Connect with Us

Pas Kuvendit, zbulohet lëvizja e radhës e Bashës/ Ja kur mblidhet Këshilli Kombëtar

Politikë

Pas Kuvendit, zbulohet lëvizja e radhës e Bashës/ Ja kur mblidhet Këshilli Kombëtar

Publikuar

-

Rama akuza BE-së për negociatat/ “Zgjohet” Basha: Të mbrojmë demokracinë nga autokratët

Pas mbylljes së Kuvendit Kombëtar dhe zgjedhjes së Këshillit, strukturës më të lartë drejtuese midis dy Kuvendeve të PD-së, Lulzim Basha pritet të thërrasë Këshillin Kombëtar brenda 10 ditëve të muajit gusht.

Burime zyrtare nga PD, i thanë CNA.al se kreu demokrat po përgatitet që të thërrasë sa më shpejt Këshillin Kombëtar për të zgjedhur strukturat drejtuese, pra kryesinë dhe sekretariatin, për të plotësuar edhe vakancat e ngelura pas disa dorëheqjeve edhe largimeve në këto struktura.

Të njëjtat burime theksuan për CNA.al se Këshilli Kombetar do të thirret brenda 10 ditëshit të parë e më pas do të këtë një periudhe tre javore pushimi për tu rikthyer në shtator, jo vetëm me parlamentin, por edhe me udhëzimet e reja për riorganizmin që do të përfshijë degët.

Këshilli Kombëtar i PD tashmë përbëhet nga mbi 300 përfaqësues, të cilët do të votojnë për strukturat drejtuese, përfshirë këtu kryesinë dhe sekretariatin e partisë.

Në pak më shumë se tre muaj pas humbjes së zgjedhjeve të 25 prillit, Lulzim Basha filloi menjëherë një riorganizim, po ndryshe nga sa ka ndodhur në PD, këtë herë gjithçka ndodhi nga lart poshtë, pra direkt me zgjedhjen e kryetarit dhe më pas u bë thirrja e Kuvendit i cili nxorri edhe Këshillin e ri Kombëtar. Një lëvizje e shpejtë, e beftë e Bashës pa bërë asnjë analizë për humbjen e 25 prillit.

LEXO EDHE:  Deklarata e plotë/ Basha: Gati për aleancë me LSI, ministrat teknike do dorëhiqen shpejt

Ai siguroi mandatin e tij si kryetar për një periudhë katër vjeçare, bëri një spastrim të vogël në Këshillin Kombëtar duke e zgjeruar atë të fundit në funksion të kapjes së plotë të kësaj strukture, pra për të mos pasur probleme siç ka ndodhur këto tetë vite me kritika, “armiq” e të tjera.

Tashmë pritet që Basha, brenda 10 ditëve të para të gushtit të nxjerrë ekipin e tij të ri i cili pritet të ketë edhe mjaft ndryshime./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Akuzat e forta/ Porti i Durrësit, lavatriçja e parave të ndotura të Rilindjes?

Publikuar

-

Nga

Kreu i PD në Durrës, Ferdinand Xhaferri i ka drejtuar dy pyetje kryministrit Edi Rama përsa i përket maketit të Protit të ri të Durrësit.

Përmes një deklarate per mediat, Xhaferri shpjegon se kanë kërkuar nga qeveria sqarime mbi atë se ku do të zhvendoset Porti ekzistues.

Ai ka renditur pikat shqetësuese që sipas PD përveç maketeve nuk janë parë studime dhe as transparencë dhe as kuadër ligjor.

Dy ditë më parë Kryeministri Rama hodhi për konsum maketin e Portit të ri të Durrësit. Përsëri dhe si gjithmonë pamë një prezantim në 3D.

Por nisur nga rëndësia që ka Porti i Durrësit për qytetin dhe gjithë Shqipërinë, ne i kemi kërkuar dhe vazhdojmë t’i kërkojmë qeverisë sqarime për disa çështje:

Së pari: Qytetarët akoma nuk e dinë se mbi çfarë studimi do zhvendoset Porti Ekzistues. Ku do të zhvendoset, kur do të zhvendoset, si do të zhvendoset dhe çfarë kapacitetesh do të ketë?

Së dyti: Janë disa institucione Europiane dhe Ndërkombëtare që kanë financuar me kredi ndërtimin e infrastrukturës portuale.  Banka Europiane e Investimeve (BEI) ka financuar 17 milion Euro për ndërtimin e kalatës së kontejnerëve.

Banka Europiane për Rindërtim dhe Zhvillim (BERZH) ka financuar 32 milion Euro për terminalin e trageteve. Banka Botërore ka financuar 13 milion USD për kalatën e përpunimit të grurit.

Ndoshta problemi më i vogël është vlera financiare. Problemi madhor ka të bëjë me faktin se Rama po na largon gjithmonë e më shumë nga rruga drejt BE-së.

Së treti: Çfarë do bëhet me kontratat koncesionare për terminalin e mallrave rifuxho dhe terminalin e pasagjerëve? Aty kemi kompani Gjermane që janë me koncesion për 35 vite.

Përsëri do paguajmë në arbitrazh papërgjegjshmëritë e kryeministrit?

Partia Demokratike nuk është kundër projekteve që zhvillojnë qytetin. Por, deri më tani kemi parë vetëm makete dhe nuk kemi as studime, as transparencë dhe as kuadër ligjor.

Pra, kemi parë maketin e Ramës dje, darkën me arabët tek restoranti i famshëm i Nusretit të ministrit Ahmetaj dhe plaçkitjen që po i bëhet pa kuadër ligjor kësaj godine, që njihet si godina me xhama, (që sikurse shihet edhe kanë rrethuar).

Qytetarët kërkojnë përgjigje nga qeveria për këto problematika dhe njëkohësisht drejtësia e re duhet të veprojë“-tha Xhaferri./CNA.al

LEXO TE PLOTE

Politikë

Nikoll Lesit nuk i del inati me Metën/ Zbardhet mesazhi i “koduar”

Publikuar

-

Nga

“Ilir kërko falje, shërbëtorë nuk pranon njeri”/ Nikoll Lesi tregon mesazhin e koduar të SHBA, për Metën

Gazetari Nikoll Lesi, duket se nuk e fal dot presidentin Ilir Meta, pse nuk e dekoroi gazetën e tij, në 30-vjetorin e krijimit.

Në një postim në rrjetet sociale, Lesi në mënyrë indirekte i ka drejtuar një mesazh presidentit Meta, ku ai flet për politikanë të etur për pushtet.

“Politikani ka një moshë politike (jo vetëm fizike) kur duhet ta ndjejë vetë se duhet të largohet politika. Natyrisht flasim për politikanë që nuk kanë futur duart në xhepin e njerëzve dhe të buxhetit të shtetit, që nuk kanë vrarë apo që nuk kanë shkelur ligjin.

LEXO EDHE:  Deklarata e plotë/ Basha: Gati për aleancë me LSI, ministrat teknike do dorëhiqen shpejt

LEXO EDHE:  Përfundon takimi i Bashës me aleatët/ Mediu: Ti japim fund ilegjitimitetit

Ndër këta, “senatorë”, mbeten të nderuar Servet Pëllumbi dhe Namik Dokle (PS). Ishin, kontribuan dhe ikën. Edhe Aleksandër Meksi, ishte kryeministër dhe iku. Nuk u mor më me politikë. As Serveti dhe Namiku. Dhe mbeten të nderuar. Ndërsa ka të tjerë që nuk i shqiten pushtetit dhe të mirave që vijnë prej tij. Derisa një ditë në vend që të shkojnë në zyrë, do t’iu dalë SPAK-u përpara për tjetër “shtëpi”, shkruan Lesi./CNA.al

LEXO TE PLOTE

Politikë

Gaz Bardhi, kundërshtari gjigant i Ramës

Publikuar

-

Nga

Në një lëpirje të gjatë përtej tharjes së gjuhes dhe bllokimit të fytit kreu i PD, në degen 4 në Tiranë, Ervin Goxhaj ka shprehur vlerësime të larta për Gaz Bardhin, duke e cilësuar si kundërshtarin gjigant të kryeministrit Edi Rama.

Ervin Goxhaj, në një postim në rrjetet sociale, shkruan se Bardhi është një kundershtar gjigand i së keqes që sipas tij, po e mbyt shoqërinë tonë me metoda propagandistike dhe korruptive.

Po ashtu ai thekson se ky “kundërshtari gjigant i Ramës, pra Gaz Bardhi, do të sjellë ndryshimin, për të cilin ka nevojë Shqipëria”.

Te dashur miq !

Ditet qe po jetojme vitet e fundit kane qene shume te veshtira per secilin prej nesh.

Nje qeveri me nje lider autoritar e zhytur ne skandale dhe afera korruptive nga me te ultat deri tek me te majmet jane shkaktaret kryesore te cilat po cojne ne nje degradim te shoqerise ne menyren e perceptimit se kush duhet te gjykohet dhe sulmuar per veshtiresite dhe problemet qe ata hasin perdite.

E nisa kete shkrim duke pasur parasysh sulmet qe po i behen ditet e fundit sekretarit te pergjithshem te PD Z.Gazmend Bardhi.

Qe ne nisje te karrieres se tij politike synimi i Z.Bardhi ka qene te perfaqesoje dhe te mbroje interesat e cdo qytetari pavaresisht cdo krahu politik nga vjedhja sistematike qe i behet cdo dite nga nje kupole e lidhur me krimin qe e vetmja gje e cila mendojne eshte mbushja e xhepave te tyre dhe pasurimi i klienteve te tyre.

Z.Bardhi eshte nje kundershtar gjigand i se keqes qe po e mbyt shoqerine tone me metoda propagandistike dhe korruptive per shume arsye,nje nga ato dhe me kryesorja eshte qe ai nuk eshte i zhytur ne ndonje skandal korruptiv apo seksual sic eshte mbushur kabineti qeveritar.

Ketyre sulmeve ju bejne jehone dhe disa gazetare te cilet gjithe karrieren e tyre e kane kaluar duke u paguar te flasin ne interes te se keqes duke mbyllur syte dhe duke marre favore nga me te ndryshmet.

Z.Gazmend Bardhi nuk mund te gjykohet nga keta persona kurrsesi dhe aq me pak te ndikohet, perkundrazi kjo i jep force atij ne rrugen e tij te drejte dhe detyren fisnike qe i eshte ngarkuar,te sjelle NDRYSHIMIN qe kemi nevoje te gjithe se bashku.”-shkruan Ervin Goxhaj./CNA.al

LEXO TE PLOTE