Connect with Us

“Mos vazhdo mo mor, boll!”/ Punonjësi i përplas derën në surrat qytetares

Denoncim

“Mos vazhdo mo mor, boll!”/ Punonjësi i përplas derën në surrat qytetares

Publikuar

-

Vajza e drejtuar në “Stop” ka përfunduar 2 ciklet e studimeve në Fakultetin e Ekonomisë. Për ciklin bachelor ka paguar tarifën e plotë, në një kohë, që duhet të ishte përjashtuar, pasi ka nënën invalide. Kur është informuar për këtë gjë ka bërë një marrëveshje, për gjysmën e pagesës në studimet master.

Ajo ka mbaruar provimet dhe 2 vitet master dhe ka mbrojtur edhe diplomën, por nuk i japin kartonin, me pretendimin se nuk ka bërë pagesën e masterit. Vajza i drejtohet Sekretarisë së Fakultetit, ku në fillim i mohohet, që ka dorëzuar dokumentet, për t’u përjashtuar nga tarifa. Më pas dokumentacioni u gjet.

Administratori i Fakultetit Ekonomik, Ermal Haxhiaj pranon gabimin e bërë dhe kërkon me shkresë orientim nga bordi i Fakultetit dhe rektorati.

Punonjësi i fakultetit Ekonomik: Po të them të lutem, se u çova në këmbë dhe të erdha të flas aty, po të them të lutem!

Denoncuesja: Ti do të çohesh në këmbë, po mund të çohesh në këmbë, hajde!

Punonjësi i fakultetit EkonomikNe të tjerët po punojmë. A ka mundësi të mos flasësh shumë, të na lesh dhe ne të tjerët të punojmë?

Denoncuesja: Unë po flas me personin në fjalë, për problemin, që unë kisha.

Punonjësi i fakultetit Ekonomik: Derisa zonja ta gjej atë, që ti kërkon. Mos fol!

Denoncuesja: Do flas, sepse zonja po flet për problemin tim, mbaroi dhe unë po bashkëbisedoja me atë! Ti nuk ke, pse ndërhyn!

Punonjësi i fakultetit Ekonomik: Lëre zonjën t’i gjejë gjërat që të duhet ty, nëse do të mbarosh punë! Nëse s’do të mbarosh punë, vazhdo e flit dhe s’ke për të mbaruar punë! Mirë?!

Denoncuesja: Atëherë…

Punonjësi i fakultetit Ekonomik: Mos vazhdo mo mor, boll!

LEXO EDHE:  Denoncimi-Vjedhje masive në Lushnje/ E përfshirë dhe policia  

DenoncuesjaMbarove të flas unë? Mos ma plas derën ashtu!

I përplas derën në fytyrë.

Punonjësi i fakultetit Ekonomik: Unë i them boll, ajo vazhdon!

Takimi me admnistratorin e Fakultetit të Tiranës Ermal Haxhaiaj.

Administratori i Fakultetit Ekonomik: Mamaja e Joanës është invalide pune, pra ne në pretendimin, që kemi ngritur për t’u orientuar nga Rektorati, jemi në rregull. Në logjikën tonë, që i takon?

Punonjësja: I takon!

Administratori i Fakultetit Ekonomik: Joana unë prapë mendoj, që të takon! Jo mendon, por ty të takon! Atëherë do të bësh një gjë! Do t’ia fotokopjosh dokumentacionin, edhe VKM-në respektive, gjej dhe Vkm-në e 15-16,16-17!

Punonjësja: Të treja viteve të Bachelor-it.

Administratori i Fakultetit Ekonomik: Merre Joanën, bëni një shkresë drejtuar Bordit të Administrimit, bashkëlidhur më ka ardhur kjo përgjigje, t’i thotë, kam kërkuar te Adminstratori i Fakultetit dhe më ka orientuar për në Rektorat. Më ka ardhur kjo përgjigje.

Joana do të shprehesh, që kjo përgjigje nuk më zgjidh, pasi unë pretendoj, që pagesat, që kam bërë për Bachelor-in, nuk duhet që t’i bëj, kështu që më konvertohen për masterin. Të presim dhe përgjigjen e Bordit.

Fakulteti i Ekonomisë për të respektuar hierarkinë shprehet që fjalën e fundit vendimmarrëse duhet ta japë rektorati, bordi i administrimit dhe administratori i Universitetit të Tiranës. Në një mënyrë apo në një tjetër, vetë Fakulteti i Ekonomisë pranon gabimin e bërë rreth 5 vite më parë, por që ky gabim tashmë duhet të rregullohet sipas Fakultetit të Ekonomisë nga rektorati dhe administratori i Universitetit të Tiranës. /tvklan.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Denoncim

“Nuk shihja gjë, isha i larë në gjak për vete…”/ Polici sajon përplasje fizike dhe fut në burg qytetarin

Publikuar

-

Nga

Në maj të këtij viti emisioni “Stop” transmetoi denoncimin e shtetases Bana Muça emigrante prej 25 vitesh në Itali. Ajo tregoi, se prindërit e saj të moshuar, 69 dhe 72 vjeç, janë dhunuar nga një bashkëfshatar i tyre, polic në Peshkopi, Bukurosh Zagrati.

Konflikti ka nisur për një pjesë betoni, që të moshuarit kishin bërë para portës së tyre. Rexhep dhe Emrije Muça treguan për dhunën nga ana e Bukurosh Zagratit  në fshatin Steravec në Peshkopi. Pasi të moshuarit bënë kallëzim për dhunë, polici Bukurosh Zagrati nisi sulmet ndaj çiftit Muça, duke pretenduar, se dy të moshuarit kishin dhunuar gruan e tij.

Polici Bukurosh Zagrati: Më erdhën tek shtëpia, unë nuk dola fare, se isha i përgatit për gjumë, se isha i lodhur në punë. Doli nusja ke shtëpia dhe i përzuri nusja nga shtëpia, sepse ata ishin të armatosur… ore gruan e kam me raport, se i ka ra pas veshit, fshehën armët. Këtë e bëjnë për justifikim, e bëri zotëria… po erdhën o, erdhën tek shtëpia ime me armë…

Kjo rezultoi e sajuar, por Prokuroria e Peshkopisë nuk e akuzoi policin dhe gruan e tij për kallëzim të rremë. Pasi nuk funksionoi plani i pari, polici krijoi një sherr me djalin e të moshuarve, Ardian Muça, duke e çuar situatën në përplasje fizike.

Muça tregon nga burgu i Burrelit, ku ndodhet për tentativë vrasjeje, versionin e tij të ngjarjes, që nuk përputhet me atë të policit.

Ardian Muça: Isha tu ra poshtë në qytet, u ndalëm tek Shira për të pirë kafe dhe duke zbritur poshtë për të marrë një paketë cigaresh, dëgjoj një zë: “hej më thirri ky…” ktheva kokën pashë Bukurosh Zagradin, më thotë do ta heqësh denoncimin, se unë t’i pres veshët. I thashë “më lër rehat, se kam 100 halle” dhe u afrua dhe më goditi.

LEXO EDHE:  Policët dhunojnë vëllezërit dhe u vjedhin paratë/ Reagon babai i djemve: Mungon kallashnikovi

LEXO EDHE:  Policët dhunojnë vëllezërit dhe u vjedhin paratë/ Reagon babai i djemve: Mungon kallashnikovi



Me çfarë të goditi?

Ardian Muça: Me një dorezë hekuri po kokës, pastaj unë i përgjakur u ula në gjunj. Shoh unë nxorri një thikë me palosje me hapje, me mbyllje ishte ajo thikë dhe gjatë përleshjes e sipër, më zuri poshtë, vazhdimisht ai më godiste me gjunj nga stomaku dhe me dorën tjetër nga koka. Më kishte vu dhe një kapuç nga koka, kapuçi ishte i xhupit tim.

Thikën ju pohoni dhe deklaroni se ka qenë e punonjësit të policisë?

Ardian Muça: Ka qenë e punonjësit të policisë dhe e mori e futi në xhep, nuk e pa kush.

Ju e goditët me këtë thikë?

Ardian Muça: Jam kap tek dora e tij, jo thikën, vetëm i kam dorën edhe duke u përlesh. Nuk di gjë, që ai është gris, është dëmtuar me thikë. Unë nuk shihja gjë, isha i larë në gjak për vete. Dhunën e ka pas bërë para një viti, unë po të kisha desh, nuk do të prisja një vit edhe do t’i dilja me thikë Bukurosh Zagratit, kur në të njëjtën kohë, ai është punonjës policie edhe e kisha në fshat. Është një gjë absurde, nuk shkon vetëm Prokuroria e Dibrës e bën këtë gjë të tillë…/tvklan.al

LEXO TE PLOTE

Denoncim

“Far west” mes barinjve në Dropull, bashkia dhe policia bëjnë sehir

Publikuar

-

Nga

Fiks Fare denoncoi mbrëmjen e së mërkurës denoncimet e shumta të banorëve të fshatit Hllomo në Dropull, të cilët ankohen se policia dhe bashkia nuk kanë marrë asnjë masë për denoncimet e shumta të tyre për kërcënime. Disa banorë pohuan se janë kërcënuar nga një person i quajtur Ylli Muçobega, i cili është çoban dhe qëndron në afërsi të fshatit.

Sipas tyre, kanë bërë kallëzime në Policinë e Gjirokastrës, si dhe te inspektori i zonës z.Haxhi Leskaj. Por, deri më tani nuk është marrë asnjë masë. “Ky çoban nuk ka asnjë sipërfaqe me qira, as nga ne dhe as nga Bashkia Deopull, por i ka zaptuar. Na ka dalë me çifte dhe me sopata. Jemi të moshuar dhe kemi frikë” pohojnë banorët. Më tej pohojnë se çobani është problematik, pasi ka qenë edhe në një fshat tjetër por banorët e kanë përzënë për të njëjta arsye. Ata thonë se kullotat ia kanë dhënë me qira një çobani tjetër, Bilbil Hoxhaj, i cili ka 30 vjet në atë fshat. Ndërkohë, këto kullota përdoren edhe nga çobani tjetër Muçobega.

Fiks Fare bisedoi edhe me çobanin Bilbil Hoxhaj, i cili pohon se në këtë fshat ka 30 vjet dhe përdor kullotat verore. Qëndron në këtë fshat 6 muaj dhe 6 muaj në Himarë. Sipas tij, ai ka 500 krerë dhi dhe ka marrë me qira 6 mujore kullotat. Ka dokumente nga bashkia Dropull për qindra hektarë, ndërsa ka edhe dokumente nga banorët për tokën që kanë me tapi banorët. Paguan rreth 1.5 mln lekë të vjetra në vit, ndërkohë në kullotat që ai ka në përdorim ka bagëtitë edhe z.Muçobega. Thotë se janë konfliktuar disa herë me këtë familje, ndërsa konflikti ende nuk është zgjidhur. Thotë se bashkia si ka dhënë me qira, por ai i ka zaptuar dhe i mban te kullotat e tij.

Fiksi bisedoi edhe me kryetarin e Bashkisë së Dropullit, Dhimitraq Toli. Ai pohoi se është në dijeni të konfliktit, pasi Ylli Muçobega ka qenë në një fshat tjetër dhe është transferuar në këtë fshat. Kryetari thotë se edhe fshati tjetër nuk e donte, por edhe ky fshat Hllomo ku ka shkuar nuk e do më. Sipas tij, pas ankesave të fshatit, ai nuk i ka prerë faturë për kullotat dhe aktualisht ky person nuk ka kontratë me bashkinë e Dropullit. Thotë se janë bërë disa inspektime dhe ka rezultuar se bagëtitë e z.Muçobega qëndronin në kullotat në pronësi të bashkisë Dropull. Ai thotë se Bashkia do t’i bëjë kallëzim penal për zaptim prone, ndërkohë që thotë se bashkia nuk ka forcë ta largojë pasi 1 banor i ka dhënë këtij personi tokën me qira për të qëndruar. Por, toka nuk është as 1 Ha, ku ai duhet të ushqejë mbi 300 kokë dhi dhe dele.

LEXO EDHE:  Me leje lindje, por rezulton ende në punë

LEXO EDHE:  Laboratori i heroinës në Has/ Antidroga lajmëroi pronarin që të arratiset



Në të njëjtën ditë që grupi i Fiks Fare udhëtoi në fshatin Hllomo, Bashkia e Dropullit dërgoi një kallëzim penal në polici. Sipas përgjigjes së policisë, në datën 13 shtator 2021 ka bërë kallëzim penal Inxhinieri i Seksionit të Pyjeve dhe Kullotave, në Bashkinë Dropull ndaj shtetasit Y.M.

Ndërkohë, në datën 16 shtator 2021, Policia e Gjirokastrës i ka dërguar materialet në prokurori për veprën penale “vetëgjyqësi”, pas kallëzimit të bërë nga Seksioni i Pyjeve dhe Kullotave. Dhe, vetëm pas interesimit të Fiks Fare në bashki dhe polici, Posta e Policisë i ka dërguar kërkesë Bashkisë Dropull për kullotat në fshatin Hllomo. Megjithatë, policia ia hedh përgjegjësinë prokurorisë, pasi shkruan se “nuk ka bërë asnjë veprim të mëtejshëm hetimor!”./euronews

LEXO TE PLOTE

Denoncim

“Hajd se e mbaroi burgun, o burrë…” / Si shiten me para të drejtat e të burgosurve

Publikuar

-

Nga

Bashkëshortja e Martin Tushes është drejtuar në emisionin “Stop”, për të denoncuar korrupsionin brenda burgut të Reçit, ku i shoqi vuan dënimin. Mario Latoshi dhe Arnaldo Hoxha, me detyrë edukatorë, në këtë institucion të vuajtjes së dënimit, kanë kërkuar para nga Martini në këmbim të disa shërbimeve.

Mario Latoshi është përgjegjës për kontaktet e të burgosurve me familjarët. Ndërsa Arlando Hoxha ndikon në raport-vlerësimin e sjelljes së të burgosurve, kur këta të fundit kërkojnë, që koha e mbetur e vuajtjes së dënimit, t’i konvertohet në arrest shtëpie apo shërbim prove. Sipas bashkëshortes, Martinit i takojnë të gjitha këto vlerësime lehtësuese, por gjërat bëhen enkas të vështira, për të zhvatur para.

Denoncuesja: Atëherë, unë jam bashkëshortja e Martin Tushës. Im shoq vuan dënimin e tij  në burgun e Reçit. I ka mbetur edhe pak kohë, për të mbaruar atë dënim, që i është dhënë. Ai ka bërë një kërkesë në gjyq për shërbim prove ose arrest shtëpie, një nga të dyja. Pretendon, që me anë të sjelljes së tij të mirë, të krijojë mundësitë, që i duhen…dhe këta edukatorë, që punojnë atje janë duke ia bërë gjërat pak të vështira me thënë të drejtën, sepse ai me të vërtetë ka një sjellje të shkëlqyer atje. D.m.th nuk ka asnjë lloj problemi as me të burgosurit, asgjë…, por ata, për qëllime përfitimi, i bëjnë gjërat shumë të vështira për të, duke i thënë, që nuk mundesh, duhet të ndikojë dikush për të folur mirë për ty, këndej-andej.

Gazetari: Në çfarë forme e kanë kërkuar këtë ryfshfet? E kanë thënë troç që duan kaq lekë për të bërë këtë favor?

Denoncuesja: Po po, çdo ka qenë e drejtpërdrejtë në takimet, që ka bërë me edukatorët. Hidhu, hidhu pak dhe do bëjmë diçka për të të ndihmuar! Atëherë z. Laloshi  kërkon ryshfet në këmbim për të folur me Martinin, sepse po bëhet tani 3-4 ditë, që ne nuk kemi pasur asnjë lloj kontakti me Martinin në telefon. Zotëria kërkon, bën presione të tilla, ndalon telefonatat, ndalon bisedat në Skype, që mos kemi asnjë lloj kontakti, që ai mos ketë mundësi të shprehet, apo të thojë diçka, sepse ai çdo lloj komunikimi e ka me mua.

Gazetari: Sa lekë kërkon Mario Laloshi?

Denoncuesja: Ai si fillim ka kërkuar 100 euro dhe më vonë, duke parë duke bërë, ndoshta do të kërkojë lekë të tjera, për të na dhënë këtë mundësi komunikimi. Edhe Arnaldo Hoxha është edukator në burgun e Reçit dhe ai ka ofruar ndihmën e tij,  për ta ndihmuar kundrejt një ryshfeti. Ai ka kërkuar 200 mijë lekë, për ta ndihmuar Martinin, që të ketë… të fitojë atë kërkesë, që ai ka bërë në Gjykatë, për t’u liruar dhe duke ditur shumë mirë, që këto lloj korrupsione, janë gjëra të paligjshme, janë gjëra të padrejta, sepse atij i takon. Atëherë vendosëm, që të komunikojmë me Tv Klan, me emisionin Stop.

Pas denoncimit, agjentët e “Stop” takuan punonjësit në fjalë, të cilët në një regjistrim me kamera të fshehtë, morën përkatësisht 100 mijë lekë dhe 200 mijë lekë për të favorizuar Martin Tushen.

Qytetari: Mirë! Ulemi gjëkundi apo?

Mario Laloshi: Jo, jo, se edhe unë duhet me lëviz, ashtu.

Qytetari: Po edhe unë vonë jam, po fola me Ajtenën edhe më tha “takoji Martini me…

Mario Laloshi: Po!

Qytetari: Zotërinë, për ato numrat domethënë.

Mario Laloshi: Po, po.

Qytetari: Se i kanë mbyll, ai do të flasë me vajzën, e ka çikë vajzën sëmurë.

Mario Laloshi: E di pra, por jena marrë me atë muhabet, është problem, unë i kam çuar edhe e-mail kompanisë sot. Po duhet me u marrë, se ka problem sistemi, se do numra janë të konfirmuar dhe janë të pakonfirmuar, kshuqë pa merak.

Qytetari: Po ça mund të ndihmoj unë?

Mario Laloshi: Jo mo, thjesht duhet të regjistrohen ata numra dhe kaq.

Qytetari: I regjistron?

Mario Laloshi: Ça porosie të ka lanë?

Qytetari: Më ka lënë nja…

Mario Laloshi: Hë, se i kam fol unë Martinit,  sa t’i kalojë.

Qytetari: Tani janë 100 mijë lekë këtu. Merri, shikoji!

Mario Laloshi: Ok, ça ke bo ti?

Qytetari: Mirë o vëlla, unë isha në punë, jam lodhur.

Mario Laloshi: S’ke faj, s’ke faj. Ti nga ke ardhur?

Qytetari: Nga Tirana.

Mario Laloshi: Nga Tirana aaa.., ke ba tën’ atë rrugë.

Qytetari: Ma lanë si porosi, thashë ta heq qafe e të mos merrem. Doja të takoja edhe atë djalin tjetër unë, se ai të njihte ty, më tha që…

Mario Laloshi: Po ai djali tjetër, po është edhe ai edukatori tjetër.

Qytetari: Po isha në punë, më tha nuk e di, doja ta takoja, po mos vjen në Tiranë, ta takoja në Tiranë.

Mario Laloshi: Po ai ma ka lënë porosi mu atë pjesë, më ka thënë pa merak edhe për ça pjesën e atij…

Qytetari: Po doja të flisja një çikë, se më la nja dy porosi XXXXX.

Mario Laloshi: Ahhhhh!

Qytetari: (Flet në telefon me edukatorin Arnaldo Hoxha) Jam me këtë shokun, po është problemi, se ky ka qejf me të taku vetë. Po e di mor, po s’don, me taku ky personalisht, se don me të lënë edhe nja dy porosina të tjera, prandaj po të them. Shumë pak, ato janë me shty kohën, kështu. (flasin për lekët). Mirë takoje pra hajd, hajd!

LEXO EDHE:  Skandali në ‘Stop’/ Nuk je për mësim, e ke gjuhën e gjatë

LEXO EDHE:  Policët dhunojnë vëllezërit dhe u vjedhin paratë/ Reagon babai i djemve: Mungon kallashnikovi

Mario Laloshi: Dëgjo! Merre në telefon e fol me të itash edhe takoheni më vonë! Ok?

Qytetari: Vajza më tha faleminderit për atë 3-mujorshin, për të gjitha ato.



Mario Laloshi: Jo, jo! Ne bëmë maksimumin, që…,ne bëmë maksimumin, ai pa bo sjellje të mira ka marrë atë, që ka merituar. Nuk thashë se kemi.., a e kupton? Ne jena mundu me ndihmu sa më shumë që të jetë e mundur. Në fund të fundit e një o misioni, integrimi, rehabilitimi.

Qytetari: Po ça të them unë? Të mbyll këtë hall edhe…

Mario Laloshi: Faleminers!

Qytetari: Hajd ia kalofsh mirë! Ja, do t’i shkruaj tani!

Edukatori tjetër, Arnaldo Hoxha mori ryshfet 200 mijë lekë. Ky është edukatori që bën raportin për vlerësimin e sjelljes së të burgosurit.

Arnaldo Hoxha: Si kalove?

Qytetari: Mirë mo, shtyhemi. Martini them, mirë është?

Arnaldo Hoxha: Po mirë, mirë hajd, se mbaroi burgun, o burrë! Edhe aq sa ka, nja 6 muaj burg, edhe të iki në shtëpi të vet, se edhe neve s’kemi ça bëjmë, se jemi munduar me e ndihmuar në maksimum. Kam fol unë diçka me atë, po do flas me atë unë edhe pastaj do të…

Qytetari: Me sa më tha mua kjo ka hallin se në datën 4 ka gjyqin. Më tha fol me atë djalin tha, se ai ka disa lidhje,- më tha, fol si- qysh-tek, si i bëhet, se nuk është se…

Arnaldo Hoxha: Mirë më, se flas unë me atë e re…

Qytetari: Do rregullohemi,- më tha.

Arnaldo Hoxha: Po më po, po do flas, po flas me Martinin unë dhe e sqaroj.

Qytetari: Ti e di! Zgjidhe si të duash!

Arnaldo Hoxha: Unë e kam diskutuar pak si muhabet, po nuk është se ka bërë muhabet të gjatë shumë. Më kupton?

Qytetari: Të të jap këtë porosinë unë, se janë bërë çikë rrëmujë këto?

Arnaldo Hoxha: Ai ka hallet e veta.

Qytetari: 10, 11, 12, 13,14, 15, 16, 17, 18, 19, 20-të, Janë 20-të. Sqarohu edhe me Martinin, si e latë, se mua në Tiranë më ke, po të duhet ndënjë gjë, do më thotë, që ik!

Arnaldo Hoxha: Në rregull, në rregull, se do ta diskutoj me atë unë njëherë, pastaj do ashtu bashkë. S’e dija, që ke ardhë vetëm për këtë punë ti, për Zotin!

Qytetari: Po më tha “ik ma bëj këtë nder”! Erdha, ia bëra.

Arnaldo Hoxha: Kështu si ashtë ai tamam, kështu për të respektuar e për të bërë, bëhet… Jo, unë i thashë, se s’është puna aty, se unë e takoj unë atë robin tënd në Tiranë,- thashë unë,- edhe flas unë nga afër. S’i paska prit atij më duket, paska nxituar.

Qytetari: Po, se është në tension ai, në stres.

Arnaldo Hoxha: Lëne, se flas edhe me atë edhe pastaj…!

Qytetari: Fole me atë ti, po ke mundësi ta ndihmosh, ndihmoje!

Arnaldo Hoxha: Po s’bëhet fjalë, hë vëlla, po s’bëhet fjalë! Neve, ça kam në dorë unë për ta ndihmuar, nuk diskutohet ajo punë te Martini për Zotin! Mirë vëlla, se po çohemi pra, se edhe ti je për rrugë, edhe po ashtu, po rrimë në Tiranë, se numrin ta kam unë, e po flasim, e po pimë ndonjë kafe aty afër.

Qytetari: Tani ça ke në dorë aty…?

Arnaldo Hoxha: Të gjitha!

Qytetari: Se mua më tha, ndonjë gjykatës, a ndonjë kështu, që mund ta ndihmosh!

Arnaldo Hoxha: Ku ka mundësi unë ta ndihmoj, do ta ndihmoj. Do ta takoj vetë unë kur të hyj edhe po flas nga afër.

Qytetari: Fol nga afër, ça duhet!

Arnaldo Hoxha: Edhe të sqaron vetë ai pastaj, thotë kështu-kështu-kështu-kështu, nëqoftëse duhet noi gjë, për t’u ashtu, për t’u taku. Do flasim prapë!

Por bisedat e Martinit me të shoqen kishin rënë erë, ndaj në gjyq Martini nuk e përfitoi konvertimin e burgut me arrest shtëpie.

Denoncuesja: Në momentin, që ata kanë dëgjuar të gjitha bisedat, që bëhen në telefon, edhe pse jemi munduar, që mos t’i kemi shumë të drejtpërdrejta, duke e ditur, sesi është gjendja e telefonave atje, ata na kanë këputur telefonatat e para dhe e dyta momentin, që im shoq ka dalë përpara gjyqit, për të marrë tre mujorshin, shefja e edukatorëve socialë që është në burgun e Reçit, është ankuar përpara gjyqit, se tim shoqi nuk i takon, që ta marrë tre mujorin, sepse sipas këtyre, im shoq është ankuar shumë, për të kërkuar të drejtën e tij, po që nuk ka shumë lidhje, le të themi me gjërat, që ndodhin brenda burgut të Reçit, por thjesht për shkak të problemit që ai ka jashtë.

Gazetari: Si quhet kjo zonjë, kjo punonjëse, pra drejtoresha e të gjithë edukatorëve në burgun e Reçit?

Denoncuesja: Ajo quhet zonja Elvira Gjuhca.

Gazetari: Dhe ajo ka qenë prezente në gjyq, që ka bërë Martini për zëvendësimin e masës?

Denoncuesja: Ajo është ankuar dhe ka thënë, që nuk jam dakord me marrjen e tre mujorshit, sepse zotëria rri duke u ankuar, duke shkruar letra në instanca shumë të larta./tvklan.al

LEXO TE PLOTE