E fundit!

11:39 Aktualitet

Publikimi i tezës së Gjuhës dhe Letërsisë në rrjetet sociale/ Përjashtohet maturanti

Pas nisjes së tezës së Gjuhës Shqipe dhe Letërsisë, ka rrj...

Zgjedhjet e 25 prillit/ KQZ ndëshkon partitë politike, Celibashi paralajmëron gjoba

22 Korrik 2021, 09:49, Politikë CNA

Komisioni Qendror i Zgjedhjeve në mbledhjen e sotme, ka përcaktuar vlerën e një vote të vlefshme në zgjedhjet që sapo lamë pas.

Sipas tyre, vlera e një vote të vlefshme është 85 lekë të reja.

Ndërkohë, në një deklaratë për mediat, kreu i KQZ, Ilirjan Cilibashi deklaroi se asnjë parti e përfshirë në zgjedhjet e 25 prillit, nuk do të përfitojë kompensim financiar.

Po ashtu, ai tregoi dhe bilancin e partive politike të vendit, që kanë dorëzuar raportet financiare vjetore.

Sipas Celibashit, nga kalkulimet e bëra nga KQZ, rezulton se 106 parti, nga 131 gjithsej e kanë dorëzuar këtë raport, ndërsa 4 të tjera e kanë dorëzuar jashtë afatit të vendosur.

Për këtë arsye, për këto 4 parti, u vendos gjobë 150 mijë lekë të vjetra, ndërsa për partitë që nuk e kanë dorëzuar këtë raport, u vendos masa 1 milionë lekë të vjetra gjobë.

?Vlera në para të një vote të vlefshme është 85 lekë. Ky vendim hy në fuqi menjëherë. Pika e dytë ka të bëjë me kompensimin financiar pas zgjedhor. Partitë Politike që kanë qenë të regjistruara si subjekte zgjedhore kanë përfituar fonde paradhënie, për zgjedhjet e 25 prillit, janë 10 parti politike. Që një parti pas zgjedhjeve të kompensohet duhet të kalojë këtë 1 %.

Partitë që nuk kanë përfituar fonde janë tre, Partia Agrare Ambientaliste, Partia Lëvizja Legalitetit dhe Partia Bashkimi për të Drejtat e Njeriut. Këto tre parti duhet të kalonin 1%-in, asnjë nuk e kaluar të merrte mbi 15 mijë vota. Për këtë arsye nuk kompesohen. Bazuar në nenin 19 në shkronjën K dhe M, vendos të mos shpërndajë kompensimin financiar pas zgjedhorë për asnjë parti politike pjesëmarrëse në zgjedhjet e 25 prillit. Ky vendim hy në fuqi menjëherë, e kundër këtij vendimi mund të bëhet ankesë në KAS.

Janë 106 parti të cilat nuk kanë dorëzuar raportet financiare brenda afatit, edhe në momentet që flasim nuk e kanë dorëzuar. 4 prej këtyre e kanë dorëzuar, por pas afatit. Ne vendosim gjobë në masën një milionë lekë për partitë ;politike që nuk kanë dorëzuar raportin financiar. Gjobë në masën 15 mijë lekë për partitë politike që e kanë dorëzuar raportin pas afatit të caktuar?, tha Celibashi./CNA.al