se ata do të financojnë reagimet në Shkup, por gjithashtu do të kishin fonde që do të kanalizoheshin për të “siguruar” votat.

Shërbimet sekrete greke informojnë kryeministrin e atëhershëm Alexis Tsipras se ka lëvizshmëri të madhe në Shkup, kundër Zaevit. Qeveria në atë kohë po e kryqëzonte punën me shërbimet amerikane, të cilat i dinë reagimet, por nuk e dinë thellësinë e tyre.

Në të njëjtën kohë, shërbimet amerikane konsiderojnë se “forcat që kanë interes të mos nënshkruajnë Marrëveshjen do të kërkojnë të parandalojnë ndryshimin e Kushtetutës (të Maqedonisë së atëhershme) nga Parlamenti” . Menjëherë pas kësaj, pason dëbimi i diplomatëve rusë nga Athina, shkruan abcnews.al.

LEXO EDHE:  Situata në Kosovë/ Katër viktima dhe 113 raste të reja me koronavirus

LEXO EDHE:  Nga Ilir Levonja/ Një tren ekspres nga Tirana në Prishtinë



Amerikanët po përgjonin bisedat e drejtuesve që lëvizin në mjedisin e gjykatës Gruevski në Hungari, e cila dokumenton lëvizshmërinë rreth përpjekjes për të parandaluar ndryshimin e Kushtetutës, ndërsa kontaktet me drejtuesit që lëvizin në organizatat e Australisë dhe Kanadasë gjithashtu konfirmohen, shruan ABC News.

Përpjekja dyshohet se u financua nga disa organizata të huaja dhe ishte planifikuar nga zyrtarë të inteligjencës të vendeve të treta, të cilët shfaqen në Shkup, si agjentë tregtarë ose si drejtues të medias.

Në të njëjtën kohë, shërbimet e inteligjencës greke informojnë Ministrinë e Punëve të Jashtme se “një veprim agresiv është i pashmangshëm kundër Zoran Zaev” .

Kryeministri i atëhershëm i Greqisë udhëzon Ministrinë e Punëve të Jashtme që të informojë autoritetet kompetente të vendit fqinj dhe Ministri i Jashtëm i atëhershëm, Nikola Dimitrov, është i pari që informohet, dhe përmes “kanaleve” të tjera, Zoran Zaev është informuar gjithashtu në detaje për eliminim fizik të tij.

Amerikanët marrin mbrojtjen e matur të kryeministrit të Shkupit dhe u dërgojnë mesazhe ambasadave të huaja dhe VMRO -së që ata “e dinë” për sulmin. Në ato muaj, Zoran Zaev kishte një mbrojtje të barabartë me atë të presidentit amerikan, diçka që ishte e qartë për të gjithë, shkruan abcnews.al.

Vlerësimi i burimit që e përcolli informacionin në mediat greke është se që nga momenti kur u votua ndryshimi i Kushtetutës, pati një konsultim të fshehtë të SHBA -së me Gruevskin e internuar dhe të akuzuar dhe me ambasadën e një vendi të fortë , ku u tha se ata do të mbajnë përgjegjësi. Por edhe sot, mbrojtja e Zoran Zaev është tregues i frikës së udhëheqësit të Shkupit, i cili kujton fatin e Gligorov, i cili shpëtoi mrekullisht në 1995.

Vizita e Presidentit të Shkupit Stevo Pentarovski shënon fillimin e një faqeje të re në marrëdhëniet e Greqisë me Maqedoninë e Veriut, por në hijen e ratifikimit në pritje të memorandumeve të bashkëpunimit.

LEXO TE PLOTE