Connect with Us

Pasuria i “hëngri kokën”/ Bëmat e gjyqtarit, nga akuzat kundër Soros, tek përleshjet në gjykatë

Vetingu

Pasuria i “hëngri kokën”/ Bëmat e gjyqtarit, nga akuzat kundër Soros, tek përleshjet në gjykatë

Publikuar

-

Komisioni i Vettingut ka vendosur sot shkarkimin e nga detyra të gjyqtarit të Vlorës, Ken Dhima, për shkak të problemeve të rënda me pasurinë dhe vendimmarrjet në konflikt interesi. Vendimi i shkarkimit mban firmën e trupit gjykues të kryesuar nga Brunilda Bekteshi, Pamela Qirko relatore dhe Suela Zhegu anëtare.

Ky vendim nuk është i formës së prerë, por nga sot Ken Dhima nuk mund të hyjë më si gjyqtar në Gjykatën Administrative së Shkallës së Parë Vlorë. Dhima është i pezulluar, ndërsa mund ta apelojë vendimin në Kolegjin e Posaçëm të Apelimit. Dhima, me një karrierë 18-vjeçare në sistemin e drejtësisë, zgjodhi që të mos përballej me Vettingut, të cilin në vitin 2018 e konsideroi si Sorosit.

Gjyqtari paraqiti në seancën e 27 korrikut 2021 një raport mjekësor sikur ishte sëmurë. Por, raporti  hodh poshtë nga trupa gjykuese si pabesueshëm.

Pse u shkarkua?

Sipas trupës gjykuese, gjyqtari Ken Dhima nuk justifikonte burime të ligjshme parash një pasuri me vlerë rreth 600 mijë USD si dhe ka bërë përpjekje për të fshehur edhe dy pasuri të paluajtshme me vlerë 300 mijë euro.

Një person me iniciale R.H i kishte dhuruar një makinë Benz gjyqtarit me vlerë 700 mijë lekë në vitin. Nga ana tjetër gjyqtari i kishte shqyrtuar një çështje dhuruesit. Një vit më pas, në vitin 2009, gjyqtari kishte marrë sërish një makinë Audi në përdorim pa asnjë pagesë nga subjekt. Në vitin 2015, gjyqtari Ken Dhima kishte marrë sërish një makinë Audi në përdorim pa asnjë pagesë nga subjekt tjetër. Dy makinat kishin një vlerë rreth 45 mijë euro. Në konflikt interesi, Ken Dhima kishte marrë në shqyrtim çështje ku dy subjektet ishin palë.-raporton shqiptarja.com.

Komisioni i Vettingut ngriti dyshime se gjyqtari kishte fshehur në emër të të afërmve edhe dy pasuri të paluajtshme, një apartament në Shëngjin si dhe njësi shërbimi me sipërfaqe 188 m2 në Tiranë. Komisioni i Vettingut konstatoi se çifti Dhima-Çela nuk justifikonin edhe një apartament të blerë në vitin 2005 për 74 mijë euro. Trupa gjykuesi vuri në dyshime të gjitha lëvizjet e gjyqtarit për të mbuluar pasurinë që nga kursimet tek huat. Me probleme rezultoi edhe një tjetër apartament i blerë nga Dhima, me paratë e vjehrrit të tij. Edhe blerja e dy garazheve nga gjyqtari rezultoi me probleme, bashkë me dhurata dhe të ardhura nga kontrata jo logjike.

LEXO EDHE:  U përball me Vettingun/ Zbardhet vendimi për një tjetër prokurore

Incidenti i fundit

Në mars të këtij viti, gjyqtari Ken Dhima është përplasur fizikisht me gjyqtarin Bevis Shehaj në korridoret e Gjykatës Administrative të Shkallës së Parë Vlorë. Shkak i përplasjes është bërë një vendim i gjyqtarit Shehaj, i cili në dhjetor të vitit 2020, kishte vendosur të pranonte një kërkesë për përjashtimin e gjyqtarit Dhima nga gjykimi i një çështje, e cila ka të bëjë me një konflikt pronësie në një pallat të ri në Lushnje.

I kallëzuar për fshehje pasurie

Ken Dhima është kallëzuar në Prokurori në vitin 2014 për fshehje dhe mashtrim me pasurinë, bashkë me bashkëshorten e tij Klorinda Çela, e cila është gjithashtu gjyqtare dhe është në proces verifikimi. Në atë kohë, ministri i Drejtësisë Nasip Naço, i kërkoi Këshillit të Lartë të Drejtësisë që të shkarkimin e gjyqtarit nga Drejtësia. Por, KLD-ja me në krye Bujar Nishanin refuzoi kërkesën, duke e shpëtuar kështu gjyqtarin. Më pas dosja e pasurisë së Ken Dhimës është mbyllur nga prokuroria. Rezultatet e hetimit nga Vetingu tregoi se kjo dosje është mbyllur në mënyrë të dyshimtë.

KLD-ja e shpëton për herë të dytë

Në maj të vitit 2018, ministrja e Drejtësisë Etilda Gjonaj, i kërkoi Këshillit të Lartë të Drejtësisë sërish shkarkimin e Ken Dhimës nga detyra për shkelje që diskreditojnë pozitën dhe figurën e gjyqtarit gjatë ushtrimit të detyrës. Por, KLD-ja, këtë herë me në krye Ilir Metën, refuzoi shkarkimin e tij nga detyra. Në mbledhjen e përballjes në KLD, Ken Dhima shpërtheu duke e konsideruar reformën në drejtësi si vepër të George Soros, ndërsa Vetingun si Sorosian.

Vendimi skandaloz/ Gjyqtari zhbllokon dyqanin e mishit të kalbur

Gjyqtari me dy emra “masakron” ministren e Ramës

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Skadon mandati i Komisionit të Vettingut/ ISP jep alarmin

Publikuar

-

Nga

cna lajem vetting

Kushtetuta e RSH parashikon se në korrik 2022 mbaron mandati i Komisionit të Lartë të Kualifikimit, (KPK), struktura e nivelit të parë të vetingut në drejtësi, si dhe mandatet e Komisionerit Publik. Pas këtij mandati përgjegjësia për procesin e rivlerësimit i kalon autoriteteve të reja të sistemit të drejtësisë, KLGJ për gjyqtarët dhe KLP për prokurorët.

Rreth 10 muaj përpara mbarimit të mandatit kushtetues ende nuk kanë përfunduar Vettingun rreth gjysma e numrit të gjyqtarëve dhe prokurorëve. Bilanci aktual dhe ritmet e vetingut na tregojnë se është e pamundur përfundimi i plotë i tij në afatin kushtetues.

Për rrjedhojë, ecuria e vettingut do të vijojë në organet e tjera të sistemit të drejtësisë ose parlamenti i ri do të duhet të ndërmarrë nismën për ndryshimin e afatit kushtetues përmes ndërhyrjeve të reja në Kushtetutë.

Sipas Institutit të Studimeve Politike, në dy rastet do të duhej që institucionet përgjegjëse, parlamenti, Ministria e Drejtësisë, KLGJ, KLP, etj, të bashkëvepronin për të marrë një vendim sa më optimal përpara afatit të parashikuar nga Kushtetuta.

LEXO EDHE:  U përball me Vettingun/ Zbardhet vendimi për një tjetër prokurore

LEXO EDHE:  Video-Akuzat e forta/ Basha zbulon ku shkojnë paratë e shqiptarëve

Nëse zgjidhje do të konsiderohet ndryshimi i Kushtetutës kjo procedurë kërkon konsensus politik, kohë të mjaftueshme në dispozicion ashtu dhe qartësi mbi afatin e ri dhe pritshmëritë mbi ecurinë e vetingut në vitet e ardhshme.



 Nëse do të aplikohet baza aktuale kushtetuese, e cila ia kalon përgjegjësinë e vetingut organeve të reja të sistemit të drejtësisë, atëherë do të duhet që tani të punohet për akte rregullatore, të ketë rishikim të personelit dhe të buxhetit në dispozicion.

 Vetingut duhet të jetë dhe zë zbatohet si standard i njëjtë për të gjithë subjektet e rivlerësimit. Drejtësia e re meriton të jetë transparente, efektive, e besueshme, profesionale dhe me integritet.

 Koha është tani!

 Instituti i Studimeve Politike (ISP) është duke zbatuar projektin “Reforma: për një ritëm cilësor. Monitorim, sensibilizim dhe asistencë” mbështetur nga programi i shtetit të së drejtës të fondacionit Shoqëria e Hapur për Shqipërinë”, thuhet në reagimin e ISP-së./CNA.al

LEXO TE PLOTE

Vetingu

“Prokurorët dhe gjyqtarët që ngelën për Vjeshtë’/ “Emrat”, që do të japin llogari në Vetting

Publikuar

-

Nga

cna lajme vetting

Procesi i Vettingut po shkon drejt fundit. Ka ende prokurorë dhe gjyqtarë që nuk kanë dalë në Vetting për të nisur më pas me këshilltarët ligjorë.

Për muajin Shtator, deri më tani Komisioni i Pavarur i Kualifikimit ka caktuar 6 seanca, të cilat nisin me datë 7 Shtator me prokurorin e Lushnjës, Arben Dyla dhe me gjyqtaren Fierit, Adelina Zarka.

Një ditë më pas me Vettingun do të përballen gjyqtarja e Korçës Ariola Kristo dhe gjyqtarja e Gjykatës së Shkallës së Parë, Tiranë, Kaçe Agolli.

Me datë 13 Shtator, është piketuar prokurori i Kurbinit, Arben Nika dhe me 15 Shtator rikthehet seanca dëgjimore në KPK, për prokurorin  Dritan Gina.

“Prokurorët dhe gjyqtarët e vjeshtës”

Arben Dyla

Arben Dyla

Prokurori i i Prokurorisë së Rrethit Gjyqësor Lushnje, Arben Dyla, i është nënshtruar hetimit  administrativ nga trupa e KPK-së e përbërë nga  Brunilda Bekteshi, Suela Zhegu dhe Firdes Shuli.

Kujtojmë se Dyla ka qenë më herët prokuror në Mat,  i cili ka shoqëruar në Rripë ekspertët e Gjykatës së Hagës.

Në punën e tij si prokuror i Matit, ai kishte hetuar edhe rastin e diskutuar të të ashtuquajturës “Shtëpia e Verdhë”, duke hedhur poshtë pretendimet për trafik organesh në atë vend.

Dyla e ka filluar karrierën e tij si prokuror në vitin 2001 në Prokurorinë e Rrethit Gjyqësor Mat. Në vitin 2008 ai është transferuar për të kryer funksionin në Prokurorinë e Lushnjes.

Adelina Zarka

Në korrik të vitit 2015 Inspektoriati i Lartë i Deklarimit dhe Kontrollit të Pasurive dhe Konfliktit të Interesit kallëzoi 17 zyrtarë e nëpunës civilë, për dyshimet se ata kanë fshehur apo refuzuar deklarimin e pasurisë.

Në listë ishte edhe emri i gjyqtares së Fierit, Adelina Zarka.

Nuk dihet se çfarë bëri Prokuroria me këtë listë, por emrat e atyre që ishin në kallëzimet e ILDKPKIK ishin edhe të refuzuarit e Ambasadës Amerikane.

Që do të thotë u është mohuar kërkesa për viza. Në fakt gjyqtarja Adelina Zarka në vitin 2014 ka hapur një depozite bankare me qëllim marrjen e vizës Kanadeze, siç duket për të udhëtuar drejt vendit ku i studionte vajza, por një gjë e tillë u raportua se i ishte mohuar.

Ariola Kristo

Gjyqtarja e Korçës Ariola Kristo, i është nënshtruar hetimeve  të Vetting që në muajin Dhjetor të vitit 2019.

LEXO EDHE:  Sa milionë dollarë humbi Genc Pollo në Qipro?

LEXO EDHE:  Pas shkarkimit të Çlirim Shahinit/  "Shpërblehet" prokurori i Shtëpisë së Verdhë



Kristo, në media është lakuar edhe si “viktimë” e dajës së saj gjyqtarit Stavri Kallço. Pasi ka pasur denoncime nga qytetarët se e njëjta çështje që është gjykuar nga Kallço në Apel dhe që është kthyer në shkallë të parë, është gjykuar nga gjyqtarja Kristo.

Në vitin 2016, Ministri i Drejtësisë në atë kohë, Ylli Manjani, urdhëroi nisjen e inspektimit, i cili përfundoi duke mos gjetur asnjë shkelje ligjore.

Kaçe Agolli

Gjyqtarja e Gjykatës së Shkallës së Parë, Tiranë, Kaçe Agolli, rezulton se në vitin 2014 është ndëshkuar me masë disiplinore nga Këshilli i Lartë i Drejtësisë.

Masa disiplinore me vërejtje është vendosur, pas kërkesës të Ministrit të Drejtësisë në atë kohë Nasip Naço, i cili vinte nga radhët e LSI-së.

Gjyqtarja  Agolli e ndëshkuar me vërejtje, sa i përket pasurisë,  deklarohet si e pastrehë.

Arben Nika

Prokurori Arben do të dalë para Vettingut me datë 13 Shtator. Nika nuk është një emër i panjohur pasi më herët, është ulur në detyrë, nga ish-Prokurori i Përgjithshëm Adriatik Llalla.

Kujtojmë se Llalla ndërsa ka pranuar  propozimin e Këshillit të Prokurorisë për uljen në detyrë për Prokurorin e Prokurorisë së Rrethit Gjyqësor Kurbin Arben Nika,
Llalla ka vendosur masën kalim në detyrën e oficerit të policisë gjyqësore për një periudhë 1-vjeçare.

Sipas Llallës,  Nika me mosveprimet e tij kishte kryer shkelje disiplinore në formën e zvarritjes sistematike të hetimeve dhe mospërmbushjeve të detyra.

Dritan Gina

      Dritan Gina

Prokurori i Tiranës, Dritan Gina, një emër i njohur në sistemin e drejtësisë, do të njihet me rezultatet e hetimeve-Vetting me 15 Shtator 2021.

Procesi i Vetingut për Dritan Ginën ka nisur që në muajin nëntor të vitit 2019.

Dritan Gina është emëruar prokuror në Lushnje në vitin 2003, pasi përfundoi studimet në Shkollën e Magjistraturës. Më pas Gina ka ushtruar funksionin prokuror në Durrësit, drejtues i komanduar i Prokurorisë së Elbasanit dhe aktualisht prokuror në Tiranë.

Dritan Gina është bashkëshorti i Rovena Gashit, ish-drejtuese e Njësisë për Dekriminalizimin në Prokurorinë e Përgjithshme dhe e cilësuar si krahu i djathtë i ish-kryeprokurorit Adriatik Llalla në Prokurorinë e Përgjithshme./CNA.al

LEXO TE PLOTE

Vetingu

U arrestua për korrupsion/ KPK shkarkon nga detyra prokurorin Sali Hasa

Publikuar

-

Nga

cna lajme vettingu

Komisioni i Pavarur i Kualifikimit ka shkarkuar nga detyra, prokurorin e Rrethit Gjyqësor Sarandë, Sali Hasa, i cili është arrestuar për korrupsion.

Vendimi është marrë nga trupa Gjykuese e përbërë nga Roland Ilia, Firdes Shuli, Etleda Çiftja.

Sipas KPK Hasa nuk ka deklarim të saktë, nuk ka burime dhe ka fshehur pasurinë. Ai ka deklaruar se ka shitur karabinanë, por nuk ka dokumente që e vërtetojnë. Për shtëpinë në Kavajë dhe në Sarandë ka pasur mungesë burimesh financiare. Edhe pse kishte kërkuar të kundërtën vetë z. Hasa nuk u pa i pranishëm as në këtë seancë.

Në seancën e kaluar të KPK u konstatua se Hasa ka bërë deklarime kontradiktore nëpër të gjitha deklaratat, duke mosdeklaruar detyrimet për blerjen e apartamentit.

LEXO EDHE:  Video-Akuzat e forta/ Basha zbulon ku shkojnë paratë e shqiptarëve

LEXO EDHE:  U përball me Vettingun/ Zbardhet vendimi për një tjetër prokurore

Prokurori Sali Hasa u arrestua nga SPAK pasi akuzohet se pushonte çështjet penale kundrejt pagesave.

Arrestimi ka ndodhur më 19 qershor dhe u arrit të zbulohej nga një hetim i nisur në shkurt 2020 për trafik kanabis që zbuloi një grup kriminal, i cili jo vetëm trafikonte drogë, por trukonte ndeshje dhe korruptonte zyrtarë publik./CNA.al

Patundshmëri dhuratë për fëmijët e prokurorit/ Sali Hasa “uzurpon” institucionet me familjarë



SPAK “bastis” zyrën e prokurorit/ Si ra në “grackë” Sali Hasa

U arrestua për korrupsion/ SPAK nis hetim pasurie për prokurorin Sali Hasa

Me pranga në duar/ Prokurori Sali Hasa del nesër para Vetingut

LEXO TE PLOTE