Connect with Us

Partizani ndan premiot, ka pakënaqësi te futbollistët

Sport

Partizani ndan premiot, ka pakënaqësi te futbollistët

Publikuar

-

Partizani u rikthye në kompeticionet europiane pas një viti mungesë dhe “demat e kuq” morën pjesë në kompeticionin më të ri të UEFA-s, Liga e Konferencës. Në turin e parë shorti i vuri përballë ekipin moldav të Sfintulit. Në dy sfidat kundër këtyre të fundit, “demat” arritën të triumfonin me rezultatet 5-2 dhe 2-3, duke marrë një kualifikimi më se të merituar.

Pas këtij kualifikimi në turin e parë, “Panorama Sport” shkruan se bordi drejtues ka shpërblyer futbollistët me premio, por shpërndarja e shpërblimeve ka sjellë pakënaqësi te lojtarët.

Futbollistët titullarë kanë marrë mesatarisht nga 3 mijë euro, ndërsa pjesa tjetër shumë më pak, çka ka sjellë dhe pakënaqësitë së fundmi.

Edhe nëse rrugëtimi i Partizanit në Europë mbyllet pas ndeshjes kundër Bazelit ditën e enjte, që është thuajse e sigurt, në arkat e klubit janë derdhur plot 550 mijë euro nga UEFA, për pjesëmarrjen në Ligën e Konferencës dhe për kalimin e turit të parë.

Këto para do ta ndihmojnë shumë stafin drejtues që të krijojë një ekip edhe më konkurrues për vazhdimësinë e sezonit të ri 2021-’22, ku si gjithmonë, të kuqtë do të tentojnë të fitojnë të dy trofetë në Shqipëri, Kupën dhe kampionatin.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Premier Liga

Gol i anulluar dhe penallti e humbur, fati i keq ndjek Armando Brojën

Publikuar

-

Nga

Armando Broja ka luajtur sot për herë të parë 90 minuta të plota me ekipin e Southampton-it. Këta të fundit janë përballur me Sheffield United në raundin e 3-të të EFL Cup. Koha e rregullt është mbyllur me shifrat 2-2, ndërsa fituesi është përcaktuar nga ruleta ruse e penalltive.

Fati i keq e ka përndjekur Brojën në këtë sfidë, teksa nuk ka mundur të shënojë në portën kundërshtare. Sulmuesi shqiptar tund rrjetën në minutën e 50, por gjyqtari i mohon festën për pozicion jashtë loje. Gjithashtu talenti 20-vjeçar humbi penalltinë e tij në fund, por kjo nuk ka ndikuar te skuadra e Southampton-it, e cila ka siguruar biletën për në fazën tjetër.



VIDEO: https://tiger.cdnja.co/v/wk/wkr5b.mp4?secure=ajy4uKgeCqBq8jWUsNTWOQ&expires=1632299400

LEXO TE PLOTE

La Liga

Ronaldo ishte pranë transferimit te Atletico Madridi, ja pse dështoi marrëveshja

Publikuar

-

Nga

Kristiano Ronaldo la Juventusin në verë për t’u kthyer në Mançester te Junajtidi, ku i ka bërë një nisje të shkëlqyer aventurës së tij të dytë në “Old Trafford”. Gjithsesi përpara se të shkonte te Junajtidi, e ardhmja e tij mund të kishte qenë në Spanjë, por me një ndryshim, në verë ai mund të kishte veshur fanellën e Atletikos së Madridit.

Lajmin e ka bërë me dije tabloidi anglez “The Sun”, që nënvizon se menaxheri i lojtarit Zhorzh Mendesh ia pat ofruar yllin portugez disa klubeve në Europë. Dhe më i favorizuari dukej Atletiko e Diego Simeones.  Por, gjithnjë siç bën me dije “The Sun”, ka qenë vetë klubi kampion në Spanjë që ka refuzuar të firmosë me Kristianon duke parë të kaluarën e tij te Reali.



Dhe në fund Atletiko vendosi të shkojë për Grizmanin e jo të ndiqte Ronaldon. Sipas “Cadena SER”, Mendeshi ka kontaktuar drejtpërdrejt me drejtuesit e Atletikos duke i kërkuar nëse ishin të interesuar për Kristiano Ronaldon. Por refuzimi i tyre ka qenë i menjëhershëm.

Ka qenë pikërisht e shkuara e tij me Realin e Madridit shtysa kryesore për drejtuesit e Atletikos për të refuzuar firmën me portugezin. Në këtë mënyrë në fund të merkatos së verës Ronaldo u transferua te Junajtidi.

LEXO TE PLOTE

Sport

Starton sot Kupa e Shqipërisë, ja ekipet që zbresin në fushë

Publikuar

-

Nga

Sot Kupa e Shqipërisë do të ngrejë siparin për edicionin e ri 2021/2022. Siç është zhvilluar edhe më parë dhe kësaj radhe Kupa e Shqipërisë do të ndahet në dy grupe në A dhe B për të luajtur turin e saj të parë duke zhvilluar 16 ndeshje, 8 sfida për një grup.

Në grupin A, Teuta do të luajë në transfertë ndaj Luzit në orën 16:00. Partizani gjithashtu do të luajë në transfertë në orën 16:00. Tirana do të sfidojë në transfertë skuadrën e Shkumbinit në orën 16:00. Skënderbeu do të luajë në fushën “Reshit Rusi” të Shkodrës ndeshjen ndaj Veleçikut në orën 16:00. Bylisi do të ndeshet në transfertë ndaj Orikut në orën 16:00.



Dinamo do të luajë ndaj Erzenit në transfertë në orën 16:00. Ndeshje interesante do të jetë dhe Besëlidhja-Burrelli e cila do të nisë në orën 16:00. Vora dhe Korabi do të përballen në orën 16:00 në kompleksin “Internacional” në Pezë-Helmes. Në grupin B, në orën 13:00 do të luhet ndeshja Butrinti-Laçi. Në orën 14:00, në Aneksin e Kavajës do të zhvillohet ndeshja Besa-Pogradeci. Vllaznia do të ndeshet në transfertë ndaj Labërisë në orën 16:00.

Kukësi do të luajë në stadiumin e qytetit të Librazhdit ndeshjen ndaj Maliqit në orën 16:00. Elbasani dhe Kastrioti do të luajnë në stadiumin “Redi Maloku” të Fushë-Krujës në orën 16:00. Flamurtari do të luajë ndaj Apolonisë në orën 16:00 në stadiumin “Flamurtari”. Egnatia do të ndeshet në transfertë kundër Turbinës në orën 16:00. Lushnja dhe Tomori do të sfidohen në orën 16:00.

LEXO TE PLOTE