Aktualitet
Pse po përleshen themeluesit e “Shqiptarja.com”, Carlo Bollino dhe Anila Basha
Një përleshje mediatike në sy të publikut ka nisur prej disa ditësh mes dy gazetarëve të njohur si mbështetës të qeverisë: Carlo Bollino dhe Anila Basha. Me një seri shkrimesh që kanë marrë trajtën e telenovelës dy bashkëthemeluesit e Shqiptarja.com, që krijuan këtë media pasi u larguan nga Nevws 24, kur atë e bleu Irfan Hysenbelliu, po tregohen të pamëshirshëm për të nxjerrë të palarat e njëri tjetrit.
Loja filloi rreth një javë më parë kur një gazetar i Shqiptarja.com, A.Doci, botoi në faqen e tij personale faktin se Anila Basha paguhej prej kohësh me 700 mijë lekë në muaj si këshilltare mediatike e kryebashkiakëve të Elbasanit, fillimisht Qazim Sejdinit e më pas Gentian Llatjas.
Lajmi që pati një shpërndarje të shpejtë si gjithmonë kur ka raste denoncimesh të gazetarëve që paguhen me fonde publike, nuk u prit mirë nga Basha. Ajo nuk u përgjigj për pagesën por kaloi menjëherë në sulm ndaj Carlo Bolinos, duke denoncuar dorën e tij pas këtyre sulmeve që lidheshin me pronësinë e medias Shqiptarja.com.
Në një shkrim të gjatë plot fyerje sharje dhe ofendime, Basha shpjegoi historinë e përbashkët me Bolinon në media.
Ajo ishte kryeredaktore në mediat e tij, kur në mënyrë të beftë, për surprizën e të gjithëve, në kohën kur ende ishte në pushtet Berisha, mediat e tyre që ishin në pronësi të la Gazzeta di Mezogiorno në Bari, i bleu biznesmeni Irfan Hysenbelliu.
Bolino dhe Basha të mbetur pa një armë informimi vendosën të themelojnë Shqiptarja. com. Për faktin se Basha mori me vete një pjesë të stafit dhe se ajo do merrej me punën e përditshme, ajo mbajti 20% të aksioneve. Pikërisht për këto aksione që Bolino do ti zhduke duke kërkuar rritje të kapitalit të shoqërisë, të cilën e ka nxjerrë për gjatë të gjitha viteve me humbje duket se ka plasur konflikti.
Basha ka botuar bilancet e të gjitha viteve të fundit duke pretenduar se ajo nuk ka marrë në një dekadë asnjë para nga aksionet e saj. Ajo e ka akuzuar Bolinon se pasi mori drejtimin e gazetës e përdori atë për të vënë gjoba dhe goditur.
“Kjo pra, është historia e leçjanit që më pas e mori “Shqiptarja.com” dhe e bëri çorap si deshi vetë, gjobiti e goditi sa donte e kë donte vetë, deri sa arriti para tre ditësh ta ndërsejë kundër meje, bashkëthemelueses, që jam edhe sot aksionere me 20%”.
Pasi tregon këtë histori Basha i kujton Bolinos edhe përfitimet që ka marrë nga pushteti përmes VKM-ve të nxjerra enkas nga qeveria që i japin atij me 1 euro ish fabrikën e orave dhe bunk artin.
“Gazetari i mirë gjen dhe se si u miratua më 2 tetor 2019, VKM Nr. 642, për qiranë tallava 1 euro/kontrata, ndërmjet MFE dhe “MTSC” SHPK për “Ish-ndërmarrje metalike ‘Tirana’” (Reparti i orëve), 4021.50 m²; apo si u miratu rrufe VKM nr. 157, më 19 shkurt 2020, apo VKM nr. 368, në 6 Maj 2020” shkruan ajo.
Po me sa duket historisë vështirë se i vihet pikë kollaj. Nuk kaluan dy ditë dhe gazetari Doci i Shqiptarja.com, të cilin Basha e etiketonte si vegël të Bolinos botoi si gjithnjë, jo në gazetë por në faqen e tij, të dhëna të tjera për gazetaren.
Sipas tyre ajo paguhet edhe nga Baftiar Zeqaj i Albpetrolit, nga Ministria e brendëshme, e Drejtësisë dhe Albpetroli.
Kur do mbarojë ky sulm i ndërsjelltë?
Askush nuk mund të vërë bast. Por një gjë shihet qartë, shumë nga gazetarët më të cilët Bollinos i ka rënë rruga të bashkëpunojë janë ndarë keq me të dhe e kanë akuzuar. I fundit ishte reporteri i njohur i kronikës Artan Hoxha, i cili e akuzoi, jo si gjobëvënës sikurse bën Basha, por se donte kasetën filmike të vrasjeve të 21 janarit për të bërë pazar me Berishën./Lapsi.al
Aktualitet
Inceneratori, laku në fyt për Bashkinë e Tiranës
Inceneratorët janë afera më e madhe korruptive në 30 vitet e fundit. Gazetari Elvi Fundo, në një postim në rrjetin social Facebook shkruan se afera e inceneratorëve është laku në fyt për bashkinë e Tiranës, pasi ka një kosto marramendëse për pushtetin vendor dhe qëndror.
Aktualisht Bashkia e Tiranës paguan 12 milionë dollarë për largimin e mbetejeve urbane, ndërsa nga ky vit do i shtohen edhe 10 milionë dollarë të tjera, pra do paguhet një total prej 22 milionë dollarë nga taksat e qytetarëve të Tiranës për largimin dhe incenerimi në mbetjeve, ndonëse djegësa nuk ka.
Gazetari thekson më tej se kjo aferë është një projekt mafjoz, i cili po rrezikon të çojë edhe në falimentimin e bashkive.
Shkrimi nga Elvi Fundo:
Shembulli vjen nga bashkia e Harrisburg në Pennsylvani, SHBA e cila falimentoi nga kostot e investimit të një inceneratori. Por edhe një akt nga shteti i Rhode Island në SHBA.
Bashkia e Tiranës dhe qeveria sot paguajnë 10 milionë dollarë në vit për Inceneratorin që nuk ekziston, kjo pa kostot që paguajnë subjektet private për depozitimin e mbetjeve të ngurta.
Për 4 vite shumën më të madhe e paguante qeveria, si Transfertë e pa Kushtëzuar. Bashkia e Tiranës aktualisht ka paguar maksimumi 5 milionë dollarë në vitin e fundit, nga ky vit do i duhet të paguajë 10 milionë dollarë. Pasi periudha mbështetëse kontraktuale nga qeveria prej 4 vitesh përfundon.
Aktualisht Bashkia e Tiranës paguan 12 milionë dollarë për largimin e mbetjeve urbane, shumë kjo që shkon për firmat e pastrimit, nga ky vit do i shtohen edhe 10 milionë dollarë të tjera, pra do paguhet një total prej 22 milionë dollarë nga taksat e qytetarëve të Tiranës për largimin dhe incenerimi në mbetjeve (INCENERATOR NUK KA).
Sipas studimeve më prestigjoze botërore dhe akteve të nxjera edhe në SHBA, si psh. shteti i Rhode Island në SHBA, senati i të cilit ka publikuar edhe një akt për incenerimin thuhet:
Djegia e mbetjeve të ngurta është metoda më e kushtueshme, e asgjesimit të mbetjeve me kosto përshkallëzuese të njohura dhe të panjohura, të cilat do të vendosin ngarkesa subtanciale dhe të paarsyeshme si në buxhetin e shtetit ashtu dhe në atë lokal, madje deri në rrezikimin e interesit publik.
Këto detaje dhe shumë të tjera të bëra publike nga shumë gazetarë dhe aktivistë, i ka publikuar edhe KLSH, por qeveria dhe Bashkia e Tiranës vazhdojnë justifikimet.
Kemi të bëjmë me një projekt mafjoz, një gropë buxhetore me kosto qindra milionë dollarë, të paanalizuara dhe të pa pranuara nga Ministria e Financave deri diku. Pa folur për skandalin e kostove që kalojnë çdo tavan buxhetor dhe shkojmë drejt një megaskandali që i shkakton buxhetit të shtetit dëme katastrofike dhe rrezikon të falimentojnë bashkitë.
Shumë ministri që e kundershtojnë projektin e nuk japin konfimimin e tyre, por Alqi Bllako dhe Lefter Koka ecin përpara deri sa gjithçka kalon me VKM ku kujdeset vetë Ëngjëll Agaçi.
KA BËMA POR PASKA DHE GJËMA!/E.K-CNA.al
Politikë
“Njëri e blen, tjetri e ka pronë private”/ Kulluri shigjeton Ramën dhe Bashën
Ish anëtari i Këshillit Kombëtar të PD, Edvin Kulluri, ka komentuar situatën politike në vend. Përmes një statusi në rrjetet sociale, Kulluri shkruan se vendi është në këtë gjendje pasi tre partitë kryesore drejtohen nga njerëz që e blejnë, emërohen dhe që e shohin partinë si pronë private.
Në këtë mënyrë ai ka shigjetuar Lulzim Bashën dhe kryeministrin Edi Rama.
“Jemi në këtë gjendje edhe sepse 3 partitë kryesore i drejtojne: një që e ka blerë, tjetri që e kanë emëruar, kurse të tretët e kanë pronë private! Dhe fajin na e kanë amerikanët!”, shkruan Kulluri./ A.E-CNA.al
Politikë
U propozua si kandidat i PD-së për 6 marsin/ Nënkryetari i Shkodrës merr vendimin e rëndësishëm
Nën kryetari i Bashkisë së Shkodrës Ardit Qylybyli u propozua si një prej kandidateve për tu votuar në primaret e së dielës.
Pasditen e sotme, ky i fundit ka reaguar përmes një postimi në rrjetin social Facebook, ku teksa shpreh mirënjohje thekson se mbështet kandidaturat e tjera demokrate.
Ai shton se është i bindur se me 6 mars, demokratët e qytetarët shkodranë, do të bëjnë zgjedhjen më të mirë pikërisht duke filluar nga primaret e 30 janarit.
“Te nderuar demokrate, qytetare te Shkodres! Une jam propozuar nga strukturat si kandidat per kryetar te Bashkise se Shkodres ne zgjedhjet e pjesshme vendore te 6 marsit. Jam shume i nderuar dhe ndjehem i vleresuar per mbeshtetjen qe me kane dhene demokratet e Shkodres duke me propozuar per garen e primareve. Aktualisht, une jam zevendeskryetar ne detyre i Bashkise Shkoder. Pasi jam njohur me emrat e kandidateve te tjere per primaret, kam vendosur te terhiqem nga votimi i dites se diel per Bashkine e Shkodres.
Kjo terheqje eshte ne funksion te perqendrimit te demokrateve ne nje numer me te vogel kandidatesh te mundshëm, por edhe te mbeshtetjes te kandidaturave qe une gjykoj se kane dhe duhet te kene jo vetem mbeshtjen e demokrateve por edhe qytetareve shkodrane. Si deri me tani, do te vazhdoj angazhimin tim maksimal per bashkine, demokratet dhe qytetaret e Shkodres. Jam i bindur se me 6 mars, demokratet e qytetaret shkodrane, do te bejne zgjedhjen me te mire pikerisht duke filluar nga primaret e 30 janarit, guri i themelit i fitores sone te perbashket. Na prifte e mbare te gjitheve bashke per te sotmen e te nesermen e Shkodres, shtepise sone të përbashkët!”, tha ai./E.K-CNA.al
