Connect with Us

REPORTAZH-Serenatat korçare/ Si u trashëguan brez pas brezi në familjen Sulioti

Në QYTETIN tim

REPORTAZH-Serenatat korçare/ Si u trashëguan brez pas brezi në familjen Sulioti

Publikuar

-

Korça e serenatave! Sa herë dëgjojmë të flitet për këtë qytet, s’mund të mos na shkojë mendja te serenatat aq të bukura e të kënduara aq me pasion nga korçarët.

Një traditë e vjetër e këtij zhanri muzikor, që nuk e humb vlerën sado vite të kalojnë.

Traditë kjo që është mbajtur gjallë që prej krijimit të grupeve serenatiste, shumë vite me parë, e që vijon të ketë vlera të veç anta kulturore e artistike për identitetin e qytetit të Korçës.

Familja që ne kemi zgjedhur të shkruajmë këtë herë është familja Sulioti, që çdo korçar e njeh sapo i dëgjon mbiemrin, por që normalisht njeh edhe personazhet e saj që kanë lënë gjurmë në historinë e qytetit.

Do ta fillojmë reportazhin tonë duke folur për 2 nga njerëzit e familjes Sulioti, për jetën e tyre, veprimtarinë artistike për të cilën gjithë Korça bëhet krenare.

Piro Sulioti, artist i merituar

Hera e parë kur Piro këndoi para një publiku të gjerë në një koncert të hapur të organizuar prej Kristo Konos ishte pikërisht në moshën 12-13 vjeçare.

Ai u zbulua si talent në mënyrë të rastësishme nga kompozitori i mirënjohur Kristo Kono, i cili përgatiste edhe grupin artistik të liceut për talentet e reja në vitin 1936.

Gjatë Luftës Nacional-çlirimtare ka marrë pjesë në njësitin e qytetit që në vitin 1942 në vitin 1943 ka kënduar në grupe të ndryshme të qytetit, ka marrë pjesë në melodramën ‘’Vllavrasja’’, ka kënduar i pari marshin e Brigatës së II sulmuese dhe ka shkuar  në fshatin Dardhë ku ua mësoi partizanëve me porosi të Kristo Konos.

Pas çlirimit të vendit ka marrë pjesë në Korin e Rinisë që drejtohej nga Misto Nuke, por u largua pas një kohe të shkurtër për në Ansamblin e Ushtrisë ku këndoi si tenor i II-të deri në vitin 1948 pranë Gaqo Avrazit, Ibrahim Tukiçit dhe Avni Mulës.  

Në fillim të vitit 1949 pasi ishte kthyer nga ushtria, që në ditët e para të jetës civile ai aktivizohet nëpër aktivitete të ndryshme të Shtëpisë së Kulturës në Korçë, si korin e Nozulimit duke u bërë njëkohësisht anëtar i Grupit të Amatorëve të Radio Korçës.

Ku këndoi  bashkë me Anita Taken, Tole Adhamin, Gaqo Jorganxiun, Pavlina Nikajn etj. Piro merr pjesë dhe nëpër koncertet e para jashtë shtetit në Rumani, Bullgari, Hungari, Poloni, Çekosllavaki e Jugosllavi dhe Bashkim Sovjetik. Protagonist në rolin e Sokolit, në operetën e parë shqiptare “AGIMI” me muzikë të Kristo Konos dhe libret të Kolë Jakovës.

Mori pjesë dhe në të gjitha Tabllot Muzikore, Koncertet dhe turnete ndryshme të Shtëpisë së Kulturës në Korçë duke numeruar mbi 600 shfaqje, madje ka marrë   edhe në Operetat  “Sëbashku jeta është këngë” “Lugina e artë”, “Fleta e Kuqe” etj.

Ka regjistruar dhjetëra këngë qytetare dhe popullore të qytetit dhe të Jugut në pllaka vinili, vepër  që  deri më sot askush tjetër nuk e ka tentuar.

Në vitin 1960 bashkë me Ilo Evron formuan korin Partizan në Korçë. Aktin edhe  në Festivalet e Këngës në Radio, 1960-1970 në Korçë, në të cilat debutuan këngët e kompozuara nga kompozitorë të mirëfilltë të Shqipërisë.

Një nga serenatistët më të vjetër që ka kënduar hite si “Jorgjica”, “Vashë pse rri menduar”, “Dje mbrëma”, “I pa besë” “Nën hije me rije” “Për ty qan zemra ime” etj.

Ka marrë pjesë në shfaqjet e Ansamblit Artistik Amator të Tiranës në Republikën e Kinës sëbasku me Mustafa Gercalliun, Avni Mulën, Vaçe Zelen dhe Mentor Xhemalin.

Është dalluar për pjesëmarrjen e tij edhe në Festivalin Kombëtar të Ansambleve Artistike në Vlorë dhe për punën kulturore nga Ministria e Kulturës dhe e Arteve.

Solisti më jetëgjatë i korit “Lira” rreth 5 dekada. Jetën e Korit e shpëtoi dy herë, një herë në 1967 kur regjimi socialist donte ta shpërbënte dhe një herë në 1991 kur Bashkia vendosi ta ta shpërbënte  për shkak të burimeve financiare.

Në 1995 ai pësoi një atak në zemër në skenë gjatë turneut të tij në Rumani me Korin Lira.

Ai u kthye në skenën muzikore në vitet 2000-2002 në netët e serenatës. Ai bënte ushtrime vokale në piano çdo mëngjes dhe këndoi deri në fund të jetës së tij.

Në muajt e fundit të jetës së tij ai kishte pësuar Sëmundjen e Alzheimerit, duke harruar pothuajse gjithçka përveç teksteve të këngëve.

Bashkëpunimi i tij i fundit ishte me këngëtaren e njohur të këngëve të lehta Mimoza Paraveli të cilën ai ndihmoi në nxjerrjen e dy albumeve me këngë korcare. Pavarësisht ofertës së tij për qytetin, ai kurrë nuk u emërua për një titull nderi , përkundër faktit se janë bërë propozime nga organe të ndryshme në Këshillin Bashkiak.

Gjergji Sulioti, djali i Piros.

Gjergji ka konkuruar në një nga festivalet të këngës së lehtë të Korçës pa dijeninë e babait të tij, me një këngë nga Pavllo Sholla që e çoi në skenën muzikore.

Αtje ai fitoi vendin e parë, duke lënë babanë e tij në të dytin. Κa fituar dhjetra çmime të para, të dyta dhe të treta në çdo ngjarje muzikore të Κοhës të tilla si:  Çmimi i Parë tek koncertet e Majit 1976 me hitin e famshëm deri më sot “Mësuesi i parë”, :  Çmimi i Parë tek  Anketa e RTV Nëntor 1976 me këngën “Kur të vijmë o shokë nga mali”, Çmimi i Parë tek  Anketa e RTV Mars 1977 me këngën “Urim për 7 Marsin” :  Çmimi i tretë tek Festivali i 17-të i RTSH  me këngën  “Të fortë e kemi Shqipërinë”, Çmimi i tretë tek Festivali i 22-të i RTSH  me këngën  “Rritesh nëpër vite”, Çmimi i Parë tek  Anketa e RTV Mars 1981 me këngën “Filiza për të ardhmen” dhe të paktën 12 ”, Çmime të tjera.

Ai ka qenë një nga Tenorët kryesorë të Teatrit të Operas dhe Baletit ka interpretuar rolet kryesore në opera si: Karmen, Maleve për liri, Pagliaç i, Tosca, Rigoletto, Il trovatore, Aida, Paja, Otello, Nëna e trimave, Celula e kuqe, Karnavalet, Lulja e kujtimet, Berberi i Seviljes, Goca e Kaçanikut, Vjosa, Toka Jonë, Skenderbeu, Traviata, Borana, Zgjimi , Liceistët, Nëna e trimave etj.

Ka bashkëpunuar në skenë si dhe i kanë shkruar këngë emrat më të mëdhenj në artin shqiptar si: Çesk Zadeja, Tish Daija,   Lefter Çipa, Avni Mula, Ramiz Kovaçi, Xhoni Athanas, Vaçe Zela,  Agim Krajka, Dritero Agolli, Ismail Kadare, Pjetër Gaci, Ferdinand Deda, Agim Prodani, Luan Zhegu, Zhuliana Jorganxhi, Spartak Tili etj.

Për vite me radhë ai është dalluar si solist kryesor i  Ansamblit  Shtetėror të Kėngėve dhe Valleve Popullore ku ka kënduar edhe dhjetëra  këngë tradicionale dhe Popullore.

Ka zhvilluar një numër ngjarjesh në vende të ndryshme që nga mesi i viteve 1970 si  Finlandë, Danimarkë, Gjermani, Norvegji, Suedi, Hollandë, Greqi, Itali, Francë, Turqi, Qipro, Maqedoni të Veriut, Bullgari, Rumani. Gjatë vitit 1995 ka marrë pjesë me trupën e operas “Toska” në një Festival Ballkanik në Greqi dhe më pas në Itali me operën “Rigoleto” ku është dalluar me çmimin e parë, në të dy festivalet si tenori më i mire.

Që kur u kthye në Korçë në 2008, ai ka zëvendësuar babanë e tij në korin Lyra, i cili mban rekordin si solisti më jetëgjatë deri më sot ne historinë e Korit.

Ai ka publikuar një album me ri-interpretimin e serenatave mitike dhe të harruara. Ai ka qenë mësues Kantoje  dhe Drejtor i Qendrës Kulturore të Fëmijëve “Mihal Grameno” ku përgatiti shumë talente, mes tyre edhe Tenorin Gjergji Mani që sot shkëlqen jashtë vendit.

Me një biografi kaq të pasur dhe edhe pse është i vetmi këngëtar shqiptar që ka bashkëpunuar më së shumti nga kushdo tjetër me “Artistë Nderi i Kombit” dhe “Mjeshtër i Madh” nuk mban asnjë titull.

 Zhani Sulioti është vajza e mesme e familjes, këngëtare, mësuese muzike dhe nga gratë e para soliste të korit Lira. Ndër të tjera ajo ka shpëtuar së bashku me Spania Pipën dhe vëllezërit Tasellari serenata jashtëzakonisht të rralla të qytetit kur i regjistruan në mënyrë amatorë në fillim të viteve 1990.

Por, për Zhankën e Korçës do të sjellim një tjetër reportazh mjaft interesant që do të nxjerrë në pah sekrete dhe të vërtetat e jetës së saj. Ndërsa vajza tjetër e familjes është Alma Sulioti, e cila është piktore vizuale në Greqi, ndonëse këndon dhe ka mbaruar Liceun Artistik Tefta Tashko.

Së fundmi, gjatë kësaj periudhe familja Sulioti ka filluar të dixhitalizojë arkivin e saj historik muzikor që është rreth 7 dekada i vjetër për të ndihmuar zhvillimin e muzikës shqiptare dhe veçanërisht muzikës të qytetit. Informacion mund të gjendet në faqen Piro Sulioti në facebook dhe tek kanali “Sulioti Official” në Youtube./CNA.al

 

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Në QYTETIN tim

REPORTAZH-Ekspozitë me punime artizanale/ Korça, qyteti ku arti i punimit me dorë ruhet brez pas brezi

Publikuar

-

Nga

cna reportazh

Një ekspozitë mjaft e veçantë me punime artizanale është çelur në Bibliotekën “Thimi Mitko” në qytetin e Korçës.

Ndërthurja e të kaluarës me të tashmen vjen me shumëllojshmëri punimesh dore ku zonjat  korçare vijojnë të ruajnë traditën dhe kulturën shekullore.

Natasha Çapa ka shpalosur ekspozitën e saj, punimet e së cilës i janë dashur 5 vite për ta realizuar.

Artin e realizimit të punimeve me dorë si qëndisma, punime me grep, punime me shtiza apo thurrje të ndryshme, Çapa shprehet se e ka trashëguar nga nëna e saj dhe e ruan me fanatizëm.

Me siguri do të pyesni për se e kam quajtur ekspozitën “Edhe unë punoj”? Sepse jo të gjitha mund të reklamohen në internet. Nga dëshira e mirë për të punuar, unë kam 5 vjet që e kam filluar, dhe për të transmetuar mirësinë time në këto qëndisje.

E kam të trashëguar nga nëna ime e cila punonte dhe qëndiste shumë. Tematikat janë të ndryshme pasi unë I kam përshtatur sipas stinëve, dhe festave të ndryshme si Halloëeen, Pashkën, Krishtlindjen etj. Për vendosjen e punimeve më ka ndihmuar mbesa ime Natalia, e cila ka shumë dëshirë të mësojë këtë lloj profesioni,” – shprehet Çapa.



Ndër të tjera, ajo tregon vështirësitë për gjatë gjithë jetës së saj, e deri më sot që mundësitë për të punuar në këtë profesion janë të mëdha.

Të gjitha punimet janë funksionale, për shembull kemi pikturat, të stamposura dhe të qëndisura, që shërbejnë për arredimin e shtëpisë. Nuk kam vendosur që këto punime ti tregtoj, sepse mbeten si kujtim për t’ua lënë fëmijëve të mi dhe mbesës time.

Mendoj se është shumë e rëndësishme të rruhet kjo lloj tradite e punimeve me dorë, sepse e shoh që po humbet dita ditës. Jeta për ne nuk ka qenë kaq e lehtë, e kemi filluar nga hiçi, nuk kemi patur asnjë gjë në atë kohë dhe ka qenë mjaft e vështirë”, tregon Natasha.

Jorida Tollkuçi , drejtoresha e Bibliotekës “Thimi Mitko”,  thekson se kjo ekspozitë vjen në kuadër të muajit të trashëgimisë kulturore dhe synon promovimin e mëtejshëm të artizanatit.

Zona e Korçës njihet për një traditë të pasur të punimeve me dorë, me vlera historike të trashëguara nga gratë korçare brez pas brezi. Edhe në ditët e sotme, pasioni I disa grave janë punimet me dorë. Ekspozita organizohet në kuadër të muajit të trashëgimisë kulturore dhe po ashtu për të promovuar vlerat kulturore korçare.

Një tjetër synim është pikërisht për të theksuar rëndësinë e rolit të gruas në rruajtjen e traditave. Ekspozita ka ardhur si një ndërrthurrje e së shkuarës me të tashmen”, shprehet Jorida.

Korça mbetet një prej zonave ku artizanati ruhet brez pas brezi dhe ku zonjat korçare po përpiqen ta promovojnë çdo ditë e më tepër .

Ekspozita do të vazhdojë të jetë e hapur për të gjithë të apasionuarit e punimeve artizanale, dhe në të do të mund të gjejnë punë të ndryshme dore duke filluar nga qëndismat, jastëkët e thurrur, veshje çanta të ndryshme si edhe qilima. /CNA.al

LEXO TE PLOTE

Në QYTETIN tim

REPORTAZH-Kampionati i 30-të ballkanik i atletëve master, në Korçë/ Mbi 700 atletë veteranë pjesëmarrës

Publikuar

-

Nga

cna lajme sporti

Sporti nuk njeh moshë ndaj mbi 700 atletë të grupmoshave të ndryshme nga Ballkani dhe Europa u bënë bashke tek Zona Sportive e Korçës për të garuar.

Korça në ambientin e saj sportiv ka mirëpritur kampionatin e 30-të Ballkanik të Atletëve Master, i cili u zhvillua për herë të parë në Shqipëri.

Nga më të rinjtë deri tek 80 vjeçarët nisën garat e këtij eventi që erdhi për herë të parë në Korçë. E  veçanta e këtij kampionati ishin atletët veteranë të cilët ishin po aq në formë, energjikë, ku dëshira dhe pasioni për sportin nuk kushtëzohen kurrësesi nga mosha. Sporti u fal adrenalinë dhe kënaqësi.

Ivanov Mihail është 68 vjeç, dhe prej një jete të tërë, i është përkushtuar sportit të hedhjes së çekiçit, më konkretisht që prej vitit 1966.

Po marr pjesë me kënaqësi të vecantë ketu. Ka 3 vite që behem pjese e këtij aktiviteti dhe më pelqen shume duke marre ne konsiderate edhe moshen time dhe gjendjen time është vertet dicka e bukur.

Përfaqësoj Bullgarinë dhe do të marr pjesë në hedhje çekiçi. Jam stervitur thuajse gjithe jeten time qe nga viti 1966 dhe vazhdoj ende të stërvitem mjaftueshëm e bëj për të qenë i shëndetshëm. Këtu ka atletë më të vjetër se unë në moshë por edhe më të rinj, është bukur të jesh mes tyre.” – shprehet Ivanov.

Agron Mucaku vjen nga Kosova dhe i është bashkuar këtij kampionati me garën 400 metra me pengesë. Rekordmeni i 110 metrave dhe i 400 metrave në pengesë , titull i marrë para 35 vitesh , vijon të jetë i tillë pasi askush në këto vite nuk nuk ka mundur të arrijë kohën dhe tia rrëmbejë tiltullin.

Ndjehem shumë mirë, vij nga Kosova dhe do të marr pjesë në një vrapim 400 metra me pengesa për grupmoshën 55 deri 59 vjeç. Ky është një shans që nuk e kam patur rastin të marr pjesë në gara ballkanike, dhe vendosa që në këtë moshë ta provoj dhe ja ku jam sot.



Është një kënaqësi e paparë, me njerëz shumë të mirë që marrin pjesë. Jam kampion i Kosovës, ku para 35 vitesh kam shënuar rekordin prej 15 sekondash në 110 metra dhe 58 sekonda në 400 metra me pengesa. Këto aktivitete duhet të përsëriten sa më shpesh”, tregon Mucaku.

Organizatori Rudi Bektashi tregohet entuziast që një kampionat i tillë zhvillohet për herë të parë në Shqipëri.

Pavarësisht situatës pandemike mbi 600 atletë të huaj janë pjesëmarrës dhe 100 atletë shqiptarë të ardhur nga të gjitha qytetet e vendit.

“Kampionati i 30-të Ballkanik i Atletikëve Veteranë që u bë për herë të parë në Shqipëri dhe në Korçë, ka një pjesëmarrje shumë të madhe, megjithëse është kohë pandemie.

Saktësisht janë 718 atletë të rregjistruar dhe që do të marrin pjesë në këtë kampionat. Mbi 600 prej tyre janë të huaj, por ka edhe atletë shqiptarë që kanë përfaqësuar të gjitha bashkitë e Shqipërisë. Ambjenti është shumë festiv, çdo gjë po shkon për së mbari e me një rritëm shumë të mirë”,  shprehet Bektashi.

Ballkanik i Atletëve Master ka sjellë një atmosferë ndryshe për qytetarët korçarë dhe për vetë qytetin e Korçës. Të interesuar për të parë garat, kanë qenë edhe banorët sportdashës të cilët kanë shijuar kampionatin e atletëve veteran, e arsyeja kryesore mbetet mosha e tyre./CNA.al

LEXO TE PLOTE

Në QYTETIN tim

REPORTAZH-Paulin Preka, lamtumira e ‘kolosit’ të humorit shqiptar

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Mes lotësh e një dhimbje të madhe miq, familjarë, kolegë e shumë qytetarë të Shkodrës i dhanë lamtumirën e fundit “Mjeshtrit të Madh” të humorit, aktorit të shquar shqiptar e shkodran Paulin Preka.

Arkivoli me trupin e pajetë të aktorit 86 vjeçari mbërriti nga Italia ku jetonte me familjen në hollin e teatrit “Migjeni” ku u zhvilluan homazhet në nder të tij.

Kolegët të përlotur e kujtojnë humoristin Paulin Preka si një kolos të artit shqiptar. Mjeshtrja e Madhe Zyliha Miloti nuk i ndan për asnjë çast lotët kur flet për kolegun e saj të dashur Paulin Preka.

“Partneri i 40 viteve me radhë. Sot Shkodra i jep lamtumirën e fundit artistit të madh, personalitet i artit shqiptar Paulin Preka. Ai lindi për të qenë artist i madh, i kompletuar në të gjitha drejtimet, jo vetëm aktor humori dhe i komedisë por edhe aktor i mrekullueshëm i dramës, një artist i mrekullueshëm edhe në filmat shqiptar si dhe ka mbajtur gjallë estradën e Shkodrës me shkrimet e tija të mrekullueshme. Është një humbje e madhe. Paulin Preka ishte një partner i mrekullueshëm. Unë e kam për nder dhe jam shumë krenare që kam interpretuar përkrah këtij artisti të madh i cili me plot gojë e them që mi ka shtuar shumë vlerat si artiste. Përveçse një artist i përkryer i kushedi sa karaktereve e roleve që asnjëherë nuk e bëri një rol dy herë, ishte edhe një shok shumë i mirë sepse më shumë kemi jetuar me njëri-tjetrin se sa në familjet tona. Më vjen keq sepse la pas shumë material të shkruara dhe ka patur shumë dëshirë që të vinte ta bënte edhe një shfaqje por familja i ka ato materiale dhe besoj do i sjellin për të përjetësuar edhe njëherë emrin e tij. Na ka ikur një artist i mrekullueshëm. Për mua duhen dekada e ndoshta edhe një shekull për të lindur edhe një Paulin Preka tjetër që nuk e di a lind. I përjetshëm qoftë kujtimi i tij”, shprehet Zyliha Miloti.

Zef Deda, një tjetër kolos i skenës është i ngarkuar sëtepërmi emocionalisht për këtë humbje të madhe të artit shqiptar siç është Paulin Preka.

Paulin Preka është artisti që mori zemrën dhe e hodhi në skenë, e përpunoi aq bukur, e mbajti të pastër, ia hodhi spektatorit që mbeti gjithmonë i kënaqur. Paulin Preka erdhi shumë i ri në teatër dhe unë kam qenë fëmijë dhe ai ishte një risi në teatër. Ishte si një idhull për ne, kishte interpretim të pastër, të fuqishëm, të thellë në drama por edhe në estradë. Paulin Preka ishte një kolos jashtëzakonisht i madh për atë forcën interpretues, me atë humor të këndshëm e të bukur. Shpirti më dhemb por nuk ka dy jetë njeriu. Populli thotë një fjalë, i pavdekshëm dhe ashtu do jetë. Brezat patën fatin që ta shijojnë, ta dëgjojnë e po ashtu edhe ne si dhe nuk do të harrohet kurrë sepse ka lënë shumë vepra të bukura, role pafund, shkrime, artisti jonë vërtet një korife do mbetet për skenën e teatrit”, shprehet Zef Deda.

Besnik Çinari është një tjetër emër që ndau shumë vite e momente me mikun e tij të ngushtë Paulin Preka.

Sot po i japim lamtumirën e fundit Paulin Prekës, të cilin e kemi dashur shumë. E ka dashur populli në radhë të parë, ai ka lënë shpirtin dhe eshtrat në këtë teatër. Është krijuesi dhe ka hapur i pari estradën e Shkodrës bashkë me të madhin Tano Banushi. Paulin Preka e dishroi Shkodrën, artisti duhet të qëndrojë në vendin e vet por rrethat ekonomike, familjare e çuan në Itali por shpirtin e ka patur në Shkodër. Ne dhe populli i Shkodrës i japin lamtumirën. Paulin Preka ka shkruar shumë dhe ka mbajtur gjallë estradën e Shkodrës. Paulin Prekës ia shpërbleu me pagë Italia në vend që t’ia shpërblente Shqipëria”, thotë Besniku.

Për aktoren e humorit Drande Xhai por jo vetëm, kolosi Paulin Preka ishte edhe një mësues fantastik.

‘Një ditë shumë e vështirë. Së pari ditë e vështirë sepse humori shqiptar humbi një nga aktorët më të shquar të skenës dhe humorit shqiptar, ditë e vështirë për Shkodrën sepse humbi një artist dhe qytetarë të jashtëzakonshëm, e vështirë për familjen sepse humbi njeriun më të dashur, shumë e vështirë për ne kolegët, shumë e vështirë për mua që humba profesorin, humba kolegun, humba prindin sepse këshillat e tij do i mbaj gjatë gjithë jetës time. E vështirë sepse një aktor si Paulin Preka është i pazëvendësueshëm. Fati i madh për mua, për teatrin “Migjeni” për humorin shqiptar që Paulin Preka ka ekzistuar. Do mbetet në historinë e artit, vulosi përjetësinë.”



Aktori Sandër Ruçi gjithashtu ndau skenën me pjesë të pavdekshme humoristike.

Artistikisht ra perdja por nuk ka rënë miti i Paulin Prekës i cili na ka lënë pasuri të madhe mbrapa. Zakonisht këto njerëz shkojnë në përjetësinë e një kombi gjë që nuk e ka shansin çdokush. Unë e pata mik, mësues bashkëpunëtor. Ai e jetoj jetën, i vendosi vulën, u mishërua me teatrin, me spektatorin i cili do e ketë në ndërmendje shumë gjatë. Unë e kam quajtur Paulin Prekën kolona vertebrale e teatrit “Migjeni” dhe varietesë shkodrane. Ishte shumë planësh, ishte njerëzor, e ndihmonte elementin e ri, ka lënë kontribut të pashoq dhe një pasuri jashtëzakonisht shumë të madhe, është një shkollë në vete. Ishte aktor i dimensioneve me nivel të lartë dhe do i mungojë spektatorit, teatrit dhe do na mungojë të gjithëve. Paulin Preka për tekste ishte buka e teatrit “Migjeni”. Në një material që është “Andërr grash”, ai elementi kur çohet nga varri në kohën e demokracisë dhe Paulini kishte zakon dhe shkruante në fletoren me vija me laps, kishim kohë që bashkëpunonim bashkë dhe në dhomën e pushimit sjell materialin dhe ma lexon dhe më shihte në sy, unë po e dëgjoja por nuk bëra zë dhe më tha nuk të pëlqeu? I thashë si nuk më pëlqen, ti nuk e di se çfarë ke bërë, e gëzofsh më tha, pra ka qenë kaq altruist saqë nuk ka parë asgjë dhe nuk ka patur se çfarë të shohë se ka qenë kolos dhe unë do ta kujtoj gjithmonë. I përjetshëm qoftë kujtimi i tij”, rrëfen Sandër Ruçi.

Ndonëse më i vogli në moshë në estradën e atyre viteve Edmond Halili gjithashtu iu bashkua asaj kaste të njohur aktorësh i cili ruan kujtimet më të bukura me Paulin Prekën.

“Është një humbje padiskutim e madhe jo vetëm për Shkodrën por për gjithë Shqipërinë . Është një artist i madh i humorit dhe ishte gjithë jetën një person i qeshur, i mrekullueshëm dhe me një humor të jashtëzakonshëm. Në publik kanë mbetur batutat e tija ndërsa ishte edhe një shkrues i një niveli të lartë të materialeve të ndryshme”.

Drejtoresha e teatrit “Migjeni” Rita Gjeka thotë se shfaqja e radhës në teatër do të jetë me një material të të madhit Paulin Preka i cili përveçse aktor ishte edhe një tekstshkrues i një niveli të lartë.

“Paulin Preka e nisi karrierën e tij si aktor dramatik dhe pastaj ka vijuar me estradën. Nuk është thjeshtë humbje por është me t’u këput krejt këmbët. Paulin Preka do mbesë gjithmonë në kujtesën e brezave sepse rolet e tij janë të pafundme. Unë i kam lënë një porosi familjes para se të vinte, i gjithë dorëshkrimi i tij do të merret në dorë, do të shihet dhe në esatradën e parë që do kemi do jetë një material i shkruar nga Paulin Preka”.

Djali i të ndjerit Paulin Preka, Sokol Preka thotë se kohët e fundit kolosit të humorit shqiptar i mungoi shumë publiku dhe kolegët ndërsa falenderon për nderimin e figurës së babait të tij.

Paulin Preka numëron shumë role me estradën e teatrit “Migjeni”, po ashtu është pjesë edhe e shumë filmave kinematografik si dhe autor i shumë komedive e skeçeve të ndryshme të cilat janë vënë në skenë për shumë vite me radhë. Humori dhe batutat e tij do mbesin gjatë ashtu siç Paulin Preka shënjoi emrin e tij në artin e kulturën shqiptare./CNA.al

 

LEXO TE PLOTE
Lajme të Rekomanduara: