Connect with Us

Pelosi refuzon pjesëmarrjen e aleatëve të Trump në komisionin për 6 janarin

Bota

Pelosi refuzon pjesëmarrjen e aleatëve të Trump në komisionin për 6 janarin

Publikuar

-

Kryetarja e Dhomës së Përfaqësuesve Nancy Pelosi refuzoi të mërkurën dy anëtarë republikanë të zgjedhur nga udhëheqësi i republikanëve në Kongres, Kevin McCarthy për t’u bërë pjesë e një komisioni për hetimin e sulmit të dhunshëm të 6 janarit ndaj Kapitolit, një vendim që zoti McCarthy e denoncoi si “një abuzim të hapur me pushtetin”.

Zoti McCarthy tha se Partia Republikane nuk do të marrë pjesë në hetim nëse demokratët nuk do të pranojnë anëtarët që ai emëroi.

Zonja Pelosi përmendi si arsye “integritetin” e hetimit në refuzimin e saj ndaj emra të propozuar si Jim Banks, i cili ishte caktuar nga zoti McCarthy për të qenë republikani kryesor në komision dhe Jim Jordan. Të dy janë aleatë të ngushtë të ish-Presidentit Donald Trump, mbështetësit e të cilit rrethuan Kapitolin më 6 janar.

Në orët që pasuan rebelimin, si zoti Banks ashtu edhe zoti Jordan votuan për të përmbysur fitoren në zgjedhjet presidenciale të Joe Bidenit. Zonja Pelosi tha se ajo kishte folur me zotin McCarthy dhe i kishte thënë se ajo do t’i refuzonte dy emrat.

“Duke respektuar integritetin e hetimit, me përkushtim ndaj së vërtetës dhe e shqetësuar në lidhje me deklaratat e bëra dhe veprimet e ndërmarra nga këta anëtarë, më duhet të hedh poshtë rekomandimim për zotin Banks dhe zotin Jordan, si anëtarë të komisionit”, tha zonja Pelosi .

Zoti McCarthy tha në një deklaratë se lëvizja e zonjës Pelosi do të dëmtojë institucionin e Kongresit.

LEXO EDHE:  Telefonata e parë mes Presidentit Biden dhe Presidentit kinez Xi Jinping

“Në qoftë se kryetarja Pelosi nuk ndryshon kursin dhe nuk pranon të pesë anëtarët republikanë, republikanët nuk do të jenë pjesë e procesit të tyre të rremë, por do të bëjmë hetimin tonë të fakteve,” tha zoti McCarthy.

Vendimi i Kryetares së Dhomës së Përfaqësuesve pritet të ndezë më tej tensionet midis dy palëve rreth kryengritjes dhe komisionit hetimor, të cilin pothuajse të gjithë republikanët e kundërshtuan.

Shumica e republikanëve i kanë qëndruar besnikë zotit Trump, pavarësisht nga kryengritja e dhunshme e mbështetësve të tij që bëri që shumë prej tyre të druheshin për jetën e tyre.

Zonja Pelosi tha në deklaratë se ajo kishte pranuar tre emrat e tjerë të propozuar nga zoti McCarthy, Rodney Davis, Kelly Armstrong dhe Troy Nehls.

Por zoti McCarthy tha se ose duhet të pranoheshin të pesë emrat ose nuk do të merrte pjesë asnjëri prej tyre.

Shtatë persona vdiqën gjatë dhe pas trazirave, përfshirë një grua që u qëllua nga policia ndërsa u përpoq të hynte në sallën e Dhomës së Përfaqësuesve dhe tre mbështetës të tjerë të zotit Trump që pësuan pronleme mjekësore. Dy oficerë policie kryen vetëvrasje në ditët që pasuan, dhe një oficer i tretë, Brian Sicknick, vdiq pas përplasjes me protestuesit. Një ekspert mjeko-ligjor arriti në përfundimin se ai vdiq nga shkaqe natyrore./VOA

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Të paktën 58 të vdekur nga përleshjet në një burg në Ekuador

Publikuar

-

Nga

Të paktën 58 të burgosur janë vrarë dhe dhjetëra të tjerë janë plagosur gjatë përleshjeve që ndodhë gjatë natës në burgun Penitenciaria del Litoral në Ekuador, tha qeveria të shtunën, duke thënë se përleshjet kanë qenë mes bandave,

Burgu, që gjendet në qytetin jugor të Guajakilit, është burgu i njëjtë ku u vranë 119 të burgosur në muajin shtator, kur u zhvilluan përleshjet më vdekjeprurëse në burgjet e Ekuadorit.

Qeveria ka thënë se përleshjet kanë ndodhur në mes bandave të trafikut të drogës, që janë përleshur për kontrollin e të burgosurve.



Incidenti i fundit ka ndodhur për shkak se lideri i një prej bandave është liruar nga burgu, tha guvernatori i provincës ku ndodhet burgu, Pablo Arosemena.

LEXO EDHE:  “Prisni dhe shikoni…”/ Çfarë paralajmëron Ngjela pas shpalljes ‘Non Grata” të Berishës

LEXO EDHE:  Talebanët kontrollojnë Kabulin/ Shtetet e Bashkuara përshpejtojnë evakuimin

“Konteksti i kësaj situate është se kur nuk ishte lideri i bandës që ka kontrollin e një pavijoni të burgut, pasi ai u lirua disa ditë më parë. Të burgosurit që ishin me grupe të tjera, dëshironin që ta merrnin pozitën e tij dhe më pas ndodhi incidenti”, tha ai në një konferencë për media.

Policia rikthen kontrollin në burgun e Ekuadorit

Ka pasur dhunë të madhe në burgjet e Ekuadorit, shtet në të cilin janë rreth 39,000 persona të burgosur. Në muajin shkurt, si pasojë e dhunës në burgje u vranë 79 të burgosur, ndërkaq 22 të tjerë në një incident tjetër në muajin korrik./REL

LEXO TE PLOTE

Bota

Merkel, thirrje gjermanëve të vaksinohen mes rritjes së infeksioneve me COVID

Publikuar

-

Nga

Kancelarja Angela Merkel u bëri thirrje të shtunën të gjithë gjermanëve të pavaksinuar të marrin vaksinën sa më shpejt të jetë e mundur. Apeli i saj vjen mes një rritje tjetër të ndjeshme të infeksioneve me koronavirus dhe numrit të personave që kanë humbur jetën si pasojë e tij.

“Nëse qëndrojmë së bashku, nëse mendojmë të mbrojmë veten, e të kujdesemi për të tjerët, ne mund të bëjmë shumë për ta shpëtuar vendin tonë këtë dimër”, tha zonja Merkel në podkastin e saj javor.

Megjithatë, kancelarja paralajmëroi se vendi ndodhet përballë disa javëve shumë të vështira përpara.

Qendra e Kontrollit të Sëmundjeve në Gjermani tha se shkalla e infeksioneve në vend u rrit në 277.4 raste të reja për 100,000 banorë gjatë një jave, nga 263.7 një ditë më parë.



Instituti “Robert Koch” raportoi 45,081 infeksione të reja, dy ditë pasi totali ditor arriti në 50,000 për herë të parë. Që nga fillimi i pandemisë deri sot në Gjermani janë shënuar 97,617 vdekje si pasojë e COVID-19.

LEXO EDHE:  Shuhet Colin Powell/ Berisha thellësisht i pikëlluar: Ishte mik i shquar i kombit shqiptar

LEXO EDHE:  Telefonata e parë mes Presidentit Biden dhe Presidentit kinez Xi Jinping

Ndërsa shkalla e infeksioneve nuk është ende aq e lartë sa në disa vende të tjera evropiane, rritja e ka futur Gjermaninë në një situatë alarmi. Kancelarja në largim Merkel planifikon të takohet javën e ardhshme me 16 guvernatorë të shteteve të këtij vendi, për të koordinuar masat mbarëkombëtare. Parlamenti po punon për të siguruar një kuadër të ri ligjor për kufizime gjatë periudhës së dimrit.

Revista gjermane “Der Spiegel” njoftoi se ushtria po kërkon të mobilizojë rreth 12,000 ushtarë deri në Krishtlindje për të ndihmuar spitalet e mbingarkuara, për të mbështetur përpjekjet për vaksinim, testimet në shtëpitë e pleqve dhe për të ndihmuar poliklinikat në gjurmimin e kontakteve të njerëzve të infektuar.

Zonja Merkel shprehu shqetësimin rreth numrit të lartë të pacientëve në njësitë e kujdesit intensiv dhe rritjen e numrit të vdekjeve, veçanërisht në rajonet me shkallë të ulët vaksinimi./voa

LEXO TE PLOTE

Bota

Samiti për klimën, ende në tryezë qasja e kujdesshme ndaj çështjes së qymyrit

Publikuar

-

Nga

Grupet negociatore, pjesmarrën në samitin e OKB-së për klimën, diskutuan të shtunën rreth propozimeve e reja që do të çojnë në nënshkrimin e një marrëveshjeje, që mund të thuhet me siguri, se do të avancojë përpjekjet në mbarë botën për të trajtuar çështjen e ngrohjes globale.

Pas përpjekjesh diplomatike mes palëve edhe pas afatit zyrtar që përfundoi të premten në mbrëmje, zyrtarët britanikë që kryesuan bisedimet në Glasgou të Skocisë, publikuan një projektmarrëveshje.

I dërguari i SHBA-së për klimën, John Kerry dhe homologu i tij kinez, Xie Zhenhua, treguan një optimizëm të kujdesshëm të premten në mbrëmje lidhur me negociatat në vazhdim.

Në një propozim të paraqitur më parë përfshihet një gjuhë e diskutueshme në marrëveshje, duke u bërë thirrje vendeve, që të përshpejtojnë heqjen nga përdorimi të qymyrit, nëse ai nuk shoqërohet me teknologji që neutralizon gazet e dëmshme. Po kështu në projektpropozim bëhej thirrje për ndaljen e subvencioneve joefikase për lëndët djegëse fosile.

Por në një shtesë të re që iu bë teksit të marrëveshjes, thuhet se vendet do të njohin “nevojën për mbështetje drejt një tranzicioni të drejtë”, një referencë ndaj thirrjeve të përfaqësuesve të industrisë së karburanteve fosile, për mbështetje financiare, në kushtet kur do t’u duhet të mbyllin vende pune e biznese.

LEXO EDHE:  Gara presidenciale në SHBA/ Evi Kokalari: Biden nuk po fiton, po përpiqet të vjedhë haptas zgjedhjet

LEXO EDHE:  Që SHBA të dominojë mbi Kinën, duhet të promovojë demokracinë kudo në botë

Alok Sharma, zyrtari britanik që kryesonte bisedimet, tha se shpresonte se vendet do të arrinin një marrëveshje ambicioze në Glasgou.



Disa përfaqësues organizatash thanë se propozimet aktuale nuk ishin mjaftueshëm të forta.

Këtu në Glasgou, vendet më të varfra të botës rrezikojnë të largohen nga vëmendja, por orët e ardhshme mund dhe duhet të ndryshojnë kursin në të cilin ndodhemi”, tha këshilltarja e lartë e politikave në organizatën Oxfam, Tracy Carty. “Ajo çka është aktualisht në tavolinë nuk është mjaft e mirë“, shtoi ajo.

Por mundësia e përmendjes së lëndëve djegëse fosile në mënyrë qartë, dhe për herë të parë në një vendim që do të dalë nga Konferenca vjetore e OKB-së mbi klimën, është pritur mirë nga disa ambientalistë.

Është e dobët dhe e komprometuar, por ne e shohim atë si një urë, një përparim disi”, tha Drejtoresha Ekzekutive e Greenpeace, Jennifer Morgan.

Në samit pati debate në çështjen e mbështetjes financiare të kërkuar nga vendet e varfra, kryesisht për ndikimet katastrofike të ndryshimeve klimatike që ato do të pësojnë gjithnjë e më shumë në të ardhmen. Shtetet e Bashkuara dhe Bashkimi Evropian, dy nga emetuesit më të mëdhenj të dioksidit të karbonit në botë, vazhdojnë të kenë rezerva të thella mbi këtë çështje./voa

LEXO TE PLOTE