Connect with Us

“Mjeshtri i Madh”, feston 71-vjetorin e lindjes/ Urimi i veçantë i Julian Dedës: Kujdes, mos u gënjeni nga kjo fytyrë

Kultura

“Mjeshtri i Madh”, feston 71-vjetorin e lindjes/ Urimi i veçantë i Julian Dedës: Kujdes, mos u gënjeni nga kjo fytyrë

Publikuar

-

Aktori i njohur i humorit, Zef Deda feston sot 71-vjetorin e tij. Djali i tij, Julian Deda i ka dedikuar një urim mjaft të veçantë.

Në një postim në rrjetet sociale, ndërsa publikon një foto me aktorin e madh, Julian Deda shkruan se pas asaj fytyre, fshihet një “uragan” me energji dhe pozitivitet.

Kujdes, mos u gënjeni nga kjo fytyrë, në pamje të pare e qetë. Brenda saj fshihet një uragan me energji, me pozitivitet dhe me dëshirë për ta jetuar jetën në maksimumin e saj. Kështu ka qënë gjithmonë dhe vazhdon të jeteë dhe sot, tamam si një 71 vjeçar që i ka ndërruar vendin numrave. Je i mirë shumë Babush, për mua je më i miri.

Edhe 100 vite të tjera të uroj, shëndet të plotë dhe shijoje jetën, sepse e meriton…!

Të du fort artist…!”-shkruan Julian Deda.

Por, kush është Zef Deda

Zef Deda, aktori i madh i humorit shqiptar mbetet emri më i vlerësuar nga publiku. Në vitet e jetës së tij artistike, aktori Zef Deda ka sjellë me qindra role duke përcjellë momente të veçanta për publikun.

Komediani i njohur ka spikatur me personazhet e tij për tu vlerësuar si aktori i madh i humorit shqiptar, i nderuar dhe me titullin “Mjeshtër i Madh”.

Zef Deda lindi më 27 korrik 1950, në Shkodër. Zefi rrjedh nga një familje që artin e kanë në gen.

LEXO EDHE:  Aktori i njohur del publikisht kundër Bashës/ PD nuk është partia e qokave dhe e kontratave, por është partia e të gjithëve

Babai i tij ka qënë piktor dhe merrej nga pak edhe me aktrim. Daja i babait, po edhe gjyshi, kanë qënë artistë, shkrimtarë. Gjithashtu, shumë prej të afërmve kanë pasur lidhje me artin. Talenti i tij spikati që në moshë të vogël me imitime, interpretime e duke kënduar dhe ishin pikërisht këto gjëra që e vendosën Zefin në zbatimin e ëndrrës së tij të skenës, një ëndërr e kahershme, që në vegjëli.

Zef Deda është shkolluar në qytetin e tij të lindjes, dhe në politeknikumin e ndërtimit në Tiranë. Fillon shkollën e lartë për gjuhë – letërsi, por nuk e mbaron dot për arsye shëndetësore. Ka punuar për më shumë se 40 vjet në Teatrin Migjeni të Shkodrës dhe ka krijuar një galeri prej disa qindra karakteresh me një mimikë e shkathtësi të shkëlqyer.

Prandaj dhe është mjaft i dashur për publikun shqiptar, sidomos atë shkodran, të cilët e kanë cilësuar edhe si Charlie Chaplin i Shqipërisë. Artisti i Merituar, Zef Deda është një nga komedianët më të mirë të Shqipërisë që vazhdon duke ushtruar me sukses profesionin e aktorit.

Është i martuar me Rozina Dedën dhe ka dy fëmijë, Julian Deda dhe Marjan Deda. Ndjehet krenar që stafetën e artit e ka kaluar tek dy djemtë e tij të talentuar./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kultura

Homazhe në Teatrin Migjeni në nder të Mjeshtrit të madh të humorit Paulin Preka

Publikuar

-

Nga

Ka mbërritur nga Italia trupi i pajetë i Mjeshtrit të Madh të humorit  aktorit Paulin Preka

Mjeshtri i Madh i humorit, aktori Paulin Preka, do të përcillet sot për në banesën e fundit me nderimet që i takojnë.

Homazhet kanë nisur në Teatrin “Migjeni”,  ku përveç kolegëve qindra qytetarë, kanë shkuar për t’i dhënë lamtumirën e fundit, artistit të madh shkodran.

LEXO EDHE:  “Shpërthen” anëtari i PD/ Moralistë e puritanë, a ka bixhoz më të madh se pakti i 18 majit?!

LEXO EDHE:  Julian Deda kërcënon Veliajn e Fugën/ Mos guxoni të...!



Zyliha Miloti dhe emra të tjerë të mëdhenj të humorit, kolegë të Paulin Prekes të përlotur për këtë humbje të madhe për Shkodrën e Shqiperinë.

Paulin Preka humbi jetën në moshën 86 vjeçare./CNA.al

LEXO TE PLOTE

Kultura

Lajm i hidhur për botën e muzikës/ Ndahet nga jeta artisti i madh, bass baritoni Petrika Rëmbeci

Publikuar

-

Nga

Mëngjesin e sotëm është ndarë nga jeta, artisti i madh, bass baritoni Petrika Rëmbeci.

Kush ishte Petrika Rëmbeci?

Petrika ka lindur në vitin 1944 në Korçë ku edhe ka filluar aktivitetin si këngëtar pranë estradës profesioniste në Korçë. Babai i  i tij artistik konsiderohet mjeshtri i fizarmonikës Abaz Hajro, i cili e shtyu që në moshë të re në festivalet e Korçës.

Gjatë viteve 1968-1973 ka kryer studimet në Akademinë e Arteve pranë të madhit Ramiz Kovaçi, ku edhe është diplomuar për këngëtar bass-bariton. Madje gjatë provimit përfundimtar të diplomës, dhëmbi i tij u ënjt papritur, por Petri prapë u dallua dhe mori notën 10.

Në vitin 1974 ëmërohet solist pranë Teatrit të Operas dhe Baletit ku vazhdon profesionin e tij si këngëtar solist deri në daljen në pesion.

Gjatë karierës në TOB ka realizuar me sukses dhjetra role nga operat shqiptare dhe të huaja. Disponon një repertor të pasur koncertal në gjininë e këngës dhe repertorit operistik botëror. Ndër veprat e tjera lirike, ai është dalluar në rolet kryesore tek operat: “Borana”, “Komisari”, “Toka jonë”, “Maleve për liri”, “Goca e kaçanikut”, “Vjosa”, “Princesha e çardashit”, “Rigoletto”, “Carmen”, “Komisari”, “Tosca” etj.

Krahas recitaleve ka marrë pjesë në koncerte, në Anketat e Radio Tiranës, në Dekadat e Majit, në fes

 



tivale të ndryshme dhe  në Festivalin e fundvitit. Κonkretisht, kompozitori i madh Pjetër Gaci pasi kishte dëgjuar zërin e tij brilant, e gjeti një mëngjes në punë fizike dhe i kërkoi të interpretonte një këngë që kishte shkruar për të. Kështu del Petrika për herë të parë në Festivalin e 15-të. Kënga quhej “E bukura Shqipëri” dhe menjëhërë u bë hit i kohës, ndërsa kënga tjetër “Në zemra kemi heroizmin” ishte e Josif Mingës dhe teks

LEXO EDHE:  Aktori i njohur del publikisht kundër Bashës/ PD nuk është partia e qokave dhe e kontratave, por është partia e të gjithëve

LEXO EDHE:  Aktori i njohur del publikisht kundër Bashës/ PD nuk është partia e qokave dhe e kontratave, por është partia e të gjithëve

ti i Demokrat  Anastasit.

Për arsye të panjohura, deri më  sot  u vendos që të mos merte pjesë në dy festivalet në vijim. Sidoqoftë  Kthehet në mënyrë dinamike tek festivali i 18-të ku këndon dy këngë, “Marshojmë në pesëvjeçare” me muzike nga Gazmend Mullahi, tekst nga Vullnet Mato e kënduar në duet me Kastriot Agon dhe  “Ideali na bashkoi” me muzikë nga Lejla Agolli dhe tekst nga Basri Bushkashi duet me Gjergj Suliotin.

Pas këtij bashkëpunimi rrugët e dy këngëtarëve lirikë u bashkuan si në nivelin personal ashtu edhe në atë profesional. Përveç miqësisë së tyre të ngushtë që zgjati deri sot, të dy kanë kënduar  dhjetra këngë së bashku në çdo event të kohës, si psh. tek festivali i 19-të “Përpara ecim me Partinë” me muzike dhe tekst nga Pjetër Gaci.

Disa nga duetet e tyre më të famshëm që shënuan skenat e muzikës së lehtë shqiptare janë: “Këngët e trimërisë” Muzika: Agim Prodani  & Teksti: Zhuliana Jorganxhi dhe Kënga e partizanit trim (Zemër nënë) me muzike dhe tekst nga Vangjo Nova. etj.

Me gjelbërim të përhershëm në zë dhe tmerrësisht miqësor ai arriti të hedhë themelet e tij në pentagramin shqiptar.

 

LEXO TE PLOTE

Kultura

Arti shqiptar në zi/ Ndërron jetë Mjeshtri i Madh i skenës, Paulin Preka

Publikuar

-

Nga

cna lajme kulture

Mjeshtri i Madh Paulin Preka, një gur i çmuar i gjerdanit të humorit shkodran, ka ndërruar sot jetë në moshën 86 vjeçare.

Paulin Preka ishte një  nga artistët shumëdimensional të artit shqiptar, me qindra role në Teatër dhe kinematografi.

Paulin Preka ka lindur në Shkodër më 2.02.1935 në një familje të varfër.

Në moshën 8 vjeçare, fare i vogël, u bë pjesmarrës në shoqërinë artistike të Kishës Katedrale të qytetit të Shkodrës, e cila aktivizoi fëmijë dhe të rinj, jo vetëm në aktivitetet fetare, por edhe në aktivitete kulturore dhe edukative, ku tematikat i afronin këta fëmijë me kryeveprat e letërsisë botërore të interpretuara në skenat e vogla të qytetit të Shkodrës. Pikërisht në këtë kohë dhe në këtë moshë, daton edhe interpretimi i parë i Paulin Prekës, i cili në melodramën “Shtatë Xhuxhmaxhuxhat”, interpretoi rolin e tij të parë “Knapsi”. Melodrama u pëlqye së tepërmi nga publiku artëdashës shkodran dhe bashkë me bashkëmoshatarin Çesk Jubani u vlersuan me çmim të parë.

Ky djalë simpatik, i shkathët dhe i zgjuar, e mbi të gjitha i talentuar do të bënte që rreth viteve 1945-1946 në moshën 11 vjeçare, mësuesi Lec Sekuj ta sillte në skenë me dramën “Djemtë e Rrugës Pal” të shkrimtarit hungarez Ferenz Molnar e cila u interpretua nga nxënësit e shkollës “Pashko Vasa”. Në këtë dramë Paulini interpretoi një ndër rolet kryesore.

Rreth viteve 1947-1948 hapet në Shkodër Shtëpia e Pionierit ku u formua krahas rretheve të tjera edhe rrethi i teatrit, i cili zhvilloi shumë aktivitete që krijuan një traditë edhe për shumë vite me radhë.

Kështu në vitet ’50 në këtë qendër kulturore u shfaqën tri drama për fëmijë të autorit rus Arkadi Gaidar, ku Paulini në një moshë fare të re shpalosi talentin e tij të lindur.

Janë vitet e para pas Çlirimit të cilët ndikuan edhe në gjendjen ekonomike të familjeve shqiptare, ku shpesh edhe në moshë të re, rinia do të ishte pjesëmarrëse në çdo ndërmarje ekonomike. Kështu, që në vitin ’52 për këto arsye edhe Paulini në moshën 17 vjeçare filloi punë në një ndërmarje të qytetit të Shkodrës.

Në vitin 1953, falë pasionit dhe vullnetit që e karakterizonte Paulinin, u aktivizua pranë Shtëpisë së Kulturës dhe po në atë kohë nën drejtimin e regjisorit të mirnjohur Andrea Skanjeti, u shfaq e para premierë estrade amatore “Estradë në Penxhere” ku protagonistë ishin Tano Banushi dhe Paulin Preka, të cilët sollën një frymë të re në skenën e teatrit të humorit në qytetin e Shkodrës.



Në vitin 1954, kur sapo ishte kriju “Klubi i Punëtorëve” e ftuan të luante një rol tek drama bullgare “Traktoristët” me regjizore Violeta Sekuj. Me këtë dramë konkuroi në Takimin Zonal të Veriut ku u shpall Laurat i këtij takimi, duke u vlersuar me diplomë nderi për interpretim të lartë artistik.

Në fund të vitit 1954 u mobilizua në shërbimin e detyrueshëm ushtarak ku aktivizohet në Shtëpinë Qëndrore të Ushtrisë pranë Esradës së Ushtarit në role të ndryshme si, konferencier, recitues e pso jo edhe si aktor deri në fund të shërbimit në vitit 1956.

Ndër pjesët më brilante të repertorit 40 vjeçar të estradës interpretuar nga Paulin Preka, aktorët e mësipërm, si dhe një brezi më të ri mund të veçojmë: “Fotografi”, “Kola i dritave”, “Familja-A, familja-B”, “Tuçi e Lokja”, “Dasme e Refikut”, “Mini e Minusha”, “Ëikend 96-76” etj.

LEXO EDHE:  Aktori i njohur del publikisht kundër Bashës/ PD nuk është partia e qokave dhe e kontratave, por është partia e të gjithëve

LEXO EDHE:  Julian Deda selam Endri Fuges/ Mos mashtro per dekriminalizimin

Që nga viti 1967 e deri më sot janë shkruar nga aktori dhe autori Paulin Preka me qindra skeçe, parodi, dialogje e monologje. Materialet e tia janë pëlqyer dhe janë kërkuar e luajtur nga trupat profesioniste të rretheve të ndryshme si ajo e Peshkopisë, Kukësit, Estradës së Ushtarit, Durrësit, Beratit, Elbasanit, Pogradecit si dhe nga lëvizja amatore e qëndrave të punës të qytetit të Shkodrës, nga Mirdita, Lezha, Puka etj.

Aftësitë e tia si aktor, por dhe si autor libretesh, deri te gjinitë e vogla të humorit: skeçe, parodi, kuplete, pantonima, monologje e dialogje, grimca humoristike etj., kanë një vazhdimsi deri në këto ditë që po flasim, sepse plotësojnë figurën e këtij artisti të kompletuar si interpretues dhe shkrimtar.

Pas viteve 1990 janë një sërë premierash të shkruara si librete të vëna në skenë, si ajo e të shtundeve gazmore në RTSH në vitin 1994, ku spikasin materialet e “Ndihmave humane”, “Liçensa”,, “Dasme e Refikut” e mandej në këto vite materiale që kanë mbetur në kujtesen e spektatorëve si “Krapi”, “Kena harru baben”, “Urgjenca”, “Pikniku 1977 e 1997”, materiale në vargje si “Eksodi”, hapja e recitalit të Sandër Ruçit “Çka t’tha” e shumë e shumë të tjera, si “Operacioni i dajës”, “Udhëtim me mikrobuz” etj.

Në vitin 1998-1999 një mori poezish që janë të arkivuara nga familja, të cilat u transmetuan fillimisht në Radio Klan e mandej edhe në Radio Shkodra të tilla si “Një letër mikut tim”, “Prostitutës”, “Tomasit”, “Shkodër loces”, “Zotni”, “Andërr grash”, “Pensioni” etj.

Paulini i përket dy zhanreve skenike: teatrit të dramës dhe atij të humorit, rreth 9 vite në dramë dhe 37 vite në estradë, karrierë plotësisht e mjaftueshme për të krijuar personalitetin e tij. Nuk mund të mos mbahen mend nga publiku shkodran interpretimet brilante të Paulinit përkrah gjigandëve të skenës: Tinka Kurti, Roza Xhuxha, Prengë Lëkunda etj. në rolin e Murrashit tek drama “Toka jonë” shkruar nga Kol Jakova, si dhe rolet kryesore tek “Një tragjedi amerikane” shkruar nga Teodor Drajzer, “Familja e peshkatarit” shkruar nga Sulejman Pitarka, “Bileta e lotarisë” shkruar nga Gjergj Vlashi, Niqiforin në komedinë “Shoku Niqifor” shkruar nga Pëllumb Kulla, si dhe freskinë që solli gjatë pjesmarrjes në tri operata. Me keqardhje mund të themi që kjo pjesë e karrierës artistike të këtij artisti është mbuluar nga pluhuri i harresës dhe është detyra e studiuesëve të teatrit ta fshijnë këtë pluhur.

 Në vitin 1974 laurohet me urdhërin “Naim Frashëri i Klasit të III”, në vitin 1980 me urdhërin “Naim Frashëri të Klasit të II”, në vitin 1988 me titullin e Lartë “Artist i Merituar”.

Në vitin 1996 pak muaj përpara se të mbyllte marrëdhëniet e punës me teatrin “Migjeni”, në takimin e trupave Profesioniste në Tiranë, u vlerësua si “Aktori më i Mirë i Karrierës”, “Krenaria e qytetit” në vitin 2009 dhe “Nderi i Komunës” Bushat në vitin 2012.

Në qershor të vitit 2018 dekorhet nga Presidenti i Republikës me titullin e lartë “Mjeshtër i Madh”./CNA.al

LEXO TE PLOTE