Connect with Us

Presidenti i Francës ndërron telefonin pas skandalit me Pegasus

Bota

Presidenti i Francës ndërron telefonin pas skandalit me Pegasus

Publikuar

-

Presidenti i Francës ndërron telefonin pas skandalit me Pegasus

Presidenti francez Emmanuel Macron e ka ndërruar telefonin e tij mobil dhe numrin e telefonit pas skandalit të spiunazhit me softuerin Pegasus.

Kështu ka bërë të ditur një zyrtar të enjten duke bërë publik njërin ndër veprimet e para konkrete në lidhje me skandalin.

“Ai i ka disa numra të telefonit. Kjo nuk do të thotë se është spinuar. Është vetëm siguri shtesë”, tha ai për Reuters.

Zëdhënësi i qeverisë, Gabriel Attal tha se protokollet e sigurisë së presidentit po adaptohen pas incidentit me Pegasus.

Një reagim botëror u nxit pasi disa media ndërkombëtare raportuan se softueri Pegasus u përdor për të hakuar telefonat e mençur të gazetarëve, aktivistëve të të drejtave të njeriut dhe zyrtarëve shtetërorë në disa shtete.

Gazeta Le Monde dhe transmetuesi Radio Franca kanë raportuar të martën se telefoni i presidentit Macron ishte në listën e synimeve potenciale për përgjime nga Maroku. Dy mediat thanë se nuk kanë pasur qasje në telefonin e Macronit dhe nuk kanë mundur të verifikojnë nëse ai është spiunuar.

Në anën tjetër, Maroku i ka mohuar këto pretendime.

Një hetim i kryer nga 17 mediume – përfshirë Le Monde – i publikuar më 18 korrik, ka krijuar lidhje në mes të kompanisë NSO, e akuzuar për furnizim të qeverive me këtë softuer, me një databazë me mbi 50,000 numra telefonash, që besohet se janë identifikuar si persona me interes nga klientët e kompanisë, prej vitit 2016.

LEXO EDHE:  Europa sytë nga Franca/Exit Polls nxjerrin fitues Macron

Kompania NSO ka pasur klientë Qeveritë e Azerbajxhanit, Bahrejnit, Hungarisë, Inidisë, Indonezisë, Kazakistanit, Meksikës, Monakos, Ruandës, Arabisë Saudite, Togos dhe Emirateve të Bashkuara Arabe, është thënë në hulumtim.

Vetë kompania NSO ka hedhur poshtë çfarëdo keqbërje, duke thënë se softueri është krijuar për të ndjekur kriminelë dhe terroristë dhe është i qasshëm vetëm për ushtrinë, zyrtarë për zbatim të ligjit dhe agjenci të inteligjencës, me nivel të lartë të respektimit të të drejtave të njeriut.

Në listë janë përfshirë 189 gazetarë, më shumë se 600 politikanë dhe zyrtarë qeveritarë, të paktën 65 biznesmenë, 85 aktivistë për të drejta të njeriut dhe disa kryetarë shtetesh, ka raportuar e përditshmja amerikane The Washington Post.

Gazetarët punojnë për mediumet përfshirë Radion Evropa e Lirë, Associated Press, Reuters, CNN, The Wall Street Journal, Le Monde dhe Financial Times.

Pegasus infekton pajisjet iPhone dhe Android, duke u mundësuar operatorëve që të incizojnë bisedat telefonike, të kenë qasje në mesazhe, fotografi, emaila, fjalëkalime, si dhe të aktivizojnë fshehurazi mikrofona dhe kamera./rel

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Bëri shaka me Holokaustin/ Shkarkohet drejtori i ceremonisë së hapjes së Lojrave Olimpike

Publikuar

-

Nga

Komiteti Organizator i Lojrave Olimpike të Tokios shkarkoi të enjten drejtorin e ceremonisë së hapjes së ngjarjes sportive, për shkak të një shakaje me Holokaustin, që ai kishte bërë gjatë një shfaqjeje komike në vitin 1998.

Presidenti i Komitetit Seiko Hashimoto bëri të ditur një ditë përpara ceremonisë së hapjes, se drejtori Kentaro Kobayashi është shkarkuar nga detyra. Ai u akuzua se kishte bërë shaka me Holokaustin gjatë shfaqjes.

Ne zbuluam se zoti Kobayashi, në interpretimin e tij, ka përdorur një frazë që përqesh një tragjedi historike“, tha zoti Hashimoto. “Ne kërkojmë ndjesë thellë për këtë zhvillim një ditë para ceremonisë së hapjes, si dhe për shqetësimin që u kemi shkaktuar shumë palëve të përfshira, si në Tokio ashtu edhe në pjesë të tjera të vendit“.

LEXO EDHE:  Punësimet partiake/ Gjonaj përgënjeshtron përgjimet

LEXO EDHE:  Hetimet tek Krimet e Rënda/ Zbardhen detaje nga pyetjet dhe përgjimet e Vangjush Dakos

Ceremonia e hapjes së Lojërave Olimpike të Tokios, të cilat u shtynë për shkak të pandemisë, është planifikuar të premten. Ceremonia do të mbahet pa spektatorë si masë për të parandaluar përhapjen e infeksioneve me koronavirus. Megjithatë pritet të marrin pjesë një numër i caktuar të ftuarish, zyrtarë, e përfaqësues të medias./VOA

LEXO TE PLOTE

Bota

SHBA, padi ndaj 9 agjentëve të paligjshëm të Kinës

Publikuar

-

Nga

Departamenti i Drejtësisë njoftoi se janë ngritur padi ndaj nëntë personave të cilët akuzohen se kanë vepruar në Shtetet e Bashkuara si agjentë të paligjshëm të Kinës.

Grupi dyshohet se “ka përgjuar dhe është angazhuar në një fushatë ngacmimi, përndjekjeje të dy personave me qëndrim të përhershëm në Shteteve të Bashkuara, për t’i detyruar ata të ktheheshin në Kinë. Sipas Departamentit të Drejtësisë kjo ishte “pjesë e një përpjekjeje globale, të bashkërenduar e të jashtëligjshme për riatdhesim, njohur si operacioni “Gjuetia e Dhelprës”.

Agjentët e paregjistruar, të një vendi të huaj nuk lejohen të përfshihen në mbikëqyrjen sekrete të atyre që gëzojnë statusin e qëndrimit të përhershëm në SHBA. Veprimet e tyre të paligjshme do të ballafaqohen me forcën e plotë të ligjit amerikan“, thuhej në një deklaratë të Jacquelyn M. Kasulis, prokurore në detyrë për Distrikti Lindor të Nju Jorkut.

Të akuzuarit janë Tu Lan, 50 vjeç, Zhai Yongqiang, 46 vjeç, Hu Ji, 46 vjeç dhe Li Minjun, 65 vjeç, të gjithë nga Kina; si dhe Zhu Feng, 34 vjeç, një shtetas kinez me banim në Kuins të Nju Jorkut, Michael McMahon, 53 vjeç, nga Mahwah-i i Nju Xhersit, Zheng Congying, 24 vjeç, nga Bruklini i Nju Jorkut si dhe Zhu Yong, aka Jason Zhu, 64 vjeç, nga Noruiç i Konektikatit. Emri i të pandehurit të nëntë, nuk është bërë ende publik nga autoritetet.

LEXO EDHE:  Erdogan vs Macron: Një përplasje ideologjike, apo një garë gjeopolitike?

Sipas njoftimit për shtyp, të dyshuarit akuzohen se kanë vepruar “nën drejtimin dhe kontrollin e zyrtarëve kinezë, në një përpjekje për të detyruar kthimin në Kinë të dy personave, emrat e të cilëve nuk janë bërë publik”.

LEXO EDHE:  Klodiana Lala tregon skemën e korrupsionit të zbuluar nga SPAK/ Si u vunë në pranga njerëzit e drejtësisë

Në deklaratën e Departamentit të Drejtësisë thuhej se rreth vitit 2012 dhe 2014 qeveria kineze kishte arritur që nëpërmjet organizatës ndërkombëtare të policisë “Interpolit” të lëshonte një “alarm të kuq” duke paralajmëruar forcat e sigurisë në të gjithë botën, se të dy këta persona ishin në kërkim në Kinë për përvetësim dhe marrje ryshfeti, krime për të cilat parashikohen dënime maksimale me burgim të përjetshëm e vdekje.

Zyrtarët e Drejtësisë thanë se të nëntë personat ndaj të cilëve janë ngritur padi, ishin pjesë e një fushate ndërkombëtare për të kërcënuar, sulmuar, përgjuar e frikësuar të dy këta persona e familjarë të tyre, në mënyrë që t’i detyronin ata të ktheheshin në Kinë./VOA

LEXO TE PLOTE

Bota

Tjetër kontroll në laboratorët mbi origjinën e Covid-19/ Kina reagon me zemërim dhe akuza ndaj OBSH-së

Publikuar

-

Nga

Organizata Botërore e Shëndetësisë dëshiron të kontrollojë në fazën e dytë të ekzaminimeve mbi origjinën e koronës edhe laboratorët kinezë. Pekini reagon me zemërim dhe akuza ndaj OBSH-së.

Zëvendësministri Kinez i Shëndetësisë Zeng Yixin tha në një konferencë shtypi se ishte “jashtëzakonisht i befasuar” nga kjo kërkesë. Ai e akuzoi Organizatën Botërore të Shëndetësisë (OBSH) për “mosrespektim të arsyes së shëndoshë dhe arrogancë ndaj shkencës”.

Shefi i OBSH-së Tedros Adhanom Ghebreyesus kishte kërkuar të premten e kaluar që në fazën e dytë të ekzaminimeve mbi origjinën e virusit korona duhet të kontrollohen edhe laboratorët në Kinë. “Kontrollet e laboratorëve përkatës dhe të mjediseve të instituteve kërkimore” duhet të kenë përparësi në këtë kontroll, tha ai.

Shefi i OBSH Tedros Adhanom Ghebreyesus

Menjëherë pasi filloi pandemia, pati spekulime se virusi mund të kishte dalë jashtë laboratorit për shkak të një aksidenti në Institutin e Virologjisë në Wuhan, në të cilin kryehen studime për llojet e virusëve korona. Qeveria kineze e mohon me forcë këtë.

LEXO EDHE:  E pabesueshme/ Ja sa kushton telefoni i Kujtim Gjuzit

Ekipi i ekspertëve ndërkombëtarë të dërguar nga OBSH-ja arriti ta vizitonte Wuhanin vetëm në janar – më shumë se një vit pas konstatimit të virusit dhe shpërthimit të pandemisë. Raporti përkatës u botua në fund të marsit por nuk dha ndonjë rezultat të qartë.

LEXO EDHE:  E pabesueshme/ Ja sa kushton telefoni i Kujtim Gjuzit

Dyshime për raportin e OBSH-së

Ekspertët e OBSH-së e klasifikuan teorinë e daljes së virusit nga laboratori si “jashtëzakonisht të pamundur”. Sipas tyre “ka të ngjarë madje shumë të ngjarë” që virusi ka kaluar tek njerëzit nga një lakuriq nate që ka shërbyer si bartës i ndërmjetëm.

Sidoqoftë rreth këtij raporti  u ngritën shpejt mjaft dyshime. Shumë shtete shprehën shqetësimin se ekspertëve ndërkombëtarë nuk u ishin vënë në dispozicion të dhëna të ndryshme gjatë hetimit të tyre në Kinë. Shefi i OBSH-së Tedros tha javën e kaluar se teoria e daljes së virusit nga laboratorike ishte përjashtuar si mundësi “para kohe”./DW

LEXO TE PLOTE