Connect with Us

Drejtuesit gjermanë të biznesit kërkojnë heqjen e kufizimeve të udhëtimit në SHBA

Bota

Drejtuesit gjermanë të biznesit kërkojnë heqjen e kufizimeve të udhëtimit në SHBA

Publikuar

-

Ndër vite Gjermania ka investuar triliona dollarë në SHBA. Gjurmët e ekonomisë gjermane janë kudo nëpër kontinent. Por kufizimet e pandemisë në SHBA vazhdojnë të pengojnë udhëtimet e biznesit nga shtetet e BE-së.

Kompanitë me pronësi gjermane shtrihen në të gjithë Shtetet e Bashkuara, nga një vijë bregdetare në tjetrën, nga veriu në jug dhe pothuajse kudo tjetër. Sipas Departamentit amerikan të Shtetit, filialet amerikane të firmave gjermane punësojnë rreth 900,000 punëtorë amerikanë.

Gjermania është një nga ofruesit më të mëdhenj të Investimeve të Huaja Direkte në Shtetet e Bashkuara. Marrëdhënia e biznesit gjermano-amerikan është një nga më të fortat dhe më të qëndrueshmet në botë. Por vendimi i administratës së Biden për të rivendosur dhe për të vazhduar me kufizimet e rrepta pandemike të udhëtimit për qytetarët e Bashkimit Europian është zhgënjyes për drejtuesit e biznesit gjerman.

Javën e kaluar, Shoqata e Industrisë së Inxhinierisë Mekanike Gjermane (VDMA), e cila përfaqëson industrinë e prodhimit të makinerive të vendit, i dërgoi një letër ambasadës së SHBA-së në Berlin, duke i kërkuar që të lejojë qytetarët gjermanë të udhëtojnë më lehtë përtej Atlantikut.

“Udhëtimet tregtare drejt SHBA-së duhet të mundësohen pa kufizime. Qeveria e Shteteve të Bashkuara të Amerikës aktualisht po bllokon udhëtarët europianë të bizneseve”, tha në një deklaratë për shtyp Ulrich Ackermann, specialisti i tregtisë së jashtme të VDMA-së. “Është e pakuptueshme që shtetet e Shengenit klasifikohen ende si zona me rrezik të lartë nga Shtetet e Bashkuara.”

Rregulla të ashpra për udhëtarët tregtarë

Në mars të vitit 2020, në fazat e hershme të pandemisë së koronavirusit, presidenti Donald Trump vendosi kufizime për europianët që udhëtonin drejt SHBA-së. Edhe pse ai i lehtësoi këto kufizime para se të largohej nga detyra, presidenti Joe Biden i rivendosi me shpejtësi.

BE kishte rregulla të ngjashme, por që nga mesi i qershorit të këtij viti, udhëtarët amerikanë kanë qenë në gjendje të udhëtojnë relativisht më lehtë në zonën Shengen, për shkak të niveleve të larta të vaksinimit dhe numrit të ulët të rasteve të infektimeve.

Gjithsesi ka përjashtime nga ky rregull. Qytetarët amerikanë dhe ata që kanë “Kartën e gjelbër” (Green Card), mund të udhëtojnë. Të tjerët mund të aplikojnë nëse punojnë në zona që përfshijnë “infrastrukturë kritike” ose “aktivitet të rëndësishëm ekonomik”. Kërkesa të tilla mund të bëhen në ambasadat amerikane dhe zyrat konsullore jashtë vendit.

Megjithatë, sipas Ackermann, përjashtimi nuk ndihmon shumë. Ai thotë se zbatohet vetëm në “raste të jashtëzakonshme” dhe zakonisht nuk vlen për gjermanët që dëshirojnë të udhëtojnë për të takuar klientë ose për panaire tregtare.

LEXO EDHE:  Prokuroria e Hagës ngriti aktakuzë/ Hashim Thaçi anulon udhëtimin në Uashington

Ai thotë se situata është më kritike për gjermanët (dhe qytetarët e tjerë të BE-së) me leje të përkohshme pune dhe të drejtash qëndrimi në SHBA, të njohur si mbajtës të vizave të punës jomigruese.

“Ata mund të aplikojnë për rregullat përjashtuese pasi hyjnë në Gjermani ose duhet të kenë qëndruar në një vend jo-Shengen për 14 ditë para se të kthehen,” tha ai.

Kjo do të thotë që një inxhinier gjerman që punon në një fabrikë makinash në SHBA, mund të kthehet në Gjermani, por rruga e kthimit do të ishte e gjatë, e komplikuar, e kushtueshme dhe e pasigurt. Shtuar kësaj situate edhe faktin se nuk ka përjashtime për njerëzit plotësisht të vaksinuar.

Humbjet e bizneseve të reja

Para pandemisë, fluturimet nga Gjermania drejt SHBA-së ishin të mbushura çdo ditë me udhëtarë biznesi: drejtues kompanishë që takonin klientët, ekspertë teknikë që vizitonin fabrikat, punëtorë që ktheheshin në shtëpi. Pandemia e dëmtoi këtë lëvizje intensive pasagjerësh mes dy vendeve, por fakti që edhe pas 18 muajsh udhëtime të tilla janë thuajse të ndaluara, është burim i një irritimi të madh.

“Kjo na pengon të bëjmë biznes ashtu siç jemi mësuar”, thotë Carl Martin Welcker, drejtor menaxhimi në Schütte, prodhues gjerman i veglave të makinave. Firma ka selinë në Këln por operon edhe me një kompani gjigante në Jackson, Miçigan.
Ai i tha DW-së se kufizimet i goditën bizneset në mënyra të ndryshme: nga ekspertët që nuk ishin në gjendje të udhëtonin për të ndihmuar në çështje teknike, deri tek biznesi i ri që humbet mundësinë për të takuar personalisht klientët.

Thirrje Merkelit për të zgjidhur çështjen me Biden

Në kuadër të takimit të kancelares Angela Merkel me Presidentin Biden në Shtëpinë e Bardhë këtë javë, drejtuesit gjermanë të biznesit shpresojnë se kjo mund të marrë zgjidhje.

Gjermania është ende larg lehtësimit të kufizimeve. Muajin e kaluar, Stavros Lambrinidis, diplomati i lartë i BE-së në Uashington, tha se Brukseli po punonte shumë për të zgjidhur çështjen dhe tha se ishte gabim që udhëheqësit e biznesit europian nuk mund të mbikëqyrnin personalisht investimet e tyre në SHBA.

Ai gjithashtu shtroi çështjen e europianëve që punojnë legalisht në SHBA, të cilët nuk janë në gjendje të kthehen lehtësisht në vend, edhe nëse janë plotësisht të vaksinuar. “Ne duhet të jemi në gjendje t’u japim sërish një shtysë të fortë ekonomive tona “, tha Lambrinidis në një aktivitet tregtar në Uashington./DW

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

Hoxhaj: Me mbështetjen e Rusisë, Serbia po kërcënon gjithë rajonin

Publikuar

-

Nga

Enver Hoxhaj, ish-ministër i Jashtëm i Kosovës gjatë një interviste në emisionin “Balkan Talks” shprehet se veprimi i qeverisë “Kurti” për vendosjen e reciprocitetit për targat është i duhur. Ai thotë se fakti që një gjë e tillë nuk është zbatuar pavarësisht marrëveshjes prej 2011, tregon se sa e paqëndrueshme është ‘status quo-ja’ në Kosovë.

Sipas z. Hoxhaj ka ardhur momenti për të zgjidhur problemet mes Kosovës dhe Serbisë dhe kjo mund të arrihet përmes rimodelimit të dialogut dhe krijimit të një momentumi të ri.

“Mendoj se është koha e fundit të rimendohet se si dialogu të riformatizohet dhe flitet vetëm për njohje të ndërsjellë dhe diskutohet vetëm për çështje teknike”, shprehet z. Hoxhaj.

Ish-ministri i Jashtëm theksoi se situata e krijuar nuk është një test për vetë Kosovën dhe Serbinë por edhe për Rusinë dhe Perëndimin.

“Padyshim që zhvillimet e fundit kanë dhe dimensionin gjeopolitik. Kërcënimet ushtarake të hapura të Serbisë, mobilizimi i ushtrisë dhe lëvizja afër kufirit me Kosovën si dhe gjuha kërcënuese nga Vuçiç dhe prania e vetë ambasadorit rus në një kazermë ushtarake në jug të Serbisë flasin se gjitha kjo është një test dhe për raportet mes Perëndimit dhe Rusisë ndaj duhet një vendosmëri më e madhe e BE dhe SHBA”, deklaroi z. Hoxhaj.

LEXO EDHE:  AKU paralajmëron 4 biznese/ Asgjëson 78 ton produkte ushqimore

LEXO EDHE:  Udhëtimi me autobus/ Dasho: Mospërdorimi i maskave prodhon rrezikshmëri



Ish-ministri i Jashtëm i Kosovës i lidh zhvillimet në Kosovë edhe me ngjarjen e ndodhur pak ditë më parë në Malin e Zi ku serbët provokuan nisjen e një konflikti civil dhe sipas tij Rusia dhe Serbia po kërkojnë të rikthejnë ndikimin në rajon.

“Vuçiçi nuk besoj se reagon vetëm në emër të Serbisë dhe padyshim që ka koordinim me Rusinë dhe këtu kërcënohet direkt integritet dhe sovraniteti i Kosovës nga Beogradi, por mbi të gjitha është një përpjeke që të kërcënohet i tërë rajoni. Një përpjekje për të prodhuar sa më shumë pasiguri në Ballkan në mënyrë që të bllokohet integrimi evropian”, tha z. Hoxhaj.

Ish-kreu i PDK shprehet se qeveria e Kosovës duhet të ketë qëndrim të qartë për marrëveshjet e arritura por duhet ta ketë dhe një mendim se si të ecët përpara me dialogun pasi vendosja e reciprocitetit është vetëm një lëvizje teknike dhe i duhet kushtuar rëndësi planit politik dhe diplomatik./euronews

LEXO TE PLOTE

Kosova & Rajoni

Situata kaotike në veri/ Kosova dhe Serbia takim në Bruksel

Publikuar

-

Nga

cna lajme rajon

Gjatë kësaj jave pritet të ketë takim mes përfaqësuesve të Kosovës dhe Serbisë në Bruksel, në të cilin pritet të marrë pjesë edhe zv.ndihmësi i sekretarit të Shtetit, Gabriel Escobar.

Lajmi është bërë i ditur nga një zëdhënës i Ambasadës së SHBA-së në Prishtinë, për gazetën Express.

Ky takim në Bruksel vjen pas situatës së krijuar në veri të Republikës së Kosovës, me vendosjen e reciprocitetit të targave.



“Ne jemi të kënaqur që Serbia dhe Kosova do të dërgojnë përfaqësues në Bruksel këtë javë për diskutime dhe inkurajojmë të dyja palët që të ri-angazhohen hapur, seriozisht dhe menjëherë. Zëvendës Ndihmës Sekretari i Departamentit të Shtetit për Çështjet Evropiane dhe Euroaziatike, Gabriel Escobar, do të udhëtojë në Bruksel këtë javë për të marrë pjesë në këto diskutime

Ne jemi të kënaqur që Serbia dhe Kosova do të dërgojnë përfaqësues në Bruksel këtë javë për diskutime dhe  inkurajojmë të dyja palët që të ri-angazhohen hapur, seriozisht dhe menjëherë. Zëvendës Ndihmës Sekretari i Departamentit të Shtetit për Çështjet Evropiane dhe Euroaziatike, Gabriel Escobar, do të udhëtojë në Bruksel këtë javë për të marrë pjesë në këto diskutime”, ka thënë ky zëdhënës i Ambasadës së SHBA në Prishtinë./ CNA.al

LEXO TE PLOTE

Bota

Vaksinimi i detyrueshëm për nxënësit mbi 12 vjeç në Los Anxhelos

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Drejtoria arsimore e qyteti Los Anxhelos do të kërkojë që të gjithë nxënësit mbi moshën 12 vjeç të vaksinohen plotësisht deri në janar, nëse duan të ndjekin shkollën, duke u bërë kështu distrikti më i madh shkollor në Shtetet e Bashkuara që vendos një rregull të tillë. Korrespondentja e Zërit të Amerikës, Angelina Bagdasaryan, bisedoi me ekspertët dhe banorët për këtë udhëzim të ri.

Nxënëset Zayna dhe Sara e mirëpritën me kënaqësi lajmin se qyteti i Los Anxhelosit do të kërkojë që të gjithë nxënësit mbi moshën 12 vjeç të vaksinohen plotësisht deri në janar, nëse duan të ndjekin shkollën.

“Do t’i mbrojë të gjithë nga COVID-i. Mendoj se duhet të shpëtojmë nga COVID-i sa më shpejt të jetë e mundur. Unë jam e vaksinuar, të gjithë në familjen time janë të vaksinuar!”, thotë Zayna.

“Mendoj se është më mirë për shëndetin e njerëzve!”, thotë Sara.

Duke filluar nga janari 2022, nxënësit e shkollave publike në Los Anxhelos do të jenë në gjendje të ndjekin shkollën vetëm nëse vërtetojnë se janë të vaksinuar. Kjo e bën atë distriktin më të madh shkollor në vend që jep një udhëzim të tillë.

“Ky është një vendim i vështirë në shumë fronte. Është e lehtë të presim që dikush të na thotë çfarë të bëjmë. Los Anxhelosi po udhëheq, sepse kështu duhet. Komunitetet tona nuk mund të presin”, thotë Monica Garcia, nga drejtoria arsimore e qytetit Los Anxhelos.

Udhëzimi vlen për 225 mijë nxënës nga klasa e gjashtë deri tek klasa e 12-të e shkollës së mesme. Autoritetet lokale raportojnë se shumë fëmijë mbi 12 vjeç tashmë janë vaksinuar, por rreth 80 mijë fëmijë mbeten të pavaksinuar. Një pjesë e madhe e prindërve mbështesin udhëzimin e ri.

LEXO EDHE:  Paralajmëron Luan Bregasi/ Nëse Covid-19 bëhet agresiv, ekonominë e pret një dimër shumë i vështirë

LEXO EDHE:  Rreptësohen masat në Kosovë/ Vendosen kufizime të reja



“Mendoj se është mirë për ta (fëmijët), sepse ke më shumë siguri i vaksinuar se sa i pavaksinuar”, thotë Carmen, banore e Los Anxhelosit.

Të tjerët, megjithatë, i kundërshtojnë me forcë rregullat e reja.

“Nuk e mbështes. Nuk mendoj se ka ende studime të mjaftueshme për të kuptuar vërtet se cilat janë efektet. Unë nuk jam në asnjë mënyrë kundra vaksinave, por mendoj se kemi nevojë për pak më shumë hulumtime”, thotë Lamar, banor i Los Anxhelosit.

Ata që kundërshtojnë vaksinimet e detyrueshme për nxënësit e shkollave po luftojnë gjithashtu kundër rregullit për maskat që është aktualisht në fuqi në Kaliforni. Si nxënësit ashtu edhe stafi i shkollës duhet të mbajnë maska në shkollë dhe të bëjnë një test për COVID-in çdo javë.

Profesori i sëmundjeve infektive Timothy Brewer beson megjithatë se së shpejti vaksinimi do të jetë i detyrueshëm jo vetëm për fëmijët mbi 12 vjeç, por edhe për fëmijët më të vegjël, pasi të miratohet nga shkencëtarët.

“Aktualisht po bëhen studime për sigurinë e vaksinave për fëmijët nën 12 vjeç. Mendoj se pasi t’i kemi këto të dhëna, atëherë do të shohim udhëzime edhe për fëmijët më të vegjël”, thotë Timothy Brewer, profesor i sëmundjeve infektive.

Zoti Brewer beson se edhe drejtori të tjera arsimore në të gjithë vendin do të ndjekin së shpejti shembullin e qytetit Los Anxhelos dhe do t’i bëjnë të detyrueshme vaksinimet për nxënësit e shkollave./voa

LEXO TE PLOTE