Connect with Us

REPORTAZH-Bujtina Baresha në Malësi të Madhe/ Një destinacion i mrekullueshëm për pushime

Në QYTETIN tim

REPORTAZH-Bujtina Baresha në Malësi të Madhe/ Një destinacion i mrekullueshëm për pushime

Publikuar

-

Në qershor të vitit të kaluar, në kulmin e pandemisë Haxhi Maleci mori një hap të guximshëm. Ai u rikthye në tokat e të parëve në Qafë Gradë të Malësisë së Madhe duke hapur një bujtinë të re.

Me një emër karakteristik shqiptar, Baresha shumë shpejt u bë bujtina e preferuar e shumë shkodranëve por edhe të qytetarëve nga qytete të tjera të Shqipërisë.

Në një natyrë plotësisht të virgjër, krejtësisht bio, Baresha hapi dyert në 26 qershorin e vitit 2020 duke pritur kështu klientët e parë të saj që në fakt u bënë edhe klientë të përhershëm edhe sot kur ajo bujtinë ka kaluar një vit që nga hapja e saj.

Baresha është agroturizmi që ndodhet në Reç të Malësisë së Madhe, çelur rishtas vjet në verë.

U bënë shkas disa prona të trashëguara nga gjyshi që Haxhiu bashkë me familjen të lënë Shkodrën e të vendosen në Reç të Malësisë së Madhe për të ndërtuar një agroturizëm që si fillim ofroi shërbimin e restorantit e që më pas u kujdeset që të ketë edhe me katër dhoma pushimi për ata që duan ta kalojnë natën aty.

Të zotët e punës janë me aq fat që vendndodhja e Bareshës është në një nga fshatrat më të begata të zonës.

Natyra aty nuk është kursyer aspak në shumëllojshmërinë e prodhimeve si qershi, dardha, kumbulla, mollë, dredhëza, rrush, ftonj, fiq dhe arroret si arrat lajthitë e pa harruar gështenjat e shijshme të Reçit.

Tek Baresha shërbehet e përgatiten gatime tradicionale të zonës por dhe të sofrës shqiptare.

Të gjithë prodhimet i marin nga banorë të zonës përeth dhe një karakteristikë është edhe burimi që përdoret në këtë agroturizëm i cili vjen prej burimit të Rrjollit e që përshkon plot 33 km e ndodhur 600 m mbi nivelin e detit.

Gjithë stafi do t’ju bëjë që të gjeni mikëpritje dhe shërbim për një fundjavë të qetë mes natyrës dhe traditës e që është vështirë të harrohet.

Ai që ndërtoi këtë agroturizim relativisht të ri, Haxhi Maleci shprehet se fillimisht nuk e ka menduar se do të kishte një fluks të madh pune dhe se kjo krijesë e tij dhe familjes do të bëhej kaq shpejt e njohur.

Për të gjithë kërkesat e shumta nga e gjithë Shqipëria për të kaluar ditën aty ishin një surprizë shumë e bukur.

Në fakt kisha kohë që e kishim menduar bashkë me familjen time dhe më në fund ne vendosëm që ta hapim. Ishte e vështirë fillimisht sepse për ne një rëndësi të madhe kishte gjetja e një emri të përshtatshëm.

 U menduam gjatë dhe vendosëm që ta quajmë Baresha, një emër karakteristik që nënkupton shumëçka për shqiptarët. Kjo na e bëri më të lehtë nisur edhe nga kënga e famshme e Bareshës. Pasi vendosëm për emrin atëherë nisëm nga puna me të gjitha detajet e tjera për ta bërë sa më mikëpritëse për të gjithë ata që do të vinin.

 Që në ditët e para kur e hapëm kishim një numër shumë të lartë kërkesash që vinin përmes rrjeteve sociale por edhe bisedat me miqtë tanë. Në fillim jemi surprizuar sepse ishte edhe pandemia dhe nuk e parashikuam që do të kishte një fluks aq të madh njerëzish.

 Në fakt parashikimet tona u tejkaluan në një mënyrë krejt surprizuese për ne sepse çdo ditë numri i atyre që vinin vetëm sa rritej dhe aq më tepër fundjavave duke bërë që bujtina jonë të jetë plot me njerëz.

Kjo na gëzoi shumë dhe kuptuam se kemi bërë gjënë e duhur. Ne vijuam me një shërbim korrekt dhe një mikëpritje sa më të ngrohtë shoqëruar edhe me ushqimin tradicional dhe natyrën që këtu na e ka dhuruar Zoti të mrekullueshme.

Sot pas një viti jemi shumë të kënaqur dhe falenderojmë të gjithë ata klientë të shumtë që vijojnë të na besojnë për të kaluar ditët e tyre këtu”, tregon Haxhi Maleci.

Ushqimi në bujtinën Baresha është totalisht bio shprehet Haxhiu dhe sipas tij kjo është një prej pikave të forta që ka bërë që klientët të mos e ndërrojnë bujtinën Baresha si dhe numri i atyre që shkojnë atje të shtohet gjithnjë e më shumë.

LEXO EDHE:  Mjaft me “Tokë e Xanun”/ Bashkia e Malësisë së Madhe i ‘vë vulën’ incidentit

Ne kemi vendosur që ushqimi të jetë plotësisht bio. Tashmë ata që vijnë këtu dhe udhëtojnë kërkojnë një cilësi të lartë në ushqim dhe e kemi kuptuar këtë që në ditën e parë. Kemi një bashkëpunim shumë të mirë me fermerë të zonës dhe të gjitha prodhimet që ata kanë ne i marrim dhe i kemi në bujtinën tonë.

 Çdo herë mishi që është më i preferuari dhe kryesori në bujtinën tonë është jo vetëm i freskët por edhe sipas stinëve. Përveç kësaj jemi të siguruar se mishi që përdorim rritet në male dhe kodra apo zona të fshatit dhe bagëtitë ushqehen ashtu si duhet. Kjo është lehtësisht e dallueshme sepse nëse vepron ndryshon është shija ajo që të tradhton ndaj edhe kemi patur këtë sukses sepse një prej arsyeve është edhe cilësia e ushqimit.

Mishi nuk është i vetmi sepse kemi edhe perimet e mrekullushme të zonës që gjithashtu janë bio dhe ashtu siç këputen nga tokat e fermerëve vijnë në bujtinën tonë dhe i bëjnë gati për klientët.

E njëjta gjë është edhe për gatimet e tjera tradicionale të kësaj zone që gjithashtu janë pjesë e menysë dhe në të njëjtën kohë shumë të preferuara’, shprehet më tej Maleci.

Përveç qytetarëve shqiptar tashmë bujtina Baresha në kaq pak kohë që është hapur është bërë e preferuar edhe për turistë të huaj.

Pronari Haxhiu thotë se tashmë kanë nisur të shtohen turistët e huaj duke qenë se edhe kufijtë janë hapur dhe lëvizja është e lirë.

Një prej pikave që ata frekuentojnë kur vijnë në Shkodër apo Malësinë e Madhe patjetër që për shumë prej tyre është një drekë tek Baresha.

Viti i kaluar ishte më i vështirë sa i përket turistëve të huaj sepse nuk kishte lëvizje.

Që kur ka nisur lëvizja e lirë dhe kufijtë janë hapur tashmë ne kemi mysafir jo vetëm qytetarët shqiptarë, por edhe shumë turistë të huaj.

 Bujtina jonë është bërë e njohur edhe për të huajt dhe ata mrekullohen kur vijnë këtu. Natyra plotësisht e virgjër është ajo që u pëlqen jashtëzakonisht shumë.

 Po ashtu ushqimet tradicionale, të freskëta dhe plot shije janë gjithashtu një arsye më shumë që ata zgjedhin bujtinën tonë. Edhe pasi largohen flasin me miqtë e tyre ose shkruajnë me nota shumë pozitive në komentet që bëjnë duke ftuar edhe të tjerët që të vijnë në bujtinën tonë.

 Edhe ne kemi bërë maksimumin për t’i mirëpritur siç duhet jo thjeshtë për interesin tonë por për t’i lënë atyre një shije të mirë për Shqipërinë në mënyrë që të vijnë sërish ose t’ua sugjerojnë miqve të tyre siç në fakt edhe ka ndodhur”, tregon Maleci për CNA.al.

Bujtina Baresha ndodhet afro 45 minuta larg nga Shkodra. Në rrugën Shkodër-Hani Hotit duhet të kthehesh djathtas në tabelën që sinjalizon rrugën e Razmës dhe të Thethit. Pasi mbërrin tek burgu i Reçit vijon sërish në të djathtë dhe pas pak minutash në atë aks është tabela e cila tregon rrugën që duhet të ndjekësh për të shkuar tek Baresha.

Pa mbërritur në qendër të Reçit merr rrugën në të majtë dhe vijon drejt. Pas afro 15 minutash, në një rrugë malore shijon mrekullitë e asaj natyre plotësisht bio dhe plot gjelbërim ngado dhe mbërrin tek Baresha.

 Pamja e kësaj bujtine është e mahnitshme. Është në sinkron të plotë me fshatin atje ku mbizotëron gjelbërimi ndërsa bujtina duket si një kështjellë e bukur filmash.

Për të gjithë të apasionuarit pas ecjeve malore, Baresha është vendi i duhur pasi të zotët e bujtinës tashmë të tregojnë edhe disa shtigje për të ecur ku natyra ka një pamje mbreslënëse dhe është e gjitha për t’u shijuar.

Ata që duan të qëndrojnë më shumë se një ditë, Baresha ofron dhomat e fjetjes që po ashtu janë të një stili të lartë dhe patjetër në harmoni me bujtinën dhe natyrën atje. Bujtina Baresha është një vend i cili pa u menduar dy herë duhet shijuar./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Në QYTETIN tim

REPORTAZH-MIK Festival rikthehet sërish në Korçë/ Nata e parë nis me “Miqtë e Operës së Berlinit”

Publikuar

-

Nga

REPORTAZH-MIK Festival rikthehet sërish në Korçë/ Nata e parë nis me “Miqtë e Operës së Berlinit”

MIK Festival rikthehet sërish në Korçë, me edicionin e tij të katërt, një eveniment i cili do të zgjatë katër ditë dhe do të zhvillohet jo vetëm në qytetin juglindor por edhe në Pustec, në ishullin e Maligradit dhe në fshatin turistik të Rehovës në Kolonjë.

Ky eveniment tepër i njohur në Shqipëri, do të sjellë për të gjithë banorët dhe vizitorët vendas e të huaj, disa mbrëmje ndryshe që do të falin kënaqësi për spektatorët, duke bërë pjesëmarrës artistë të njohur.

Inva Mula, sopranoja e njohur, e cila është edhe organizatorja e këtij evenimenti, me shumë kënaqësi ka treguar se ky vit do të jetë ndryshe nga vitet e kaluara, pasi do të shtrihet në 3 qytete të qarkut juglindor pas normalizimit nga pandemia.

Ne jemi në edicionin e katërt dhe na mbushet goja kur themi që vijmë në Korçë sërish. Ky është një viti veçantë, pasi të gjithë ne kemi etje për art, pandemia dëmtoi shumë njerëzimin dhe gjunjëzoi artin. Sot jemi më shumë se kurdo herë tjetër për të thënë që pa muzikën, pa artin, pa skenën nuk ka jetë.

Jeta do të vazhdojë me optimizëm, me mbështetjen që duam ti japim njerëzimit dhe mbështetjen që ata na japin ne. Edicioni i katërt shpaloset me ngjyra, shtete, gjuhë dhe zhanre të ndryshme. Këtë mbrëmje ne e hapim me muzikën gjermane, për të vazhduar me aktivitete në zonat që duhen promovuar si në Kolonjë dhe Pustec.

Është një sërë aktivitetesh që nuk duhen humbur pasi do ti sjellin Korçës një pamje fantastike. Publiku do ta vlerësojë  shumë këtë lloj evenimenti, dhe finalja e festivalit do të jetë një grup nga Italia. Ky festival nuk do të bëhej nëse sdo të ishim të gjithë së bashku, nëse sdo të promovonim qytetin më të bukur që e do artin dhe e ka mbështetur gjithmonë atë, duke lënë trashëgimi, e ky qytet është Korça”, shprehet sopranoja Inva Mula.

LEXO EDHE:  Ngjarja e rëndë në Malësinë e Madhe/ Artan Hoxha nxjerr “blof” policinë: Do kishim kufoma

Nata e parë e MIK Festival ka startuar me “Miqtë e Operës së Berlinit”, ku nga anëtarët e kësaj opera janë luajtur për artdashësit korçarë melodi të famshme. Mes tyre, ka qenë edhe dirigjentia shqiptare Elda Laro e cila ka treguar kënaqësinë që është pjesë e këtij evenimenti.

LEXO EDHE:  Lleshaj përfshihet në skandalin seksual/ Reagon ashpër LSI

Është hera e parë për mua që marr pjesë në këtë festival dhe jam shumë e lumtur që jam pjesë e tij. Në këtë eveniment kam sjellë dy miq të mi, violinistë të mrekullueshëm të Berlinit. Jam shumë e emocionuar dhe shpresoj të japim rezultatin e duhur dhe të ekzekutojmë në mënyrë të mrekullueshme për publikun korçar. E kam të vështirë çdo herë që kthehem në Shqipëri, pasi kam emocione shumë të forta dhe e ndjej veten me shumë përgjegjësi por e gjitha është e lidhur me kënaqësinë time shumë të madhe që jam këtu”, tregon dirigjentia Laro.

I pranishëm në këtë eveniment, dhe në këtë aktivitet të zhvilluar pranë teatrit Andon Zako Çajupi ka qenë ambasadori gjerman Peter Zingraf i cili ka shprehur falenderimin e tij që ky koncert ka nisur si homazh për viktimat në Gjermani.

Është një kënaqësi e jashtëzakonshme të vij në Korçë. Kam pritur shumë që të vij pasi më pëlqen shumë ky vend, ashtu edhe bashkëshortes time. Është bukur të rikthehemi këtu për art dhe kulturë. Faleminderit edhe orkestrantëve për muzikën gjermane, e cila është një dedikim dhe homazh ndaj atyre që kanë ndërruar jetë në vendin tim si pasojë e përmbytjeve”, është shprehur ambasadori Zingraf.

Gjatë tre ditëve pasardhëse, MIK Festival do të bëjë bashkë kolonjarët, banorët e Pusteci dhe korçarët, të cilët do të mund të shijojnë aktivitetet e ndryshme muzikore, dhe sigurisht që Korça do të kthehet edhe këto ditë në destinacionin kryesor të gjithë turistëve vendas dhe të huaj./ CNA.al

LEXO TE PLOTE

Në QYTETIN tim

REPORTAZH/ Busti madhështor i Sali Butkës, heroit që la gjurmë në historinë e vendit tonë

Publikuar

-

Nga

Sali Butka ishte një nga udhëheqësit dhe luftëtarët e lëvizjes kombëtare shqiptare. Ai u lind në vitin 1852 në fshatin Butkë të Kolonjës dhe ishte më i madhi i pesë fëmijëve të Tahir Butkës. Në dekadat e fundit të shekullit të XIX, Sali Butka u lidh ngushtë dhe bashkëpunoi për shumë kohë me Petro Nini Luarasin, duke e ndihmuar atë për ngritjen e shkollës së parë shqipe në Kolonjë dhe duke e mbrojtur atë nga armiqtë e kundërshtarët e tij që e kercënonin vazhdimisht për ta eleminuar fizikisht.

Pas mbylljes së shkollave shqipe nga qeveria turke, Petro Nini e Sali Butka e vazhduan fshehtas veprimtarinë e tyre për përhapjen e gjuhës shqipe të shkrurar, duke menduar se vetëm prej sa mund të zgjohej ndërgjegjia kombëtare. Në atë kohë, Sali Butka filloi të sillte nga Manastiri dhe Selaniku libra dhe gazeta të shkruara në gjuhën shqipe, të cilat më pas i përhapte në krahinat e Kolonjës, Korçës e Përmetit.

Sali Butka u nderua sot në Kolonjë, në vendlindjen e tij, me një bust madhështor të punuar me aq mjeshtëri nga skulptori Agim Rada. Në fjalën e tij, Rada është shprehur mjaft i kënaqur për këtë vepër që ia kushtoi patriotit Butka, dhe ndihet mjaft i vlerësuar që këtë bust e realizoi ai me shumë përpjekje dhe kënaqësi.

“U detyrova të koncentroja në mendimin tim figurën dhe po ashtu ta ndërtoja unë figurën e këtij njeriu të madh duke u bazuar pak në foto dhe në imazhin e tij, që për mendimin tim ska shumë rëndësi. Rëndësi ka që ky monument të jetë sintezë e tipareve që ka një patriot i madh dhe një luftëtar si Butka. Busti ka përmasa të mëdha, sic ka qenë vetë historia e Butkës, sidomos banorët e kësaj treve që dinë shumë detaje nga jeta e këtij patrioti, të cilat mi kanë treguar dhe kanë qenë një burim frymëzimi për mua.

Ne i kemi borxh jo vetëm kësaj toke shumë pjellore në kuptimin e heronjve, patriotëve, njerëzve që e kanë dashur vendin dhe që i kanë shërbyer me devotshmëri deri në gjakun e tyre. Nuk le dot pa përmendur sot humanistin e madh Muhamed Malon, i cili sa herë më takonte, më citonte ndonjë varg që ia citonte i ati, dhe unë i kam bërë pjesë të bustit “Për lirinë, për lirinë, lum kush vdes për Shqipërinë”.

Këto janë postulate të thëna nga njerëz që kanë sakrifikuar jetën për këtë vend, dhe këta njerëz meritojnë shtatore jo kaq por akoma më të mëdha. Kjo trevë ka nxjerrë pafund patriotë të penës, pushkës, atdhedashurisë dhe unë mendoj se nuk do të dalë bronxi I Shqipërisë për të derdhur figurat e kësaj treve”, shprehet skupltori Agim Rada.

LEXO EDHE:  Lleshaj përfshihet në skandalin seksual/ Reagon ashpër LSI

LEXO EDHE:  REPORTAZHI/Njihuni me 90 vjeçarët durrsakë që "refuzojnë" të plaken

Kryetari i Bashkisë së Kolonjës, Erion Isai, ky bust është një vlerësim i munguar për një kolonjar që ka dhënë shpirtin e tij për atdheun, dhe ndihet tepër i lumtur që u realizua pikërisht në qendër të qytetit të Ersekës.

“Kontributi i Bashkisë në këtë event është modest në krahasim me kontributin e kolonjarëve si i ndjeri Muhamed Malo, është i jashtëzakonshëm dhe është pasha kryesore. Na takonte që në këtë copë tokë ti vlerësojmë të gjithë patriotët që kanë kontribuar jo vetëm për Kolonjën por për të gjithë Shqipërinë. Dhe Sali Butka është një figurë e tillë që e meriton këtë vëmendje.”, thotë Erion Isai.

Një tjetër figurë e njohur e Korçës që s’mund t’i mungonte këtij aktiviteti është dhe historiani Niko Kotherja, i cili në fjalën e tij ka shprehur rëndësinë e figurës së Sali Butkës i cili ka krijuar shkollat e reja dhe ka siguruar jetën e patriotëve të tjerë të Kolonjës dhe jo vetëm.

“Sali Butka është një personalitet i rëndësishëm i Rilindjes Kombëtare Shqipëtare dhe në periudhën e Pavarësisë. Ka kontribuar masivisht në krijimin e shkollave shqipe në zonën e Kolonjës, në të gjithë ato shoqërime që ai i ka bërë Petro Nini Luarasit pasi ka qenë njeriu më i besuar i tij, duke i siguruar jetën e duke e mbrojtur atë. Sot me rastin e inagurimit të një shtatoreje të tij, në zemër të Ersekës, unë mendoj se ka ardhur koha për ta risjellë përsëri  këtë personalitet në parametrat e tij të vërtetë.

Një personalitet që ka lënë gjurmë të mëdha në historinë e vendit, por duke mos e ngatërruar këtu emrin e tij me njerëz të cilët kanë patur akte vandalizmi që i janë veshur figurës së Sali Butkës.

Heroi i Kolonjës jo domosdoshmërisht duhet të mbajë përgjegjësi për ato veprime që ndodhnin në mes të zjarrit të Luftës së Parë Botërore. Mendoj se është e nevojshme të rikthejmë sytë për të ridimensionuar jo vetëm figurën e Sali Butkës por gjithë familjen e tij, pasi të gjithë janë hedhur në luftë me parullën Liri a Vdekje”, tregon Niko Kotherja.

Sot u vlerësua jo vetëm figura e patriotit të shquar Sali Butka, por edhe kontributi i tij së bashku me patriotë të tjerë kolonjarë që i sollën frymë të re Kolonjës, Korçës dhe gjithë Shqipërisë./ CNA.al

LEXO TE PLOTE

Në QYTETIN tim

PERSONAZH/ Njihuni me mjeshtren Ardiana Handraj, “Artizania e Shqipes”!

Publikuar

-

Nga

Ardianën nuk e sheh asnjë herë duke pushuar, në dorë mban gjithmonë një çentro apo pjesë të kostumeve popullore që i punon deri në detajet më të vogla. Ardiana Handraj është një artizane nga Shkodra e cila bën punime me dorë. Pasioni i saj është punimi që i bën Shqiponjës duke e cilësuar atë si “Artizania e Shqipes”, emër me të cilin e njohin të gjithë.

Ardiana Handraj, artizane

Ardiana thotë se pasionin e saj e ka zbuluar që në moshën 7 vjeçare ndërsa shton se ka mbi 35 vite që merret me këtë punë.

Në fakt unë kam që 7 vjeçe që punoj me dorë, ndoshta duket e pabesueshme por atëherë e kam filluar për herë të parë.  E kam patur trashëgimi por nuk është vetëm ajo sepse e kam patur edhe dëshirë e pasion që e vogël.  Këto punimet ku unë jam fokusuar që është Shqija siç i themi ne ka 35 vite që e kam me shumë qejf. Unë ka 20 vite që punoj edhe me kostumet kombëtare dhe kur mërzitem ndonjëherë me to atëherë kaloj tek Shqipja sepse më duket sikur qetësohem. Të dy gjyshet e mia por më pas edhe tezet dhe hallat janë marrë me këtë punë dhe unë them se është pak edhe me gen. Vështiësi nuk mund ta quaj edhe pse ndoshta dikujt i duket ashtu por për mua është kënaqësi që e punoj“.-u shpreh për CNA.al Ardiana Handraj.

Emigrantët, të dashuruar pas simboleve kombëtare mbeten klientët më besnikë. Madje, shumë prej tyre e cilësojnë Ardjanën si “Artizanen e Shqipes”, duke iu referuar Shqiponjës në veshjet e saj.

Klientët e parë që i vlerësoj dhe falenderoj patjetër që janë shqiptarët që jetojnë në shtetet e tjera sepse këtu mua më vjen shumë keq që nuk e vlerësojnë Shqipen që është simboli ynë kombëtar. Unë e dua shumë Shqiponjën dhe e punoj me shumë dashuri dhe kudo ku kam shkuar në aktivitete më kanë quajtur artizania e Shqipes. Deri edhe tek maskat tani për pandemi kam arritur që ta punoj Shqipen.  Në Mal të Zi kanë publikuar gazetat Shqipen time dhe unë jam surprizuar sepse atje është vend i huaj sido që të jetë. Para dy vitesh u bë Sofra e Dukagjinit në Neë York. Organizatorit të atij aktivitet i kam punuar 18 xhubleta  dhe 13 kostume burrash për 20 ditë. Një ditë përpara aktivitetit i ka patur gati. Xhubleta merr shumë kohë por unë nuk e di ku e gjeta atë kohë dhe as mua nuk më besohet sot që i shoh se si i kam punuar vetë“.-thotë Ardiana Handraj.

Xhubleta, kostum femrash 

Vlera në treg nuk është edhe shumë e madhe e këtyre punimeve që unë bëj thotë Ardiana sepse nuk është materiali i dikurshëm sepse po të jetë ai shkon edhe 1500 euro apo 2000 euro kurse me këtë material që është nuk mund të marrë më shumë se 350 mijë lekë të vjetër. Normalisht që pëlqehen dhe ka porosi por edhe në ato raste kur sheh se ka pak heiztim përveç porosisë që kanë artizania shkodrane thotë se i jep edhe ndonjë gjë tjetër dhuratë vetëm për t’i nxitur dhe për t’i bërë që klientët të ndjehen mirë. Kam dëshirë që t’i ushqehet fëmijës xhubleta, Shqipja apo të tjera dhe ato ta dinë që i kanë patur gjyshet e tyre, nënat dhe t’i kenë sot edhe vetë fëmijët apo të rinjtë, ta kenë pra si ushqim traditën, thotë Ardiana.

LEXO EDHE:  Atentati ndaj shefit të Policisë Bashkiake në Malësinë e Madhe/ Identifikohet autori

LEXO EDHE:  Lleshaj përfshihet në skandalin seksual/ Reagon ashpër LSI

Ardiana bën edhe një mbulesë që më shumë dikur e kanë preferuar korçarët. Në Shkodër kanë qenë dy tri gra zonja tipike që e kanë punuar kurse në Malësi të Madhe absolutisht që jo. Për artizanen tonë është i 36-ti vit që e punon dhe e mban mend dhe nuk kam nevojë as ta shohë fare dhe ndoshta dikush mund të çuditet.

Çentroja e Korçës

“Unë që punoj pak shpejt për një ditë e mbaroj një çentro të madhe ndërsa një komplet çentro i do tri ditë dhe nuk ka vlerë monetare sepse nuk e vlerësojnë, por unë e bëj për pasion. Unë përdor edhe rrjetet sociale”.-u shpreh artizanja shkodrane. 

Rrjetet sociale janë shumë të rëndësishme. Ardiana ka një llogari në Instagram por më shumë punon me facebook. Ka shumë këngëtarë shqiptar që jetojnë në SHBA, Australi, Angli, Gjermani dhe shumë shtete të tjera. U është përkushtuar shumë atyre dhe ka kryer detyra që ndoshta nuk i kanë takuar sepse përveçse ia ka punuar porositë e tyre, ka shkuar më tej edhe duke i postuar.

Ajo që mbetet problem është se për momentin nuk ka asnjë person që mund ta trashëgojë. Kishte nusen por ajo iku jashtë Shqipërisë. Ajo filloi dhe arriti të mësonte dhe nisi të ndihmonte vjehrrën e saj por u detyrua të lërë Shqipërinë. Duke mos patur dikënd që t’ia trashëgojë Ardiana ka marrë një nisëm dhe shpreson ta realizojë në shtator. Ka dëshirë që të marrë një grup të rinjsh vajza dhe djem dhe një orë në ditë dua t’ia kushtojë atyre. Ky kurs për qendistarinë do të jetë falas vetëm e vetëm që t’ia injektoj si ushqim punën e dorës dhe traditën dhe ta njohin se si bëhet dhe ta mësojnë që kjo traditë të mos humbasë.

Gjatë pandemisë kur shumë kush nuk ka punuar falë Zotit unë kam patur punë dhe nuk mund ta mohoj. Është shitur shumë maska me Shqipen që kam bërë. Unë e bëra thjeshtë për promovim fillimisht se nuk kisha çfarë të bëja por u pëlqeu dhe kisha kërkesa shumë. Ka qenë një detyrë e vështirë sepse u dontë gjithë ditën të qepja , në dark i laja dhe në mëngjes pastaj i hekurosja dhe dizinfektoja dhe më pas bëja shpërndarjen e tyre. Kam bërë vetëm nga dy-tri orë gjumë gjatë kulmit të pandemisë. Deri tani kam shpërndarë 8700 maska të bëra me dorë. Disa prej tyre edhe i kam falur sidomos për pensionistët apo ata në nevojë sepse një maskë një mijë lekë ishte shtrenjtë. Sa blen një maskë pensionisti mund të blejë një bukë“, shprehet artizania Handraj.

Në fund ka një mesazh për të gjithë artizanët:

Mesazhi që kam është që të punojmë gjithë bashkë dhe të kemi harmoni me njëri-tjetrin dhe kam një thirrje të vogël“, përfundon artizania Ardian Handraj./CNA.al

LEXO TE PLOTE