Connect with Us

Wijnaldum mërzit francezët në prezantim: Jam tifoz i Barcelonës

Sport

Wijnaldum mërzit francezët në prezantim: Jam tifoz i Barcelonës

Publikuar

-

Aventura e Georgino Wijnaldum te PSG nis me këmbën e gabuar. Dihet që raportet mes parizienëve dhe Barcelonës nuk janë të mira, që nga rrëmbini që sheikët i bënë me paratë e tyre Neymar, dhe për të vazhduar më pas me përballjet në merkato, një prej të cilëve është pikërisht Wijnaldum që dukej i destinuar për të shkuar te Barcelona, por mbërriti në Paris me kosto zero.

Gjatë intervistës së tij të parë holandezi shpjegoi se sa e vështirë ishte për të të zgjidhte Parisin me një deklaratë që vështirë se do t’u ketë pëlqyer francezëve. Diçka e kuptueshme duke qenë se në prezantim lojtarët përdorin zakonisht frazat shabllon, “jam i lumtur”, “gjithmonë kam ëndërruar të vija këtu”, por ky nuk është rasti i Wijnaldum,.

“Të zgjidhja mes Barçës dhe Paris Saint Germain ishte diçka vërtet shumë e komplikuar, duke qenë se jam tifoz i Barcelonës që kur isha një fëmijë”, deklaroi mesfushori.

Një frazë kjo e pazakontë kur prezantohesh në një klub, pavarësisht lidhjeve historike të katalanasve me Holandën që nga kohët e Cruiff. E nëse te Barcelona do të gjente Koeman, ish trajnerin e kombëtares së tij, në Paris Wijnaldum do të takojë Pochetinon që po ashtu e ka njohur.

“Pochetino më kërkoi kur ishte te Tottenhanm, kështu që kam patur mundësinë ta njoh. Por të gjithë në këtë klub më bënë të kuptoj se më donin me të vërtetë dhe edhe kjo ndikoi shumë në zgjedhjen time”, u shpreh Wijnaldum.

Natyrisht ka edhe motive të tjera, të aspektit taktik, që e shtynë ish mesfushorin e Liverpoolit për të zgjedhur Parisin.

“Te Liverpool luanim një futboll shumë ofensiv dhe loja sulmuese është një filozofi që më pëlqen. PSG është një skuadër që bën këtë tip futbolli”, deklaroi futbollisti.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Seria A

Interi nuk fal edhe ndaj Fiorentinës, ja rezultatet e mbrëmjes në Serinë A

Publikuar

-

Nga

Interi ka marrë një fitore të vlefshme në javën e 5-të të Serisë A duke mundur 1-3 Fiorentinën.

Fiorentina kaloi e para në avantazh në minutën e 23-të me Sotil në një pjesë të parë ku violët dominuan totalisht dhe Interi ishte thuajse inekzistent. Në pjesën e dytë, Darmian barazoi për zikaltrit në minutën e 52-të, ndërsa 3 minuta më vonë Xheko përmbysi gjithçka me një goditje me kokë.



Në fundin e ndeshjes, Perisiç hipotekoi fitoren duke shënuar pas një asisti të Galjardinit. Zikaltrit marrin kreun duke kaluar Napolin e cila do të luajë ditën e enjte me Sampdorian.

Ndërkohë në ndeshjen tjetër, Atalanta mposhti 2-1 Sasuolon me dy gola të shënuar në pjesën e parë nga Gosens dhe Zapakosta.

LEXO TE PLOTE

La Liga

Spektakël i Atletiko Madridit, bën përmbysjen e çmendur në minutën e 90

Publikuar

-

Nga

Atletiko Madrid është rikthyer tek fitorja në kampionat duke mundur 1-2 në transfertë Getafen.

Vendasit kaluan të parët në avantazh me Mitroviç në fundin e pjesës së parë, por për Atletikon mendoi Suarez. Sulmuesi uruguaian u bë i gjallë më në fund në La Liga duke u rikthyer të jetë protagonist.



Suarez shënoi golin e barazimit në minutën e 78-të, ndërsa në të 90-të shënoi dhe të dytin personal dhe golin e fitores për Atletikon.

Një 3 pikësh mjaft i vlefshëm për Atletikon që e ngjit në vendin e parë në kuotën e 14 pikëve.

LEXO TE PLOTE

BundesLiga

“Jam si vera”, Lewandowski: Po bëhem më i mirë, mendoj vetëm për Bayernin

Publikuar

-

Nga

Sulmuesit të Bayernit të Mynihut, Robert Lewandowski, iu dorëzua këtë të martë “Këpuca e Artë” e Europës, trofeu prestigjioz individual, i fituar prej tij falë 41 golave të shënuar sezonin e kaluar në Bundesligë.

Edhe pse ka mbushur 33-vjeç, polaku këmbëngul se ka ende shumë për të dhënë në nivelet më të larta dhe se është i përkushtuar për të fituar trofe të tjerë me Bayernin.

“Nuk kam pse të provoj veten në një ligë tjetër. Në Ligën e Kampionëve mund të garoj me më të mirët e kampionateve të tjera. Jam 100 për qind i fokusuar te Bayerni, nuk mendoj për asgjë tjetër veç ekipit tim”.

“Poli”, siç thirret ndryshe Lewa, ka kontratë me kampionët dhe rekordmenët gjermane deri në vitin 2023, dhe ai nuk po mendon të heqë dorë nga futbolli.



“Mosha është thjesht çështje shifrash. Ndihem shumë mirë, kam vlerat më të mira që kam pasur ndonjëherë. E di se ende mund të luaj në nivelin më të lartë për vitet në vazhdim. Jam si vera e mirë dhe shpresoj të bëhem edhe mi mirë me kalimin e kohës”.

Statistikat e Lewandowskit nuk e shmangin dot krahasimin me dy të mëdhenjtë e futbollit, që janë ende në aktivitet, Lionel Messi dhe Cristiano Ronaldo.

“Garën e kam gjithmonë me veten time. Ajo që bëjnë ata të dy është diçka që mund të mos përsëritet për një kohë të gjatë. Unë shoh atë që mund të bëj dhe jap. Duhet shumë punë dhe respekt.

LEXO TE PLOTE