Connect with Us

Dëgjoni ç’ju them unë/ Flet demokrati Rilindas, Çlirim Peka

Opinione

Dëgjoni ç’ju them unë/ Flet demokrati Rilindas, Çlirim Peka

Publikuar

-

*Nesër Partia Demokratike mbledh Kuvendin e saj Kombëtar për të analizuar farsën zgjedhore, për të provuar manipulimin dhe blerjen e votës, por edhe për të zgjedhur Këshillin e ri Kombëtar, duke i hapur kështu rrugën zgjedhjes së Kryesisë dhe Sekretariatit të ri.

Demokratët shkojnë nesër në këtë Kuvend kokë ulur, të zhgënjyer, të mërzitur, të braktisur dhe të tradhtuar. Shumë prej tyre ndoshta edhe kanë bërë gati valixhet për tu larguar përgjithmonë, duke ju bashkuar qindra e mijëra të tjerëve, që nuk patën nervin të shpresonin deri në fund.

E ndërsa këta ‘mohikanë të fundit’ i drejtohen Pallatit të Kongreseve, në mendjen e secilit prej tyre nuk reshtin dilemat dhe pyetjet: si ndodhi? Çfarë ndodhi? Ku gabuam? A na i thonë të gjitha?

Në këto tre muaj demokratët kanë dëgjuar justifikime të pafund nga mbështetësit e lidershipit aktual, po kaq akuza të pafundme nga kundërshtarët e lidershipit, e po kaq analiza nga të baraslarguarit e këtyre kampeve. Në procesin e nxituar të zgjedhjes së kryetarit të ri të Partisë Demokratike, demokratët u ndeshën me një fushatë elektorale farsë.

Farsë, jo për shkak se kandidatët ishin pjesë e ‘lojës së Bashës’, porse platforma e tyre, ashtu si dhe e Bashës ishte farsë. Një qark falsiteti, mungese vizioni dhe paaftësie për të parashtruar një platformë që do të mund ti mblidhte të gjithë demokratët bashkë. Një mungesë e dhimbshme vizioni për të mbledhur të gjithë shqiptarët e zhgënjyer në përballjen me Ramën.

Kundërshtarët e Bashës veç e veç dhe të gjithë bashkë bënë një fushatë të bazuar në platformën se Basha është në pazar me Ramën. Edhe mund ta akuzosh kundërshtarin për një gjë të tillë, edhe mund ta personalizosh fushatën në sulme personale, por kjo nuk tregon lidership.

Të akuzosh Bashën se është në pazar me Ramën duhet së pari të provosh që ti vetë nuk je në pazar. Të akuzosh që është i lidhur me oligarkët, duhet së pari të kesh kurajën ti përmendësh me emër. Të akuzosh se Basha nuk është lider, duhet së pari të frymëzosh. Të akuzosh Bashën se shiti Berishën dhe nuk i doli në krah me rastin e shpalljes ‘non-grata’ duhet së pari të dalësh me një qëndrim politik të qartë, dhe jo mbash frymën për tu takuar me Ambasadoren Kim, e aq me pak të kesh kurajën për t’i shprehur pakënaqësinë apo padrejtësinë (reale apo të perceptuar). Nuk mund të hiqesh si ‘Berishist’ sa për të marrë votat e mbështetësve të tij dhe mos ta mbrosh.

I gënjen edhe Basha kur u thotë se ndërkombëtarët nuk mbështesin Ramën. Se amerikanët nuk mbajnë anën e tij. I gënjen sepse faktet tregojë të kundërtën. Nuk e kundërshtuan kur ai në mënyrë të njëanshme bëri Reformën Territoriale. Nuk e kundërshtuan kur ktheu Shqipërinë në laborator droge. Nuk e kundërshtuan as kur përdori trafikantë droge për të fituar zgjedhjet e vitit 2017.

Nuk e kundërshtuan as kur zhbëri ndryshmet kushtetuese për Reformën ne Drejtësi. As kur kapi të gjitha institucionet. As kur plotësoi vendet vakante në parlament në mënyrë anti-kushtetuese. As kur mbajti zgjedhjet lokale moniste. As kur shembi Teatrin në mënyrë të paligjshme. As kur mbushi parlamentin, administratën dhe pushtetin vendor me trafikantë droge, vrasës e përdhunues. As kur nxori Kosovën dhe detin në shitje, as kur ju vërsul mediave kundërshtare, apo kur i mbylli ato me kosto marramendëse për buxhetin e shtetit. As edhe kur zhbëri zgjedhjet e lira dhe të ndershme duke ndryshuar Kushtetutën, duke blerë apo duke përdorur grupet kriminale. Dhe lista vazhdon.

LEXO EDHE:  “Askush nuk e dëgjoi”/ Nikoll Lesi tregon mesazhin ulëritës të Mark Markut

Fatkeqësisht nuk ua thonë as kundërshtarët e Bashës. Nuk ua thotë as Doktori.

Nuk u thonë, sepse po ta thonë, do t’u duhet të tregojnë edhe ‘pse-në’. E, siç duket, asnjëri nuk ka kurajën ta hapë këtë temë. Aq më pak Basha.

Nuk është konspiracion, por fakt. Ashtu siç është fakt se as këtë radhë nuk ndodhi, përpos të gjithë argumenteve që përmenda më lart. Ashtu siç është fakt se lidershipi i opozitës sot gjendet i mbështetur pas murit. Ashtu siç është fakt se diplomatë amerikanë rendin pas çdo figure periferike të opozitës, sa tek Rudina Hajdari, sa tek Nisma Thurje, sa tek Edith Harxhi, e sa tek Leka Zogu.

As Berisha nuk është i hapur dhe i sinqertë me demokratët. Fatkeqësisht. Në kulmin e kësaj ‘embargoje’ ai nuk la studio televizive pa deklaruar e premtuar se tashmë do të kthehej fuqishëm dhe me kohë të plotë në PD dhe në politikën aktive. Por ai është i munguari i madh në Kongresin e nesërm. Që nga 2017 nuk ka demokrat që të mos ketë pyetur me zë dhe nën zë: po Doktori? Çfarë mendon ai? A konsultohet Basha me të? As demokratët e as ndërkombëtarët kurrë nuk morën një përgjigje shteruese nga ai.

Unë nuk kam një përgjigje të saktë apo shteruese për dilemat e, dhe mbi lidershipin e PD, apo mbështetjen e parezervë që i jepet Ramës. Arsyeja mund të jetë një e vetme, por mund edhe të jenë shumë. Më shumë se për çdo gjë tjetër, demokratët kanë nevojë për ta ditur. Dhe askush tjetër përveç Bashës nuk mund t’ua thotë.

Mund të jetë për fajin e tij, mund të jetë për arsye edhe më të mëdha sesa vetë ai. Ndoshta Rama u ofron gjëra që Basha nuk mundet, por ama duhet t’ua thotë. Ndoshta nuk kanë qasje të njëjta për çështje rajonale siç është marrëveshja përfundimtare Kosovë-Serbi, apo mini-Shengeni, apo një Jugosllavi e re. Ndoshta ka një projekt për ta lënë Shqipërinë jashtë BE. Ndoshta është çështje lobimi.

Ndoshta ka një projekt EU-US për një qeverisje të përbashkët midis dy partive të mëdha. Ndoshta është çështje lidershipi. Ndoshta lidershipi aktual nuk shihen si interlokutorë seriozë. Ndoshta ka një frymë të përgjithshme kundër partive konservatore dhe të djathta.

Të gjitha këto mbesin në kuadrin e hamendësimeve për aq kohë sa nuk kemi një përballje me të vërtetën, e për aq kohë sa askush nuk ua thotë demokratëve. As Basha, as Berisha, e as kundërshtarët e njërit apo tjetrit.

Nuk pres që nesër Kongresi i PD ta prekë këtë temë të nxehtë, por jam i sigurtë se çfarëdo që të thuhet në atë sallë, pyetja ‘pse ndërkombëtarët mbështesin Ramën’ do të jetë aty.

Në mos në mendjet folësve në podium, ne mendjen e secilit në atë sallë me siguri.

Nëse PD do të fillojë të ringrihet, fillimi është pikërisht nesër në atë sallë.

Dhe ringritja fillon gjithmonë duke ju përgjigjur pyetjeve të vështira

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Genc Pollo është shembulli, pse nuk hap njeri gojë në PD

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Nga Mero Baze

Në shtator të vitit 1990, kur kishin filluar gjestet e para kundër regjimit, sidomos pas hyrjes masive në Ambasada, kishte një pritshmëri të lartë që shtypi liberal, që në atë kohë identifikohej me gazetat e rinisë, të bënte ndonjë gjë që të binte në sy.

Në Shkodër ishin hapur fjalë se kishte pas përpjekje për të rrëzuar bustin e Stalinit, të tjerë thoshin kanë hedh trakte, por asgjë nuk ishte e qartë.

Dhe befas një të shtunë unë shikoj “Zërin e Rinisë” që kishte një titull të madh në krye: “Çfarë po ndodh në Shkodër?”

-Epo plasi, thashë më në fund. E shkruajtën këta!

Pasi e lexova me një frymë deri në fund, mësova se në Kooperativën e lartë në Dajç kishin marrë 130 kv misër për hektarë.

Mund ta merrni me mend se çfarë ndjen në këto raste, pasi pret një gjë tjetër.



Kështu më ndodhi sot me Genc Pollon. Pashë një titull të një opinioni të tij, ku ai fliste për nevojën e pozicionimit publik në debatet e ditës.

-Epo do të flasë dhe ky më në fund, thashë. Duke llogaritur që nuk e ka dashur kurrë Berishën, dhe kur kishte të drejtë, dhe kur nuk kishte të drejtë, mendova se do ta thoshte më në fund një fjalë për debatin më të madh të ditës, sidomos brenda PD, se çfarë duhet të bëjë PD me Berishën.

LEXO EDHE:  “Përvjetori i dashurisë”/ “Hija e zezë” që vijon të përndjekë Bashën

LEXO EDHE:  “Askush nuk e dëgjoi”/ Nikoll Lesi tregon mesazhin ulëritës të Mark Markut

Por shkrimi bënte fjalë për nevojën që komuniteti mysliman, duhet të flasë publikisht për incidentin me një komedian që ka qeshur kur ka kënduar hoxha.

Mund ta merrni me mend se çfarë ideje krijon njeriu në këtë rast, kur debati më i madh në selinë e partisë së tij ka të bëjë me ata që nuk ngrejnë zërin kur flet “hoxha’ i tyre.

Dhe kur në këtë debat nuk guxon të marrë pjesë as dikush që nuk e do vërtetë Sali Berishën, merre me mend se ç’debat mund të bëjnë të tjerët.

Arsyeja nuk është se ka dhimbsuri për Berishën, apo se nuk ka dëshirë të jetë protagonist në këtë histori. E di që dhe ai po plas t’i ndodhë gjë Berishës, por me dorën e të tjerëve, duke i nxitur ata.

Vetë është peng i kohës që ka ndarë me të dhe familjarët e tij, pushtet dhe para. Si gjithë ata që fshihen si struci.

LEXO TE PLOTE

Opinione

“Një si kusi, një si tenxhere, tjetri si tavë, e si xhezve”/ Edisop Ypi “fshikullon” gazetarët  

Publikuar

-

Nga

cna opinione

Nga Edison Ypi

Sende

Populli pordhëpjerdhës dhe rakipirës të kupton më mirë nëse individët e shquar ja krahason me sende.

Për shembull, t’i thuash popullit “Doktori është një Titanik” edhe tani kur Amerika e ka shpallur “Non Grata” dhe ja ka grisur velat, por megjithatë ai çan valët e oqeanit pa ju dridhur qerpiku kudo ku e degdis era, propulli të kupton më qartë se sa kur Doktorin e quan burrrnor, kanunor, karizmatik, e më the e të thashë.

Gjithashtu në funksion të një kuptueshmërie më të thellë popolare, jo me qasje subjektiviste efemere, por duke e krahasuar me një send, mund të thuhet se Edi Rama është një Ferrari që edhepse kundërshtarëve u duket gjithmonë humbës, ai del gjithmonë fitues, madje me rezultate që as vet’ Shtatnaltësisë nuk ja kishte marrë mendja.

Ilir Meta “Mal Tomorri” që prej mijra vjetësh goditet nga miliona rrufe, e hiç s’tundet nga istikami, është një tjetër shembull bindës se metoda e krahasimit me sende nuk ta lë kurrë pushkën në faqe.

Lul Basha në këto ditë makthi mes Shillës dhe Karibdës plot me peripecira dhe frikëra që ka me ja kallxu vorrit, s’mundet me qenë më tepër se një rrotë kaçkavalli në periudhë staxhionimi.

Erjon Veliaj, me shembjen e Teatrit të turpit, korsitë e biçikletave etj. ka bërë punëra të mrekullueshme. Por meqënse e ka dhi muhabetin me milionat që po shpenzon për rehabilitimin e Mozaikut të krimit, nuk meriton të krahasohet me më tepër se me një furçe me qime derri.

I rrethuar nga banakierë nukturnë që duken njëri si kusi, tjetri si tenxhere, tjetri si tavë, e tjetri si xhezve, Fevziu duket ekzakt si një garuzhde për leprozë me bisht metalik të gjatë.

Eh sa ngjan Sokol Balla me një zinxhir biçiklete të sapo blerë te rruga Qemal Stafa.

Muç Nano, i cili do bëjë mirë të ruhet nga ndonjë dron që mund ta kapi befas për rripash ta hedhi te ato humbëtirat andej nga Tomorrica, tani për tani luhatet mes telit me gjëmba dhe një bilbili të ndryshkur polici.

Që Flutura Açka është një zorrë e trashë për pompim ujrash të zeza, s’do as men as kalem, s’ka qorr që s’e sheh.

S’di pse Roland Qafoku më duket si një biçak çobani nga ata me të cilët priten berrat në fyt.

Andi Bejtja e di edhe vet që ngjan me një thes kërpi brenda të cilëve turistat dhe homelessat flejnë gjumë të thellë dhe shohin ëndërra të bukura.

LEXO EDHE:  Boçi: Bllokimi i doktoraturave bonus për klientët privatë të qeverisë, projektligji rrezikon të zhdukë universitetet publike

LEXO EDHE:  Pronarët nuk kompesohen/ Tabaku hedh dritë mbi skandalin

Carlo Bollinos, këtij “One man army”, s’ka pse t’i duket i ekzagjeruar krahasimi me dy shkopa që godasin disa tamburë me virtuozitetin e Gene Krupa.



Eni Vasili është ajo që më tepër se gjithkush tjetër meriton të krahasohet me një kavanoz pekmezi, mani ose rrushi, në varësi të humoreve të banakut.

Moza Ahmeti duhet të ndjehet e lumtur nga krahasimi me një tenxhere presioni pa valvul sigurimi për zjerje groshësh pllaqi’.

Kaç Myftari sqepar për gdhendje kafkash, është krahasim aq i bukur dhe i saktë sa të lë pa ment.

Fahri Balliut, për kontributet e shquara në përmirësimin cilësor të mediave të shkruara, lloz karabine ruse i shkon më së miri.

Sonila Meço, Nëmërçka dardhare që pas pak do bëjë hatanë në një televizion okulistik, duket toidhjo si acidi sulfurik me të cilin do shpëlajë çdo javë trutë e shqiptarëve nga zhulrat dhe dhjamrat e tepërta.

Syri i Çim Pekës, varkë shpëtimi.

Vetë Çim Peka, dylbi marinari.

Mero Baze, ky i pamposhtur i përjetshëm që godet e vret me shigjeta të helmatisura sa më të mëngjër e më të djathtë pa ja bërë tërr syri, pa guxuar askush t’i kthejë gjysëm fjale, se të gjithë prej tij dhjesin gjak, duket tamam si shkop gome polici nga ata me kavo çeliku brenda.

Ylli Rakipi me superinteligjencën e vet kolonjareske dhe muhabetet vizionare mahnitëse lidhur me të pathënat e kazaneve gjatë bisedave spektakolare kaleidoskopike në MCN TV, mund të qaset më së miri me një rotondë under construction si ajo e Shqiponjës te Unaza e Re.

E kujt nuk i ka rënë në sy teksti i përsosur i Ilir Yzeirit. Për efektet eksplozive çudibërëse të atij teksti, Yzeiri, pa pik droje, mund të shpallet llokum dinamiti.

S’di pse, sa herë më del para syve diplomati erudit Dritan Hila, në përfytyrim më çfaqet qëruesja e patateve, ose shtrydhësja e limonave, ose shtypësja e hudhrave.

Majlinda Bufi, Kryetarja e famshme e Roskovecit, është një gërshërë krasitëse që me ndjeshmërinë e Femrës dhe dashurinë e Nënës, me përpikmëri kompjuterike korrekton, ndreq, zbukuron, çdo ditë gjithçka nën juridiksionin e vet.

E kujt i plas se autoreferencialit Adi Krasta mund ti duket vetja më tepër se një rryp mesi hedhur në anë të rrugës nga një latitant që iku në drejtim të paditur.

LEXO TE PLOTE

Opinione

40 njollat e Rakip Sulit me tendera/ Njerëzit me të cilët po ndan paratë e Bashkisë së Kamzës

Publikuar

-

Nga

cna lajme politike

Nga Adriatik Doçi 

Bashkia e Kamzës, nën drejtimin e Rakip Sulit, ka finalizuar mbi 300 tendera me vlerë dhjetëra milionë euro, nga të cilët 40 tendera me njollë ose flamur të kuq.

Një tender me njollë është formalisht i ligjshëm, por identifikohet si i tillë për shkak të paracaktimit të fituesit në tavolinë, përmes mungesës së garës, mungesës së konkurrencës ose përjashtimit në bllok të të gjitha kompanive të tjera me ofertë më të ulët, përveç kompanisë së paracaktuar.

Kjo nuk e përjashton kurrsesi mundësinë që edhe tenderat e tjerë të zakonshëm të mos jenë korruptivë.

Simptoma e çdo tenderi me njollë është diferenca e papërfillshme mes fondit limit dhe ofertës fituese. Kjo është arsyeja se pse tenderat me njollë mbartin risk të lartë për klientelizëm dhe korrupsion. Madje vetë Edi Rama, disa ditë më parë, ndërhyrjet në tendera i konsideroi si ‘tradhtinë më të madhe’.

Komisioni i Prokurimit Publik, që është gjykata e tenderave në Shqipëri, e ka përfshirë Bashkinë e Kamzës në ‘listën e zezë’ të 10 institucioneve publike me më shumë ankesa ndaj procedurave tenderuese.

Kontrolli i Lartë i Shtetit, nisur nga sinjalizimet për abuzime të mundshme, ka zbarkuar me një grup auditi në Bashkinë e Kamzës, duke sekuestruar dosjet e tenderave.

Numri i tenderave me njollë i Bashkisë së Kamzës është shumë më i lartë se sa mesatarja vjetore e tenderave të tillë në 61 bashkitë e vendit.

Bashkia e Kamzës ka shfaqur gjithashtu tendenca të shmangies së transparencës rreth veprimtarisë së saj, tendenca ‘bunkerizimi’ dhe veprimi në errësirë.

Tenderat me flamur të kuq dhe përfituesit

Ndërtim i rrugës ‘Azem Galica’. Fondi limit 58 210 648 lekë. Oferta fituese 56 666 666 lekë. Përfituese Fatime Pali me kompaninë ‘Sireta 2F’, kompani e skeduar për korrupsion, si dhe Bujar Murati me kompaninë Euro-Alb, i arrestuar nga SPAK për korrupsion. Skualifikuar të gjithë konkurrentët përveç fituesit.

Tenderi për ndërtimin e fundit të rrugës Kosova. Fondi limit 8 566 080 lekë, oferta fituese 8 422 316 lekë. Përfitues Rasim Daci me kompaninë ‘Eglant’. Mungesë konkurrence.

Ndërtim të rrugëve “Gasper Suma” dhe “Fran Ivanaj”. Fondi limit 1 742 910 lekë. Oferta fituese 1 715 464 lekë. Përfitues Rasim Daci me kompaninë ‘Eglant’. Mungesë konkurrence.

Blerje tubash, fondi limit 5 278 580 lekë. Oferta fituese 5,240,100 lekë. Përfitues Rasim Daci me kompaninë ‘Eglant’. Janë skualifikuar të gjithë konkurrentët përveç fituesit.

Blerje materiale për kanalet e ujerave të zeza. Fondi limit 5 000 000 lekë. Oferta fituese 4 985 100 lekë. Përfitues Rasim Daci me kompaninë ‘Eglant’. Mungesë konkurrence.

Ndërtim i rrugës Bathore 5. Fondi limit 13 487 956 lekë. Oferta fituese 13 398 300 lekë. Përfitues Rasim Daci me kompaninë ‘Eglant’. Janë skualifikuar të gjithë konkurrentët përveç fituesit.

Kanalizime në Valias. Fondi limit 1 305 913 lekë. Oferta fituese 1 290 850 lekë. Përfitues Rasim Daci me kompaninë ‘Eglant’. Mungesë konkurrence.

Ndërtim i rrugës “Gjergj Fishta”. Fondi limit 8 518 739 lekë. Oferta fituese 8 391 000 lekë. Përfitues Rasim Daci me kompaninë ‘Eglant’. Mungesë konkurrence.

Vendosje depozita kolektive uji për furnizimin me ujë. Fondi limit 13 000 000 lekë. Oferta fituese 12 955 600 lekë. Përfitues Rasim Daci me kompaninë ‘Eglant’. Mungesë konkurrence.

Vendosje depozita në Paskuqan. Fondi limit 14 000 000 lekë. Oferta fituese 13 936 120 lekë. Përfitues Rasim Daci me kompaninë ‘Eglant’. Mungesë konkurrence.

Blerje kuti metalike për matësa uji. Fondi limit 3 160 000 lekë. Oferta fituese 3 096 000 lekë. Përfitues Rasim Daci me kompaninë ‘Eglant’. Mungesë konkurrence.

Rikonstruksion rruge. Fondi limit 4 499 438 lekë. Oferta fituese 4 477 250 lekë. Përfitues Rasim Daci me kompaninë ‘Eglant’. Mungesë konkurrence.

Dezifektim ambientesh, fondi limit 4 275 000 lekë. Oferta fituese 4 200 000 lekë. Përfitues
Flutura Nuredini dhe Marco Genicco me kompaninë NRG. Tenderi pa garë, me negocim pa njoftim.

Blerje pemë dekorative, fondi limit 16 666 667 lekë. Oferta fituese 15 994 856 lekë. Përfitues Fadil Shahini me kompaninë ‘Gjelbërimi 2000’. Mungesë konkurrence.

Linjë kanalizimi në Valias, fondi limit 2 487 835 lekë, oferta fituese 2 355 490 lekë. Janë skualifikuar të gjithë konkurrentët përveç fituesit. Përfitues Ramazan Kalia me kompaninë ‘Liqeni VII’. Janë skualifikuar të gjithë konkurrentët përveç fituesit.



Blerje ushqime për familje të varfra. Fondi limit 2 000 000 lekë. Oferta fituese 1 999 350 lekë. Përfitues Elona Ndrecaj dhe Mark Nika. Me negocim, pa njoftim.

LEXO EDHE:  Basha takon demokratët/ Iu ngjit atyre “vesin e shpirtit”

LEXO EDHE:  Zgjedhjet vendore/ PD zyrtarizon kandidatët për 3 bashki

Blerje ushqime për familje të varfra. Fondi limit 3 000 000 lekë. Oferta fituese 2 999 700 lekë. Përfitues Elona Ndrecaj dhe Mark Nika. Me negocim, pa njoftim.

Blerje pllaka varresh. Fondi limit 2 120 400 lekë. Oferta fituese 2 070 280 lekë. Përfituese Fidije Nërguti. Mungesë konkurrence.

Blerje pllaka varresh. Fondi limit 377 48. Oferta fituese 370 037 lekë. Përfituese Fidije Nërguti. Me negocim, pa njoftim.

Ndërtim rruge në Paskuqan, fondi limit 10 977 123 lekë. Oferta fituese 10 889 816 lekë. Përfitues Agim Kola me kompaninë ‘COMPANY RIVIERA 2008’. Janë skualifikuar të gjithë konkurrentët përveç fituesit.

Blerje tonerash. Fondi limit 1 200 000 lekë. Oferta fituese 1 197 880 lekë. Përfitues Fatos Cullhaj. Janë skualifikuar të gjithë konkurrentët përveç fituesit.

Blerje kompjutera. Fondi limit 3 848 549 lekë. Oferta fituese 3 797 000 lekë. Përfitues Lush Osmani, me kompaninë ‘Shpresa-Al”. Skualifikuar të gjithë konkurrentët përveç fituesit.

Ndërtim i rrugëve ‘Hasan Zylfia’ dhe ‘Sali Vranishti’. Fondi limit 25 009 513 lekë. Oferta fituese 24 959 550 lekë. Përfitues Ded Malutaj me anë të kompanisë ‘Junik’. Mungesë konkurrence.

Ndërtim i rrugës Nik Ndreka. Fondi limit 21 587 242 lekë. Oferta fituese 20 936 506 lekë. Përfitues Sokol Çupi, Ilir Çupi, Hyqmet Valteri, Esat Valteri, Albert Valteri dhe Kujtim Valteri me anë të kompanisë ‘Everest. Skualifikuar të gjithë konkurrentët përveç fituesit.

Ndërtim i rrugëve ‘Deja’, ‘Bilal Xhaferri’ dhe ‘Bishanaku’. Fondi limit 42 752 861 lekë. Oferta fituese 42 495 187. Përfitues Yzedin Bozhaj me kompaninë ‘Shëndelli’. Skualifikuar të gjithë konkurrentët përveç fituesit.

Ndërtim rrugësh “Klenje”, Fajza” dhe”Gryke Çaje”. Fondi limit 22 040 873 lekë. Oferta fituese 22 040 873 lekë. Pëfitues Desart Kalaja dhe Lulzim Qefalia me anë të kompanisë ‘Djati Park’ skeduar për abuzime. Mungesë konkurrence.

Rikonstruksion i rrugës “Berisha”. Fondi limit 39 379 764 lekë. Oferta fituese 37 808 500 lekë. Përfitues Xhavit Ismaili, me anë të kompanisë ‘ALBA KONSTRUKSION’. Mungesë konkurrence.

Blerje mjete pastrimi. Fondi limit 3 650 000 lekë. Oferta fituese 3 595 000 lekë. Valdete Sulejmani me kompaninë “Klea & Lois”, ish kompania e Neshat Fanës. Skualifikuar të gjithë konkurrentët përveç fituesit.

Ndërtim i rrugës “Fahri Ramadani”. Fondi limit 17 526 038 lekë. Oferta fituese 17 173 140 lekë. Përfitues Skënder Kacdedja me kompaninë ‘Kacdedja’. Mungesë konkurrence.

Përforcim banesash ekzistuese. Fondi limit 15 239 080 lekë. Oferta fituese 12 832 810 lekë. Përfitues Skënder Kacdedja me kompaninë ‘Kacdedja’. Skualifikuar të gjithë konkurrentët përveç fituesit.

Rehabilitim i digës së rezervuarit Paskuqan. Fondi limit 43 718 333 lekë. Oferta fituese 43 387 899 lekë. Përfitues Arben Çela me kompaninë Udha si dhe Artan Sako / Dritan Troksi me ‘2T’. Mungesë konkurrence.

Ndërtim i rrugës së Laknasit. Fondi limit 31 163 251 lekë. Oferta fituese 30,718,002 lekë. Përfitues Arben Çela me kompaninë Udha si dhe Artan Sako / Dritan Troksi me ‘2T’. Janë skualifikuar të gjithë konkurrentët përveç fituesit.

Ndërtim Rruga e Çekejve. Fondi limit 9 685 729. Oferta fituese 9 624 580 lekë. Përfitues Arben Çela me kompaninë Udha. Mungesë konkurrence.

Mbikëqyrje e punimeve të ujësjellësit Valias i Ri. Fondi limit 5 089 982 lekë. Oferta fituese 4 453 734 lekë. Përfitues Devid Dedja dhe Kristina Çakalli me anë të kompanisë ‘CIVIL CONS’. Skualifikuar të gjithë konkurrentët përveç fituesit.

Mbikëqyrje e punimeve për zëvendësim tubacionesh. Fondi limit 4 977 579 lekë. Oferta fituese lekë 4 355 382 lekë. Përfitues Mehmet Hasalami me kompaninë ‘INSTITUTI DEKLIADA – ALB’.

Mjete pune më qira. Fondi limit 3 590 000 lekë. Oferta fituese 3 550 000 lekë. Përfitues Elvin dhe Fatmir Miha. Mungesë konkurrence.

Blerje materiale të llojeve të ndryshme. Fondi limit 50 855 489 lekë. Oferta fituese 50 714 310 lekë. Përfitues Bukurosh Koçi me anë të kompanisë ‘2AF ALBANIA GROUP’. Mungesë konkurrence.

Ndërtim i rrugës ‘2 Prilli’. Fondi limit 1 502 858 lekë. Oferta fituese 1 481 200 lekë. Përfitues Alfons, Edmond dhe Shaban Bitri me anë të kompanisë ‘ALMO KONSTRUKSION’. Skualifikuar të gjithë konkurrentët përveç fituesit.

Blerje makine MZSH. Fondi limit 12 583 333 lekë. Oferta fituese 12 460 000 lekë. Përfitues Elona Rami përmes kompanisë ‘R & R GROUP’./ CNA.al

LEXO TE PLOTE