Connect with Us

Orban planifikon referendum për çështje të mbrojtjes së fëmijëve

Bota

Orban planifikon referendum për çështje të mbrojtjes së fëmijëve

Publikuar

-

Kryeministri hungarez, Viktor Orban, ka bërë të ditura planet për referendum për çështje të mbrojtjes së fëmijëve, me qëllim të matjes së mbështetjes për legjislacionin kontrovers, të cilin Bashkimi Evropian dhe aktivistët e konsiderojnë diskriminues për komunitetin LGBT (homoseksual, lesbike, biseksual dhe transgjinor).

Përmes një videoje në rrjetin social Facebook, Orban ka akuzuar Komisionin Evropian për abuzim të pushtetit, meqë ka sfiduar së fundmi legjislacionin hungarez.

Orban e ka bërë këtë njoftim, pasi Komisioni Evropian ka nisur veprim ligjor kundër Budapestit javën e kaluar.

Ky vendim lidhet me amendamentet që u ndalojnë shkollave përdorimin e materialeve që besohet se promovojnë homoseksualitetin.

“Brukseli hapur ka sulmuar Hungarinë në javët e fundit, sa i përket ligjit”, ka thënë ai.

Ne nje postim ne rrjetet sociale, Orban shkruan se “E ardhmja e fëmijëve tanë është duke u cenuar, andaj nuk mund ta shmangim këtë gjë”.

Orban nuk ka përmendur se kur planifikon të organizojë referendumin, mirëpo ka thënë se ai do të përfshijë pesë pyetje, duke përfshirë atë se “A e mbështesni mbajtjen e orëve për orientim seksual për fëmijët e vegjël, pa pëlqimin e prindërve?” dhe “A mbështesni promovimin e trajtimeve për ndryshime të gjinisë, për fëmijët e mitur?”.

LEXO EDHE:  Greqia përçahet para referendumit

Zyrtarët e BE-së nuk kanë komentuar ende deklaratat e Orbanit.

Veprimi ligjor, që është inicuar nga Brukseli më 15 korrik, mund të rezultojë me bllokim të fondeve të BE-së për Budapestin.

Ligji kontrovers, që ka hyrë në fuqi më herët gjatë këtij viti, ka nxitur kritika të ashpra në mesin e liderëve të BE-së dhe pjesëtarëve të komunitetit LGBT, të cilët e shohin të njëjtin si sulm ndaj të drejtave të komunitetit LGBT, duke stigmatizuar minoritetet seksuale dhe duke mbytur debatin për orientimin seksual.

Orban, i cili është në pushtet nga viti 2010, përballet me zgjedhje të vështira vitin e ardhshëm, për shkak të probleme ekonomike, të nxitura nga pandemia e koronavirusit.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

SHBA e BE për sulmin në Deçan/ “Pranë popullit kosovar në këto momente të vështira”

Publikuar

-

Nga

Përfaqësues të Shteteve të Bashkuara të Amerikës dhe Bashkimit Evropian kanë dënuar sulmin që ndodhi më 26 nëntor në Deçan, ku si pasojë e të shtënave me armë zjarri u vranë tri persona dhe u plagos edhe një tjetër.

Nga sulmi me armë zjarri në drejtim të një autobusi që po bartte nxënës në relacionin Gjakovë-Deçan, vdiq shoferi i autobusit dhe dy nxënës, ndërsa mbeti i plagosur edhe një nxënës. Sulmi ndodhi në fshatin Gllogjan të Deçanit.

I ngarkuari me punë në Ambasadën e Shteteve të Bashkuara të Amerikës në Kosovë, Nicholas J. Giacobbe i ka shprehur ngushëllime familjeve të viktimave.

“I shokuar nga sulmi i dhunshëm ndaj nxënësve në Gllogjan. Autoritetet po punojnë që të sjellin autorët e krimit para drejtësisë së më parë. Ngushëllime të thella për familjet e viktimave dhe i uroj shërim të shpejtë të lënduarit”, shkroi ai në Twitter.

Ndërkaq në reagimin që ka bërë Zyra e Bashkimit Evropian në Kosovë, është thënë që shpresojnë se i dyshuari të sillet sa më shpejt para drejtësisë.

“Të shokuar dhe thellësisht të pikëlluar nga sulmi i neveritshëm drejt autobusit të nxënësve. Bashkimi Evropian në Kosovë shpreson se keqbërësi do të sillet shpejt para drejtësisë. Mendimet dhe lutjet tona janë me viktimat dhe familjet e tyre. Ne urojmë shërim të shpejt për të plagosurin”, tha Zyra e BE-së përmes një postimi në Twitter.

LEXO EDHE:  Ushqyerja me gji ul rrezikun e leuçemisë tek fëmijët

LEXO EDHE:  Altin Goxhaj apel institucioneve/ Miratoni kodet dhe manualet e trajtimit të fëmijëve!!!

Më 27 nëntor, Naim Sahiti, zëdhënës i Spitalit të Pejës ka konfirmuar për Radion Evropa e Lirë se i plagosuri është operuar dhe tani është jashtë rrezikut për jetë.



“I është hequr plumbi gjatë orëve të mbrëmjes (më 26 nëntor). Tash është gjatë procesit të trajtimit pas-operativ, por gjendja e tij është shumë e mirë”, tha Sahiti.

Mbrëmjen e 26 nëntorit, kryeprokurori Blerim Isufaj ka thënë para mediave se hetimet janë duke u zhvilluar në disa pista, porse ende nuk ka ndonjë të dyshuar.

Zyra e Kryeprokurorit të Shtetit ka bërë thirrje që kushdo që ka informata për ngjarjen, të bashkëpunojë me autoritetet, në mënyrë që kryesi i veprës të dalë sa më shpejt para drejtësisë./REL

Nga ana tjetër, edhe përfaqësuesi i Lartë i Bashkimit Evropian për Punët e Jashtme dhe Politikat e Sigurisë, Josep Borrell, nëpërmjet një statusi në rrjete sociale shprehet se ndihet i tmerruar nga sulmi i ndodhur.

Ai shprehet se me mendje dhe zemër është pranë viktimave dhe familjeve të tyre dhe se përgjegjësit duhet të vihen para drejtësisë.

“Jam pranë të gjithë popullit kosovar në këto momente të vështira”, shkruan Borell./CNA.al

LEXO TE PLOTE

Kosova & Rajoni

Sulmi ndaj autobusit me nxënës në Kosovë/ Ndizen qirinj në nder të viktimave

Publikuar

-

Nga

Kryetari i Komunës së Deçanit, Bashkim Ramosaj i ka ftuar qytetarët e Kosovës që të mblidhen në orën 16:00 në qendër të qytetit, për të ndezur qirinj në shenjë proteste dhe solidarizimi, për ngjarjen e rëndë që ndodhi ditën e djeshme, ku një autobus me nxënës u sulmua me armë dhe si pasojë mbetën të vdekur 3 persona.

 “Të dashur qytetarë të komunës së Deçanit, Ju ftoj që sot, në ora 16:00, të takohemi në qendër të qytetit, për të ndezur qirinjë në shenjë proteste dhe solidarizimi me familjet që mbrëm tragjikisht humbën më të dashurit e tyre!”, shkruan Ramosaj në një postim në “Facebook”.

LEXO EDHE:  Altin Goxhaj apel institucioneve/ Miratoni kodet dhe manualet e trajtimit të fëmijëve!!!

LEXO EDHE:  Kujdesi për fëmijët me aftësi të kufizuara në Shqipëri (Video)



Policia e Kosovës në raportin për sulmin makabër ka bërë me dije se se shoferi ka vdekur në vendin e ngjarjes, derisa dy nxënësit kanë vdekur në spital./CNA.al

LEXO TE PLOTE

Kosova & Rajoni

LSDM pranoi dorëheqjen e Zoran Zaev

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Organet drejtuese të partisë maqedonase, Lidhja Social Demokrate (LSDM), kanë miratuar dorëheqjen e Zoran Zaevit nga kreu i partisë, pas një debati që ka zgjatur deri në orët e para të ditës së shtunë.

Shumica e anëtarëve të kryesisë së gjerë të partisë kishin kërkuar tërheqjen e dorëheqjen, por Zaevi ishte i këmbëngulës në vendimin, të cilin e kishte paralajmëruar më 31 tetor pas disfatës së thellë të LSDM-së në zgjedhjet lokale.

“Nga dita e shtunë fillon procedura për organizimin e zgjedhjeve brendapartiake, në të cilat do të mund të kandidojë kushdo që i plotëson kushtet e parapara me statutin e partisë”, ka deklaruar zëdhënësja e LSDM-së, Bogdanka Kuzeska.

Kryetari i ri i partitë pritet të emërohet më 12 dhjetor në zgjedhjet e brendshme partiake, ndërsa ai do të jetë edhe mandatar për formimin e Qeverisë së re të Maqedonisë së Veriut, meqë Zoran Zaev ka paraqitur dorëheqje edhe nga drejtimi i ekzekutivit, por ajo ende nuk është miratuar në Kuvend, meqë Zaev së pari synon të sigurojë shumicën parlamentare, të cilën e ka humbur pas largimit nga Qeveria të lëvizjes Besa.

Në Kuvend, partitë në pushtet dhe ato në opozitë kanë nga 60 deputetë. Zaev para anëtarëve të kryesisë së LSDM-së ka shprehur besimin se socialdemokratët, që janë në koalicion me Bashkimin Demokratik për Integrim (BDI) të Ali Ahmetit, kanë numrat e nevojshëm dhe se pret që koalicioni qeverisës të zgjerohet edhe me deputetë të tjerë.

LEXO EDHE:  Miriam tregon më shumë për marrëdhënien me Alban Skënderaj/ Kjo është arsyeja për të cilën zihen më shpesh

LEXO EDHE:  Kostoja e të pasurit fëmijë në Kinë



Ndërkohë, partia Alternativa me katër deputetë, që konsiderohet si kyçe për forcimin e shumicës parlamentare të LSDM-së dhe BDI-së, ende nuk ka vendosur nëse përfundimisht do të jetë pjesë e Qeverisë. Kjo parti ka vendosur të vazhdojë bisedimet për programin e Qeverisë, përfshirjen e disa kërkesave në të, siç është ajo për zgjidhjen, e siç thonë, rasteve të montuara gjyqësore, por edhe në ndarjen e përgjegjësive për çështje tjera.

“Do të dëgjojmë edhe versionin e tyre për të parë nëse ka vullnet për një program të përbashkët dhe nëse partnerët qeveritarë do të heqin dorë nga forca e pushtetit për të arritur një balancë në ndarjen e përgjegjësive. Alternativa nuk nxitet nga orekset për pushtet dhe marrja e pozitave në qeveri. Ne duam të flasim më shumë për mënyrat për të dalë nga kjo krizë sesa për postet që do të marrim”, ka deklaruar zëdhënësi i partisë Alternativa, Orhan Murtezani.

Partia VMRO-DPMNE, që është në opozitë, pas fitores në zgjedhjet lokale, më 11 tetor kishte paraqitur mocionin e mosbesimit të qeverisë, por në momentin e fundit një deputet nënshkrues në listën e mocionit nuk ishte paraqitur në seancë, çka bëri që mocioni të dështojë.

VMRO-DPMNE-ja konsideron se Qeveria e udhëhequr nga Zaevi, pas zgjedhjeve lokale nuk ka legjitimitet, andaj zgjidhjen nga kriza parlamentare e sheh në mbajtjen e zgjedhjeve të parakohshme parlamentare./REL

LEXO TE PLOTE