Connect with Us

Grafomania e Petrit Vasilit/ Marrëzi totale dhe degradim i pashërueshëm

Opinione

Grafomania e Petrit Vasilit/ Marrëzi totale dhe degradim i pashërueshëm

Publikuar

-

Nga Matteo Neçori-

Sfudent i fakultetit të mjekësisë

Petrit Vasili ose deputeti 362 është një grafoman i shkallës më të rëndë. Si asnjë tjetër, sepse në fakt nuk ka tjetër në ligësi e pafytyrësi, në idiotësi dhe në neveri si ai, shkruan nga 4-5 statuse në ditë dhe me pacipësinë e tij prej torollaku politik i merr ose ju shkruan gazetarëve që t’ia publikojnë nëpër portalet apo gazetat ku ata punojnë.

Për mua si student i mjekësisë që po specializohem për mjek psikiatër ky është një subjekt interesant studimi, pasi është shembulli më klasik i të sëmurit grafoman.

Që ju të dashur lexues ta kuptoni më qartë sa po shkruaj, po ju shpjegoj me pak fjalë se grafomania është një nevojë e pakontrollueshme për të shkruar, e cila zakonisht rezulton me marrëzi totale.

Prandaj, punimet e grafomanëve shpesh nuk u interesojnë kritikëve dhe lexuesve. Grafomania, si çdo sëmundje e ngjashme, mund të ketë shfaqje dhe forma më të rënda. Ashtu si diagnozat e tjera në këtë zonë, çmendja për shkrime të padobishme dhe të panevojshme kthehet në një mani.
Grafomania në psikologji cilësohet si një dëshirë patologjike, një pasion i papërmbajtshëm i një personi për të shkruar në mungesë të aftësive adekuate.

Siç mund ta kuptoni nga sa shpjegova më lart, Petrit Vasili nuk është gjë tjetër por një grafoman me simptoma të rënda që meritojnë trajtim klinik të durueshëm dhe të shtrirë në kohë.

Referuar studiuesve më të njohur në botë në keto lëmi, shkaqet e grafomanisë mund të jenë disa, por më kryesoret janë pasiguria, dëshira për përsosje, largim, izolim, tjetërsim, karakteri i dyfishtë, deficensat mentale dhe fizike etj.
Për shembull, një individ shoqëror i vetmuar me vetëvlerësim të ulët nuk mund të gjejë një gjuhë të përbashkët me askënd dhe i derdh ndjenjat dhe mendimet e tij në një copë letër, në rastin tonë si subjekti Petrit Vasili përmes statuseve dhe kembënguljes deri në paranojë që domosdo duhet t’ia publikosh. Pra, thënë ndryshe,
grafomania është një lloj përpjekjeje për të derdhur shpirtin mbi letër. Krijimet e grafomanisë janë pjesë e botës së tij të vetmuar dhe të dhimbshme. Psikologët kanë zbuluar modelin e mëposhtëm: sa më shumë që një person vuan nga grafomania pra nga sëmundja që të shkruajë pa menduar për përmbajtjen dhe faktin që tek lexuesit shkrimet e tij ngjallin neveri, aq më pak ai pushon të ketë nevojë për komunikim të vërtetë dhe të gjallë.

LEXO EDHE:  Çfarë do bëjë Ilir Meta nëse shkarkohet?/ Kryemadhi tregon “planet”

Shenjat kryesore të grafomanisë përfshijnë vështirësi në të nxënë, paaftësinë për të punuar me veten, paaftësinë për të ndjekur një rrugë progresive.
Përveç këtyre, shenjat e grafomanisë konsiderohen si një përsëritje obsesive e imazheve, deformimeve në materien e mendimit që shfaqen në lajthitjet e sintaksës, të stilistikës, të fjalorit, të entuziazmit për imazhe të zakonshme, intolerancës ndaj kritikëve apo ndaj mendimeve të të tjerëve që shkon deri në armiqësi ndaj tyre. Të gjitha punimet e grafomanëve janë mjaft stereotipike dhe të mërzitshme.
Grafomanët zakonisht e duan absolutisht gjithçka që shkruajnë vetë. Ata janë thjesht të lumtur me vetveten.

Trajtimi i grafomanisë varet nga ashpërsia e manifestimeve të sëmundjes. Pra, një hobi për ndonjë hobi të ri ose zëvendësimi i grafomanisë me një pasion tjetë mund të ndihmojë një fillestar grafoman. Domethënë nëse grafomania e një individi shprehet në një formë të dobët, atëherë ai thjesht duhet të tërhiqet nga mashtrimi i padobishëm i shkrimeve të tij, duke e bërë atë të interesuar për diçka tjetër.
Por një person me një formë të rëndë të sëmundjes diç është edhe rasti i subjektit tonë kërkon trajtim të specializuar psikoterapeutik dhe ilaçesh. Terapia me ilaçe konsiston në marrjen e ilaçeve psikotrope ose antipsikotike.

Midis metodave terapeutike, shkencëtarët kanë provuan të jenë mjaft efikasr psikoterapitë familjare dhe terapitë njohëse-biheviorale.
Terapia njohëse-biheviorale ka për qëllim eleminimin e ndrojtjes, pasigurisë, tjetërsimit, rritjen e vetëvlerësimit dhe zhvillimin e guximit tek një pacient. Veçanërisht e rëndësishme në trajtimin e grafomanisë është mbështetja e të dashurve dhe komunikimi me ta.
Njerëzit e afërt duhet ta rrethojnë grafomaninë me kujdes dhe ngrohtësi.
Vetëm përpjekjet e mjekut dhe të afërmve që synojnë shërimin do ta ndihmojnë grafomaninë të largohet nga shkrimet e pakuptimta.
Në disa burime shkecore më të fundit, lobotomia ose prerja e lobeve frontale të trurit përmendet si një kurë efektive për grafomaninë.

Në mjedisin politik shqiptar grafomanët janë të shumtë, por Petrit Vasili është padyshim rasti më tipik jo vetëm i shfaqjes së simptomës, por edhe i rrezikut që mbart për shkak të të qenit përherë i pranishëm publikisht.

Ai duhet ndihmuar sëpari nga njerëzit e vet të afërm, por edhe nga ata që ai i dëgjon e ketu kam parasysh vetë zotin Meta që e urdhëron, i cili nuk duhet ta shpërdorojë grafomanin e vet deri në keto permasa që e kthejnë atë në një rrezik eminent për lexuesin./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Nga Andi Bushati/  Ballkanizmi i ambasadorëve të perëndimit

Publikuar

-

Nga

“Zoti Luli” timonin gjithmonë nga gremina

Ambasadorët kryesorë të perëndimit në Tiranë janë bërë sot protagonistë të një parade turpi që reket tu’a shesë shqiptarëve sapunin për djathë. Ata kanë folur me superlativa për foshnjen e tyre që lindi e vdekur duke përkujtuar përvjetorin e pestë të Reformës në Drejtësi. Kryediplomatja amerikane Kim përmendi edhe njëherë argumentin e lodhur të spastrimit të gjykatësve të korruptuar, ndërsa kolegu i saj Soreca e quajti atë si një nga hapat më të rëndësishëm që janë ndërmarë që pas rënies së diktaturës.

Në fakt, është krejt e kundërta. Po të shikosh të gjithë argumentat propagandistikë që u përdorën në këtë vit jubilar, ato lidheshin me një sukses të vetëm, spastrimin nga vettingu të mbi 200 gjykatësve dhe prokurorëve.

Kjo shifër ka përmbytur prej dy ditësh titujt e servirur të medieve, a thua se qëllimi primar i këtij aksioni të nxitur nga ndërkombëtarët ishte thjeshtë organizmi i një gjuetie shtrigash. Nuk ka dyshim se drejtësia e vjetër shqiptare kishte nevoja për një qilizëm të thellë të një mjedisi ku allishverishi ishte kthyer në normalitet, por objektivi kryesor i 140 deputetëve që votuan unanimisht në korrikun e 2016 duke duartrokitur përqafimin epshor Lu-Vlahutin, nuk ishte ky.

Ai qe krejt tjetër: rivendosja e një sistemi ku peshorja e drejtësisë të ishte e ekuilibruar për të gjithë, goditja e atyre qau fiksuan në zhargonin e ndërkombëtarëve si peshq të mëdhenj dhe ringritja e një sistemi koherent dhe funksional për ti përballuar këto sfida.

Cili është bilanci? Pothuajse afër zeros.

A beson dikush sot se një qytetar i thjeshtë, që i bie fati i keq të jetë në konflikt për truall ndërtimi me oligarkun e mbështetur nga pushteti, mund të gjejë të drejtën në gjykatat shqiptare? A ka shpresë familja e një minatori të vdekur në galeri të fitojë atë që i takon? A ka optimistë që imagjinojnë, se për ata që humbën jetën nga neglizhenca ulëritëse në pallatet e shembura nga tërmeti në Thumanë, drejtësia do të thotë ndonjëherë fjalën e saj?

Në këndvështrimin e një drejtësie që funksionon për të gjithë njësoj ne jemi ende po aq larg sa pesë vite më parë. Por edhe në pjesën më të dukshme dhe më të prekshme të medaljes, punët nuk janë më mirë. Kushdo që e dëgjonte ambasadorin Lu që fliste që në 2018, se rënia në rrjetë e peshqve të mëdhenj ishte punë javësh, sot nuk i mbetet ve[se të tallet.

Kjo reformë jo vetëm i ka bërë më të pa cënueshëm njerëzit me pushtet politik dhe ekonomik, por ata po ndihen aq të fortë sa mund të diktojnë edhe vettingun si në këtë rastin e fundit kur shpërtheu një përplasje publike mes lokalëve dhe ndërkombëtarëve.

LEXO EDHE:  “Dush zhuli në WC e Surrelit”/ Petrit Vasili i ashpër me Edi Ramën

Pra, ndonëse qëllimi i kësaj reforme ishte ti jepte fund pandëshkueshmërisë, deri më tani ajo vetëm është betonifikuar.

LEXO EDHE:  Nga Kreshnik Spahiu/ Populli s’duhet shkatërrojë varrezat turke, por të varros 4 varrexhinjtë e Shqipërisë! 

Edhe mënyra se si u konceptua reforma, se si ajo ra pre e kalkulimeve dhe interesave të vogla të njerëzve më pushtet, për të pasur sa më shumë ndikim, prodhoi një katastrofë. Tashmë provohet gjërësisht se fillimi i saj nga lart poshtë ishte një gabim.

Kështu përshëmbull shkatërrimi i Gjykatës Kushtetuese, që i kishte zbrapsur mbi 40 ligje pushtetit të Berishës dhe filloi të godiste me një njëjtën vullnet edhe kapërcimin e kufijve nga qeveria Rama, solli pasoja shkatërrimtare. Vendi mbeti për tre vite pa këtë organ që ende nuk është i plotë, duke i i hapur rrugë amuzimeve kolosale nga shumica në pushtet. Vetëm një shembull banal. Po të kishim pasur Gjykatë Kushtetuese sot Teatri Kombëtar do të ishte ende në këmbë.

Gjithëashtu vendi mbeti nga 2017 deri në 2019 pa Gjykatë të lartë, që ende nuk funksionon, duke bërë që drejtësia të mungojë për mbi 30 mijë dosje që presin në radhë.

Po të flasësh pastaj për një SPAK dhe një Gjykatë të Postame që vendimet ua rrëzon gjykata e Strasburgut, që nuk kanë këllqe të marrin në shqyrtim krimet elektorale po iu përcjellin prokurorive e gjykatave lokale, që vazhdojnë ti shikojnë me venerimin e përëndive pushtetarët e lartë, gjendja bëhet krejtësisht e pashpresë.

Janë pikërisht këto elementë që e detyruan Fondacionin Soros dhe Komitetin Shqiptar të Helsinkit të botonin që në 2019 një sondazh ku thuhej se 63% e shqiptarëve nuk besonin më se vettingu ishte i drejtë. Po ashtu edhe në Bruksel u arrit në përfundimin se terapia e rëndë, që u zgjodh të aplikojej në Shqipëri krijon aq shumë probleme, sa nuk rekomandohet të kopjohet edhe në vende të tjera.

Por pavarësisht nga këto, ambasadorët e perëndimit në Tiranë, vazhdojnë të flasin si për një histori suksesi, duke u përpjekur të arsyetojnë mbi 60 milionë eurot tashmë të shpenzuara për këtë fiasko.

Edhe gjatë konferencës së fundit për 5 vjetorin e reformës ata zgjodhën të përdorin sërisht epitete lavdëruese për një gërmadhë që nuk funksionon duke huazuar metodat e politikanëve vendas që përpiqen ti imponojnë publikut një realitet që nuk ekziston. Prandaj në këtë përvjetor mund të thuhet me ironi se reforma që u nis me ambicien për të perendimorizuar Shqipërinë duket sikur po përfundon me ballkanizmin e përfaqësuesve të perëndimit të Tiranë./ CNA.al

LEXO TE PLOTE

Opinione

Nga Artan Fuga/ Kali që na grabit kalorësin

Publikuar

-

Nga

Nga Artan Fuga/ Kali që na grabit kalorësin

Çfarë shenje do të më jepte të kuptoja që ne jemi bërë qenie të ndërgjegjshme për fatet tona kombëtare?

Një që e kam fiksim është kur në vend të Skënderbeut mbi kalë te sheshi i kryeqytetit të kemi shtatoren gjigande të Ali Pashës që në këmbë drejt si qiriri, pa kokë, të mbajë në njerën dorë kokën e vet, të prerë, me leshra të mpleksura dhe me gjak, dhe me dorën tjetër të bëj shenjë sikur na tregon rrugën nga duhet të shkojmë!

Të paktën kaq të bëjnë bizneset, ta financojnë këtë shtatore.

Po Skënderbeun çfarë ta bëjmë? Kur ta zbresim nga kali dhe ta vendosim në një fron mbretëror duke kapur mjekrën me dorë dhe u menduar duke parë në horizontet e së ardhmes, vendosur me kurriz nga Universiteti Politeknik duke parë Bulevardin në drejtim të maleve të Krujës, drejt Mirditës, Shkodrës, Tetovës, Prishtinës, e po deshët tutje drejt Evropës Perëndimore!

LEXO EDHE:  Meta zbulon detajet nga mbledhja e Këshillit të Sigurisë/ Për çfarë debatuan Rama dhe Basha

LEXO EDHE:  Si e priti LSI marrëveshjen Rama-Basha?!/Vjen reagimi i parë

Mbi kalë askush nuk mendon, prandaj sa dua Gjergjin aq e urrej kalin e tij! O Zot hyjnizojmë kalin që na ka grabitur kalorësin!

Deri atëhere, hajde i biem legenit kot! Historia jonë e shekullit 21 ka përfunduar, përndryshe me gjëma më të mëdha se këto që kemi parë!/ CNA.al

LEXO TE PLOTE

Opinione

Hetimi i korrupsionit të lartë/ Paralajmëron Ngjela: Shumë shpejt do të ‘plasë’, do dëgjoni bëma

Publikuar

-

Nga

Hetimi i korrupsionit të lartë/ Paralajmëron Ngjela: Shumë shpejt do të plasë, do dëgjoni bëma

Hetimi i korrupsionit të lartë po vijon.

Askush nga të korruptuarit e lartë, drejtorë, ministra e kryeministra nuk e di se çfarë do të ndodhë kur të plasë.

Këta ende nuk e besojnë se mund të ndodhë, ndërsa ndonjëri, me mendjelehtësinë e provincialit gënjeshtaro-katundar, mendon se ka forcë kërcënuese kundër hetimit.

Asgjë nuk bëjnë dot.

Çfarë do të bëjnë të korruptuarit kur të denoncohen publikisht bëmat e tyre vjedhëse? (Shpejt do t’i dëgjoni)

Kjo do të mjaftojë, sepse shqiptarët do të prekin tragjedinë e tyre, e shkaktuar nga vjedhësit e pasurisë së tyre.

Keni për të dëgjuar episode vjedhjesh me karakter antinjerëzor, që hasen vetëm në shoqëritë krejt primitive.

Një shtet i varfër, i vjedhur nga rrjepacakë që erdhën në pushtet si shpëtimtarë: kjo është historia e shqiptarëve në këta 30 vjetët e fundit.

Dhe të gjithë do të pyesin: po, çfarë u kishëm bëra që, me vjedhjen e tyre gjigande, na dëbuan nga Shqipëria?

Çfarë u kishim bërë që na vodhën mundin dhe na grabitën atdheun e na lanë pa atdhe?

Kur të dëgjohen bëmat korrupsionit të lartë shtetëror, sigurisht që do të ketë revoltë të madhe hakmarrëse në Shqipëri, dhe shteti mund të vendoset në një gjëndje shumë të vështirë për t’i mbrojtur, drejt gjyqit.

Një çifti i ikën fëmijët për punë në Perëndim; dhe kanë dhjetë vite që nuk i kanë parë (por këta janë me mijëra); janë ndarë familjet, se nuk kishin me çfarë të jetonin në Shqipëri (edhe këto janë mijëra); kanë ikur familje të tëra që nuk jetonin dot familjarisht në Shqipëri (edhe këto, mijëra janë, që humbën traditën e ngrohtësisë familiare në atdhe).

LEXO EDHE:  Meta zbulon detajet nga mbledhja e Këshillit të Sigurisë/ Për çfarë debatuan Rama dhe Basha

LEXO EDHE:  Nga Kreshnik Spahiu/ Populli s’duhet shkatërrojë varrezat turke, por të varros 4 varrexhinjtë e Shqipërisë! 

Të gjithë ata njerëz me moral të lartë, që kanë mbajtur familjet këtu me dollarë për të jetuar, duke punuar vetë dy punë në Perëndim, dhe të gjithë ata që do të kuptojnë të vërtetën e varfërisë së tyre ekstreme në Shqipëri, që ka ardhur nga grabitja që iu ka bërë një lukuni e madhe grabitësish të korruptuar: nënpunës, drejtorë, ministra e kryeministra vjedhës të shqiptarëve – do të krijojnë normalisht urrejtjen e tyre hakmarrëse kundër keqbërësve.

Keni për ta parë.

Dhe, e gjithë kjo tablo, do ta bëjë dënimin dhe shtetëzimin e pasurisë së tyre të vjedhur, një gjë shumë të lehtë, se faktet dhe provat e grabitjes, janë shtypja psikologjike e vjedhësve të kapur në vjedhje.

Dhe këto janë, miliarda e miliarda Euro e Dollarë; janë pallate e vila luksi; janë makina e jahte luksozë; janë mijëra hektarë e mijëra apartamente.

Keni për t’i parë.

Dhe, sigurisht që dë të dëgjoni edhe historitë me makabritet të tyre, duke parë përrreth varfërinë e shqiptarëve…

 

LEXO TE PLOTE