LEXO PA REKLAMA!

SHKARKO APP

Akuzat e forta/ Porti i Durrësit, lavatriçja e parave të ndotura të Rilindjes?

23 Korrik 2021, 12:46, Politikë CNA
Akuzat e forta/ Porti i Durrësit, lavatriçja e parave të

Kreu i PD në Durrës, Ferdinand Xhaferri i ka drejtuar dy pyetje kryeministrit Edi Rama përsa i përket maketit të Portit të ri të Durrësit.

Përmes një deklarate per mediat, Xhaferri shpjegon se kanë kërkuar nga qeveria sqarime mbi atë se ku do të zhvendoset Porti ekzistues.

Ai ka renditur pikat shqetësuese që sipas PD përveç maketeve nuk janë parë studime dhe as transparencë dhe as kuadër ligjor.

?Dy ditë më parë Kryeministri Rama hodhi për konsum maketin e Portit të ri të Durrësit. Përsëri dhe si gjithmonë pamë një prezantim në 3D.

Por nisur nga rëndësia që ka Porti i Durrësit për qytetin dhe gjithë Shqipërinë, ne i kemi kërkuar dhe vazhdojmë t?i kërkojmë qeverisë sqarime për disa çështje:

Së pari: Qytetarët akoma nuk e dinë se mbi çfarë studimi do zhvendoset Porti Ekzistues. Ku do të zhvendoset, kur do të zhvendoset, si do të zhvendoset dhe çfarë kapacitetesh do të ketë?

Së dyti: Janë disa institucione Europiane dhe Ndërkombëtare që kanë financuar me kredi ndërtimin e infrastrukturës portuale.  Banka Europiane e Investimeve (BEI) ka financuar 17 milion Euro për ndërtimin e kalatës së kontejnerëve.

Banka Europiane për Rindërtim dhe Zhvillim (BERZH) ka financuar 32 milion Euro për terminalin e trageteve. Banka Botërore ka financuar 13 milion USD për kalatën e përpunimit të grurit.

Ndoshta problemi më i vogël është vlera financiare. Problemi madhor ka të bëjë me faktin se Rama po na largon gjithmonë e më shumë nga rruga drejt BE-së.

Së treti: Çfarë do bëhet me kontratat koncesionare për terminalin e mallrave rifuxho dhe terminalin e pasagjerëve? Aty kemi kompani Gjermane që janë me koncesion për 35 vite.

Përsëri do paguajmë në arbitrazh papërgjegjshmëritë e kryeministrit?

Partia Demokratike nuk është kundër projekteve që zhvillojnë qytetin. Por, deri më tani kemi parë vetëm makete dhe nuk kemi as studime, as transparencë dhe as kuadër ligjor.

Pra, kemi parë maketin e Ramës dje, darkën me arabët tek restoranti i famshëm i Nusretit të ministrit Ahmetaj dhe plaçkitjen që po i bëhet pa kuadër ligjor kësaj godine, që njihet si godina me xhama, (që sikurse shihet edhe kanë rrethuar).

Qytetarët kërkojnë përgjigje nga qeveria për këto problematika dhe njëkohësisht drejtësia e re duhet të veprojë“-tha Xhaferri./CNA.al

Lajmet e fundit nga