Connect with Us

Të blera me paratë e drogës/ Sekuestrohen apartamente, biznese dhe makina

Kronika

Të blera me paratë e drogës/ Sekuestrohen apartamente, biznese dhe makina

Publikuar

-

“The Renaissance criminals are in the justice system”/ The accusation of the prosecutor who blew up the car

Prokuroria pranë Gjykatës së Shkallës së Parë Vlorë ka regjistruar dhe po kryen hetime për procedimin pasuror penal nr. 3, datë 26.07.2021, që ka lidhje me pasuritë në zotërim të shtetasit I.Z., i dyshuar për kryerjen e veprave penale “Prodhimi dhe shitja e narkotikëve” dhe “Trafikimi i narkotikëve” të parashikuar nga nenet 283 dhe 283/a të Kodit Penal, si dhe pasuritë në emër të të afërmve të tij dhe personat fizikë, konkretisht shtetasve E.Z dhe Ll.Z., për të cilët ka të dhëna të mjaftueshme se pasuritë e tyre zotërohen në mënyrë të tërthortë nga shtetasi I.Z.

Në funksion të këtij procedimi pasuror, mbi bazën e kërkesës së prokurorit, Gjykata e Shkallës së Parë Vlorë me vendimin nr. 237, datë 29.07.2021, ka vendosur: Caktimin e masës së sigurimit personal pasuror sekuestro preventive mbi pasuritë e tij,,

Bëhet fjalë për 2 pasuri të paluajtshme të llojit arë, 4 apartamente banimi, 2 poste parkimi, 1 njësi tregtare dyqan dhe 1 autoveturë

LEXO EDHE:  Banorët braktisen nga qeveria/ Nuk na kanë dëmshpërblyer që nga 2015-ta

 Pasuri e llojit “arë”, me sipërfaqe 702 m2 Siptallë.

Pasuria e llojit “arë”, me sipërfaqe 902 m2, Siptallë.

Apartament banimi sipërfaqe 109 m2, në Sarandë, porositur nga shtetasja E.Z.

Apartament banimi” me sipërfaqe 77.75 m2 Sarandë.

Apartament me sipërfaqe 110.07 m2 në  Tiranë, në zotërim të shtetasit Ll.Z.

Apartament me sipërfaqe 70.03 m2 të ndodhur në rr. Kavajës, Tiranë, në zotërim të shtetasit Ll.Z.

Post parkimi me sipërfaqe të shfrytëzueshme 12.5 m2, Tiranë, në zotërim të shtetasit Ll.Z.

Post parkimi me sipërfaqe të shfrytëzueshme 12.5 m2, ndodhur në Tiranë, në zotërim të shtetasit Ll.Z.

Njësi tregëtare (dyqan)” me sipërfaqe 291 m2, porositur nga shtetasja E.Z.

Autoveturë e markës “Toyota”, Tipi “J12”, modeli “Land Criuser”, në pronësi të shtetasit I.Z./CNA.al

 

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kronika

Llalla nuk do i shpëtojë burgut/ Dënohet me dy vite, shpallet në kërkim ish-Kryeprokurori

Publikuar

-

Nga

Ish-Prokurori i Përgjithshëm Adriatik Llala është dënuar me dy vite burg nga Apeli i GJKK0-së, duke lënë kështu në fuqi vendimin e shkallës së parë të GJKKO-së.

Gjithashtu Apeli ka vendosur që të lërë në fuqi, vendimin për 5 vite heqje të së drejtës për të ushtruar funksione publike si dhe konfiskim të pasurisë.

LEXO EDHE:  “Në çdo shtëpi kam gjetur shpresën për ndryshim”/ Basha: Do stabilizoj gjendej pas 25 prillit

LEXO EDHE:  Të harruar nga pushteti vendor/ Banorët e ish –Ushqimores në Vlorë, kërkojnë ndërtimin e rrugës

Në këtë seancë Llalla nuk ishte i pranishëm me pretendimin se është i sëmurë dhe ndodhet jashtë vendin për kurim.



Kujtojmë se seancën e kaluar avokati i tij tha se ai ndodhej në Shqipëri për kurim, ndërsa sot kishte ndryshuar  argument.

Nëse nuk do të paraqitet ai do të shpallet kërkim./CNA.al

LEXO TE PLOTE

Kronika

Gjermania dhuron 14 automjete dhe 3 sete Smartdec, për Policinë e Shtetit

Publikuar

-

Nga

cna lajm aktualitet

Ambasadori i Gjermanisë në Shqipëri Peter Zingraf i dorëzon donacionin Drejtorit të Përgjithshëm të Policisë së Shtetit Ardi Veliu, gjatë ceremonisë së zhvilluar në ambientet e Drejtorisë së Përgjithshme të Policisë së Shtetit.

Ambasadori Zingraf është shprehur “Lufta kundër krimit të organizuar është një ndër pikat më të forta të bashkëpunimit mes vendeve tona. Dhurimi i këtyre pajisjeve për Policinë Kufitare të shtetit shqiptar, gjithashtu dhe për Policinë Kriminale është një shenjë e fortë bashkëpunimi për të luftuar mbi të gjitha migracionin e paligjshëm, por dhe trafikimin e lëndëve narkotike. Këto automjete që po dhurohen do të ndihmojnë më tej për të përballuar sfidat që ka Policia Kufitare dhe gjithashtu për të përforcuar akoma më tej flotën e automjeteve të Policisë së Shtetit.

Veliu ka theksuar: “Mbështetja e vazhdueshme e Policisë Federale gjermane, për Policinë e Shtetit ka rritur efikasitetin dhe rezultatet e punës së Policisë Kriminale dhe asaj Kufitare. Donacioni do shërbejë në rritjen e performancës në drejtim të kontrollit të kufijve, parandalimit dhe goditjes së krimeve ndërkufitare”.

Fjala e plotë e Drejtorit të Përgjithshëm të Policisë së Shtetit, Ardi Veliu

I nderuar zoti ambasador Zingraf,

Të nderuar pjesëmarrës,

Është e disata herë që zhvillojmë ceremoni për donacione, ndaj me lejoni t’ju shpreh mirënjohjen time për mbështetjen që qeveria gjermane, nëpërmjet ambasadës në Tiranë, Policisë Federale dhe agjencive ligjzbatuese gjermane, i ka dhënë dhe po i japin Policisë së Shtetit.

Donacionet e dhëna më parë dhe ky i sotmi janë shumë të rëndësishëm për ne, janë vlerë e shtuar në punën tonë, pasi shërbejnë në rritjen e efikasitetit të punës dhe rezultateve të Policisë Kriminale dhe asaj Kufitare.

14 automjete dhe tre sete Smartdec, me vlerë totale 305 mijë euro janë një ndihmë e konsiderueshme për punonjësit e Policisë Kufitare, pasi shërbejnë në rritjen e performancës në drejtim të kontrollit të kufijve, parandalimit dhe goditjes së krimeve ndërkufitare.

Rinovimi i flotës së Policisë së Shtetit, me automjete të reja dhe cilësore, siguron një lëvizshmëri të shpejtë, efikase dhe njëherazi përmirëson kushtet e punës dhe të shërbimit të punonjësve të Policisë së Shtetit.

Bashkëpunimi me agjencitë ligjzbatuese gjermane është shtrirë në fusha të ndryshme si trajnime, asistencë teknike, mjete transporti, pajisje e materiale të ndryshme për Policinë Kriminale dhe forcat speciale etj.

Me këtë rast vlen të rendis disa fakte:

LEXO EDHE:  Humbi jetën në paraburgim/ Prokuroria pushon hetimet për Enea Ftoin

LEXO EDHE:  Humbi jetën në paraburgim/ Prokuroria pushon hetimet për Enea Ftoin

Për periudhën 2017-2021 janë bërë donacione të ndryshme që e kalojnë vlerën e 350 milionë lekëve të reja, të destinuara në:

-Dhurimin e 102 automjeteve, nga të cilat 21 mjete për strukturat e Drejtorisë Qendrore Hetimore dhe 81 automjete për strukturat e Policisë Kufitare;

-Kompletimin e strukturave të Drejtorisë Hetimore Qendrore dhe strukturave të Policisë Kufitare, me pajisje për kryerjen e operacioneve speciale dhe kontrollin e kufirit;



-Pajisje për Njësinë e Antieksplozivit,

-Njësinë e Snajperëve

-Njësinë e Vëzhgimit

dhe për Repartin Special “RENEA”;

-Dhurimin e një mini-laboratori modern, Komisariatit të Policisë Kufitare Rinas, për ekzaminimin e dokumenteve të udhëtimit.

-Trajnime të ndryshme me tematikë taktike dhe operacionale si: zgjidhje situatash pengmarrje, ndjekjen/survejimin e alternuar dhe arrestimin në zona rurale dhe interurbane të personave në kërkim etj.

-Policia Federale gjermane është një ndër kontribuuesit më të mëdhenj në Operacionin Western Balkanas 2019-2020, të FRONTEX në vendin tonë;

Aktualisht, ekspertë gjermanë, të atashuar pranë Drejtorisë së Përgjithshme të Policisë së Shtetit po bashkëpunojnë me ekspertet e Policisë shqiptare dhe janë në fazën e fillimit të trajnimit të forcave speciale.

Bashkëpunimi me Policinë Federale gjermane ka qenë shumë i suksesshëm edhe në shkëmbimin e informacionit për verifikimet e identitetit të shtetasve të ndryshëm dhe ripranimin e menjëhershëm të shtetasve shqiptarë, që kapen nga autoritetet gjermane, duke përdorur dokumente udhëtimi të falsifikuara.

Kontributi dhe angazhimi i Oficerit Ndërlidhës të Policisë Federale gjermane për forcimin e marrëdhënieve mes dy policive dhe në sigurimin e mbështetjes logjistike që i është ofruar Policisë Kufitare, ka qenë mjaft i madh.

Të gjitha këto që përmenda më lart tregojnë më së miri për mbështetjen e madhe që Policia e Shtetit ka nga partnerët strategjik, siç është Policia gjermane.

Mbështetjen e vazhdueshme dhe besimin e fituar nga partnerët, Policia e Shtetit e ka shfrytëzuar dhe përdorur në interes të rritjes së cilësisë së shërbimit dhe të rezultateve në luftën kundër paligjshmërisë në tërësi dhe krimit të organizuar në veçanti.

Duke përfunduar, siguroj qytetarët se Policia e Shtetit është më profesionale, qartësisht e orientuar, e angazhuar dhe e vendosur për të luftuar krimin dhe çdo paligjshmëri, duke krijuar një ambient sa më të sigurt për ta, si dhe të garantoj partnerët tanë dhe agjencitë ligjzbatuese brenda dhe jashtë vendit, për vendosmërinë tonë në luftën e përbashkët ndaj krimit të organizuar dhe terrorizmit.

Ju faleminderit!

LEXO TE PLOTE

Kronika

10 të arrestuar në Tiranë/ Policia zbardh detaje, për çfarë akuzohen

Publikuar

-

Nga

cna news, cna lajme, lajme cna, lajme flash cna, cna.al, cna lajme kronike

Dhjetë persona, të cilët akuzohen për vepra të ndryshme penale kanë rënë në prangat e Policisë së Tiranës.

Burimet zyrtare bëjnë të ditur se forca e Posaçme “Shqiponjat” kanë arrestuar në flagrancë E. K., 31 vjeç, pasi gjatë kontrollit iu gjet një sasi kokaine.

Në pranga është vënë edhe një 33-vjeçar me iniciale A. B., pasi gjatë kontrollit iu gjet një sasi heroine.



Specialistët për Hetimin e Krimit në Komisariatin e Policisë Nr.5 arrestuan dy të mitur A. V., 17 vjeç dhe K. H., 17 vjeç dhe shpallën në kërkim A. Th., 16 vjeç, pasi ditën e djeshme goditën me sende të forta dhe i morën me dhunë varsen e floririt një 19-vjeçari.

LEXO EDHE:  Rama sfidon publikisht prokurorinë/ Pyetjet që duhet t’iu përgjigjet organi i akuzës

LEXO EDHE:  “Pas 25 Prillit, eja të festosh me ne”/ Ish deputeti i LSI-së, ftesë Metës

Ndërsa në rrugën “Donald Trump” është arrestuar në flagrancë S. U., 34 vjeç, pasi tek lavazhi i tij, ka kundërshtuar dhe goditur për shkak të detyrës punonjësin e Ujësjellës Kanalizime të Bashkisë Kamzë.

Specialistët e Qarkullimit Rrugor kanë arrestuar dy shoferë që janë kapur duke drejtuar mjetin në gjendje të dehur dhe një tjetër që po e drejtonte automjetin pa leje. Në pranga është vënë edhe një 34-vjeçar që ka aksidentuar për vdekje një këmbësore 57-vjeç.

LEXO TE PLOTE