Connect with Us

Veliu nuk belbëzon asnjë fjalë se kur do arrestojë Renato alias Andrea Çaushin

Aktualitet

Veliu nuk belbëzon asnjë fjalë se kur do arrestojë Renato alias Andrea Çaushin

Publikuar

-

Veliu nuk belbëzon asnjë fjalë se kur do arrestojë Renato alias Andrea Çaushin

Nga Elton Qyno

U raportua në media nja tre ditë me rradhë për përplasjen me armë në “Bar Orange” në Sarandë, por nuk dëgjova të flitej për një Renato Çaushi, i arrestuar nga Krimet e Rënda për trafik droge në dosjen “Viluni”. U raportua pas ngjarjes, se kryeministri Edi Rama, sulmoi ballasi shefin e komisariatit të Sarandës, Syrja Bellon, dhe menjëherë të nesërmen Ardi Veliu, urdhëroi shkarkimin e tij.

Në vend të Syrjajt, u vendos një shef tjetër komisariati në Sarandë, me emrin, Klodian Kondi, që në polici njihet si mik familje i Drejtorit të Përgjithshëm të Policisë së Shtetit, Ardi Veliu.

Praktikisht Veliu me këtë lëvizje, hoqi “Lenën e vendosi Prenën”, për të çuar në fund edhe dëshirën e kryeministrit, Edi Rama. Tani, të dy folën për një shef komisariati si Syrjaj, se medemek kishte njollosur uniformën dhe e kishte bërë llucë fare. Të dy vepruan shumë shpejt dhe masakruan një shef komisariati, siç masakruan një tjetër para pak kohësh, të cilin Ardi Veliu e mori nga Tirana dhe e internoi në Ersekë. Normal, kur nuk punon për fushatë, do çukitesh e luspitesh.

Policia kjo është, dhe nuk mund të presim surpriza për sa i përket emërimeve dhe transferimeve, të parapëlqyerve të shefit, dorovitësave, apo kushërinjve të shefit.

Nderi dhe ideali i Policisë së Shtetit, u pa qysh prej atyre përgjimeve të famshme të dosjes Nr. 184, ku i gjithë zinxhiri komandues i Policisë së Dibrës, shpërndanin para në popullin e vobektë, për të fituar PS-ja mandatin e kryebashkiakut, që Shukriu me brekët e tija, e la përgjysëm.

Nderi, ideali dhe paanësia e Policisë së Shtetit, u pa pikërisht në këto përgjime të dosjes me Nr.184, kur deputeti Ulsi Manja, i premtonte shefit të komisariatit të Dibrës, që ta sillte në një detyrë të lartë në policinë e Tiranës. Ndërsa nga ana tjetër, shefi kërkonte me këmbëngulje, një komisariat periferik siç ishte Bulqiza, aty ku kontrollohen minierat e Kromit.

Tani Rama dhe Veliu u morën nja tre ditë me këtë ngjarjen e “Bar Orange”, por nuk ju futën njerë të vetme, dy personave që medemek janë shpallur në kërkim, Renato alias Andrea Çaushi dhe vëllait të tij, Ervis Çaushi.

May be an image of 1 person and standing

Këta të dy u harruan, askush nuk flet për këta. As media nuk ngre pikëpyetje, se çfarë bënin këta dy vëllezër në ambjentet e “Bar Orange”, që dyshohet se kanë qënë me kobure në brez. Çfarë kërkonin në atë orë në Sarandë, ishin për qef apo kishin shkuar me eskortën për të kërkuar, ndonjë porosi financiare.

LEXO EDHE:  Një tjetër protestë pritet të mbahet sot/ Ja kërkesat që janë shtruar

Biznesmeni i lokal “Orange” në Sarandë, Spiro alias Ermal Iljadhi, i cili mbeti i plagosur dhe që momentalisht është arrestuar për akuzën e “Mbajtjes pa lejë të armëve të zjarrit”, dyshohet të jetë futur në një konflikt borxhi financiar, prej 300 mijë euro. Këtë borxh, Iljadhi sipas informacioneve operative të policisë së Sarandës, besohet se ja ka marë vëllezërve Andrea alias Renato Çaushi dhe Ervis Çaushi nga Tepelena.

Për policinë dhe komunitetin në Jug dhe Veri të vendit, të gjithë e dinë çfarë pune bën Renatoja.Çfarë mbjell dhe çfarë shet.

Renato Çaushi, rezulton të jetë një person i skeduar nga policia e Shtetit, si kultivues dhe trafikant i drogës nga Shqipëria në Itali dhe Greqi. Renato Çaushi, në qershor të vitit 2017 u arrestua, pas një hetimi të kryer nga Krimet e Rënda, prokurori e cila finalizoi operacionin “Viluni”.

Çaushi një muaj më pas u lirua nga Gjykata e Apelit për Krime të Rënda, e cila zëvendësoi masën e sigurisë nga “arrest në burg” në “Detyrim paraqitje”. Çaushi, njihet si mik i afërt i Elton Çiços, që mbeti i vrarë në 1 Maj në lokal “De Niro” në Tiranë. Momentalisht Renato Çaushi dhe vëllai i tij, Ervis Çaushi janë shpallur në kërkim nga Drejtoria e Policisë Qarkut Vlorë dhe komisariati I Sarandës.

Ndërsa sipas informacioneve në rrugë jo zyrtare besohet se në banesën e tij, asnjë polic qoftë i Sarandës, qoftë i Vlorës, por dhe këta muskulozët e RENEA-s, nuk kanë shkuar për të kryer kontroll.

Njerës që meren me informacionin policor në Sarandë, thonë se policia nuk ka mundur ti hyjë për kontroll në kullën e tij, Renatos. Por është mbajtur një procesverbal, sikur ky kontroll është kryer dhe dy vëllezërit, nuk janë gjendur në shtëpi. Me këtë proces-verbal fiktiv, është ezauruar dhe përmbyllja e kontrolllit rrutinë, të banesës së Renato alias Andrea Çaushaj.

Për më tepër nuk kemi parë dhe as dëgjuar ndonjë aksion apo përpjekje të shefit të komisariatit, Klodian Kondi, i sapoemëruar nga Veliu, i cili të ketë dëshirën për të gjurmuar dhe arrestuar Renato Çaushin dhe vëllain e tij Visin.

Dhëntë zoti që Renatoja, të shkojë dhe të hyjë vetë tek makina luksoze “Range-Rover” e Ardi Veliut, ashtu siç bëri një “kapo” tjetër si Klemend Balili. Se për t’u kapur, nga policia e Sarandës apo e Gjirokastrës, s’besoj se do arrijnë të gjejnë ndonjë datë fikse.

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Pas diskretitimit nga Luan Rama/ Reagon deputeti i Kryemadhit

Publikuar

-

Nga

cna lajme politik

Luan Rama, i cili është larguar nga LSI, së fundmi degjeneroi hapur nënkryetarin e LSI –së, Petrit Vasili, i cili vetëm me 302 vota do të jetë pjesë e legjislaturës së re, të dalë nga zgjedhjet e 25 Prillit.

Rama, pa i përmendur emrin, tha se aq vota sa ka marrë ai deputeti, i merr pelqime në rrjete sociale.



LEXO EDHE:  Lleshaj dhe Veliu “zbarkojnë” në aksin Elbasan-Tiranë/ Në Janar u pezulluan 1500 patenta

LEXO EDHE:  Ardi Veliu reagon për grabitjen në Fier/ Përgëzon policinë

Sot, gjatë një interviste në Euronews Albania, Petrtit Vasili është pyetur edhe për dorëheqjen e Luan Ramës.

Jam njohur me dorëheqjen e gjatë dhe shteruese të z. Rama dhe nuk kam çfarë t’u heq e t’u shtoj atyre që ai ka parashtruar po vetë në të”,  tha Vasili, duke mos komentuar më tej./CNA.al

LEXO TE PLOTE

Kosova & Rajoni

489 raste të reja me Covid-19 në Kosovë/ Ndërrojnë jetë 28 persona

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ministria e Shëndetësisë e Kosovës bën të ditur se në 24 orët e fundit janë regjistruar 489 raste të reja të prekur nga Covid-19, ndërsa kanë ndërruar jetë 28 persona.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Nga 6.310 testime, 489 qytetarë kanë rezultuar pozitiv me virusin COVID-19.



LEXO EDHE:  Lleshaj dhe Veliu “zbarkojnë” në aksin Elbasan-Tiranë/ Në Janar u pezulluan 1500 patenta

LEXO EDHE:  Zgjedhjet e 25 prillit/ Policia e Shtetit fillon përgatitjet

Gjatë 24 orëve të fundit, janë shënuar 28 raste të vdekjes.

Sot janë shëruar 859 qytetarë, derisa numri i përgjithshëm i të shëruarve është 124.711.

Në total numri i rasteve aktive është 25.290.”-thuhet në njoftim./CNA.al

LEXO TE PLOTE

Kosova & Rajoni

Protestat në Malin e Zi në fokusin e shtypit gjerman

Publikuar

-

Nga

cna lajme rajon

Në Malin e Zi demonstruesit u përpoqën të pengonin ceremoninë e shugurimit të Kreut të Kishës Ortodokse. Protestat ku pati mjaft të lënduar gjejnë jehonë edhe në shtypin gjerman.

Gazeta gjermanishfolëse zvicerane, “Neue Zürcher Zeitung” i kushton vëmendje zhvillimeve në Mal të Zi me artikullin “Mali i Zi grindet për rolin e kishës”.

“Jo temjani i ceremonisë kishtare, por gazi lotsjellës dhe tymi i zi i gomave të djegura do të mbeten në kujtesë nga ngjitja në detyrë e metropolitit Joanikije në Cetinje”, shkruan NZZ.

Situata u shkallëzua të dielën, ku pati skena përleshjesh mes demonstruesve dhe forcave të sigurisë. NZZ thekson, se shugurimi i metropolitit të Malit të Zi u shndërrua gjithnjë e më shumë në një çështje politike javët e fundit, e kjo ka të bëjë me marrëdhënien e komplikuar me Serbinë dhe sidomos me situatën e brendshme në vend.

“Lidhjet mes Podgoricës dhe Beogradit janë tradicionalisht të ngushta. Vetëm në vitin 2006 Mali i Zi doli nga federata e përbashkët. Që atëherë krahu politik i presidentit afatgjatë, Milo Gjukanoviç është përpjekur për distancim.

Në anën e politikës së jashtme kjo reflektohej në lidhjen me perëndimin, brenda vendit në përpjekjet për forcimin e identitetit kombëtar. Këtu bëjnë pjesë edhe përpjekjet për të spostuar Kishën Ortodokse Serbe, besimin e së cilës e ka shumica e popullsisë, dhe ngritjen e një kishe kombëtare.” NZZ analizon, se Mali i Zi ka tani një metropolit të ri, por përçarjet në vend janë bërë më të thella, se kurrë më parë.



Kurse gazeta gjermane, “taz” tageszeitung në një opinion të gazetarit Erich Rathfelder me titullin “Pretendim sundues serb”, shkruan, se nëse Kisha Ortodokse serbe kërkon të dalë sërish politikisht në ballë, kjo të sjell kujtime jo të mira të viteve 90-të.

LEXO EDHE:  “Ikën tropojanët erdhën tepelensit”/ Bledi Mane shtron 7 pika për reformimin e Policisë së Shtetit

LEXO EDHE:  106-vjetori i Policisë së Shtetit/ Sfidat ndër vite

Atëkohë ishte projekti i Serbisë së Madhe, që çoi në luftërat në Kroaci dhe Bosnje, sot është projekti, “Srpski Svet”, që do të thotë bashkim i “botës serbe”. “Kisha Ortodoske Serbe në Beograd sundon deri më tani në pjesën serbe të Republikës së Bosnje-Hercegovinës, në pjesë të Kosovës dhe kërkon tani të sundojë edhe në Mal të zi.

Për shkak se në Serbi tradicionalisht, politika bindet ndaj fesë, politikisht kjo do të thotë, edhe në plan afatgjatë, që këto rajone të bashkohen në një shtet. “Bota Serbe” nuk është vetëm një ide shpirtërore-kulturore, siç paraqitet me dëshirë, por mban brenda edhe pretendimin për sundim. Ky pretendim u bë i qartë në mënyrë brutale tani në Mal të Zi.”

Kurse gazeta “Frankfurter Allgemeine Zeitung” shkruan, se refuzimi masiv i ceremonisë, bazohet në atë, se kryeqyteti historik Cetinje konsiderohet djep i idesë së pavarësisë malazeze.

“Realizimi i ceremonisë së shugurimit të Joanikijes me dhunë policie do ta thellojë edhe më shumë përçarjen në vend, sipas analistëve. Presidenti vendit, Milo Gjukanoviç, që në vitin 2006 përmes një referendumi e çoi vendin drejt pavarësisë, sipas të dhënave të veta në kohën e trazirave ndodhej në Cetinje, dhe fajësohet nga Kisha Ortodokse-Serbe se ka nxitur trazirat.”/DW

LEXO TE PLOTE