Connect with Us

Brdaric kapet me Latifin, nuk do e besoni sa tifozë ndoqën nga stadiumi Vllaznia-AEL Limasol

Sport

Brdaric kapet me Latifin, nuk do e besoni sa tifozë ndoqën nga stadiumi Vllaznia-AEL Limasol

Publikuar

-

Temperatura të larta, një stadium i tejmbushur me gati 8 mijë vetë, presidenti i FSHF-së, Armand Duka, që zgjedh të shikojë Vllazninë nga “Loro Boriçi” dhe në fund një përcjellje fantastike e Eni Imamit nga tifozët. Këto, por jo vetëm, janë disa nga pikantet e ndeshjes së djeshme në Shkodër, që “Panorama Sport” ua sjell.

* Ndeshja nisi në orën 21:00, por sërish vapa ishte gati asfiksuese dhe ndihej shumë në stadium. Edhe pse mbrëmje dhe orar i vonë, temperaturat gjatë zhvillimit të ndeshjes nuk u ulën nën 29 gradë.

* Në krah të sponsorit të Vllaznisë, Alban Xhaferi, këtë herë u pa presidenti i FSHF-së, Armand Duka. Ky i fundit bëri një vizitë surprizë në Shkodër, në një kohë që përpara ndeshjes pritej që të ishte në stadium edhe presidenti i Republikës, Ilir Meta, por në momentet e fundit u ndryshua axhenda e kreut të shtetit.

* Atmosfera e ndeshjes Vllaznia-AEL Limasol është ndierë që në orët e para të mëngjesit të djeshëm në qytetin e Shkodrës. Fanellat dhe flamujt kuqeblu mbizotëronin në çdo rrugë të qytetit verior. Afro një orë e gjysmë para fillimit të takimit ka nisur që të futen tifozët në shkallët e stadiumit, duke krijuar një atmosferë të paparë. Rreth 8 mijë mbushën shkallët e impiantit, duke i dhënë zemër Vllaznisë. Klubi kërkoi nga Ministria e Shëndetësisë që të lejonte tifozët në kapacitet të plotë të stadiumit, jo 30%, por në një ndeshje si kjo, askush nuk mund të ndalte shkodranët që gjetën çdo mënyrë të qenë pranë ekipit.

* Arbitri nga Irlanda, Rob Harvei, acaroi jo pak tifozët shkodranë në fundin e pjesës së parë, duke pritur që lojtari i qipriotëve, Zdravkovski, të lidhte këpucët brenda fushës dhe jo jashtë saj.

* Gjyqtarët nga Irlanda dhe portieri i AEL-it, Vozinja, kanë pasur të njëjtat ngjyra të fanellave. Mirëpo, duke pikasur këtë, kryesori i takimit, menjëherë i ka kërkuar portieri të ndryshojë fanellën.

* Trajneri Tomas Brdariç ka kërkuar më shumë nga Liridon Latifi gjatë ndeshjes së djeshme. Në pjesën e dytë, për afro 5 minuta gjermani ka këshilluar lojtarët e tjerë që loja të fokusohet pikërisht te Latifi.

* Pas një topi që po dilte në anësore në minutën e 49-të, Brdariç fut këmbën dhe dhuron spektakël me topin, duke marrë duartrokitje.

* Përsëriten skenat me sende në fushë afër fundit të lojës nga tifozët kuqeblu, pavarësisht apelit të klubit përmes fonisë. Vonesa e lojës në fund pas dëmtimit të lojtarit Santos të AEL-it irritoi shkodranët.

* Momente emocionuese pas përfundimit të ndeshjes, ku tifozët duartrokasin Vllazninë dhe për më tepër Eni Imamin. Për mbrojtësin kjo ishte ndeshja e fundit me fanellën e Vllaznisë, pasi do të vazhdojë karrierën me Dinamon. Pasi doli nga dhomat e zhveshjes, Imai i dhuroi fanellën njërit prej tifozëve kuqeblu.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Sport

VIDEO/ Surpriza e madhe e Kupës, shihni si Labëria mposhti Vllazninë fituese në fuqi

Publikuar

-

Nga

Ndeshjet e sotme të Kupës së Shqipërisë kanë dhuruar shumë rezultate surprizë, por asnjëri më shumë se ai që regjistroi Vllaznia në fushën e Laberisë. Skuadra shkodrane nis edicionin si fituese në fuqi e trofeut, por ka regjistruar një humbje 2-1 përballë ekipit të Kategorisë së Dytë.

Goli i Çobës i dha avantazhin kuqebluve, por ata u arritën shumë shpejt nga Dalanaj me penallti. Në fillimin e pjesës së dytë, një gol i shkëlqyer me një aksion individual të Kamberajt, i dha suksesin 2-1 skuadrës së Labërisë.

Labëria – Vllaznia 2-1
Dalanaj 40′ (p), Kamberaj 48′ / Çoba 33′ 





 

LEXO TE PLOTE

La Liga

“Faleminderit që erdhët dhe mirupafshim”/ Koeman habit gazetarët në konferencën për shtyp, mban një fjalim dhe largohet

Publikuar

-

Nga

Tensioni është në nivelin më të lartë te skuadra e Barcelonës, ku stoli i Ronald Koeman është tronditur pas humbjes në Champions League, kundër Bayern dhe barazimit në kampionat ndaj Granadës.Trajneri holandez është nën një presion, me thashethemet që e shohin të shkarkuar ku Andrea Pirlo është një ndër kandidatët për ët zëvendësuar holandezin.

Përgjigja e Koeman erdhi sot në konferencën për shtyp në prag të ndeshjes kundër Cadiz. Tekniku 58-vjeçar u ul dhe lexoi një deklaratë para gazetarëve, pastaj u ngrit për t’u larguar pa iu përgjigjur asnjë pyetjeje.



“Klubi është me mua si trajner në një situatë të tillë- u shpreh Koeman, situata financiare e klubit është e lidhur me performancën sportive dhe anasjelltas. Ekipi i futbollit pa qenë në gjendje të bëjë investime të mëdha financiare, kërkon kohë. Talentët e rinj të sotëm mund të bëhen yjet e rinj globalë brenda disa vitesh. Ne shpresojmë në mbështetjen tuaj në këto kohë të vështira. Ne si ekip dhe si lojtarë jemi shumë, shumë të lumtur me mbështetjen e madhe të tifozëve si ajo që kishim në ndeshjen në shtëpi kundër Granadës”.

Pastaj në fund u shpreh, “faleminderit shumë për ardhjen dhe mirupafshim”, Koeman u ngrit dhe u largua. Trajneri e kishte informuar ekipin se ai do të bënte një deklaratë të tillë dhe më vonë ia kaloi zyrës së shtypit të klubit.

LEXO TE PLOTE

Sport

Polemikat dhe VAR në Shqipëri, Sokol Jareci: Nuk pretendojmë më të mirën, rasti Ngoo ishte penallti

Publikuar

-

Nga

Shefi I arbitrave në FSHF, Sokol Jareci ka treguar dy javët e para të VAR në futbollin shqiptar. Për moderatoren Enxhi Biba, Jareci ka shpjeguar se rastet e dyshimta të javëve të para duhen analizuar, teksa për momentin e diskutuar të Ngoo faji ishte I arbitrit në VAR që nuk ndërhyu, pasi ishte 11 metërsh.

Të kënaqur me VAR-in? -Kemi vetëm dy javë dhe nuk pretendojmë të kemi bërë më të mirën e mundshme. Arbitrat dhe VAR-i vetë kanë një vendimmarrje që cilësohet pozitive, dhe nga futbollistët, stafet e tifozët ka pasur përshtypje pozitive. Kemi problematika, pasi është java e dytë.

Vendimet- Ky sistem ka një lloj protokolli që merren vendimet. Është prej 4 vitesh që e shohim në TV, për ne që e shohim në televizor ishte pak më e thjeshtë futja në Shqipëri. Jo në të gjitha rastet, përveç zonës së penalltisë, është pjesë e vendimmarrjes së VAR-it. Bëhet fjalët për shkeljet që dukshëm nuk janë dhënë nga arbitri.

Rasti i penalltisë të padhënë ndaj Ngos?– Kjo ishte mangësia e sistemit VAR  ose e personit që ishte në VAR në këtë ndeshje, pasi nuk ka marrë të gjitha pamjet e ofruara nga transmetuesi pasi me të drejtë duhej akorduar. VAR-i duhet të gjente pamjen e duhur dhe ti sugjeronte arbitrin një penallti të mundshme, dhe në rast se do të bëhej do të jepej penallti pa hezitim.

Rasti i Dinamos dhe Kastriotit?- Në ndeshje Dinamo-Laçi goli i barazimit i shënuar nga Laçi ishte i dyshuar për pozicion jashtë lojë nga ana e sulmuesit i cili kërkonte interpretim por u gjykua saktë. Nuk kishim të bënim me një pengim të portierit nga sulmuesi. Ndërsa rasti tjetër, i ndeshjes mes Partizanit e Kastriotit bëhej fjalë për një penallti, ishte gabim i dukshëm i arbitrit, ishte rast që për disa është penallti për disa jo, kështu është diskutuar.

Dy rastet e tjera- Rast tjetër është ai i Tiranës, goli i anuluar për Tiranën. Është një rast që kërkon VAR dhe gjykimin e arbitrit, ndërsa vendimi ishte i saktë. Rasti i fundit ishte Skënderbeu-Partizani, penalltia për Partizanin. Arbitri e penallti dhe ndërhyrja e sistemit VAR nuk duhet të ndodhte pasi nuk kemi të bëjmë me një gabim.



Polemikat- Këto konsiderohen raste gri, në të gjithë botën ose në të gjithë eventet janë raste të vështira, i takojnë vetëm personit që është në VAR të gjykojë nëse kemi të bëjmë me gabime apo jo. Janë raste që përherë do të kenë diskutime dhe do të marrin vetëm vendimin e arbitrit në fushe duke lënë gjithmonë spekulime.

Dënimet për gjyqtarët– Sistemi VAR është për të shmangur gabimet në të shkuar, të cilat nuk është se kanë qenë shumë. VAR-i kërkon ta pastrojë futbollin, jo ta ndryshojë, të shmangë gabimet e vogla. Ka protokolle që janë për arbitrin në fushë dhe atë që ndodhet në VAR, çdo person do të marrë kostot e veta. Kemi komision në federatë që merret me këto punë, dhe në rast se gabohet dukshëm do të merren penalitete për arbitrat.

Rasti i fyrjeve të gjyqtarit në sfidën Dinamo-Laçi?– Kemi gjetur një mënyrë, ndodhi në vetëm një ndeshje. Nuk mund ta marrim në përgjithësi, do të marrim masa dhe vendosjen e monitorit do ta vendosim në zona të zbrazëta ku arbitrat mos të jenë në presion. Janë mësuar me presion, nuk është diçka e re, por në fund është vendimarrës dhe nuk duhet të ndikohet.  Stafi dhe lojtarët duhet të kenë parasysh pasi ka rregullore që i penalizon nëse ndërhyjnë.

Ndalesat e VAR-it?- Ndalesat janë të ndryshme, edhe si pasojë e vendimeve që merr vetë sistemi, dhe disa ndalesa janë të pashmangshme. VAR-i ka për detyrë të çekojë çdo situatë të dyshimtë, jo të gjitha tregohen në TV, pasi të gjitha situata kontrollohen gjatë lojës. Është dhe pjesa tjetër, zgjatja e kontrollit nga arbitri sepse bën vonesën, pritjen dhe ankthin për të gjithë, Ky është objektivi jonë, përpos vendimeve të sakta duhet të reduktojmë kohën e VAR-ir, është fenomen që kërkon eksperiencë. Do të minimizohet në javët në vazhdim.

Reagimi- Ka qenë pozitiv, nëse do të shmangeshin rastet e dyshimta s’do të kishte komente, kjo është dhe e bukura e futbollit, Në fund janë gjyqtarët që marrin vendimet”, tha Jareci.

   

LEXO TE PLOTE