Connect with Us

“Luanët” e Anglisë dhe “Luanët” e Shqipërisë

Opinione

“Luanët” e Anglisë dhe “Luanët” e Shqipërisë

Publikuar

-

Nga Elton Qyno

Kjo javë që po lemë pas, paska qënë java e Luanëve. Me sa duket një fat të tillë për Luanët, do e ketë parashikuar qysh prej fillimit të muajit Korrik dhe zonja Meri, por s’kemi pasur ngenë, t’ia vemë veshin kësaj zonje, që rrëfen se çfarë flisnin yjet dhe galaktika për Luanët.

Por për këtë javë, dielli lindi për Luanët, i plotë dhe shpresëdhënës. Luanët e Anglisë, mundën 2 me 1 Danimarkën dhe kaluan në Finalen e Europianit, të ëndëruar për dekada me rradhë. Ndërsa Luanët e Shqipërisë, mundëm 1 me 0, SPAKU-n që kërkonte medoemos shkarkimin nga detyra të Luan Dacit, duke vënë në ekzekutim një vendim gjykatë. Luani i Shqipërisë, kapi finalen juridike në Gjykatën e Lartë.

“Luanët e Shqipërisë”, pezulluan hetimin disiplinor për shkarkimin plotësisht nga detyra të Luan Dacit, anëtarit të Kolegjit të Posaçëm të Apelimit, duke i dhënë një goditje shumë të fortë sistemit gjyqësor, por njëherësh duke i lëshuar sfidën dhe karshillikun strukturës së posaçme SPAK. Këta nuk po pyesin as për vendime gjykatash, por me paaftësinë e tyre janë duke futur një precedent shumë të rrezikshëm, atë të mos ekzekutimit të vendimit gjyqësor.

Duke zhvlerësuar vendimet e gjykatave dhe mos ekzekutimin e vendimeve penale, pikërisht për këtë kastë “luanësh”, që shërbejnë në Vetting edhe pse tashmë janë të dënuar me vendim të formës së prerë nga Gjykata e Posaçme.

Them “Launët e Shqipërisë”, pasi këta anëtarët e trupave gjykuese të vettingut, janë kthyer me teorinë “…ligji jemi ne…”. Dhe nuk pyesin mbi sovranitetin e gjykatave të tjera dhe vendimet me formë të prerë, që meren nga këto gjykata dhe shembullin që duhet të japin për ekzekutimin e një vendimi penal.

Por përkundrazi në vend që të japin shembull dhe çojnë shoqërinë në progres, kryejnë manovra drejtimi juridik shumë të rrezikshme, që çojnë shoqërinë në regres. Them “Luanët e Shqipërisë”, pasi nga vendimi i gjyqtarit të vetëm në KPA, Ardian Hajdari, ky i fundit firmosi një letër bakalli në favor të kolegut të tij, Lunit të KPA, shtetasit Luan Daci.

Hajdari, haptasi në kundërshtim me ligjin ditën e djeshme urdhërojë të pezullojë procedimin disiplinor që kryesohej nga Natasha Mulaj dhe Ina Rama, për shkakrkimin nga detyra të Luan Dacit. Në fakt ky komision nuk kishte çfarë vendoste më për, Luan “Faqoren e Rakisë”.

LEXO EDHE:  Grafiku/ Numri i azilkërkuesve nga Shqipëria kap shifra rekord

Pasi fati i tij për të lënë detyrën e anëtarit të Komisionit të Posaçëm të Apelimit, është përcaktuar qysh prej datës 8 mars 2021, ku Gjykata e Posaçme kundër Korrupsionit dhe Krimit të Organizuar, e ka dënuar me 6 muaj burgim për “Falsifikim dokumentash”, por këtë dënim e ka konvertuar në 12 muaj në shërbim prove.

Gjatë kësaj kohe Luan Daci, mund të punojë si pastrues pranë zyrave të KPA-së, duke shlyer dënimin e dhënë nga gjykata e posaçme. Por jo të mbahet në punë dhe të paguhet me një superrroga, për shkak të një vendimi Hajdar, të marë nga kolegu i tij, Ardian Hajdari, i cili njësoj si Daci ka dosjen e hapur në prokurorinë e posaçme SPAK.

Daci, ky gjyqtar i shkarkuar për paftësi nga ish-presidenti i Republikës, Meidani dhe i dënuar në muajin Mars 2021 nga SPAK-u, do vijojë ti kushtojë shtrenjt Shqiptarëve, duke qëndruar në detyrë deri në zgjidhjen përfundimtare të çështjes penale kundër tij, nga një kolegj i Gjykatës së Lartë.

Tani të presim kur të mblidhet “çeta” në Gjykatën e Lartë, pa të vendosi për “Luanin e Shqipërisë”, të cilit sigurisht, nuk do i mungojë zyra, nuk do i mungojë shoferi dhe makina, por dhe të gjitha benefitet që ja jep luksi i “Vettingut”.

Postulati i famshëm “…Drejtësi e vonuar, është drejtësi e mohuar…”, është fiks për këta rast. Ku Luan Daci dhe Luanët e tjerë që e rrethojnë aty, po bëjnë çmos për të vonuar çdo ditë e më shumë, mosekzekutimin e vendimit penal që SPAK, ka kërkuar të ekzekutohet në mënyrë të menjëhershme. Drejtësia vihet në vend atëherë kur është ekzekutuar plotësisht vendimi i formës së prerë i gjykatës.

KPA, dhe më konkretisht kolegu i Luanit, Ardian Hajdari, sot është përballë dy veprave penale si ajo e “Shpërdorimit të detyrës” dhe “Pengimit të ekzekutimit të vendimit të gjykatës”. Ndaj kreu i SPAK, Arben Kraja, duhët të veri në ndjekje penale Hajdarin e KPA-së, për këtë vonesë të qëllimshme të ekzekutimit të vendimit të gjykatës./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Opinione

Nga Bledian Koka/ Mesazhet e reja të Ambasadores Yuri Kim!

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Shefja e diplomacisë amerikane ne Tiranë e mbajti frymën e parë pas kthimit nga SHBA në selinë e Partisë Demokratike nga ku dolen neëpah disa mesazhe te reja dhe interesante.

E para qe me beri pershtypje kishte te bente me saktesimin se “SHBA e respektojne sovranitetin e Shqiperise dhe jane ketu per te mbeshtetur Shqiperine ne rrugetimin e saj euro-atlantik”.

Kjo tregon se kritikat gjithnje e ne rritje te opinionit publik shqiptare ne raport me disa qendrime te Ambasades se SHBA-se ne Tirane, te cilat me shume se njehere jane pare si favorizuese per Qeverine dhe penalizuese per Opoziten, kane ngritur shqetesim ne Departamentin e Shtetit. Kjo mesa duket nga sot ndryshon.

E gjitha konfirmohet edhe me faktin se vetem pak ore pas kthimit nga SHBA, ambasadorja shkoi menjehere ne seline e PD-se ku heren e fundit qe shkoi u kujtoi demokrateve “barin” qe hahej ne komunizem. Per kete zonja Kim e terhoqi “barin” dhe solli ne vemendje faktin se SHBA ka patur nje marredhenie “speciale” me PD-ne qe ne fillimet e saj e deri me sot.

Kujtojme qe ne 22 vite te ketyre raporteve ‘speciale’, kryetar i PD-se ka qene “non-grata” Sali Berisha. Znj. Kim thote se SHBA-te do te jene aty per te festuar kur PD te vije ne pushtet ashtu sic bene ne vitin 1991. Kjo tregon se tashme ererat kane ndryshuar dhe PD duhet te behet gati te vije ne pushtet. Por si?



Ambasadorja kerkoi sot ne deren e PD-se nje parti te forte, te bashkuar dhe aktive ne kauzat opozitare, e cila nuk duhet te jete me nje kembe nga e shkuara. Qe Partia Demokratike te dali me e forte dhe me e bashkuar, ajo duhet te pajtohet me anetaresine e saj separi, e me pas me qytetaret shqiptare te cilet i ka braktisur ne 8 vjet.

LEXO EDHE:  Ish-presidenti i Komisionit Evropian: Nëse Shqipërisë nuk i hapen negociatat, do ketë pasoja negative për BE

LEXO EDHE:  Edhe luanët janë fansa futbolli

Lulzim Basha nuk e ben dot kete, sepse e pengojne pazaret dhe humbjet e akaparuara nder vite. Kete mund ta beje vetem nje proces i vertete reformimi dhe “Foltorja” eshte perpjekja me serioze per te cliruar partine nga mediokriteti dhe kapja. Per kete pajtohen pjesa me arsyeshme e PD-se ose me sakte 70% e saj bashke me 30%-shin qe veshtire se ka ndonje dyshim ne kete pike.

Lufta e premtuar kunder krimit dhe korrupsionit eshte mirepritur nga kushdo. Qofte dhe nga ata qe per 8 vjet kane mbyllur syte para tij apo kane derguar deri ne zyren ovale ministra rilindas nen akuze per trafik nderkombetar droge.E verteta eshte qe PD nuk mund te ece perpara duke e pasur nje kembe mbrapa, dhe ketu pajtohen te gjithe.

Njeriu-kembembrapa i Partise Demokratike sot padyshim eshte Lulzim Basha, i cili vetem para disa muajsh rregjistroi humbjen e katert radhazi dhe ne momentin qe Selia Blu do te clirohet nga kjo gjyle me zinxhir, e ardhmja e opozites do te jete me premtuese.

p.s…vetem keshtu ne shqiptaret dhe te gjithe anetaret e Partise Demokratike e jo vetem do te mund dhe do te ecin perpara./ CNA.al

LEXO TE PLOTE

Opinione

Nga Piro Ahmetaj/ Fundi pa lavdi i PD së kanakarit të Berishës

Publikuar

-

Nga

cna lajme politike

Nga Gjeneral Piro Ahmetaj

Në respekt të mijëra konsideratave për “kurajon dhe oponencën e fortë” ndaj qasjes diskretituese të Lulëzim Bashës mbas 25 Prill, po ndaj disa qëndrime shtesë:

Së pari, besoj që tashmë të jenë kthjelluar të gjitha dilemat: “ish-PD, ose edhe më qartë, kompania private e Lulëzim Bashës i ka (1) shitur, ja kanë (2) manipuluar/vjedhur si dhe i ka (3) humbur në mënyrë turpëruese edhe zgjedhjet e 25 Prillit 2021”!

Veçmas, ose të 3-ja së bashku nuk ka më asnjë pikë rëndësie. Ashtu si edhe retorika e të gjithëditurve, dufi i militantëve të dëshpëruar në rrjete sociale apo diskutimet e skuadrës humbëse, ose të punësuarve të rinj nga PD në Kuvend pas shtator 2021 (Basha, Bardhi, Rushi, Duma, Salianji, Gjokmarkaj, etj te (de) graduar si ofiqarë), do kenë ZERO interes për demokratët, deri në zgjedhjet e  2025 !

Fshati digjet, znj…, krihet thotë populli. Ja kështu mbasi e rimori pa turp karrigen, Kryetari, doroviti skuadrën e tij humbëse dhe sekserët zullumqarë me poste në forume (KK & Kryesi) vetëm për të forcuar murin e kamikazëve dhe si Ali komiku i Bagdadit vijon të mbajë ligjërata mbi: «fitoret madhështore që e presin PD nën udhëheqjen e tij në mos në 2025,  e sigurt në 2029”!

Së dyti, pamvarësisht kostumit perëndimor, artikulimit Euro-Atlantik  apo ballukeve bolshevike: “qasja delinkuente  e LB dhe gardës së ofiqareve reth tij”, e ka katandisur tashmë PD në një kompani të falimentuar.

Me fjalë të tjera, 13 Qershori, 18 Koriku dhe 30 Gushti 2021 do të inventarizohen në memorien e pluralizmit si funerale poshtëruese të vlerave dhe  besimit te PD!

Parë kështu, këto 3 data demonstrojnë jo vetëm papërgjegjshmërinë perverse të Kryetarit humbës, por edhe mungesën dëshpëruese të kurajos në partinë që ka lindur dhe ka për mision Lirinë!  Kështu, faqe e zezë kur personazhe me peshë publike, prisnin si “haleluja” renditjen në listën e Kryetarit mashtrues, dhe me zvarritje në të treja këto ngjarje për të hipotekuar fundin pa lavdi të PD së LB!

Ndërsa një gardë pagatorësh, ende zgërdhihen nëpër studio dhe kuvend duke brohoritur: “deri në vdekje me udhëheqësin e lavdishëm”, edhe pse nën drejtimin e tij në 8 vjet, PD s’ka  asnjë fitore të vetme.

Neveri për mediat e kapterëve, ngritur me parat e VEFAs dhe ushtrinë e punësuar me byrek në portalet e familjarëve që qelbën dynjanë me prapagandën: “edhe humbës i përsëritur edhe krenar, edhe trim i tërbuar edhe proAmerikan i madh  …”!

Keqardhje për 10-ra mijëra demokratë, që edhe mbas dëshpërimit për humbjen mëkatare, i marrin zvarrë në llogoret e betejave e radhës: “për mbrojtjen e nderit të Kryetarit humbës…”.

Së treti, për rethana shtesë e kam ndjekur i pasurprizuar dhe i pazhgënjyer “timërimin e vonuar” të Lulezim Bashës për ta përjashtuar (vrarë Babën) nga grupi parlamentar dhe pabesinë cinike për ta diskretitur ish-Kryetarin, Presidentin,  Kryeministrin, bashkë me të edhe historinë dhe vlerat e PD për 30 vjet!

Që kryetari pa këllqe, këtë vendimarrje nuk e ka bërë as për PD, as për Shqipërinë, as për SHBA dhe as per t’u hakmarrë në emër te armiqve të Berishës, por vetëm për interesat e tij private “këte e di edhe maçi” thonë nga jugu, dhe besoja ta dinë edhe të punësuarit e rinj në kuvend, që fluturojnë nga gëzimi që “janë thirrur nga Ambasada e SHBA-ve në Tiranë”! Çfarë mjerimi !

Nga ana tjetër, shpreh neverinë për qasjen e Bashistëve: “kush nuk është pro Kryetarit të Madh, është armik  i SHBA, i PD dhe i Kombit. Pra “Rrezikut Amerikan”, i një forme moderne, edhe më tinzare se E. Hoxhës.  Kujtohuni se për të rrimarë karrigen e Kryetarit në 13 Qershor, si skuth i stërvitur, u tha demokratëve: “kush nuk voton mua njeh zgjedhjet e vjedhura dhe voton armikun Rama” !

Po ashtu qasja se “ato që di unë dhe Berisha s’do i merrni vesh kurrë”, jane shfaqje të një qurramani të llastuar, pasi mbështetur në parimet bazë, Liderët e Partive (jo kompanive private) kanë detyim të infomojnë stukturat për “gjithshka që dinë”, ashtu siç edhe mbajnë pëgjegjësi për ato që bëjnë dhe nuk bëjnë” në interes të organizatës që drejtojnë !

LEXO EDHE:  Ekspertët zbulojnë se sa do të zgjasë lidhja e Princit Harry me Meghan Markle

LEXO EDHE:  Grafiku/ Numri i azilkërkuesve nga Shqipëria kap shifra rekord



Përsa që angazhohen me përgjegjësi publike, kjo qëndron për Bashën edhe për Berishën, për t’u thënë demokratëve dhe Shqiptarëve: “çfar nuk do marrin vesh kurre”?! Shqipëria nuk ka armë bërthamore dhe kujtohuni që mbasi bëri publike edhe emailed e Ambasadorit Donald Lu, “Basha është shpallur i pa besuar nga USA për sekrete”.

Po ashtu e gjykoj si povokim të rëndë ndryshimin tinzar të statusi si dhe shashkën cinike: “nuk e mbledh forumet për vendimarrjet e SHBA”, sikur Partinë ta ketë trashëgimi … ? Nëse vërtet ka dalldisur deri këtu, anëtarësia e PD duhet të kërkojë komision mjekësor se qënka shumë rëndë.

Së katërti, edhe “reagimi i vonuar” Berishës, mesa duket i frymëzon militantët, por nuk besoj të bind  demokratët dhe shqiptarët me arsye të shëndoshë.

Për shembull, që Basha ka qenë i emëruari dhe kanakari tij dora vetë, kjo është e “vërtet e çimentuar” në hapësirën mbarë shqiptare dhe atë ndërkombëtare ! Ashtu siç edhe është e “vërtetë e rrënjosur” tashmë që LB nuk e ka zgjedhur askush as në 2005, as 2011, as 2013, as 2017, as në 2021, por është emëruar me bekimin, mbështetjen dhe heshtjen dëshpëruese të Sali Berishës.

Nga ana tjetër, jo çdo e keqe vjen për të bërë dëm. Kështu përtej  personalizimit bajat (me Berishën apo me Bashën) uroj që ky realitet, i krijuar nga kjo rethanë, të ndezi dritat e shpresës për të zgjuar arsyet fisnike mbi domosdoshmërinë kritike për ta trasformuar, ri-dimensionuar si dhe rikthyer vlerat e të djathtes moderne në PD.

Së pesti, statusin “Non Grata” nga DASH, si çështje familjare, Berisha e ka adresuar në gjykatë, dhe deri sa ajo të shpehet “prezumohet pafajësia”! Ky mbetet një parim i përbotshëm në demokaci. Nëse njërzit do ndëshkoheshin me proçedura teknike dhe mbi fakte të pa provuara nga gjykata do ishte shuar gjysma e njerëzimit !

Si dëshmimtar teknik, ri-përsëris  vendosmërinë e mirënjohur dhe rolin thelbësor të ish-Kryeministrit Berisha në proçesin drejt/pas anëtarësimin në NATO. Kështu, risjell në kujtesë se në 2012 Shqipëria vlerësohet zyrtarisht: “një ndër 5 vendet model për përmbushjen për kontributet në NATO”!

Duke parë nga ky këndvështrim, pa bërë as prokurorin, as avokatin, as gjykatësin: “vendimin ndaj Berishës, nuk e gjej relevant me kohën, as të mirë balancuar, as racionale dhe as proporcionale me nevojën që ka Shqipëria për të rritur besimin te modelet e shtetit të së drejtës (SHBA/BE) si dhe për përmirësuar mekanizmat e demokracisë funsionale”!

Shpresoj që Bashistët të mos më shpallin në «grupin amiqësor anti-USA» = janë bërë për t’u mëshiruar.

Thënë këtë, lëvizja “Foltore” do të dështonte pa lindur ende, nëse do e bashkonte çështjen e familjes Berisha, domosdoshmërinë JETIKE dhe   përgjegjshmërinë e “babait” për të ndërmarrë një operacion shpëtimi për PD.

Duam apo nuk duam, është fakt se të gjitha opisionet e tjera (anti Bashë) kanë dështuar me sukses të plotë në këto 8 vite. Pra e besojmë apo jo, Berisha, ka kapacitetin për ta shkundur nga themelet kështjellën e pushtuar nga një sekt humbësish.

Së fundmi, thënë sa më lartë,  refuzoj me përbuzje të përfshihem më tej në debatin banal : “Dr.Berisha apo L.B”, edhe pse kurrë, për asnjë asye, për asnjë referencë dhe rethanë, nuk ka fare vend për krahasime !

Për më tepër, e përsëris se jo personalizimi dhe ndarja në llogore, por ngritja, e një Bordi Tranzitor Mirëbesimi (BTM) mbetet domosdoshëri për nisur një proçes të shëndetshëm transformimi, me qëllim rikthimin e PD-së në shinat e së djathtës moderne si dhe të besimit te demokracia funksionale si SHBA dhe gjithë Europa.

Ndaj, duke ju falënderuar për mijëra mesazhet inkurajuese, dua ta përsëris fort se jam i përkushtuar për të kontribuar me përgjegjshmëri shtesë në mbrojtjen dhe promovimin e interesave kombëtare si dhe forcimin e partneritetit strategjik me SHBA, NATO-n, etj.

LEXO TE PLOTE

Opinione

Shënim/Yuri Kim si kryetare e PD-së

Publikuar

-

Nga

Ambasadorja e SHBA–ve në Tiranë, ndoshta do të duhet shumë shpejt të marrë një rol mjaft të rëndësishëm, kjo jo thjesht si ironiduhet të jetë kryetarja reale e PD-së.

Sot në një dalje të saj nga godina, ku ka ngelur i vetmuar Lulzim Basha,  i braktisur nga të gjithë, nga shumica e anëtarësisë që e pranon vetë, nga shumica e kryesisë, e grupit parlamentar, zonja ambasadore ka theksuar se pret që të ecë para me PD. Shpreson që PD të fitojë në zgjedhje, shpreson që PD të jetë pjesë e reformës territoriale, por të jetë e bashkuar.

Pra, zonja ambasadore e di shumë mirë që, PD sot është e përçarë.

Askush nuk e mbështet Lulzim Bashën.

Por askush nuk diskuton vendimin e dhënë nga SHBA. Pra, vendimin e dhënë nga SHBA, për Sali Berishën, nuk ka të drejtë ta diskutojë njeri, sepse është vendimi i SHBA.

Por ajo që demokratët kanë problem dhe janë të ndarë, jo përgjysmë, por shumica absolute e tyre, mbi 8o deri në 90 %  janë kundër Lulzim Bashës, sepse është  njeriu, i cili ndodhet në krye të Partisë Demokratike, dhe në tetë vite nuk ka pyetur për statut, për parti. Por e ka përdorur atë logo për pazare dhe interesa personale për të përfituar miliona nga pazaret me qeverinë e Ramës, e deri te pika për të shpëtuar lëkurën në marrëveshje me SHBA-të. Dhe sot jemi përballë faktit kur e gjithë Partia Demokratike, e gjithë struktura nga poshtë lart është kundër kryetarit.

Ka vetëm disa personazhe, disa eunukë apo kurtizane që për një vizë në ambasadë çfarë nuk po bëjnë.

Por Lulzim Bashën nuk po e beson më askush. Edhe thirrjet që bën ambasadorja tek dera nuk kanë asnjë vlerë. Luli është totalisht i marrë fund, jo sepse hoqi Sali Berishën, por sepse ditë pas dite shkatërroi gjithçka që mund të ndërtonte.

Është njeriu, i cili kishte në dorë të ngrihej si një lider, por ka një marrëdhënie mjeshtërore me mashtrimin, me gënjeshtrën me të pav ërtetën dhe është shkatërruesi më i mirë i vetes së vet. Sa gënjeshtar dhe i pavendosur është e di vetë zonja ambasadore.

Nuk ka nevojë ta sulmojë, ta akuzojë apo ta godasë kush në politikë, Luli është shkatërrimtari i vetes së tij. Është njeriu që në tetë vite vetëm ka humbur.

Dhe sot ambasadorja na tha që shpreson që të fitojë në zgjedhje dhe të ngrihet sërish. Partia Demokratike është e ndarë, është e përçarë, nga kryetari në bazë. Pra elektorati i partisë është shkëputur nga kryetari, edhe një herë jo vetëm sepse hoqi Sali Berishën, por sepse ka kryer akte korrupsioni, pabesie, imoraliteti politik.

LEXO EDHE:  Edhe luanët janë fansa futbolli

LEXO EDHE:  Tetë qarqe përfundojnë numërimin e votave/ Si 'ngjyroset' harta e Shqipërisë



Prandaj dhe thirrjet e ambasadores nuk vlejnë. Ka vetëm një mënyrë për të besuar, që PD mund të fitojë nëse nuk ikën Lulzim Basha.

Yuri Kim të bëhet kryetare e Partisë Demokratike. Vetëm kjo do të ishte mënyra që demokratët të besonin se PD do të vinte në pushtet.

Me Lulzim Bashën, në krye të kësaj partie, kjo nuk ka për të ndodhur edhe sikur Rama ti falë nja 20 bashki, Luli nuk i fiton dot. Kjo sepse ndarja e sotme, nuk mund të vijë si ngjitje nesër.

Buka e thyer nuk ngjitet, thotë populli shqiptar. Le pastaj kur shoqërohet me një lugë çorbë të prishur gatuar nga korrupsioni dhe paaftësia e Bashës.

 

Këtë mesazh duhet të kuptojë ambasadorja. Në PD është thyer buka dhe ky është problem thelbësor. Basha me Berishën nga pas morri maksimujmi 630 mijë vota pas 8 vitesh opozite, ndersa Berisha ja la me 700 mijë, vetëm humbi nuk fitoi kurrë asnjë votë më shumë. 

Prandaj ka një zgjidhje. Përtej humorit, mund të lini detyrën e diplomates, të merrni garancitë e SHBA dhe të garoni përballë Edi Ramës.

Kështu dikush nga demokratët mund të ketë besim se logoja e PD mund të vijë në pushtet. Se me Lulzim Bashën dhe me Grida Dumën nga pas, me Salianjin, me Enkelejd Alibeajn, apo me disa të tjerë aty nga pas, Partia Demokratike e sheh pushtetin kur Dash Sula dhe Salianji të bëhen me kaçurrela si Sabiani.

Këta kanë mundësi me financat e kunatit të Lulit, por Luli vetë fitore nuk mund të ketë kurrë. Thjesht sepse tani se beson më askush. As ata që ka përkohësisht nga pas./ CNA.al

LEXO TE PLOTE