Connect with Us

Gjykata nxjerr Klemend Balilin nga burgu i sigurisë së lartë i Peqini/ “Eskobari” kalon në siguri të zakonshme

Aktualitet

Gjykata nxjerr Klemend Balilin nga burgu i sigurisë së lartë i Peqini/ “Eskobari” kalon në siguri të zakonshme

Publikuar

-

Gjykata nxjerr Klemend Balilin nga burgu i sigurisë së lartë i Peqini/ "Eskobari" kalon në siguri të zakonshme

Nga Elton Qyno

Pas disa seancash gjyqësore maratonë në gjykatën e Elbasanit, Klemend Balili, njeriu i bërë i famshëm për trafikun e drogës nga Saranda në drejtim të Greqisë, ka mundur të ndryshojë rregjimin e vuajtjes së dënimit.

Nëpërmjet një vendimi të firmosur në datën 9 korrik 2021 nga gjyqtarja e Elbasanit, Pajtime Fetahu, i dënuari me 10 vite burgim Klemend Balili, ka dalë nga sistemi i vuajtjes së dënimit nga një burg i sigurisë së Lartë në Peqin, duke u transferuar në një burg të sigurisë së zakonshme.

Gjykata ka urdhëruar që pjesën e dënimit të mbetur, Balili ta vuajë në një burg të sigurisë së zakonshme, ku oraret e takimeve me familjarët dhe kushtet e tjera janë më të zbutura. Me kërkesën e Balilit, për të ndryshuar kushtet e sigurisë të vuajtjes së dënimit ka qënë dakord dhe prokurori i Elbasanit, Mustafa Turku, i cili pasi është njohur me aktin e ekspertimit të dy mjekëve, i ka pohuar gjykatës se ishte dakord për ndryshimin e sigurisë së burgut, për të dënuarin Klemend Balili.

Balili, nëpërmjet avokatit të tij kishte depozituar gati 1 vit më parë kërkesën për të dalë nga burgu i sigurisë së lartë. Avokati ka kërkuar një gjykim të shpejtë, për të mbrojtur shëndetin e Balilit, pasi sipas tij: “…për shkak të një regjimi të ashpër në sigurinë e lartë të burgut, i dënuari ka mungesë kontakti me mjekun dhe të afërmit…”.

Avokati ka argumentuar më tej në seancë gjyqësore se qëndrimi në një burg të sigurisë së lartë, ka sjellë përkeqësimin e shëndetit të Balilit dhe ky ambjent i rrezikon seriozisht jetën. Për tu bindur lidhur me gjëndjen shëndetësore të Balili, gjyqtarja Pajtime Fetahu, ka tërhequr dosjen mjekësore të Balilit në burgun e Peqinit. Për më tepër ka caktuar dhe dy ekspertët mjeko-ligjorë, Elmaz Shaqiri dhe Sokrat Meksi, të cilët kanë kryer raportin mjekësor ku evidentohet gjëndja shëndetësore e Balilit.

LEXO EDHE:  Vendimi i gjykatës/Reagon Tahiri: Shyqyr! Dënohet artist i shpifjeve

Duke u bazuar në këtë raport mjeko-ligjor dhe kërkesën e prokurorit të çështjes por dhe avokatit të Balilit, gjykata e Elbasanit ka miratuar në 9 korrik 2021, ndryshimin e sigurisë së vuajtjes së dënimit për Klemend Balilin. Balili është dënuar nga Gjykata e Krimeve të Rënda me 10 vite burgim për akuzën e “Trafikimit të lëndëve narkotike”.

Sipas dosjes hetimore, në ditët e para të muajit Maj 2016, Klement Balili, organizoi transportin nëpërmjet detit nga Shqipëria drejt Greqisë, të një sasie të madhe kanabisi 678 kg, në marrëveshje të plotë me koordinatorin e transportit Georgios Alyfandi, asistuar nga Ksenofonda Anagnostopulo dhe dy korrierë shqiptarë Petro Dalanaj dhe Kleanth Palaj, të cilët ndodheshin në det, por që sipas akuzës koordinoheshin nga toka nga Balili që qëndronte në Sarandë.

Nga këtu, po sipas dosjes së sjellë nga pala greke Balili fliste me dy numra grekë, duke dhënë urdhra për korrierët e tij dhe koordinuar veprimet me kreun e organizatës greke Georgios Alyfantis. Në datat 5 maj 2016 dhe deri në datë 8 maj 2016 kur është bërë dhe sekuestrimi i lëndës nakotike, sipas hetimeve Balili ka mbajtur kontakte me Georgios Alyfantis, i cili ishte pritësi dhe organizuesi i pritjes së sasisë së lëndës narkotike cannabis sattiva që vinte nga Shqipëria, me varkën e drejtuar nga Petro Dalanaj.

Konkretisht identifikimi i Balilit është bërë me sms-të e mëposhtme mes Alifandis, dhe Balilit ku greku i thotë shqiptarit “…Vëllai im, dërgo numrin e pasaportës tënde…”. Person shqiptar që deri në këto momente ishte i panjohur në 11 mars 2016, ora 13:23 i dërgon numrin “BF2613552”, që nga konfirmimi në sistemin TIMS është i Klemend Balili,lindur më 20 mars 1972 në Shqipëri, banor në Sarandë Shqipëri.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Komisioni hetimor për zgjedhjet e 25 Prillit/ Vjen lëvizja e parë pas miratimit nga Kuvendi

Publikuar

-

Nga

Përmbysje të rezultatit/ Si pritet të ndahen mandatet sipas Exitpoll-eve në Tiranë

Katër pas miratimit në Kuvend, do të zhvillohet mbledhja e parë e Komisionit Hetimor për 25 zgjedhjet e prillit.

Ditën e hënë në orën 15.00 do të mbahet mbledhja e parë që do të ketë në rend të ditës, deklarimin e qëllimit të ngritjes së komisionit hetimor, përcaktimin e detyrave dhe të tjera.

Rendi i ditës:

Deklarimi i konstituimit të Komisionit Hetimor dhe prezantimi i anëtarëve të tij.

Deklarimi i qëllimit të ngritjes së Komisionit.

Përcaktimi i detyrave të Komisionit.

Shqyrtimi dhe miratimi i Rregullores së brendshme të funksionimit të Komisionit Hetimor.

Zgjedhja e Sekretarit të Komisionit.

Vlerësimi i të dhënave paraprake, që përbëjnë plan paraprak hetimi dhe deklarimi i hapjes së hetimit.

Përcaktimi i mbledhjes së ardhshme të Komisionit.

Gjithashtu gazetari Stafa bën me dije se Komisioni Hetimor përbëhet nga 15 anëtarë, të cilët janë:

Enkelejd Alibeaj        Kryetar           PD

Toni Gogu  Zëvendëskryetar            PS

Klotilda Bushka anëtare                    PS

Blerina Gjylameti anëtare                 PS

Aurora Mara anëtare                          PS



Klevis Xhoxhi anëtar                           PS

LEXO EDHE:  Rrëzohet tentativa e Vjollcës dhe Blushit për grabitjen e aksioneve në Digitalb

LEXO EDHE:  I dënuar me burgim të përjetshëm/ Gjykata shfuqizon vendimin për ish-kreun e bandës së Vlorës

Nasip Naço anëtar                                PS

Petro Koçi anëtar                                   PS

Bardhyl Kollçaku anëtar                       PS

Gazmend Bardhi anëtar                        PD

 

Oerd Bylykbashi anëtar                          PD

Ferdinand Xhaferraj anëtar                   PD

Ervin Salianji anëtar                                PD

Kreshnik Çollaku anëtar                           PD

Petrit Vasili  anëtar   deputet i pavarur

Xhemal Qefalia anëtar zëvendësues        PS

Etjen Xhafaj anëtar zëvendësues              PS

Arbi Agalliu anëtar zëvendësues               PD

Lindita Metaliaj anëtare zëvendësuese    PD

LEXO TE PLOTE

Kronika

Video-RENEA zbarkon në Kukës/ Operacioni “Vila”, një i arrestuar

Publikuar

-

Nga

Vrasje mafioze e Velajt/ Forcat RENEA zbarkojnë në Vlorë

Finalizohet operacioni policor i koduar “Vila”, për goditjen e veprimtarisë kriminale në fushën e shpërndarjes së lëndëve narkotike dhe të ushtrimit të paligjshëm të lojërave të fatit.

Operacioni u krye nga Drejtoria Vendore e Policisë Kukës, në bashkëpunim me RENEA-n, nën drejtimin e Prokurorisë së Rrethit Gjyqësor Kukës.

Arrestohet në flagrancë një nga organizatorët, si dhe shpallet në kërkim shtetasi që kishte vënë në dispozicion lokalin e marrë me qira, për ta përdorur për lojëra fati, shpërndarje e përdorim të drogave të forta.

Janë proceduar penalisht në gjendje të lirë dhe 7 shtetas, për moskallëzim krimi.

Gjithashtu është sekuestruar një sasi me lëndë narkotike kokainë, një peshore elektronike që shërbente për të ndarë lëndën narkotike në doza, një kuti me ekstazi, një tavolinë pokeri, një kuti me çipsa, letra bixhozi dhe një sasi parash.

Në funksion të procedimit penal të nisur më parë për goditjen e veprimtarisë kriminale të shpërndarjes së lëndëve narkotike dhe të ushtrimit të paligjshëm të lojërave të fatit, nisur edhe nga informacionet e marra se personat organizatorë mund të ishin të armatosur dhe rrezikohej jeta e punonjësve të Policisë në operacion, shërbimet e Drejtorisë Vendore të Policisë Kukës, në bashkëpunim me RENEA-n, nën drejtimin e Prokurorisë së Rrethit Gjyqësor Kukës, organizuan dhe finalizuan operacionoin policor të koduar “Vila”.



 Në kuadër të këtij operacioni u arrestua në flagrancë shtetasi B. S., 35 vjeç, me precedent penal të mëparshëm në fushën e narkotikëve, i dyshuar si organizator i shpërndarjes së drogave të forta dhe ushtrimit të paligjshëm të lojrave të fatit, si dhe u bë shpallja në kërkim e shtetasit F. E., 34 vjeç, me precedent të mëparshëm penal në fushën e narkotikëve, i dyshuar për ushtrim pa licencë të lojërave të fatit, përshtatje të lokalit për përdorim droge dhe prodhim e shitje të narkotikëve.

Gjithashtu u proceduan penalisht për moskallëzim krimi, edhe 7 shtetas të tjerë, të cilët u gjetën duke luajtur lojra fati në lokalin e marrë me qera nga shtetasi i shpallur në kërkim F. E., i cili e kishte përshtatur lokalin për shpërndarje të drogave të forta dhe ushtrim të paligjshëm të lojrave të fatit.

 Gjatë kontrollit në lokal, në qytetin e Kukësit, shërbimet e Policisë sekuestruan një sasi kokaine, sende që shërbenin për përdorimin e lëndës narkotike kokainë, ekstazi, çipsa, letra bixhozi, peshore elektronike, tavolinë pokeri dhe një sasi parash.

 Ndërsa gjatë kontrollit në banesën e shtetasit të arrestuar B. S., shërbimet e Policisë gjetën edhe një sasi tjetër kokaine të futur në një qese plastmasi.

 Operacioni vijon për kapjen e personit në kërkim, si dhe të personave të tjerë të përfshirë në organizimin e kësaj veprimtarie kriminale”, njofton Policia./CNA.al

LEXO TE PLOTE

Aktualitet

Edicioni i pestë të Maratonës së Tiranës/ Emrat e fituesve në 4 kategori

Publikuar

-

Nga

cna lajme aktualitet

Në Maratonën e Tiranës,  morën pjesë rreth 2500 atletë, ku garuan në kategoritë Marathon 42 K, Half Marathon 21 K, Tirana 10 K dhe  “Ëe too”.

Maratona,  ku 1000 vinin nga e gjithë bot aka përfunduar në mesditë ku janë shpallur edhe fituesit për secilën nga kategoritë.

Në kategorinë Marathon 42 K tre vendet e para janë si më poshtë:

Fituesit – Meshkuj

Vendi i parë: Ilir Kellezi – Shqipëri – Fiton 5000 Euro
Vendi i dytë: Igor Jakinovski – NMKD – Fiton 3000 Euro
Vendi i tretë: Stefan Trost – Austria – Fiton 2000 Euro

Fituesit – Femra

Vendi i parë: Veretska Valentyna – Ukraina – Fiton 5000 Euro
Vendi i dytë: Luiza Gega – Shqipëri – Fiton 3000 Euro
Vendi i tretë: Kateryna Basilade – Ukraina – Fiton 2000 Euro

Në kategorinë Half Marathon 21 K tre vendet e para janë si më poshtë:

Fituesit – Meshkuj



Vendi i parë: Bogdan Semenovych – Ukraina – Fiton 2000 Euro
Vendi i dytë: Ivan Bubnov – Rusia – Fiton 1500 Euro
Vendi i tretë: Albion Ymeri – Kosova – Fiton 1000 Euro

LEXO EDHE:  Ndërtim i paligjshëm/ Gjykata sekuestron një pallat 9-katësh

LEXO EDHE:  Tentuan arratisjen nga burgu/ Izolohen Arbër Çekaj dhe Fatmir Pjetri

Fituesit – Femra

Vendi i parë: Nataliia Semenoyych – Ukraina – Fiton 2000 Euro
Vendi i dytë: Adrijana Poparsova – NMKD – Fiton 1500 Euro
Vendi i tretë: Gresa Bakraci – Kosova – Fiton 1000 Euro

Në kategorinë Tirana 10 K tre vendet e para janë si më poshtë:

Fituesit – Meshkuj

Vendi i parë: Atanas Anchevski – NMKD – Fiton 800 Euro
Vendi i dytë: Bledar Mesi – Shqipëri – Fiton 600 Euro
Vendi i tretë: Malvin Nikolla – Shqipëri – Fiton 500 Euro

Fituesit – Femra

Vendi i parë: Redia Dauti – Shqipëria – Fiton 800 Euro
Vendi i dytë: Relaksa Dauti – Shqipëri – Fiton 600 Euro
Vendi i tretë: Lorina Metaj – Shqipëri – Fiton 500 Euro

LEXO TE PLOTE