Connect with Us

Jetëgjatësia në SHBA në vitin 2020 pa rënien më të madhe që nga Lufta e Dytë Botërore

Shëndeti

Jetëgjatësia në SHBA në vitin 2020 pa rënien më të madhe që nga Lufta e Dytë Botërore

Publikuar

-

Jetëgjatësia në SHBA ra me një vit e gjysmë në vitin 2020, rënia më e madhe një vjeçare që nga Lufta e Dytë Botërore, thanë zyrtarët e shëndetit publik të mërkurën. Ulja si për amerikanët me ngjyrë ashtu edhe për amerikanët hispanikë ishte edhe më e madhe: tre vjet.

Rënia e prezantuar nga Qendrat Amerikane për Kontrollin dhe Parandalimin e Sëmundjeve ka ardhur kryesisht falë pandemisë COVID-19, që zyrtarët shëndetësisë thanë se është përgjegjëse për afro 74% të rënies së përgjithshme të jetëgjatësisë. Më shumë se 3.3 milionë amerikanë vdiqën vitin e kaluar, shumë më tepër se çdo vit tjetër në historinë e Shteteve të Bashkuara, me COVID-19 që shkaktoi rreth 11% të atyre vdekjeve.

Jetëgjatësia e afrikano-amerikanëve nuk ka rënë kaq shumë në një vit që nga mesi i viteve 1930, gjatë Depresionit të Madh. Zyrtarët shëndetësorë nuk e kanë ndjekur jetëgjatësinë e komunitetit hispanik për aq shumë kohë, por rënia e vitit 2020 ishte rënia më e madhe e regjistruar gjatë një viti.

Rënia e papritur është “në thelb katastrofike”, tha Mark Hayward, profesor i sociologjisë në Universitetin e Teksasit i cili studion ndryshimet e vdekshmërisë në SHBA.

Shkaktarë të tjerë përveç COVID-19 luajtën gjithashtu rol. Mbidozat e drogës ulën jetëgjatësinë, veçanërisht tek të bardhët. Vrasjet në rritje ishin një arsye më e vogël, por domethënëse për rënien e jetëgjatësisë tek afrikano- amerikanët, tha Elizabeth Arias, autore kryesore e raportit.

Probleme të tjera që prekën komunitetet afrikano-amerikane dhe hispanike, përfshinë mungesën e qasjes tek kujdesi cilësor shëndetësor, bashkëjetesa me më shumë njerëz dhe një përqindje më e madhe e kësaj popullsie në punë me paga më të ulëta që i detyroi shumë prej tyre të vazhdonin të punonin kur pandemia ishte në gjendjen më të keqe, thanë ekspertët.

Jetëgjatësia është një vlerësim i numrit mesatar të viteve që mund të pritet të jetojë një fëmijë i lindur në një vit të caktuar. Është një fotografi e rëndësishme statistikore e shëndetit të një vendi që mund të ndikohet si nga prirjet e qëndrueshme të tilla si mbipesha ashtu edhe nga kërcënimet më të përkohshme si pandemitë apo lufta.

Për dekada me rradhë, jetëgjatësia në SHBA ishte në rritje. Por kjo prirje ka ngecur për disa vjet, që nga viti 2015 para se të arrinte në 78 vjeç, e 10 muaj në vitin 2019. Vitin e kaluar, CDC-ja tha se ajo ra në rreth 77 vjeç, e 4 muaj.

LEXO EDHE:  Trump i pafajshëm/ Kulluri: Këta që e etiketuan si armik nga Tirana nuk e di ç’kanë për të thënë!

Gjetje të tjera të raportit të ri të CDC-së:

— amerikanët hispanikë kanë një jetëgjatësi më të madhe se amerikanët e bardhë apo me ngjyrë, por ata patën rënien më të madhe në vitin 2020. Rënia tre-vjeçare ishte më e madhja që kur CDC-ja filloi të gjurmonte jetëgjatësinë mes hispanikëve 15 vjet më parë.

— Jetëgjatësia e afrikano-amerikëve ra gati tre vjet, duke arritur në 71 vjet, e 10 muaj. Kjo nuk ka qenë aq e ulët që nga viti 2000.

— Jetëgjatësia e bardhëve ra me afërsisht 14 muaj në rreth 77 vjet e 7 muaj. Kjo ishte shifra më e ulët për jetëgjatësinë e këtij grupi të popullsisë që nga viti 2002.

— Roli i COVID-19 ndryshon nga raca dhe përkatësia etnike. Koronavirusi ishte përgjegjës për 90% të rënies së jetëgjatësisë mes hispanikëve, 68% mes njerëzve të bardhë dhe 59% mes amerikanëve me ngjyrë.

— Jetëgjatësia ra gati dy vjet për burrat, por rreth një vit për gratë, duke zgjeruar një hendek që ka ekzistuar për një kohë të gjatë. CDC-ja vlerësoi se jetëgjatësia për meshkujt është 74 vjeç e 6 muaj kundrejt 80 vjetëve e 2 muaj për femrat./VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Sërish asnjë viktimë nga Covid-19/ Ja sa raste të reja janë regjistruar sot

Publikuar

-

Nga

Sërish asnjë viktimë nga Covid-19/ Ja sa raste të reja janë regjistruar sot

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 2377 testime nga të cilat kanë rezultuar pozitivë me Covid19, 31 qytetarë në këto bashki: 7 raste në Tiranë, 6 raste në Elbasan, 5 raste në Skrapar, 3 raste ne Lushnje, 2 raste në Lezhë, Sarandë, 1 rast në Krujë, Fier, Has, Berat, Kamëz.

Aktualisht janë 254 pacientë aktivë me COVID19 në të gjithë vendin.
Në Spitalin Infektiv po marrin trajtim spitalor të specializuar 6 pacientë.
Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 9 qytetarë gjatë 24 orëve të fundit, duke e çuar numrin e të shëruarve në 130,118 që nga fillimi i epidemisë.

LEXO EDHE:  Pse Trump nuk do ndryshojë dot politikën e jashtme të SHBA-së

LEXO EDHE:  Qëndrimi i Shqipërisë në OKB/ Berisha tregon bisedën me Erdogan

Statistika (23 Korrik 2021)

Raste të reja ditore      31
Të shëruar në 24 orë     9
Të shtruar në spitale      6
Humbje jete në 24 orë   0
Testime ditore                2377

Testime totale             871,199
Raste pozitive             132,828
Raste të shëruara       130,118
Raste Aktive                       254
Humbje jete                   2,456

Shpërndarja gjeografike e rasteve aktive sipas qarqeve:

Tiranë              99
Vlorë                25
Elbasan            24
Durrës              23
Kukës                21
Lezhë               16
Shkodër           14
Fier                   14
Berat 11
Korçë                6
Gjirokastër        1

LEXO TE PLOTE

Shëndeti

Agjencia Evropiane e Barnave rekomandon vaksinën Moderna për fëmijë

Publikuar

-

Nga

Agjencia Evropiane e Barnave rekomandon vaksinën Moderna për fëmijë

Agjencia Evropiane e Barnave (EMA) ka rekomanduar aprovimin e vaksinës kundër COVID-19 të llojit Moderna për të vaksinuar fëmijët nga mosha 12 deri në 17 vjeç.

Deri më tani, vaksina e Pfizer/BioNTech ka qenë opsioni i vetëm për vaksinim të fëmijëve në Amerikën Veriore dhe në Evropë.

Agjencia e Barnave në SHBA (FDA) momentalisht është duke shqyrtuar nëse do të zgjerojë përdorimin e vaksinës Moderna për fëmijët nën moshën 18 vjeçare.

Derisa furnizimi me vaksina nëpër botë mbetet i vogël, shumica e botës ende ka vështirësi në imunizimin e të rriturve.

LEXO EDHE:  Hipokrizi, skandale dhe paaftësi/ Fillimi katastrofik i dyshes Bajden-Herris në krye të SHBA-së

LEXO EDHE:  Qëndrimi i Shqipërisë në OKB/ Berisha tregon bisedën me Erdogan

Rregullatorët e SHBA-së dhe në Evropë kanë bërë thirrje për kujdes pasi të dy vaksinat (Moderna dhe Pfizer) lidhen me një reagim ekstremisht të rrallë te adoleshentët dhe të rinjtë, që është dhimbje e gjoksit dhe inflamacion i zemrës./rel

LEXO TE PLOTE

Shëndeti

Varianti Delta ka hyrë në Shqipëri?/ Epidemiologu: Simptomat janë të lehta, kush ka kaluar Covid, ka pak gjasa të infektohet

Publikuar

-

Nga

Varianti Delta ka hyrë në Shqipëri?/ Epidemiologu: Simptomat janë të lehta, kush ka kaluar Covid, ka pak gjasa të infektohet

Megjithëse në Shqipëri nuk është konfirmuar zyrtarisht asnjë rast me variantin Delta, epidemiologu Ilir Alimehmeti mendon se rritja e të infektuarve ka ardhur për shkak të variantit Indian të Covid 19.

“Elementi kryesor është i qartë varianti Delta. Dhe nga krahu tjetër se simptomat janë të lehta dhe nuk e vënë re” tha Alimehmeti në një prononcim per ABC news.

Ndryshe nga më parë  shtimi i të infektuarve nuk po shoqërohet me rritje të atyre që kanë nevojë për trajtim spitalor. Për këtë mjeku mendon se ka disa arsye.

“Vaksinimet kanë ecur dhe ka një ndarje të kurbës së rasteve të reja. Të vaksinuar kanë klinikë të lehtë. Të pa vaksinuarit janë të rinjtë dhe e kalojnë më lehtë dhe kjo tendencë ka shkëputje më të madhe. Na bën të shpresojmë për mirë”

Ata që e kanë kaluar koronavirusin kanë më pak gjasa të riinfektohen nga varianti “Delta” apo të bëjnë forma të rënda të sëmundjes.  Një tjetër studim vjen nga India, shteti nga u përhap mutacioni i ri.

LEXO EDHE:  SHBA sanksione financiare kundër Rusisë /Moska përgatitje për hakmarrje

LEXO EDHE:  Trump i pafajshëm/ Kulluri: Këta që e etiketuan si armik nga Tirana nuk e di ç’kanë për të thënë!

“Një publikim indian, në këto 8 muaj infektimi i mëparshëm ka 97.7 dhe mbron dhe infektimi i mëparshëm mbron shumë deri në 100% për format e rënda”./CNA.al

 

LEXO TE PLOTE