Connect with Us

Departamenti i Drejtësisë: Prokurorët federalë u prekën nga sulmet kibernetike

Bota

Departamenti i Drejtësisë: Prokurorët federalë u prekën nga sulmet kibernetike

Publikuar

-

Hakerët rusë që kryen fushatën masive kibernetike ndaj kompanisë amerikane SolarWinds depërtuan në llogaritë e postës elektronike të disa prej prokurorive më të spikatura federale në të gjithë vendin vitin e kaluar, tha Departamenti i Drejtësisë.

Departamenti tha se 80% e llogarive të emailit të Microsoftit të përdorura nga punonjësit në katër zyrat e prokurorëve amerikanë në Nju Jork ishin prekur nga sulmi kibernetik. Departamenti i Drejtësisë tha se të paktën një llogari emaili në secilën nga 27 zyrat e prokurorisë, u komprometua gjatë sulmit.

Departamenti i Drejtësisë tha në një deklaratë se beson se llogaritë janë komprometuar nga 7 maji deri më 27 dhjetor 2020. Ndërhyrja në sistemet e kompanisë SolarWinds, në shënjestër të së cilës ishin dhjetëra kompani të sektorit privat dhe organizata si edhe të paktën nëntë agjenci qeveritare amerikane, u zbulua dhe u publikua për herë të parë në mes të dhjetorit.

Administrata e Presidentit Bidenit njoftoi në prill sanksione, përfshirë dëbimin e diplomatëve rusë, në përgjigje të sulmit kibernetik ndaj firmës SolarWinds dhe ndërhyrjes ruse në zgjedhjet presidenciale amerikane të vitit 2020. Rusia ka mohuar të jetë e përfshirë.

Jennifer Rodgers, një profesore në Fakultetin e Drejtësisë të Universitetit Columbia, tha se emailet e zyrës shpesh përmbanin informacione konfidenciale përfshirë diskutime për strategjinë e çështjeve dhe emra informatorësh, kur ajo ishte prokurore federale në Nju Jork.

LEXO EDHE:  Kush e ndëshkoi dhe tradhëtoi Sali Berishën?!

Zyra Administrative e Gjykatave të SHBA-së konfirmoi në janar se edhe ajo kishte qenë objekt i sulmit kibernetik, një tjetër pikë ndërhyrjeje për hakerët për të vjedhur informacione konfidenciale si sekrete tregtare, objektiva spiunazhi, raporte informatorësh dhe urdhra arresti.

Mes zyrave të prekura janë ato të profilit të lartë si në Los Anxheles, Majami, Uashington dhe Virxhinia.

Distriktet Jugore dhe Lindore të Nju Jorkut, ku u depërtuan një numër i madh i emaileve të punonjësvet, trajtojnë disa nga ndjekjet penale më të mëdha në vend.

“Nju Jorku është qendra financiare e botës dhe ato distrtikte janë veçanërisht të njohura për hetimin dhe ndjekjen penale të krimeve në korporata dhe raste të tjera, përfshirë hetimin e njerëzve të afërt me ish-presidentin,” tha Bruce Green, profesor në Universitetin Fordham dhe ish –prokuror.

Departamenti tha se të gjitha viktimat ishin njoftuar dhe se po punon për të zbutur “rreziqet operacionale, të sigurisë dhe privatësisë” të shkaktuara nga hakerimi. Departamenti i Drejtësisë tha në janar se nuk kishte asnjë të dhënë se mund të ishte prekur ndonjë sistem i klasifikuar.

Departamenti i Drejtësisë nuk dha detaje shtesë lidhur me informacionin e komprometuar dhe çfarë ndikimi mund të ketë një ndërhyrje e tillë në çështjet që po shqyrtohen./VOA

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

Hoxhaj: Me mbështetjen e Rusisë, Serbia po kërcënon gjithë rajonin

Publikuar

-

Nga

Enver Hoxhaj, ish-ministër i Jashtëm i Kosovës gjatë një interviste në emisionin “Balkan Talks” shprehet se veprimi i qeverisë “Kurti” për vendosjen e reciprocitetit për targat është i duhur. Ai thotë se fakti që një gjë e tillë nuk është zbatuar pavarësisht marrëveshjes prej 2011, tregon se sa e paqëndrueshme është ‘status quo-ja’ në Kosovë.

Sipas z. Hoxhaj ka ardhur momenti për të zgjidhur problemet mes Kosovës dhe Serbisë dhe kjo mund të arrihet përmes rimodelimit të dialogut dhe krijimit të një momentumi të ri.

“Mendoj se është koha e fundit të rimendohet se si dialogu të riformatizohet dhe flitet vetëm për njohje të ndërsjellë dhe diskutohet vetëm për çështje teknike”, shprehet z. Hoxhaj.

Ish-ministri i Jashtëm theksoi se situata e krijuar nuk është një test për vetë Kosovën dhe Serbinë por edhe për Rusinë dhe Perëndimin.

“Padyshim që zhvillimet e fundit kanë dhe dimensionin gjeopolitik. Kërcënimet ushtarake të hapura të Serbisë, mobilizimi i ushtrisë dhe lëvizja afër kufirit me Kosovën si dhe gjuha kërcënuese nga Vuçiç dhe prania e vetë ambasadorit rus në një kazermë ushtarake në jug të Serbisë flasin se gjitha kjo është një test dhe për raportet mes Perëndimit dhe Rusisë ndaj duhet një vendosmëri më e madhe e BE dhe SHBA”, deklaroi z. Hoxhaj.

LEXO EDHE:  272 pyetje publike apo ditë burgu për Ben Blushin?!

LEXO EDHE:  “Drejtësi për të gjithë”/ Yuri Kim: SHBA do mbështesë gjithmonë Shqipërinë



Ish-ministri i Jashtëm i Kosovës i lidh zhvillimet në Kosovë edhe me ngjarjen e ndodhur pak ditë më parë në Malin e Zi ku serbët provokuan nisjen e një konflikti civil dhe sipas tij Rusia dhe Serbia po kërkojnë të rikthejnë ndikimin në rajon.

“Vuçiçi nuk besoj se reagon vetëm në emër të Serbisë dhe padyshim që ka koordinim me Rusinë dhe këtu kërcënohet direkt integritet dhe sovraniteti i Kosovës nga Beogradi, por mbi të gjitha është një përpjeke që të kërcënohet i tërë rajoni. Një përpjekje për të prodhuar sa më shumë pasiguri në Ballkan në mënyrë që të bllokohet integrimi evropian”, tha z. Hoxhaj.

Ish-kreu i PDK shprehet se qeveria e Kosovës duhet të ketë qëndrim të qartë për marrëveshjet e arritura por duhet ta ketë dhe një mendim se si të ecët përpara me dialogun pasi vendosja e reciprocitetit është vetëm një lëvizje teknike dhe i duhet kushtuar rëndësi planit politik dhe diplomatik./euronews

LEXO TE PLOTE

Kosova & Rajoni

Situata kaotike në veri/ Kosova dhe Serbia takim në Bruksel

Publikuar

-

Nga

cna lajme rajon

Gjatë kësaj jave pritet të ketë takim mes përfaqësuesve të Kosovës dhe Serbisë në Bruksel, në të cilin pritet të marrë pjesë edhe zv.ndihmësi i sekretarit të Shtetit, Gabriel Escobar.

Lajmi është bërë i ditur nga një zëdhënës i Ambasadës së SHBA-së në Prishtinë, për gazetën Express.

Ky takim në Bruksel vjen pas situatës së krijuar në veri të Republikës së Kosovës, me vendosjen e reciprocitetit të targave.



“Ne jemi të kënaqur që Serbia dhe Kosova do të dërgojnë përfaqësues në Bruksel këtë javë për diskutime dhe inkurajojmë të dyja palët që të ri-angazhohen hapur, seriozisht dhe menjëherë. Zëvendës Ndihmës Sekretari i Departamentit të Shtetit për Çështjet Evropiane dhe Euroaziatike, Gabriel Escobar, do të udhëtojë në Bruksel këtë javë për të marrë pjesë në këto diskutime

Ne jemi të kënaqur që Serbia dhe Kosova do të dërgojnë përfaqësues në Bruksel këtë javë për diskutime dhe  inkurajojmë të dyja palët që të ri-angazhohen hapur, seriozisht dhe menjëherë. Zëvendës Ndihmës Sekretari i Departamentit të Shtetit për Çështjet Evropiane dhe Euroaziatike, Gabriel Escobar, do të udhëtojë në Bruksel këtë javë për të marrë pjesë në këto diskutime”, ka thënë ky zëdhënës i Ambasadës së SHBA në Prishtinë./ CNA.al

LEXO TE PLOTE

Bota

Vaksinimi i detyrueshëm për nxënësit mbi 12 vjeç në Los Anxhelos

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Drejtoria arsimore e qyteti Los Anxhelos do të kërkojë që të gjithë nxënësit mbi moshën 12 vjeç të vaksinohen plotësisht deri në janar, nëse duan të ndjekin shkollën, duke u bërë kështu distrikti më i madh shkollor në Shtetet e Bashkuara që vendos një rregull të tillë. Korrespondentja e Zërit të Amerikës, Angelina Bagdasaryan, bisedoi me ekspertët dhe banorët për këtë udhëzim të ri.

Nxënëset Zayna dhe Sara e mirëpritën me kënaqësi lajmin se qyteti i Los Anxhelosit do të kërkojë që të gjithë nxënësit mbi moshën 12 vjeç të vaksinohen plotësisht deri në janar, nëse duan të ndjekin shkollën.

“Do t’i mbrojë të gjithë nga COVID-i. Mendoj se duhet të shpëtojmë nga COVID-i sa më shpejt të jetë e mundur. Unë jam e vaksinuar, të gjithë në familjen time janë të vaksinuar!”, thotë Zayna.

“Mendoj se është më mirë për shëndetin e njerëzve!”, thotë Sara.

Duke filluar nga janari 2022, nxënësit e shkollave publike në Los Anxhelos do të jenë në gjendje të ndjekin shkollën vetëm nëse vërtetojnë se janë të vaksinuar. Kjo e bën atë distriktin më të madh shkollor në vend që jep një udhëzim të tillë.

“Ky është një vendim i vështirë në shumë fronte. Është e lehtë të presim që dikush të na thotë çfarë të bëjmë. Los Anxhelosi po udhëheq, sepse kështu duhet. Komunitetet tona nuk mund të presin”, thotë Monica Garcia, nga drejtoria arsimore e qytetit Los Anxhelos.

Udhëzimi vlen për 225 mijë nxënës nga klasa e gjashtë deri tek klasa e 12-të e shkollës së mesme. Autoritetet lokale raportojnë se shumë fëmijë mbi 12 vjeç tashmë janë vaksinuar, por rreth 80 mijë fëmijë mbeten të pavaksinuar. Një pjesë e madhe e prindërve mbështesin udhëzimin e ri.

LEXO EDHE:  272 pyetje publike apo ditë burgu për Ben Blushin?!

LEXO EDHE:  “Drejtësi për të gjithë”/ Yuri Kim: SHBA do mbështesë gjithmonë Shqipërinë



“Mendoj se është mirë për ta (fëmijët), sepse ke më shumë siguri i vaksinuar se sa i pavaksinuar”, thotë Carmen, banore e Los Anxhelosit.

Të tjerët, megjithatë, i kundërshtojnë me forcë rregullat e reja.

“Nuk e mbështes. Nuk mendoj se ka ende studime të mjaftueshme për të kuptuar vërtet se cilat janë efektet. Unë nuk jam në asnjë mënyrë kundra vaksinave, por mendoj se kemi nevojë për pak më shumë hulumtime”, thotë Lamar, banor i Los Anxhelosit.

Ata që kundërshtojnë vaksinimet e detyrueshme për nxënësit e shkollave po luftojnë gjithashtu kundër rregullit për maskat që është aktualisht në fuqi në Kaliforni. Si nxënësit ashtu edhe stafi i shkollës duhet të mbajnë maska në shkollë dhe të bëjnë një test për COVID-in çdo javë.

Profesori i sëmundjeve infektive Timothy Brewer beson megjithatë se së shpejti vaksinimi do të jetë i detyrueshëm jo vetëm për fëmijët mbi 12 vjeç, por edhe për fëmijët më të vegjël, pasi të miratohet nga shkencëtarët.

“Aktualisht po bëhen studime për sigurinë e vaksinave për fëmijët nën 12 vjeç. Mendoj se pasi t’i kemi këto të dhëna, atëherë do të shohim udhëzime edhe për fëmijët më të vegjël”, thotë Timothy Brewer, profesor i sëmundjeve infektive.

Zoti Brewer beson se edhe drejtori të tjera arsimore në të gjithë vendin do të ndjekin së shpejti shembullin e qytetit Los Anxhelos dhe do t’i bëjnë të detyrueshme vaksinimet për nxënësit e shkollave./voa

LEXO TE PLOTE