Connect with Us

PERSONAZH/ Ardi Karanxha, artisti korçar mes pikturës dhe karikaturës

Në QYTETIN tim

PERSONAZH/ Ardi Karanxha, artisti korçar mes pikturës dhe karikaturës

Publikuar

-

Personazhi i radhës për lexuesit e CNA.al është Ardi Karanxha, i riu piktor dhe karikaturist, mjaft i veçantë për Korçën, e mbase nga mbiemri të gjithëve do t’u duket i njohur. Ardi është djali i piktorit të njohur korçar Roland Karanxha, por që në stilin profesional nuk janë aspak të ngjashëm si babë e bir. Ai është 33 vjeç, dhe ka studiuar pranë liceut artistik “Tefta Tashko Koço” në degën e pikturës, më konkretisht në vitin 2006, kur pas përfundimit të studimeve në lice ka vazhduar studimet e larta në degën e Filozofisë dhe Historisë.

E pyetja që na vjen natyrshëm në mendje është pse pikërisht në një degë ndryshe nga arti? Ardi përgjigjet kështu : “E shikoja zgjedhjen e këtyre degëve si një formë plotësuese në planin intelektual, i ndihmuar edhe nga fakti që ndërkohë që studioja, punoja paralelisht në atelienë e babait tim. Nga arti nuk heq dorë kurrë, por edhe filozofia është pjesë e tij, ndaj të dyja degët janë të ndërthurrura me njëra tjetrën.”

Arti i pikturës kërkon një talent të lindur tek çdo njeri, e këtë talent Ardi e kuptoi që në moshën 5 vjeçare, kur piktura u bë pjesë e pandashme e jetës së tij.

Duhet të kem qenë rreth 5 vjeç kur realizova portretin e gjyshit tim, duke kapur një pjesë të tipareve të tij. Kuptohet për aq mundësi teknike sa zotëroja në atë moshë. Zhgaravisja edhe përpara kësaj moshe si të gjithë fëmijët, por do evidentoja momentin e mësipërm si atë që më ndërgjegjësoi mua dhe të afërmit e mi për një lloj talenti të mundshëm në fushën e vizatimit. A ka qenë babai im shtysë për mua? Babai im në fakt është një tip jashtëzakonisht liberal dhe nuk ka tentuar kurrë të më imponojë apo orientojë të ardhmen time, por njëkohësisht ai ka qenë gjithmonë present për të më ndihmuar në planin teknik dhe profesional kur e ka vërejtur vullnetin tim për të ndjekur këtë rrugë. Karakteri liberal I babait tim vihet re edhe në faktin se mëgjithëse ai ka qenë mentori im për gjatë gjithë jetës, influenca dhe ngjashmëria e stilit të tij me timin është thuajse zero.” – tregon Ardi duke kujtuar me nostalgji fëmijërinë e tij të ndryshme nga fëmijët e tjerë.

Gjatë bisedës me Ardin, e pyesim me shumë kureshtje se sa vite ka tashmë që nuk i ndahet pikturës, dhe normalisht duam të dijmë edhe pikturat që ai i veçon nga të tjerat në bazë të vështirësisë apo kohës që marrin deri në realizimin përfundimtar. Duke qeshur ai thotë se ka filluar të pikturojë që në momentin që në dorën e tij u gjend lapsi i parë.

Përtej shakasë, gjithmonë e mbaj mend veten time duke zhgaravitur apo vizatuar diçka, diku, që nga muret e shtëpisë te librat e shkollës, telajot dhe për t’iu rikthyer mureve po kësaj here në formë më të organizuar. Më pëlqejnë më tepër tematikat që komunikojnë diçka përveç shkaktimit të një ndjenje. Nuk parapëlqej të punoj natyra të qeta ose peisazhe. Piktura ime zakonisht orientohet më tepër rreth tematikave simbolike ose portreteve dhe mimikës së tyre si një formë e shfaqjes së shpirtit . Gjithsesi kjo është një zgjedhje personale që varet nga secili artist, nuk ka të vërtetë apo të gabuar në të. Nuk besoj se pikturat mund të ndahen në të vështira dhe të lehta, por më tepër në vepra që të frymëzojnë më tepër dhe më pak. Të parat, sado të jenë të ngarkuara me detaje dhe të kërkojnë një përsosmëri teknike janë më të thjeshta pasi rëshqasin mbi dallgën e frymëzimit, e cila e bën gjithçka më të thjeshtë. Të dytat, ose veprat ku gjendesh më pak i frymëzuar kërkojnë një dozë më të lartë vullneti për t’u realizuar pashkas se teknikisht mund të jenë më të thjeshta.” – shprehet Karanxha.

LEXO EDHE:  Turqi/Gjykata dënon dy karikaturistë, vizatuan Erdogan

Ardi është i vetmi artist korçar që krahas pikturës, ka treguar talentin e tij të veçantë edhe në karikaturë. Një lloj tjetër arti që nxjerr në pah edhe mënyrën që ai i sheh personazhet, duke u vendosur nota humoristike, gjë që e bën shumë interesant artin e karikaturës në duart e artistit korçar.

Perfeksionimi im në gjininë e karikaturës ka qene rastesor. Fillimisht duke dashur të kthej në sa më humoristike tiparet e një shokut tim të ngushtë, i ekzagjerova ato dhe feedback-u i personave që e panë ishte shumë pozitiv. Në hapat e para e mora lehtësisht dhe në formë humoristike këtë gjini, por me kalimin e kohës fillova ta perfeksionoj dhe t’i vesh asaj një trajtë më të thellë dhe komunikative. Karikatura përfaqëson një nga format më të vështira të artit pasi veç zotërimit të aftësisë për të kapur tiparet e një portreti ti duhet dhe të fitosh aftësinë për të luajtur, imagjinuar dhe krijuar mbi to duke i deformuar, theksuar apo nënvlerësuar. Kam realizuar dy ekspozita në gjininë e karikaturës, një në ambient privat dhe tjetrën në ambientet e Shkollës së Parë Shqipe. Përshtypjet janë të formave dhe natyrave të ndryshme. Gjithsecili ka një mekanizëm krejt origjinal perceptues që filtron sipas mënyrës së vet atë që sheh ose kupton nga vepra. Ka pasur një pjesë shikuesish që kanë theksuar trajtën humoristike të veprave, një pjesë janë fokusuar tek mesazhet dhe simbolet që kanë evidentuar tek punimet e mija, ashtu si dhe një pjesë që ka pasur si fokus tiparet teknike të realizimit.” – tregon më tej Ardi.

Ndërsa e pyesim lidhur me vëmendjen që po merr arti i pikturës ditët e sotme, dhe me të rinjtë që mbase mund ta kenë lënë pas dore përfshirjen e tyre në art, Ardi shprehet se dëshira për të vizatuar apo pikturuar, lind me njeriun dhe me të do të vdesë. E mesazhi i tij për këta të rinj është pikërisht pak më poshtë.

Piktura dhe nëngjinitë e saj nuk besoj se janë të rrezikuara të zhduken, ato thjesht sot kanë marrë trajta të reja dhe i janë përshtatur ndryshimeve të kohës dhe teknologjisë. Ka një përhapje shumë të madhe të artit urban dhe pikturave murale në qendra të banuara apo objekte banimi ashtu si dhe të artit dixhital (sidomos në gjininë e karikaturës) . Unë nuk jam askushi për të dhënë mesazhe, por mund të them që do doja ta jetoja pjesën tjetër të jetës sime në një botë ku të rinjtë shprehin, mendohen dhe konsumojnë energjitë e tyre në gjëra më me thelb dhe me peshë se thjesht shfaqja e formave të trupit të tyre. Arti është një mjet shumë i fuqishëm nëse përdoret në mënyrën e duhur dhe rrjetet sociale mund të jenë arena ideale e përhapjes së tij.”

Me siguri që të gjithë mezi po prisni të shihni punimet e Ardi Karanxhës, dhe këtë gjë ai na e bëri të mundur nëpërmjet fotove të pikturave dhe karikaturave të realizuara kohët e fundit nga artisti korçar. Ju ftojmë ti shihni në galerinë më poshtë.

Kontakt Ardi Karanxha 0683012234/CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Në QYTETIN tim

FOTOT- Natyrë dhe art/ Kolonja “pushtohet” nga panelatat e piktorëve

Publikuar

-

Nga

cna lajm show

Këtë fundjavë Kolonja është “pushtuar” nga panelatat e piktorëve.

Më shumë se 40 artistë janë fotografuar duke pikturuar në zonat më të veçanta të kësaj treve, si Rehova, Borova etj.



Për më shumë ndiqni galerinë e mëposhtme./CNA.al

LEXO TE PLOTE

Në QYTETIN tim

VIDEO- Një vizitor i rrallë në liqenin e Ohërit

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Prej kohësh flamingot kane qënë prezentë në liqenin e Ohërit. Por sa vjen dhe prezenca e tyre rrallohet, njoftoi Agjencia e Zonave të Mbrojtura.

Ky vizitor i rrallë dhe special per liqenin tonë mahnit të gjithë vizitorët të cilët duan të kalojnë kohë në këtë liqen.

Flamingot qëndrojnë zakonisht në pjesën e zonës midis ish-Vilave rezidenciale dhe Drilonit, duke qenë se niveli i liqenit bie dhe ky vend  gjason me habitatin e tyre.


Çfarë duhet të dimë për flamingot:



LEXO EDHE:  Turqi/Gjykata dënon dy karikaturistë, vizatuan Erdogan

LEXO EDHE:  Turqi/Gjykata dënon dy karikaturistë, vizatuan Erdogan

Flamingot janë shpendë që migrojnë në vendet e ngrohta dhe parapëlqejnë ujëra të kripura dhe të cekëta ku gjejnë ushqimin e tyre të zgjedhur. Në vendin tonë habitati i ketij lloji është Laguna e Nartës dhe Karavastasë.

Vemendje të veçantë tërheqin për qytetarët që kalojnë në këtë vend të cilët realizojnë foto dhe video duke e parë si dukuri të rrallë për zonën.

Duke qenë një specie e rezikuar bëhet shpesh herë apel për mbrojtjen e tyre./CNA.al

LEXO TE PLOTE

Në QYTETIN tim

Nga Ilia Ballauri/ Molla në Korçë, dikur

Publikuar

-

Nga

cna lajm aktualitet

Për mollën (Malus comunus) e Korçës, hulumtimet e bëra tregojnë se, është pikërisht malësia e Gorës ku mendohet se ajo është më e lashtë dhe shumë e vjetër. Këtu por edhe në Opar madje, konstatohet edhe një lloj molle e egër, e rrjedhur jo prej fidani po prej fare, e quajtur në gjuhën e popullit, Mollçinka. Kjo më pas shërbente edhe si nënshartesë.

Në mes të shek. 20-të, në malësinë e Gorës gjendeshin akoma këto lloje të vjetra mollësh, e quajtura Majoshka, ajo Kulaçe, Ohrinka (me origjinë të vjetër, prej Ohri) dhe Ajvaneja. Këto konsideroheshin si shumë të vjetra. Ndërkaq, Ajvaneja gjendej në ato kohë edhe në Teqenë e Leskovikut, kurse në Pogradec gjendej një soj i vjetër i quajtur, E Shtrëmbra, e cila prodhonte mollë jo simetrike, por shumë të mira. Në Bilisht gjendej molla e quajtur, E Shënd’Ilisë, e cila kish si karakteristikë se hynte vonë në prodhim (pas 13-14 vjet).

Tani, Molla e Shtrembër e Pogradecit ka patur, frut jo të rregullt, me madhësi mesatare, ngjyrë të kuqëremtë në të verdhë, tul të verdhë në krem dhe shumë të ëmbël. Molla e Shënd’ Ilisë, e Bilishtit, është zbuluar më 1936 në manastiri i Hoçishtit. Fruti ka patur formë të bukur dhe ka qënë mollë e shijshme. Ndërkaq, për mollën Ohrinka që rritej në Gorë, sipas të dhënave, ka hyrë tek ne prej Ohri në mes të shek. 19-të. Ohrinka ka patur frut mesatar, konik, ngjyrë të verdhë në të kuqëremtë, tul të bardhë, e ëmbël dhe e shijshme.

Ndërkaq në literaturë përmënden edhe këto soje të vjetra, E bukura e Voskopit, e cila theksohet se ka qënë si pjalmëzuese shumë e mirë, dhe se ka pas qënë mjaft e përhapur edhe në fshatin Libonik, lloji Erseka (Kalvila e Kuqe me origjinë prej Firences) me frut të kuq, të shijshëm të ëmbël dhe lloji Devollitja (Kalvila e bardhë po ashtu me origjinë prej Firences) me frut të madh, të verdhë, me vello të kuqe.

LEXO EDHE:  Roland Karanxha prezanton ekspozitën “Vazhdimësi”

LEXO EDHE:  Roland Karanxha prezanton ekspozitën “Vazhdimësi”



Në Korçë, në Bilisht dhe në Pogradec në vitet 1934 – 1938, përmëndet se ka patur pemtore të rregullta mollësh. Ndërkaq më 1929, sipas literaturës janë furnizuar pemtoret e Shqipërisë me material nga Padova e Italisë, me sojet Anurka, Rene Kanadeze dhe Roza Montavana.

Më 1933 janë importuar nga Firencia e Italisë sojet, Starking, Delicious, Golden, Kalvila, Jonathan dhe Renete. Ndërkaq prej Ohrit dhe Resnjës, kanë hyrë sidomos në zonën e Korçës këto lloje, Tetovka (pra nga Tetova), Karapashka (që emri i saktë i së cilës është Kara Pasha =  pashaj esmer), Jonathan, Ohrinka dhe Renete. Në Korçë, sipas literaturës para luftës së dytë ka patur edhe fidanishte me mollë. Të dhënat e vitit 1956 tregojnë se në fidanishten e Korçës ka patur këto materiale, Starking 40%, Deliciose 30%, Janathan 15%, Tetovkë 10%, etj., në Bilisht, Starking 50%, Renet 20%, Tetovkë 20%, etj., në Ersekë, Renet 20 %, Roza Montavana 20%, Tetovkë 20%, Belfior 10%, etj., në Pogradec, Starking 50%, Tetovkë 20%, Jonathan 20%, etj. Teovka ka qënë mollë me frut mesatar, ngjyrë të verdhë në të kuqe, formë kon i prerë, tul të bardhë në krem, me aromë. Anurka ishte mollë me origjinë napolitane, me frut ngjyrë të kuqe të verdhë, frut të butë të shkrifshëm dhe thuhet se më 1956 ka qënë shumë e përhapur në Korçë. Për Jonathan-in e Korçës thuhet se pat hyrë këtu prej Resnjës së Jugosllavisë së dikurshme në vitet 1927 – 30.

Dr. Ilia V. Ballauri,

Nxjerrë nga: “Erozioni gjenetik dhe mbijetesa e sojeve, tek bimët bujqësore të traditës, në zonën e Korçës, 2014″

LEXO TE PLOTE