Connect with Us

Rivali i Play-Off/ Teuta e ka “rrugën e shtruar” për grupet, ja me kë do të përballen durrsakët në rast kualifikimi

Sport

Rivali i Play-Off/ Teuta e ka “rrugën e shtruar” për grupet, ja me kë do të përballen durrsakët në rast kualifikimi

Publikuar

-

Teuta arriti që të përmbyste me sukses Inter Escaldes dhe kaloi në turin e tretë të Conference League. Rruga për durrsakët që janë shpallur kampion në Superiore vazhdon që të jetë e shtruar në këtë kompeticion europian. E favorizuar për shkakun se vinte si e eliminuar nga “Champions League”, skuadra e Martinit ka evituar përballjet e tipit Bazel-Craiova që në fillim. Kundërshtari i radhës për Teutën do të jetë Shamrock.

Ekipi irlandez nuk do të jetë i lehtë për t’u kaluar, por sigurisht që në këtë drejtim nuk mund të ketë ankesa për shortin. Rruga vazhdon të jetë “e shtruar” për Teutën deri në grupet e Conference League. Në ditën e hënë do të hidhet edhe shorti i fundit, atje ku do të njohim rivalët e ekipeve të Superiores në fazën finale. Sigurisht që gjithçka do të marrë kuptim nëse një prej Teutës dhe Laçit do të kalonte më tej, duke mirëpritur edhe variantin që i sheh të dyja në “Play-Off”.

Le të ndalemi pak te rivalët e mundshëm te Teutës. Goglat janë të destinuara për të nxjerrë një prej këtyre rivalëve për durrsakët: “Omonia-Flora Tallin, Mura-Zalgiris, Kairat-Alashkert, Lincoln-Slovan-Bratislava, Neftci-Helsinki”. Por nuk mbyllet me kaq pasi Teuta do të ndeshet me një prej këtyre ekipeve humbëse nëse arrijnë që të kalojnë me sukses Shamrock. Kështu është përcaktuar formula pasi ndeshjet e mësipërme janë për turin e tretë të “Europa League”. Një prej ekipeve humbëse të sipërpërmendura do të jetë njëkohësisht edhe rivali i Teutës, për të lehtësuar edhe më shumë punën.

Në bazë të vlerave në “Transfermarkt”, pjesa më e madhe e këtyre skuadrave vlejnë afërsisht 5-7 milionë euro. Pra janë rivalë tërësisht të përballueshëm edhe në letër, pavarësisht se jemi duke folur për fazën “Play-Off”. Rasti më i keq për Teutën do të ishte nëse Kairat Alamty nuk bën detyrën ndaj Alashkert dhe bie në short me durrsakët. Skuadra kazake vlen më shumë se të gjitha, 21.4 milionë euro, një shifër kjo e njëjta me Craiovën që u dërgua në shtëpi nga Laçi.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Premier Liga

Gol i anulluar dhe penallti e humbur, fati i keq ndjek Armando Brojën

Publikuar

-

Nga

Armando Broja ka luajtur sot për herë të parë 90 minuta të plota me ekipin e Southampton-it. Këta të fundit janë përballur me Sheffield United në raundin e 3-të të EFL Cup. Koha e rregullt është mbyllur me shifrat 2-2, ndërsa fituesi është përcaktuar nga ruleta ruse e penalltive.

Fati i keq e ka përndjekur Brojën në këtë sfidë, teksa nuk ka mundur të shënojë në portën kundërshtare. Sulmuesi shqiptar tund rrjetën në minutën e 50, por gjyqtari i mohon festën për pozicion jashtë loje. Gjithashtu talenti 20-vjeçar humbi penalltinë e tij në fund, por kjo nuk ka ndikuar te skuadra e Southampton-it, e cila ka siguruar biletën për në fazën tjetër.



VIDEO: https://tiger.cdnja.co/v/wk/wkr5b.mp4?secure=ajy4uKgeCqBq8jWUsNTWOQ&expires=1632299400

LEXO TE PLOTE

La Liga

Ronaldo ishte pranë transferimit te Atletico Madridi, ja pse dështoi marrëveshja

Publikuar

-

Nga

Kristiano Ronaldo la Juventusin në verë për t’u kthyer në Mançester te Junajtidi, ku i ka bërë një nisje të shkëlqyer aventurës së tij të dytë në “Old Trafford”. Gjithsesi përpara se të shkonte te Junajtidi, e ardhmja e tij mund të kishte qenë në Spanjë, por me një ndryshim, në verë ai mund të kishte veshur fanellën e Atletikos së Madridit.

Lajmin e ka bërë me dije tabloidi anglez “The Sun”, që nënvizon se menaxheri i lojtarit Zhorzh Mendesh ia pat ofruar yllin portugez disa klubeve në Europë. Dhe më i favorizuari dukej Atletiko e Diego Simeones.  Por, gjithnjë siç bën me dije “The Sun”, ka qenë vetë klubi kampion në Spanjë që ka refuzuar të firmosë me Kristianon duke parë të kaluarën e tij te Reali.



Dhe në fund Atletiko vendosi të shkojë për Grizmanin e jo të ndiqte Ronaldon. Sipas “Cadena SER”, Mendeshi ka kontaktuar drejtpërdrejt me drejtuesit e Atletikos duke i kërkuar nëse ishin të interesuar për Kristiano Ronaldon. Por refuzimi i tyre ka qenë i menjëhershëm.

Ka qenë pikërisht e shkuara e tij me Realin e Madridit shtysa kryesore për drejtuesit e Atletikos për të refuzuar firmën me portugezin. Në këtë mënyrë në fund të merkatos së verës Ronaldo u transferua te Junajtidi.

LEXO TE PLOTE

Sport

Starton sot Kupa e Shqipërisë, ja ekipet që zbresin në fushë

Publikuar

-

Nga

Sot Kupa e Shqipërisë do të ngrejë siparin për edicionin e ri 2021/2022. Siç është zhvilluar edhe më parë dhe kësaj radhe Kupa e Shqipërisë do të ndahet në dy grupe në A dhe B për të luajtur turin e saj të parë duke zhvilluar 16 ndeshje, 8 sfida për një grup.

Në grupin A, Teuta do të luajë në transfertë ndaj Luzit në orën 16:00. Partizani gjithashtu do të luajë në transfertë në orën 16:00. Tirana do të sfidojë në transfertë skuadrën e Shkumbinit në orën 16:00. Skënderbeu do të luajë në fushën “Reshit Rusi” të Shkodrës ndeshjen ndaj Veleçikut në orën 16:00. Bylisi do të ndeshet në transfertë ndaj Orikut në orën 16:00.



Dinamo do të luajë ndaj Erzenit në transfertë në orën 16:00. Ndeshje interesante do të jetë dhe Besëlidhja-Burrelli e cila do të nisë në orën 16:00. Vora dhe Korabi do të përballen në orën 16:00 në kompleksin “Internacional” në Pezë-Helmes. Në grupin B, në orën 13:00 do të luhet ndeshja Butrinti-Laçi. Në orën 14:00, në Aneksin e Kavajës do të zhvillohet ndeshja Besa-Pogradeci. Vllaznia do të ndeshet në transfertë ndaj Labërisë në orën 16:00.

Kukësi do të luajë në stadiumin e qytetit të Librazhdit ndeshjen ndaj Maliqit në orën 16:00. Elbasani dhe Kastrioti do të luajnë në stadiumin “Redi Maloku” të Fushë-Krujës në orën 16:00. Flamurtari do të luajë ndaj Apolonisë në orën 16:00 në stadiumin “Flamurtari”. Egnatia do të ndeshet në transfertë kundër Turbinës në orën 16:00. Lushnja dhe Tomori do të sfidohen në orën 16:00.

LEXO TE PLOTE