Connect with Us

Fiks Fare/ I dënuar tre herë nga gjykata, por mban postin e drejtorit në bashki

Denoncim

Fiks Fare/ I dënuar tre herë nga gjykata, por mban postin e drejtorit në bashki

Publikuar

-

Fiks Fare/ I dënuar tre herë nga gjykata, por mban postin e drejtorit në bashki

Drejtori i shërbimeve publike në bashkinë Kukës, Xhevdet Sopaj, i dënuar tre herë nga gjykata për vepra të ndryshme penale, mban postin e funksionarit publik në kundërshtim me ligjin.

Në vitin 2017 atij i është hequr mandati i këshilltarit me vendim të KQZ-së.

Më konkretisht, sipas vendimit të Komisionit Qendror të Zgjedhjeve, dhe gjetjeve të prokurorisë rezulton se Xhevdet Sopaj është dënuar në vitin 1998, me vendim të formës së prerë, me dy muaj burg për veprën penale ” Lidhje pa leje në rrjetin e ujësjellësit”.

Në vitin 2012, Xhevdet Sopaj dënohet sërish, me 4 muaj burg, dënim i pezulluar dhe konvertuar në 18 muaj detyrim paraqitje, kësaj radhe për veprën penale ” Armëmbajtje pa leje”.

Sipas prokurorisë, dënimin me dy muaj burg, për ” Lidhje pa leje në rrjetin e ujësjellësit” nuk e ka deklaruar në formularin e dekriminalizimit.

Ndër të tjera arsyeja e heqjes së mandatit të këshilltarit është edhe ligji nr 138/2015 “Për garantimin e Integritetit të personave që zgjidhen, emërohen dhe ushtrojnë funksione publike. Neni 2, pika 1 germa a, e ligjit thuhet. Ndalohen të zgjidhen, emërohen apo të ushtrojnë një funksion publik personat që kryejnë një krim të parashikuar nga neni 278, parashikohen edhe paragrafet ndër të tjera 5/mbajtjen e armëve dhe minave. Duke përcaktuar qartë veprat penale që privojnë individë të caktuar të zgjidhen apo emërohen në poste publike.

Por post publik, është edhe pozicioni i drejtorit të shërbimeve publike pranë bashkisë Kukës, post që mban aktualisht.

Fiks Fare pas marrjes së këtij informacioni kontaktoi fillimisht me kryetarin e Bashkisë Kukës, Safet Gjicin. Ky i fundit nuk pranoi të japë një intervistë, por i drejtoi gazetarët për tek drejtori i personelit dhe zyra juridike e bashkisë, duke pretenduar që ata s’kanë nevojë për miratimin apo lejen e tij për të dhënë sqarime lidhur me rastin. Ai vet theksoi që nuk mund të shprehej, pasi kjo ishte një çështje tërësisht juridike.

LEXO EDHE:  Denoncimi nga Fiks Fare/ Blendi Klosi akuza Prokurorisë

Pas takimit me kryetarin, gazetarët i drejtohen sërish bashkisë ku kërkojnë personat përgjegjës për t’u informuar për rastin në fjalë. Sipas nën kryetarit të bashkisë, asnjëri prej tyre nuk ndodhej në punë dhe nëse Fiksi do informacion për rastin atëherë duhet t’i drejtohet bashkisë me një shkresë dhe informacioni do të vihet menjëherë në dizpozicion.

Ai thotë se emërimi i drejtorit është bërë në bazë të ligjit dhe se do vënë në dispozicion menjëherë të gjithë dosjen. Por pavarësisht kësaj, kanë kaluar 6 ditë që nga bërja e kërkesës, por në adresë të Fiksit nuk ka ardhur asnjë përgjigje.

Më një shkresë zyrtarë, Fiksi ju drejtua edhe prokurorisë së rrethit Kukës, nëse kjo e fundit kishte hetuar dhe dërguar në gjykatë çështjen e z. Xhevdet Sopaj, për deklarim të rremë në formularin e dekriminalizimit.

Në përgjigjen e tyre,Prokuroria e Kukësit ndër të tjera theksojnë; “Më datë 06.06.2017 procedimi penal është dërguar për gjykim në Gjykatën e Rrethit Gjyqësor Kukës e cila me vendimin e saj Nr.220 datë 13.07.2017 ka deklaruar fajtor subjektin Xhevdet Sopaj për veprën penale të parashikuar nga neni 190 të Kodit Penal..”

Pra, në kurriz të subjektit Xhevdet Sopaj, drejtor i Shërbimeve Publike pranë Bashkisë Kukës, rëndojnë tre vepra penale, për të cilat është shpallur fajtor dhe dënuar nga gjykata./tch

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Denoncim

“S’kam ça i bëj këtij, se ty të rrjepi…”/ Merr leje për HEC, por italiani e përzë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Emisioni “Stop” tregon sot se mosfunksionimi i institucioneve shtetërore është bërë shkak për falimentimin e një biznesi në fushën hidrike. Rasti në fjalë ka të bëjë me një leje ndërtimi për një HEC në fshatin Fshat të Kukësit, dhënë nga MIE.

Por në territorin e kësaj leje një firmë tjetër me pronar italian, që operon në të njëjtën fushë ka ndërtuar pa leje, duke u bërë pengesë për zbatimin e projektit të miratuar nga institucionet.

“Administrator është një italian, por ka përfaqësues të tjerë në Shqipëri. I kam vënë në dijeni të gjitha organet kompetente si Bashkinë Kukës, policinë, ministrinë, IKMT dhe nuk kam marrë asnjë përgjigje. Për një ndërtim pa leje i kanë marrë fëmijët, i kanë nxjerrë jashtë dhe i kanë prishur. Kur unë një ndërtim e kam me leje të firmosur nga kryeministri i Shqipërisë, nga ministrat, nga organet e tjera kompetente, unë nuk kam asnjë mbështetje nga shteti”, tha denoncuesi Bashkim Gjoka.

Ndërtimi pa leje nuk prishet edhe pse ka ankesa zyrtare për këtë. Italiani ka punësuar një kompani private sigurimi, që i ndalon punonjësve të firmës së rregullt të kalojnë për të shkuar në HEC-in me leje.

“Kam pasur përplasje atje dhe policia më është shprehur me thonë që e ka zënë përpara ky personi. Thashë unë jam me certifikatë pronësie, me leje, me të gjitha. Jo, por është italian ky personi. Çfarë do të thotë kjo? Një italian mund të ndërtojë pa leje dhe një shqiptar me certifikata nuk ndërton? Është e haitshme komplet. Më kanë shoqëruar punëtorët, m’i kanë çuar në polici”, tha denoncuesi.

Ky konflikt ka 3 vjet, që vazhdon dhe Policia e Kukësit nuk bën asgjë, megjithëse ka qenë 10 herë në fshat për këtë problem.

Roja 2: Mos e kalo këtë!

Topografi: Ore dakord, hajde një sekondë, që mos ta kaloj! Flasim, të pyes për diçka!

Roja 2: Kush je ti?

Topografi: Topograf jam, dua të mas diçka këtu poshtë!

Roja 2: Çfarë me mat ti, s’ka, duhet me ardhur me një shkresë, me nji dokument nga…

Topografi: Nga duhet ta marr dokumentin?

Roja 2: Duhet ta marrësh prej Lapajve, prej firmës atje poshtë, përndryshe s’e merr.

Topografi: Po në dokumente e shoh, që e ka ky, prandaj po të pyes edhe e marr nga ky atë.

Roja 2: A ky më paguan mua, ti, a kush?

Topografi: Unë nuk e di, kush të paguan ty, po…

Roja 2: Zotëri, që këtej e ruaj unë këtë vend, ti guxo e hyn..!

Roja 2: O shoku!

Topografi: Po!

Roja 2: Nga je ti?

Topografi: Tirana!

Roja 2: Po çar, a ty duhet me të dhënë llogari?!

Topografi: Po pse mos të më japësh? Dua të bëj matjet!

Roja 2: Po shko o pirdhu me gjithë matjet, rrotë!

Roja 3: Nuk vjen dot me hy, me bo matjet ti qishtu, se të teket ty qishtu, civil or ti, shko merr ato të tjerat e hajde hyn. Kush je ti, që dashke me hy qishtu, or ti?

Topografi: Ore zotëri, përfaqësoj këtë unë.

LEXO EDHE:  Skandali i Fiks Fare/ Emërime politike në Zjarrfikësen e Beratit

LEXO EDHE:  30 Qershori/ Ja rezultatet përfundimtare në 30 bashki

Roja 3: Po jooo ore, ik andej!

Roja 2: Ec o shoku, s’kam ça i bëj këtij, se ty të rrjepi!



Bashkim Gjoka: S’kam pse dal nga prona ime.

Polici: Po s’e njof unë atë.

Bashkim Gjoka: Si s’e njef ti me pronën time, s’e njef pronën time?

Polici: Unë e njof si dokument.

Bashkim Gjoka: Ja prona ime, kjo është leje e ndërtimit.

Polici: Unë e njoh si dokument, po unë nuk e di, ku është zona kadastrale 1614.

Bashkim Gjoka: Po si ia din atij ti zotëri?

Polici: S’më intereson, kush me ia dit.

(Debate me policin)

Shefi i Krimeve: Kemi telefonatë, që keni probleme. Të dy palët në komisariat! Hajd’ dokumentat, me mu në komisariat!

Bashkim Gjoka: Si të vij në komisariat unë me pronën time? Pse s’merr në komisariat atë, që s’e ka pronën e vet?

Shefi i Krimeve: Edhe atë do të vijnë, edhe ata do të vijnë në komisariat.

Bashkim Gjoka: Po unë kam ngel mbi 7 herë, kam ardhë në komisariat tu kërku pronën time. Unë kam paraqit një leje, unë kam certifikatë pronësie, kam një leje ndërtimi të firmosur nga kryeministri, që kam afat kohor tashi vi janë forcat nuk të lënë, me hy brenda.

Inspektori i policisë pranon, se italiani është në shkelje, por ai nuk ka fuqi të veprojë.

Shefi i krimeve: Tash o Ilir, i kemi mësuar përmendësh këtë pjesë, ta kemi shpjeguar edhe ty, që nuk jemi ne organ kompetent, që të themi kjo truall është e jotja dhe kjo tokë është e imja. Nuk merret policia me porta, o burrë i dheut.

Ilir Gjoka: Po pse, mo burrë?

Shefi i krimeve: Po jo mo miku im, se nuk jam inxhinier.

Topografi: Po mirë, IKMT-ja s’të ka sjellë ty përshëmbull, se unë pashë një letër aty, që ka vendim prishjeje, që i drejtohet IKMT-së, në shkurt më duket.

Shefi i krimeve: Po në mars fare, në 23.6

Topografi: Nuk të ka ardhur ty?

Shefi i krimeve: Jo pra, atë i kemi kërkuar, i kemi drejtuar 20 herë shkresë IKMT-së, ajo IKMT na sjell të gjithë kshu.

Topografi: Se është institucion shtetëror, që e ka dhënë institucion shtetëror që e zbaton, se kush e mbron ktë? Shteti e mbron. Ia ka dhënë shteti, shteti ka instancat e veta, që e mbron nga policia e me radhë.

Shefi i krimeve: I kemi bërë kërkesë IKMT-së, të gjitha, a keni nxjerrë ndonjë vendim për prishje?

Topografi: Është vendimi për prishje.

Shefi i krimeve: Po pra, pse s’e zbatojnë?

Topografi: Ka ardhur këtu mo, po erdhi dhe dje tjetra.

Ilir Gjoka: Ka ardhur tjetër vendim prishjeje.

Shefi i krimeve: Ore ne po nxitoshim, si e si këtë konflikt, një sekondë e më përpara, më ngelën policët atje mo vëlla, ne s’po ndjekim hashashin, që ka filluar rrugëve tani, po ngelëm duke u marrë me të dhe kur më vjen telefonatë, që janë duke.., ngelëm më këta mo burrë, ngelëm me këta gjithë natën. Parashikova shërbimet, ngelëm me këta mo burrë. Pse? Se nuk japin zgjidhje institucionet./tvklan.al

LEXO TE PLOTE

Denoncim

“Të duket vetja superiore”, dhuna barbare e partnerit bën gruan për spital

Publikuar

-

Nga

cna, lajme, denoncim

Ditët e fundit kemi dëgjuar shumë raste të dhunës në familje. Viktima të dhunës janë gratë dhe nënat e fëmijëve. Vetëm në 9 muajt e fundit janë vrarë 16 gra nga bashkëshortët e familjarët.

Historia, që emisioni “Stop” solli sot, është ajo e një zonje, e cila prej 1 viti e gjysmë dhunohet nga ish-bashkëjetuesi i saj. Gruaja ka një djalë 15 vjeç dhe një tjetër 3 vjeç, të ardhur në jetë nga marrëdhënia me agresorin Ervin Hysolli.

“Ka ushtruar dhunë sistematike tek unë, dhunë kafshërore. Arsyet kanë qenë të kota. Të shumtat e rasteve kanë qenë lekët. Zotëria, herë punonte dhe herë jo. Shtëpia mbahej nga lekët e mia. Filloi të ushtrojë dhunë nga unë “të duket vetja superiore”. Fëmijët, djalin me të cilin e kam bashkëjetuesin është 3 vjeç e gjysmë dhe djali im i madh është 15 vjeç.

Dhuna ndodhte në sy të fëmijëve. Kohët e fundit nuk e dërgoja djalin në shkollë sepse ishte i papunë, mbaja djalin në shtëpi nga frika që kisha sepse për gjënë më të kotë, nëse flisja thoshte që provokon dhe më godiste. Nëse nuk flisje, thoshte më injoron dhe përsëri më godiste”, tha gruaja.

Përplasjet nisën për arsye financiare, pasi Hysolli nuk kishte punë dhe para. Një nga herët, dhuna u bë e padurueshme dhe zonja përfundoi në spital e më pas në komisariatin numër 3, ku bëri denoncim.

“Kërkonte lekë nga unë, nuk ia jepja. Herën e fundit që degradoi është kacafytur me djalin e madh. Kur djali mëpa përtokë të gjakosur, iu vërsul dhe i tha mos e prek më nënën time. Filluan të kacafyteshin dhe kjo ishte arsyeja pse kam shkuar në spital. Kur kam parë policin e ndjeva që nëse nuk e denoncoja atëherë jeta ime radhës tjetër do kishte marrë fund”, tha viktima e dhunës.

LEXO EDHE:  Skandali i Fiks Fare/ Emërime politike në Zjarrfikësen e Beratit

LEXO EDHE:  Denoncimi nga Fiks Fare/ Blendi Klosi akuza Prokurorisë



Gjithçka ndodhte në sy të fëmijëve dhe i madhi e regjistroi me telefon gjithë aktin shtazarak të rrahjes barbare të së ëmës.

“Unë sa po vija nga shkolla dhe po dëgjoja se po ziheshin me fjalë. Hyj në dhomë dhe shkoj tek kompjuteri. Dëgjoj zhurma goditjeje. Marr telefonin, shkoj e regjistroj. E shikoja që po dhunohej. Vëllai i vogël po qante dhe e regjistrova. Ai bënte zënka të përditshme. Për gjëra të vogla fare. Për shembull pse ra vëllai”, tregon i mituri.

Çfarë ndodhi pas denoncimit? A iu dha mbrojtje zonjës?

“Kam qëndruar katër orë tek ushtaraku. Policia ka shkuar dhe e ka marrë në shtëpi, kanë vajtur në komisariat numër 3. Kam treguar edhe videot e dhunës që ka ushtruar. Policia e ka thirrur, e ka mbajtur dy orë dhe e ka liruar”, tregoi e dhunuara.

Gjykata është mjaftuar vetëm me një urdhër mbrojtjeje.

“Kam urdhër mbrojtjeje vetëm për një vit. Personi është i lirë dhe kur jemi ballafaquar në gjykata, ka buzëqeshur në mënyrë kërcënuese dhe ironike që “ti nuk më bën dot asgjë mua””, tha e dhunuara./ tvklan

LEXO TE PLOTE

Denoncim

Fiks Fare/ Fadromat gërryejnë lumin Shkumbin, shteti mbush sirtarët me shkresa!

Publikuar

-

Nga

“Fiks Fare” i është rikthyer edhe një herë shfrytëzimit të lumenjve pa kriter. I tillë është dhe lumi Shkumbin i cili gërryhet në mënyrë të paligjshme nga fadroma dhe kamionë, që punojnë natë e ditë pa pushim. Këto mjete i përkasin firmës ‘Benardo’.

Për të kuptuar nëse kjo firmë ka leje shfrytëzuese gazetarët e Fiksit telefonojnë pronarin e firmës , të cilin në telefon ua kalon një shofer kamioni.Pronari urdhëron gazetarët e Fiksit të mos shkojnë buzë lumit Shkumbin atje ku ndodhen edhe mjetet duke punuar. Sipas tij lumi Shkumbin është pronë private dhe media nuk është askush.Duke ofenduar madje të gjithë grupin e xhirimit thotë të vijnë institucionet shtetërore të merren me këtë punë. Madje shoferi i kamionit kërkon t’i rrëmbejë kamerën operatorit të Fiksit për të fshirë xhirimet dhe për mos t’i lejuar të xhirojnë edhe më shumë masakrën që po bën kjo firmë në lumin Shkumbin. Pas njoftimit të gazetarëve në vendngjarje mbërrijnë edhe policia dhe IKMT . Sipas inspektorëve të IKMT kjo firmë ka leje rehabilitimi të fituar me vendim gjykate. Ndërsa inspektimin e kryen vetëm Agjencia e Baseneve Ujore.

LEXO EDHE:  “30 qershori antikushtetues”/ PD bën lëvizjen e radhës

LEXO EDHE:  30 Qershori/ Ja rezultatet përfundimtare në 30 bashki



Gazetarët e Fiksit shkojnë tek kjo agjenci për të pyetur. Drejtuesi i Agjencisë së Baseneve Ujore sqaron se firma ‘Benardo’ ka marrë leje rehabilitimi në vitin 2017. Në vitin 2019 lejet e rehabilitimit u hoqën për çdo firmë përfshirë edhe firmën ‘Benardo’. Ndërkohë me anë të një vendimi të Gjykatës të Shkallës së Parë Elbasan, kjo firmë i është rikthyer punës pavarësisht se çështja është në Apel. Drejtuesi i institucionit shtetëror nuk di të jap një shpjegim nëse firma në fjalë duhet të punoj apo jo! Gjithashtu drejtuesi i Agjencisë së Baseneve Ujore tregon për Fiksin se nga inspektimet e kryera në muajin korrik 2021 firma ‘Benardo’ rezulton që bën gërryerje të jashtëligjshme.Këtë relacion drejtuesi e ka nisur në IKMT dhe polici si dhe instancave të tjera vepruese, pasi Agjencia e Baseneve Ujore bën vetëm konstatime. Pavarësisht se kjo shkresë ka shkuar në IKMT e Përgjithshme, në IKMT Elbasan, e cila kryen verifikime në terren, nuk ka mbërritur akoma! Pra firma ‘Benardo’ me anë të fadromave vazhdon të gërryejë lumin Shkumbin,ndërsa institucionet me anë të shkresave mbushin pafund sirtarët e tyre!/Tch

LEXO TE PLOTE