Connect with Us

Norovirusi, sëmundja virale me të cilën ngatërrohet Covid-19

Shëndeti

Norovirusi, sëmundja virale me të cilën ngatërrohet Covid-19

Publikuar

-

Norovirusi, sëmundja virale me të cilën ngatërrohet Covid-19

Nga Dr.Blerta Brati, mjeke mikrobiologe prane ISHP

Gripi nuk eshte e vetmja semundje virale me te cilen mund te krahasohet Covid 19!

Në një botë që po lufton tashmë me pandeminë COVID-19, ngjashmëria mes simptomave të dy sëmundjeve të ndryshme mund të jetë konfuze.

Norovirusi eshte nje Virus qe shkakton një infeksion i cili mund të çojë në diarre të rëndë dhe të vjella. Mund të përhapet nga një person në tjetrin dhe nga sipërfaqet e ndotura gjithashtu.

Është më mirë të dini se çfarë është saktësisht norovirusi dhe si ndryshon nga infeksioni COVID-19. Meqenëse ka shumë simptoma të zakonshme, dikush lehtë mund të ngatërrohet midis norovirusit dhe infeksionit COVID.

1.Norovirusi mund të shkaktojë dehidratim ekstrem dhe ka këto shenja:

– Nauze e papritur

– Temperaturë të lartë

– Dhimbje abdominale

– Gjymtyrë të dhimbshme

– Të vjella të vazhdueshme dhe diarre.

– Inkubacioni 24h- 48 h, me max 72 h.

Sipas Qendrës për Kontrollin dhe Parandalimin e Sëmundjeve, ( CDC), sëmundja mund të përhapet në tri mënyra –

në kontakt të drejtpërdrejtë me një person të infektuar, duke konsumuar ujë ose ushqim të kontaminuar, ose duke prekur sipërfaqet e kontaminuara me duart te cilat pastaj prekin gojën ose hundën tuaj.

LEXO EDHE:  ISHP: Nuk është identifikuar varianti Delta në Shqipëri

Infeksioni Norovirus shkakton inflamacion në zorrët e stomakut, i cili quhet gastroenterit.

Nderkohe, një person i infektuar me norovirus mund të hedhë miliona grimca virusi, dhe vetëm disa prej tyre mund të bëjnë që njerëzit e tjerë të sëmuren.

Duke folur për nororvirusin, problemi që lind është se njerëzit me infeksion COVID -19 gjithashtu mund të kenë simptoma të ngjashme si norovirusi – ethe, kollë e thatë, dhimbje koke, nauze, vjellje dhe diarre.

Kjo mund ta bëjë të vështirë dallimin midis të dyjave. Por ka disa simptoma që janë të veçanta për koronavirusin.

Norovirusi kryesisht shkakton infeksion tek të rriturit, ndërsa adenovirusi dhe astrovirusi shkaktojnë infeksion tek foshnjat dhe fëmijët e vegjël.

Për të bërë dallimin midis të dy infeksioneve, është mirë të keni kujdes shenjat e Covid: simptomat e frymëmarrjes, si dhe humbja e nuhatjes dhe shijes, e cila është vetëm një simptomë e koronavirusit. dhimbje gjoksi.

Gulçimi është gjithashtu një shenjë e COVID-19 dhe jo norovirusit.

Mbase ne te ardhmen do duhet te mesohemi te jetojme me covid sic bejmë me noroviruset.

Here pas here do kete mbase shperthime, por po ta krahasojme me norovirusin dhe jo me gripin mbase do menaxhohet më mire.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

Kurba nuk njeh ulje/ Konfirmohen 820 raste të reja, ja sa kanë humbur jetën sot

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 5544 testime, kanë rezultuar pozitivë 820  qytetarë, ndërsa kanë humbur jetën 7 qytetare.

Rastet pozitive të konfirmuara janë identifikuar në këto bashki:  386 raste në Tiranë, 56 në Vlorë, 45 në Shkodër, 42 në Krujë, 25 në Durrës, 21 në Elbasan, 20 në Berat, 17 në Kamëz, 16 në Kurbin, 14 në Kukës, nga 12 raste në Lezhë, Kavajë, Sarandë, Gjirokastër, 10 në Lushnje, 9 në Malësi e Madhe, nga 8 raste në Fier, Korçë, Pogradec, Dimal, nga 6 raste në Gramsh, Vorë, nga 5 raste në Has, Tropojë, Dibër, nga 4 raste në Peqin, Delvinë, Mallakastër, Shijak, nga 3 raste në Këlcyrë, Devoll, nga 2 raste në Skrapar, Kuçovë, Maliq, Tepelenë, Përmet, Libohovë, Selenicë, Divjakë, Klos, Rrogozhinë, Mirditë, Pukë, nga 1 rast në Vau i Dejës, Fushë Arrëz, Bulqizë, Himarë, Poliçan, Librazhd.

Janë 12,483 pacientë aktivë me COVID19 në të gjithë vendin.
Aktualisht në Spitalet COVID po marrin trajtim 223 pacientë, nga të cilët 18 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, 7 qytetarë: 2 qytetarë nga Elbasani të moshave 81-83 vjeç, 1 qytetare 54 vjeçe nga Lezha, 1 qyterar 57 vjeç nga Shkodra, 1 qytetare 62, vjeçe nga Tirana, 1 qytetar 71 vjeç nga Berati, 1 qytetare 75 vjeçe nga Gjirokastra.
Ministria e Shëndetësisë dhe Mbrojtjes Sociale u shpreh ngushëllimet familjarëve.
Janë shëruar 1075 qytetarë gjatë 24 orëve të fundit, duke e çuar numrin e të shëruarve në 150,012 që nga fillimi i epidemisë.

LEXO EDHE:  Pse disa vaksina administrohen me dy doza, çfarë do të thotë për sistemin imunitar?

LEXO EDHE:  A mundet njëkohësisht të jem dhe me Covid dhe grip?

Statistika (22 Shtator 2021)



Raste të reja ditore 820
Të shëruar në 24 orë 1075
Të shtruar në spitale 223
Humbje jete në 24 orë 7
Testime ditore 5544

Testime totale 1,166,440
Raste pozitive 165,096
Raste të shëruara 150,012
Raste Aktive 12,483
Humbje jete 2,601

Shpërndarja gjeografike e rasteve aktive sipas qarqeve:

Tiranë 5501
Shkodër 1204
Durrës 1191
Fier 1108
Vlorë 713
Elbasan 642
Lezhë 562
Berat 472
Kukës 305
Korçë 302
Gjirokastër 259
Dibër 224

LEXO TE PLOTE

Shëndeti

 “Vaksinim Po, detyrim Jo”/ Eksperti i Shëndetit Publik rendit faktet, çfarë thonë studimet

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Eksperti i Shëndetit Publik, Erion Dasho ka dalë kundër vendimit të Qeverisë, për vaksinimin me detyrim.

Në një postim në rrjetet sociale, Dasho shprehet pro vaksinimit kundër Covid-19, por ai shton se qytetarët duhet të lihen të lirë të zgjedhin, dhe jo të detyrohen.

Prej javësh (në fakt, që kur shqiptarëve ju ofrua mundësia e zgjedhjes për t’u vaksinuar me vaksina cilësore) kam promovuar vaksinimin si një masë të dobishme për këdo, por duke kundërshtuar me vendosmëri çdo përpjekje për ta bërë atë të detyrueshëm. Përse?

PËRSE “VAKSINIM PO”?

Të gjithë studimet flasin se vaksinat cilësore ndihmojnë në uljen e shkallës së infektimeve, komplikacioneve dhe numrit të vdekjeve.

Observimet në vendet ku vaksinat janë aplikuar në masë tregojnë se studimet kanë patur të drejtë. Vendet e Bashkimit Europian, SHBA-të, Izraeli, Britania e Madhe, etj. janë shembuj se kudo ku janë aplikuar vaksinat ka rënie të vdekshmërisë, edhe kur rastet kanë njohur rritje të frikshme (gjatë verës në Britaninë e Madhe, për shembull).

Për këtë arsye, bazuar në informacionet më të mira që disponojmë, rekomandimi është i qartë:

Kushdo që dëshiron të ulë riskun personal duhet të vaksinohet me një prej vaksinave cilësore, Pfizer, Moderna, Astra Zeneca ose Johnson & Johnson.

Kjo vlen sidomos për personat që nuk e kanë kaluar COVID-in, si dhe për ata persona që janë vaksinuar me vaksina të pasigurta. Sidoqoftë edhe kategori të tjera përfitojnë nga vaksina (gjithmonë nëse dëshirojnë të kenë një mbrojtje më të sigurt):

1. Personat e shëruar nga COVID-i, duke nisur nga gjashtë muaj pas shërimit. Një dozë e vetme e vaksinës, e forcon edhe më tej imunitetin e tyre.

2. Personat e vaksinuar me Pfizer ose Moderna tek të cilët ka kaluar gjashtë muaj nga doza e dytë. Këta persona gjithashtu përfitojnë nga një dozë e vetme.

3. Fëmijët mbi 12 vjeç, kur vetë fëmija, prindi dhe mjeku janë në një mendje dhe dëshirojnë ta aplikojnë vaksinën.”-shkruan Erion Dasho.

LEXO EDHE:  Pse disa vaksina administrohen me dy doza, çfarë do të thotë për sistemin imunitar?

LEXO EDHE:  ISHP rendit simptomat e COVID-19/ Kur duhet të kërkoni menjëherë ndihmë



Më tej, ai rendit faktet se përse është kundër vaksinimit me detyrim.

“PËRSE “DETYRIM JO”?

Studimet dhe observimet e fundit tregojnë disa tendenca që duhen analizuar me kujdes:

1. Virusi SARS-CoV-2 nuk është i qëndrueshëm. Variantet alfa, beta, gama dhe delta, si dhe shumë variante më pak të përhapur flasin se nuk përjashtohet mundësia që edhe në të ardhmen të dalin variante që i shpëtojnë mbulesës imunitare që krijon vaksina.

2. Efekti mbrojtës i vaksinave (të paktën Pfizer dhe Moderna, si tregoi shembulli i Izraelit) ulet me kalimin e kohës. Pra vaksina nuk ofron mbrojtje të përjetshme.

3. Edhe personat e vaksinuar, kur sëmuren, luajnë të njëjtin rol me të pavaksinuarit në transmetimin e mëtejshëm të infeksionit.

4. Lidhur me imunitetin natyror, ende nuk kemi njohuri të plota. Ka studime shpresëdhënëse që flasin për imunitet afatgjatë, për faktin se mbrojtja natyrore është superiore ndaj asaj të ofruar nga vaksina, por këto studime ende nuk janë kthyer në politika. Derisa kjo të ndodhë, duhet pritur.

Në kushtet kur nuk janë sqaruar pikat e mësipërme, nuk mund të ndiqet kurrsesi praktika imunizuese që ndiqet për linë, fruthin, poliomelitin, etj. vaksinat kundër të cilëve ofrojnë mbrojtje afatgjatë (madje edhe të përjetshme).

Kur “detyrojmë” një person të bëjë vaksinën e fruthit, këtë e bëjmë sepse kjo vaksinë është PROVUAR PA ASNJË DYSHIM se të mbron për dekada të tëra. Për vaksinën e COVID-it ende nuk mund të themi të njëjtën gjë!

Për të gjithë këto arsye dhe me ndërgjegje të qetë profesionale, unë i rekomandoj kujtdo që ka dëshirë të dëgjojë dhe të ndjekë rekomandimet e mia:

VAKSINIM PO! DETYRIM JO!”-përfundon postimin e tij Erion Dasho./CNA.al

LEXO TE PLOTE

Shëndeti

Masat anti-Covid/ Zbardhet vendimi i Komitetit të Ekspertëve

Publikuar

-

Nga

cna lajem shendetesi

Komiteti Teknik i Ekspertëve nuk do të ndryshojë masat anti-Covid.

Vendimi është bërë i ditur në një konferencë për mediat, nga kryetarja e Komitetit Teknik të Ekspertëve, Mira Rakacolli.



Situata mbetet këtë javë relativisht e qëndrueshme, për këtë nuk do të ketë ndryshim të masave në fuqi. Ora policore nga ora 22 deri në 6 të mëngjesit. Përdorimi  maskave do të vijojë i detyrueshëm aty ku e kemi rekomanduar. Do vijojë të mos lejohet grumbullimi i më shumë se 50 veta, për aktivitete sportive e kulturore. Do vijojë njësoj rregulli i hyrjes në vendin tonë. Do të kërkohet prova e vaksinimit, kush nuk ka certifikatë vaksinimi, duhet të paraqesin provën e kalimit të sëmundjes brenda 180 ditëve, apo testin që janë të negativizuar. Ata që nuk kanë asnjë nga këto dokumenta është në fuqi vendimi për vetëkarantimin për 10 ditë”, tha Rakacolli./CNA.al

LEXO TE PLOTE